咖啡灣 (太和中心) (已結業)

今次係我第一次寫食評，上星期踩單車去咗大埔揾食，上OpenRice見到呢間餐廳有得食Waffle就同朋友去等位。等咗大約15分鐘就有位，今次我地叫咗2個意粉，1個Burger同埋2個Waffles，諗住大家一齊share軟殼蟹卡邦尼意大利麵The signature dish in Cafe Swan軟殼蟹比較淋身，但卡邦尼算整得唔錯，幾creamyTaste: 4/5卡邦尼蛋汁意大利麵卡邦尼creamy，但個人覺得蛋汁唔夠濃Taste: 3/5秘製醬汁鵝肝和牛巨人漢堡和牛同醬汁幾夾味，但鵝肝有少少乾身，如果可以整淋身少少會更好Taste: 4/5紫薯雪糕窩夫窩夫夠脆，紫薯味道可以再濃啲啲Taste: 4/5士多啤梨雪糕窩夫雪糕味道唔錯，但士多啤梨可以新鮮啲Taste: 3/5

叫左7015 焗豬扒飯 $7X 黎到都嚇一跳 $7X個份量成個兒童餐咁D豬扒簿到M記D漢堡扒咁食左一啖飯就痴晒牙 D飯硬到咁點食跟住Waiter話做過比我啦個飯D汁浸晒落個飯到 浸到好似整糊仔咁頂，無心煮就唔好搞啦 收人$7X 比埋D咁既質素

朋友話呢間野以前水準好高，於是上星期走去試吓嗌左個芝士「蟹肉」蕃茄忌廉意粉我冇打錯 佢餐牌上面亦都冇寫錯 大大隻字寫住蟹肉呢兩個字出到黎竟然俾4條蟹柳我仲要啲蕃茄汁陣味好似啲急凍即食意粉咁俾88蚊食啲咁嘅野 你話嬲唔嬲仲嗌左個吉烈豬扒明太子忌廉飯睇圖加埋個名令我以為係意大利飯 點知真係俾白飯我 好嘢 味道唔難食 食兩啖埋單算 反正見到你個意粉 其他野咩水準都心裏有數凍朱沖到冇味餐湯同罐頭湯差唔多幫唔幫襯呢間野你自己諗

今日難得放假，就忙裏偷閑一下，周圍去散吓步，經過太和附近，原來呢度有間Cafe，就入去食返個early dinner。小店佈置得幾精緻，有唔同嘅精品同擺設品Menu有好多嘢食可以揀，黃金雞翼$52一睇到就好想試吓！一客有六隻雞翼，金黃色嘅雞翼炸得好脆口，因為係即炸，所以要預番多少少時間整，每隻雞翼都包住鹹蛋黃，仲驚你唔夠，要跟埋多個鹹蛋黃，好邪惡但真心正！原來四點至六點有tea set，平均四十幾蚊個餐，好抵食，質素都唔錯。點左個炸魚薯條$52，魚同薯條都炸得非常脆口，即叫即炸熱辣辣，配個好特別嘅桂花黑松露汁，甜甜地有陣陣桂花香，黑松露味唔算重唔會搶咗桂花嘅香味。餐飲點左生薑伯爵茶，第一次飲呢個組合，又幾特別，薑味都幾重啱晒我口味～芝士龍蝦汁海鮮燴飯$118有一大堆蟹子，同埋好多海鮮，有蜆，有大蝦等，好足料，龍蝦汁味亦夠濃郁。呢度嘅窩夫有多種唔同嘅味道 ，我哋點左香蕉士多啤梨曲奇味$96，一次過滿足晒唔同嘅願望，賣相好吸引，打卡一流，窩夫脆身有蛋香，上面有兩球雪糕球係士多啤梨味同曲奇味，仲有新鮮士多啤梨同埋香蕉，食完好飽好滿足。

今晚想吃個西餐，就到附近的咖啡灣🦢呑拿魚蕃茄🍅意粉🍝$ 68呑拿魚肉配上微酸的蕃茄，很醒胃，醬汁較濃稠也不會吃得有膩的感覺西班牙🇪🇸黑毛豬🐖紅酒汁🍷 $78豬肉切得極為薄身，薄得像豬肉紙一樣，🔪厲害👍!  牛油香草🌿煮蜆 $68第一次品嚐這種煮法的蜆，牛油夠香口，加上洋蔥丶菇丶芫茜等煮出來的蜆味道十足，蜆肉夠飽滿鮮菓草莓水果茶 餐+$30有新鮮士多啤梨🍓丶藍莓丶提子🍇，香氣撲鼻，更以爉燭座著玻璃壺保持溫度👍紫薯🍠紅豆牛奶🥛 餐+$10好味又健康之餘，加分位為於泡沫面以巧克力醬寫上Smile並畫上圖案😊玫瑰🌹半份 $54賣極為吸引，粉紅色充滿浪漫💕夢幻又少女的感覺，窩夫味道及口感非常好，不會過甜，口感外脆內鬆軟

經朋友介紹之下去左大埔呢間咖啡灣(係正消防局對面好易搵),店內裝修帶小小糖果feel而且格調清新岩哂知己朋友打卡影相.自己點左個軟殼蟹卡邦尼蛋汁意粉$88 - 醬汁足料濃郁但唔會太膩,有洋蔥粒,黑椒粒,磨菇同煙肉粒.令人食完一啖就即刻好想再食下一啖. 重點係軟殼蟹,炸得岩岩好咬落去多汁唔油膩唔會成口油,同埋呢個價錢係比緊成隻軟殼蟹你<底食之選>

咖啡灣不嬲出名好食兼抵食。佢正正就係我屋企對面，所以周不時我都會落去當飯堂咁食。而且做埋會員嘅話，佢周不時都會送一啲優惠出嚟。所以變相我都成日去食。咖啡灣食物嘅賣相不嬲都好吸引人。相機食完之後就要開餐啦。我最鍾意就係嗰個小食拼盤，分量唔算多之餘，選擇亦都好多。當個下午茶咁食，份量係啱啱好。每一次我去到咖啡灣都會比唔同嘅飲品。我覺得佢每一種飲品都好有特色。而且賣相亦都10分吸引。甜品方面，我就覺得對比起鹹點方面就失色咗少少。但我都會繼續去食咖啡灣嘅。

午餐 • 2人好耐無去過大埔，難得放假就去遠啲啦～～呢間cafe 雖然都開咗好耐，不過今次都係第一次試，環境幾好，服務態度都唔錯好肚餓嘅關係，好快就叫咗野食喇～餐廳裏面唔算多人，所以野食都黎得好快。軟殼蟹黑松露忌廉義大利麵 （$98)意大利麵嘅味道係ok嘅，不過軟殼蟹帶有少少苦味，同埋淋身咗啲，所以整體上一般。香辣蒜香帶子義大利麵 ($85)呢個相對上味道好啲，同埋有大大粒嘅帶子，份量好足夠。黃金右翼 ($72)雞翼係炸完沾上蛋黃醬，但唔知點解有種奇怪嘅香味，一向鍾意食蛋黃嘅我都覺得怪怪哋，優點係個皮炸得好脆～熱朱古力 ($36)Waitress 話可以揀圖畫係熊仔定minions, 結果我果隻係個頭有角嘅minions ~不過都幾得意丫~總括嚟講，我比較欣賞佢哋嘅服務態度，而野食嘅質素就有待改善喇～

Cafe Swan喺度開咗幾年，我就食足幾多年，諗唔到食咩嘅時候都會去食，價錢適中，食物又高質～無論係正餐定係甜品都一樣令人滿意之前食過佢哋嘅窩夫同埋意粉，呢兩樣嘢最令我印象深刻，每次去都一定會食！今次嗰餐想食light啲，我又未食過佢哋嘅沙律，就叫左呢個沙律煙三文魚蟹籽沙律 加黑醋汁 $82講真份量就唔多，我食完之後都唔係話好飽，煙三文魚就得兩塊，味道唔會過鹹，幾適合我嘅口味。但個人認為蟹籽同呢個沙律有啲唔係好夾，又或者講係同煙三文魚唔係好夾，不過蟹籽都係得好少所以冇乜所謂。建議黑醋汁可以分開放，因為有啲人唔想落咁多，我呢一份就落咗好多黑醋汁，然後食都覺得太重口味。。但我叫沙律就係因為想食light啲味道係唔錯但係啲汁落晒落去我又整唔走，哈哈。下次都係食返最鍾意嘅意粉或者飯！

Cafe swan has always been my to go cafe when I am clueless of what to eat for dinner. It is because the food there has never failed my tastebud and the price is quite fair. I remembered we ordered this spaghetti with beef. the beef was surprisingly tender and juicy. The noodles were quite chewy. The sauce was a little overly spicy for me but when it mixed with the beef and the spaghetti, everything seems to come together quite perfectly. Definitely recommend this.  

已經幫襯左六、七次，今次嘅水準跌至新低..... 餐牌寫西班牙黑毛豬蒜容磨菇汁飯, 來到賣相已經完全唔掂。咁嘅餐收我96蚊....... 😩😩首先，d飯係一pat 野痴埋一齊，d汁好少，豬肉片係冇味嘅！完全冇調味！份量又極少！😩個湯仲特別，d粉漿到呢.....一飲，咦，冇味嘅？？飲一啖已經唔想飲落去.....杯凍檸茶，d檸檬切得好薄，我冇叫少甜丫，入口完全冇甜味😩😩😩極之失望......不會有下次。就算黃店都係咁話！極度唔抵食.....唔好食由荃灣店幫襯到太和店，食物每況愈下

💛Cafe Swan 咖啡灣💛Purple Waffle with potato and ice cream紫薯窩夫💜$82呢度嘅紫薯窩夫一共有四件配料有雪糕蜜糖星星早餐穀物同埋士多啤梨仲有紫薯主角影相打卡都唔錯㗎同埋佢餐廳入面嘅佈置都真係幾靚之前經過荃灣分店睇落仲好大添不過太和呢間就比較細佢啲窩夫好似唔夠熱但都幾跪既同埋價錢都唔貴大家可以去試一試重點係黃店💛

幾年前黎過一次 今次係第二次黎 而家落order已經轉哂用QR code 職員同客人既距離感遠左 變相客人自己看圖點餐 無左交流 不過等待時間都好快個湯有少少鹹叫左個明太子意粉同黑毛豬飯看似份量少以為會唔夠食 點知都幾飽

今日個friend請食飯去咗大埔咖啡灣。坐底先叫左杯鳳梨藍蝶茉莉花茶，嘩簡直好有驚喜超級好飲，極推！ 係自從疫情以呢最出乎意料之外調得最有心機好好飲嘅特飲，因為啲茶濃度適中，帶住茉莉花茶香味佢真材實料嘅靚花茶而且佢杯茶個presentation好夢幻，藍色blend Jasmine又靚又有味道，調出嚟嘅花茶好清香飲落去好純唔澀口但帶點茶嘅甘醇。之後main course 要咗個軟殼蟹黑松露忌廉意粉。味道比較起好多喺尖沙咀同銅鑼灣啲掛名高級西餐廳還要好。佢個cream同啲黑松露夾得非常好，隻軟殼蟹好脆好新鮮，成盤意粉連啲汁仲有d菇係一個天衣無縫嘅組合！我哋都有試其他小食包括ufo拼盤同埋士多啤梨窩夫甜品，個portion好足夠幾個人一齊share多款都幾開心。大家都去支持下香港呢d比心機做食物既小店啦！

以前成日幫襯咖啡灣，今日興起想食西餐，又過黎食。今次叫嘅嘢食係以前冇叫過嘅，試試新口味。首先叫咗個套餐，蒜辣帶子意粉配埋南瓜湯再加杯熱飲 $82。 晚餐來講，非常抵食。意粉有好香嘅蒜香味，配埋辣辣地，加埋好嫩滑既帶子。南瓜湯，細細碗，非常滋味點左個UFO小食拼盤，有好多款式，有薯條，紫薯波波 ，兩款雞翼，仲有炸魚柳同魷魚，熱辣辣上枱手作特級和牛漢堡和牛非常Juice，配埋醬汁，加埋脆香既麵包，口感好多層次，好味。最後好為食地叫埋個肉醬墨西哥脆片。 份量唔算多，但個肉醬好好食，好夠味道，我地用黎點埋薯條食👍🏻👍🏻水準依然依舊，下次會再黎食！