咖啡灣 (粉嶺中心) (已結業)

我點了蝦意粉，咖哩豬扒飯，果茶及薄可朱古力，全部都很好吃😋，在粉嶺區有水準的餐廳不多，值得推介給大家去試試，唯一的缺點是等的時間太久，好彩前面取2人票的都不在，所以等了半小時便能入座。 建議增加手機取票功能，減少在現場排候時間。

粉嶺咖啡灣開左一段時間，每次行過都好多人排隊。難得假日，就早少少去排隊一試。星期六下午，一點半到，等了半小時左右。店員親切有禮，會派餐牌給客人先看看，快有位時亦會落左單先。平時絕少等位的我都覺得可以接受。軟殻蟹黑松露意粉 8/10由於已預先落單，上菜時間不算慢。意粉賣相不錯，原隻軟殻蟹上碟十分吸引，加上黑松露醬好香，值得一試。美中不足係意粉稍微有點乾，如果濕身些少就完美紫薯窩夫 6/10甜品安排了後上，食完意粉等左差不多20分鐘才有。賣相方面不過不失，味道一般，窩夫稍嫌有點硬。。。如果有時間/不用等位的話，還是會再來吃意粉。

開業至今每次行過都大排長龍, 下晝3點行過見少人排就同媽媽去食下午茶, D位好逼, 同一對十幾歲既男女搭台, 另一邊坐左4個男人, 講野好大聲, 嘈到完全講野都唔多聽到, 食食下男女鬧交, 少女係度搶男既電話又邊喊邊哭訴, 我地坐得甘埋, 氣氛怪到1個點。呢間cafe氣氛其實似茶記多d...講返食物質素, 媽媽點左三文魚沙律, 我叫左waffle, 賣相味道都好一般。食食下媽媽以為食到石仔, 點知拎出黎係玻璃碎, 好在無介捐個口, 應該係打爛左玻璃杯跌左落d野食度, 但真係好恐怖, 之後同店員講, 佢地同我地講唔好意思, 主動全單85折了事。老實講佢個沙律有玻璃根本就唔食得, 仲敢收錢, 我覺得你要收, 我亦唔會為左區區幾十蚊同你嘈, 甘既環境我都想拿拿林就走, 以後唔黎算, 唔需要教精你點危機處理。大家係個度食野都要小心食, 玻璃碎食落口可大可小。

排隊食意粉❤️粉嶺咖啡灣，開張一個月左右，日日都咁多人排隊，雖然本身大埔分店都好多人排隊，食過咖啡灣都知都幾有品質保證，今日得閑就來排下隊～等左20分鐘，都算快既一次👍🏻值得一讚，咁多人等位，服務員都好有耐性好有禮貌！講返食物先～必食意粉！黑松露蜆肉意粉，份量唔算多，意粉爽口，黑松露味道很濃郁，蘑菇有咬口，味道很好！茄汁大蝦意粉，茄汁加上番茄肉，大蝦非常彈牙爽口，非常開胃，都好好味！和牛漢堡扒咖喱飯，漢堡扒都幾香口，咖喱汁唔會辣，都算唔錯～飲品賣相靚～非常吸睛！不過味道我就唔算好like，值得一讚係水果茶，好多鮮果，味道都不錯，幾清爽唔會太甜！食物質素真係幾有保證，難怪永遠都咁多人排隊！❤️

今天十一點半左右想早些食午餐，去到咖啡灣，原來12點正才開始營業，逛了一會再過去，十二時正已經很多人。 這間食店在粉嶺中心商場大堂，我們二人吃飯，被安排坐在餐廳外圍，根本就是坐在商場通道上吃午餐，而且座位非常擠迫，旁邊和後面的鄰桌 距離不足一尺。食物和餐具尚算精緻，點了黑松露蘑菇汁的龍利魚柳，味道濃郁。餐湯是週打蜆湯，中規中矩。飯後點了甜品，黑魔王曲奇雪糕窩夫，二人分吃份量剛剛好，賣相精美，窩夫蛋味濃郁，可惜不夠脆。如果這間餐廳不是開在商場通道上，就十全十美了。

見新開張嚟試下 人流都幾好 而舖面唔太大 一行5人 坐卡位 因為冇5人位 主要2/4人為主 入到去坐 睇下menu啲餐 最後嗌咗2個餐1份甜品頭盆凱薩沙拉 芝士味好重 不過略嚴麵包糠唔夠脆卡邦尼蛋汁意粉 一款較常見嘅意粉 味道唔錯 好香 忌廉味好出好香黑松露意粉泡沬咖啡熱泡沫咖啡 拉花拉咗隻天鵝出嚟 好靚 而咖啡好飲 焦糖燉蛋咖啡 相比泡沫咖啡 味道偏甜 咖啡味略嚴不足最後甜品 曲奇窩夫 賣相相當吸引 窩夫好味 唔會單單係脆 而有外脆內軟 仲有香濃蛋味 而上面有兩個雪糕球 一個曲奇一個呍呢嗱而每一間窩夫麵有一粒mini Oreo少少嘅cream同棉花糖粒 雖然有少少漏 不過勝在有窩夫嘅蛋味 令漏嘅感覺減少總括值得一試

炸雞全部都係粉 。炸野完全唔得！冇下次😂 係個窩夫叫好啲.雞翼叫可以接受。意粉一般般。隻軟殼蟹又係炸到唔知點咁。 等位需時。可能開耐左會有改善 如果唔洗排隊就可以接受。

自從粉嶺幾個商場返新後，多了不少食肆，居民不再只有快餐可以選擇🙌。但我非常驚訝一直收藏已久的”咖啡灣”，居然進駐粉嶺!!😍~所以在它開業的首星期就立馬去試一試。星期六的午餐時間前來，已經預計要排隊一段時間，結果排了差唔多一個小時…😑舖位較小，所以設計為開放式；由於多人等候，顧客都習慣性站在門前等待，此舉讓門口座位的食客感無奈，幸好職員不時會指示等候的人到對面仍在裝修的舖面等，但如果這個舖位開張之後怎麼辦呢?咖啡灣要認真想辦法。咖啡灣最出名的是軟殼蟹意粉，這次點了一個軟殼蟹黑松露忌廉義大利麵($82)和一個櫻花蝦明太子煙肉義大利麵($68)櫻花蝦明太子煙肉義大利麵($68)由於之前在別家CAFÉ食過櫻花蝦明太子忌廉意粉後，就深深愛上這個配搭，所以對咖啡灣的明太子意粉抱有相同的期望。🤗木魚片很生動，伴隨櫻花蝦香，令人食指大動😀；嗅覺視覺享受完就到味覺，攪拌後，會發現汁料較稠，增加意粉的掛汁力。老實說，我是有點失望，味道不如我想像的好吃，這款蒜味太濃，濃得把櫻花蝦的味嗆了；而且調味過重，太鹹了；意粉質地可以接受，有點彈牙，但並非al dente。☹️軟殼蟹黑松露忌廉義大利麵($82)這款是咖啡

粉中開咗間新cafe,今晚諗住試下。大約晚上九點去到，以為咁夜無乜人等，點知仲有好多人，等咗半小時先有位，餓死叫咗杯櫻花藍碟花，酸酸地，顏色好靚，好飲。叫咗碟蕃茄鷄扒意粉，可能肚餓，覺得好好食，清晒個碟食曬仲有得做會員，下次當二十元用

今日返工留在公司做野，星期日中午去呢個商場搵食，因為最近開了啲新餐廳！去到嚇一跳，好多人在門口等位，先問店員攞票，再排隊等位！好在我一個人都比較快入座，坐在近開放式門口2人枱，粉藍+淺木主色清新舒服，加上有摩天輪模型🎡等小擺設，好可愛，不過座位不多，要耐心等待！臨入座前店員先幫我落單，入座食物都差不多到！入座後限時40分鐘交枱黑松露蜆肉蘑菇忌廉意粉（$68）賣相幾好，份量不大（男仔應該唔夠食）醬汁包裹意粉，意粉略淋身，醬汁好多黑點點，但無乜松露味，而且都幾鹹，調味好似重手咗！配料嘅蘑菇片彈牙，味道好但太鹹短苗咖啡（$30）高腳玻璃杯，夠熱，有拉花，奶泡幾挺身，不過淨食奶泡咖啡有酸澀味！但淨飲咖啡又無，咖啡好濃，入口先甘苦，然後淨低甘味！幾好味！店員們勤快，而且幾熱情，我隨身一個午餐小手袋，坐低男店員笑口常開咁提我枱面木板下有勾！仲講笑叫我記得拎，坐低有上杯水，另一個女店員就又笑口常開咁同我講需要嘅可以比熱水我！態度好熱情！埋單收銀再推介下會員卡！食物幾好味！