咖啡煮意 (已搬遷) 新店位置

紅磡好多嘢食，但係我每次去到紅磡，如果有時間大概12點左右可以去排隊嘅話，我就會嚟呢間餐廳，因為牛肉漢堡唔係成日都有，好快賣晒。所以我每次都會早啲嚟食。我好鍾意佢嘅肉汁鮮嫩，而且價錢只係$80左右，如果出邊食一個咁樣嘅漢堡包，午市$150都唔過分。晚市嘅話要$200~$300嘅質素。三文魚意粉最特別嘅地方就係佢嗰一條三文魚煎得又香又好食，仲要超級厚。性價比極高。而且意粉用橄欖油煮過，食落口唔單止有三文魚油香，整體來講係好值得一試嘅午市食物。咖啡方面我加咗$10 ，唔單止打卡好靚，飲落口都好正。建議大家午市想食好啲嘅話就可以嚟呢度，不過記得早啲嚟排隊。

擴充在同一紅磡廣場的地下開多一間。比原先同層同名的第一間舖的地方大咗，坐得亦舒服些，鋪位較近工商業大廈林立的鶴園街出口。食物質素沒有因多了分店而有差別，煑意粉的軟硬度及調味都仍相當到位。香煎三文魚意粉，白汁意粉內有很多香蔥頭，令味覺提升。大大件的三文魚扒，8成熟，煎到外少少焦脆，內多汁軟滑。紅酒燉牛肋肉意粉，大堆頭的牛肋肉，燉得又淋又軟，意粉應加入了蕃茄煑成，好好味。奶茶唔再是用茶包上，比以往濃了茶味。

味道可以，份量一定足夠有多，比較清同新鮮，唔會話好濃味。因為中午食飯時間，所以會不停吹你走，感覺上就唔係咁好，價錢唔平，單純係食佢嘅味道，唔會諗住會有好嘅服務。只可以話因為想做多啲生意，所以係咁吹你埋單同係咁收你啲野。有朋友仲叉緊啲配料食，突然收左碗野，都幾無奈下。佢啲味道其實就好老實講，比得呢個價錢，我諗其他cafe都可以整到呢個質素。只可以講。。。我唔係好享受係到食野。一黎好多野都冇曬，二黎冇乜特別，令到你一定要再食！加上服務可以話係零分可言。