咕嚕咕嚕

营业中

休息中

係諾士佛臺想食好野，最緊要耳仔唔好軟，唔好俾地面一字排開既職員氹到坐低，就可以上4樓食到物超所值既串燒🍢叫左個串燒組合包mock-tail先 $118仲有5串串燒（免治雞肉棒、雞皮、雞軟骨、日本厚油揚、雞髀菇）雞肉棒好食，食完唔夠喉再追加左😋再單叫日本青椒仔、秋葵、大蔥串（自創夾南部雞雞脾肉一齊食😂）煙肉車厘茄卷（燒香的煙肉加上車厘茄的汁水，完美的配搭！）粗薯條先$18一碟，性價比無得輸🫡卡邦尼意粉🍝$108每一間食店的卡邦尼意粉都係決定間野水準既關鍵，呢間無令人失望！夠creamy,調味認真，煙肉唔會死咸，令人食得毫無負擔同回味😋

有時早咗收工，又唔想去Cafe坐，發現呢一間有串燒套餐嘅酒吧，去到9:00之前都有happy hour套餐，唔同種類嘅串燒，佢都會送紅酒、白酒、或者指定樽裝啤酒、額外仲可以加$40轉Cocktail，或者加$45轉生啤。最抵$98就可以有四串串燒加杯酒飲，其實想食海鮮都有，海鮮串燒組合都係$188。因為今日真係突然之間早咗收工，所以就同男朋友唔知去邊好上嚟坐吓傾下計plan下嚟緊旅行行程。今次一開頭同男朋友，每人叫咗一個串燒餐，覺得唔夠食，又追加咗一個，講真除返開一支啤酒都40幾蚊，加多幾串燒先至$100鬆啲。同埋如果唔夠食，仲有啲$10起跳嘅串燒。講真真係抵過你去Party Room或者去睇戲或者coffee shop 。百零蚊有得俾你chill吓。

巴馬火腿火箭菜沙律pizza $118巴馬火腿配上新鮮彈牙的火箭菜,十分清新開胃的pizza。呢個Pizza底唔係一般嘅Pizza底，佢係特別薄脆，所以唔會有漏或者超級飽肚嘅感覺，個人非常喜歡。水牛城雞翼配藍芝士醬$88雞翼炸得脆脆的,同藍芝士醬相當配搭。分量十足,食得好過癮。雞腎$58雞腎新鮮彈牙,咸香惹味。羊肋串$68羊肋肉質鮮嫩柔軟,烤得正好,又唔會太乾。Nuts$25（另加一服務費）呢度嘅菜式選擇多元化,質素都算不錯,價錢亦公道

琴晚同朋友去食飯飲嘢，諾士佛台嘅樓上舖，環境幾闊落，乾淨企理，嘢食都唔錯㗎🍻🍴卡邦尼意粉 $108意粉嘅芝士味超級香濃，邪惡嘅美味，同朋友一齊share就最啱啦😋😋🍴西班牙辣肉腸薄餅 $128原本以為Pizza會比較厚，不過呢款就係超級薄身嘅，飲酒傾偈嗰陣食都比較適合，唔會太油膩，令人一舊食完又會想食另一舊🍕🍴黃金炸薯條 $18好香脆，飲酒必備🤤🍸Sakura $98女生最愛，好清爽fruity🍹Apple treeRefreshing嘅Mocktail 🍏

🍱餐廳：咕嚕咕嚕 (尖沙咀)🍽️類別：酒吧餐廳💯推薦指數：7/10.≡※≡※≡※≡※🍑桃仔推薦必試菜式🍑 ≡※≡※≡※≡※.▪️香辣鮮茄汁虎蝦意粉 $138意粉醬汁頗多，夾雜著許多番茄蓉，味道比想像中辣，同時酸味亦相當出眾，既惹味又開胃。表面的虎蝦新鮮彈牙，與意粉醬汁挺搭配。≡※≡※≡※≡※≡※≡ 💁🏻‍♀️值得一試系列💁🏻‍♀️ ≡※≡※≡※≡※≡※≡※▪️巴馬火腿火箭菜pizza $148有別於一般pizza，餐廳採用餅乾作餅底，口感偏向乾身，柔韌中帶少許脆口，挺有趣的。表面的巴馬火腿和火箭菜份量頗多，鹹度適中。▪️水牛城雞翼配藍芝士醬 $88香辣的水牛城醬滲透每隻雞翼中，非常入味，沾上溫和而醇厚的藍芝士醬吃，有助中和辣味，滲出甜味，本來不喜歡吃藍芝士的小編都能接受。≡※≡※≡※≡※≡※≡※≡ 👍🏼值得加分項目👍🏼 ≡※≡※≡※≡※≡※作為酒吧餐廳，內裡擺放著多款遊戲設備，其中包括桌球、beer pong、飛鏢等等，娛樂性相當高，非常適合放工後來放鬆一下。≡※≡※≡※≡※≡※≡※≡※≡※≡※≡※≡※≡※≡※≡※≡※≡※≡※≡※≡※≡※😍整體評分 味道：🌟🌟🌟🌟性價比：🌟🌟🌟🌟環境：🌟🌟🌟🌟🌟服

特登上依間同朋友飲酒食野，環境好有氣氛，音樂夠強勁。仲有桌球🎱玩～［串燒］有單點亦有套餐（包飲品，18:00-21:00），串燒好抵食，$10起，亦有$15/20/25一串。免治雞肉棒日本多春魚炸薯條日本銀杏秋葵雞脾菇日本青椒仔山賊牛肋串日本黑豚腩肉擺盤勁靚，自製左個串燒拼盤出來！即叫即烤，熱烘烘食好正，加埋燒汁更惹味。［熱食］熱湯蕎麥麵🍜湯頭鮮甜，麵條夠軟身。炸薯條🍟—超脆枝豆—送酒一流［啤啤佢］Corona加青檸係最夾既！Haoogarden peach-果味重岩女士飲

收工想跟個同事訴下苦，黎到諾士佛臺剛巧落雨，同事建議試下咕嚕咕嚕，這間樓上酒吧無論是食物、酒水、遊戲，還是環境，各方面都相當不錯。先解決晚餐再DRINK，香煎珍寶帶子意式青醬忌廉汁意粉帶子大粒甜美，青醬與忌廉的混搭恰到好處，非常濃郁，意粉煮得軟硬適中，好食。札幌叉燒拉麵口感窒實，湯頭甘醇，叉燒肉多汁鮮香，配搭既唐揚炸雞塊，外酥內軟，蘸上自家特製調味醬料後更是入味上口。另外再點了１份串燒，多春魚唔腥，外皮完整，厚油揚鮮脆可口，大蔥鴨胸肉、煙肉車厘茄卷和秋葵均做得精緻，咸甜鮮爽齊全，口感豐富。這裏啤牌、骰盅、桌球、beer pong，還是slap cup，應有盡有，不論是談心定玩一整晚都一定沒問題，可以滿足各人需要。

星期五晚諗住同啲朋友去間餐廳有酒飲吓，又食吓啲串燒咁樣，話哂又話要支持一下本地酒吧餐廳，同時都好耐無去尖沙咀諾士佛臺，所以係OpenRice 見到呢間樓上吧餐廳，就試吓！朋友幫手訂枱，之後就講返話120分鐘限時😒🙄！同時，所推廣既優惠要晚上八點前享用，否則冇嗰個所謂七折優惠。真係未食已經令我好唔想去呢間餐廳囉，基本上，一講限時真係令人哋非常之反感，不過朋友book咗我就算啦照去。同時，擺明我book 7:30我又如何可以八點前享用得晒個優惠呢？以下經驗真係不吐不快，已經唔係講啲嘢好唔好食。當日我地8點先入場，以為好多人，其實只有一半人🙂‍↕️， 以為逐啲叫嘢食慢慢飲，點知叫左： 一碟意粉🍝、黑松露薄餅同泰式炸蝦餅，除左意粉半小時後上檯後，另外兩樣係一個鐘頭都無影無蹤😩😩。9:15好肚餓。之後咪同一個男侍應講麻煩佢追追啲嘢食，佢竟然完全冇去廚房跟過張單，就即時話而家餐廳好繁忙，廚房喺樓下，所以要等耐少少😒！最後碟蝦餅15分鐘之後嚟到，最惡劣嘅係唔熱嘅😡！ 之後我哋食完碟蝦餅都再等多15分鐘，個薄餅完全冇蹤影，所以我哋直接埋單走人。 我明白喺呢啲飲酒嘅餐廳，食物質素唔可以要求太高，但無咩客情

位於諾士佛臺嘅一間樓上酒吧，霓虹燈裝潢充滿藝術氣息，高腳凳同梳化卡位配搭大理石紋枱面，洋溢復古而又摩登的格調。牆上有多部大電視，仲設有桌球同Beer Pong等遊戲，啱晒成班friend齊齊咕嚕咕嚕飲返杯～酒吧唔只提供西式餐點，更有多款日式串燒任君選擇。4:00-9:00pm仲可以嗌埋串燒組合套餐，附送一杯飲品，好抵！由於第二日要返工，蘑菇同男友揀咗兩杯mocktail🍹Gulu Gulu Porche橙汁、菠蘿汁、檸檬汁同石榴汁糖漿交織出一杯充滿度假風情的甜蜜mocktail🍸Lonely Walker梅子、柑橘同薑汁汽水碰撞出酸甜可口的特飲，飲落好fresh，靚靚漸層啱晒打卡牛肉組合（$178）✿牛舌芯✿山賊牛肋串✿牛肉串✿安格斯牛肉串串燒組合（$178）✿牛舌芯✿雞中翼✿日本黑豚腩肉✿羊肋串✿燒刺身帶子總體黎講，串燒頗具日本居酒屋質素，即叫即整，每款送到來都熱氣騰騰，同時勁多肉汁。牛舌芯厚身又彈牙；山賊牛肉串肥瘦相間，散發濃烈牛脂香，咬落爆晒汁咁；安格斯牛肉串外焦內嫩；雞中翼嘅雞皮係亮點，焦香四溢；黑豚肉與京蔥和諧交織；燒刺身帶子融入咗牛油風味，肉厚味甜

尖沙咀諾士佛台無數bar restaurant，推介間樓上已bookmark之選，Gulu Gulu 咕嚕咕嚕💛裝修好有玩味又有特色霓虹燈牌，靚到有人取景拍野📍cocktail好多選擇，天氣開始熱轉戰生啤，有Hoegaarden Peach🍺又靚又特別，好清新，Stella大大杯飲得好爽又夠麥味，Goose IPA無得唔飲啦，充滿果香，正👍🏻然後就見到…..<歡樂時光串燒組合>🫣抵食到爆既串燒組合🍢海鮮組合，燒刺身帶子，好大粒，就離大過舊鱔🫨好鮮好厚肉，虎蝦燒得好香，肉質彈，日本蠔肉，超爆汁好濃味🫶🏻必食白鱔，燒到外面香脆，焦香好味肉嫩又有肉汁😎牛肉組合，山賊牛肋黑椒味做串燒好夾，黑椒牛肉好有風味，安格斯好濃牛味🐮牛舌芯好味，厚身又香濃，牛肉串味道都好好味😋繼續串！🍡 南部雞雞髀肉，高質嫩滑雞肉，醬汁好味😌 日本厚油揚，非常脆，送酒⼀流，日本青椒仔必食超正，外皮有椒香又少少鹽味，唔辣而好味🤩免治雞肉棒醬汁幾好味，墨魚香腸驚人，墨魚燒到非常香，味道特別而好好味🤤串燒真係無得輸，好高質愈食愈有，仲開左枝白酒🥳如果想又食又飲又Chill又爽既，就係依度！🥂

識我既人都知，通常放假前夕我都中意去酒吧飲下野Relax下。今次朋友帶我去左尖沙咀諾士佛臺既一間樓上酒吧。一入酒吧門口已經見到個好大既霓虹燈招牌GuluGulu非常吸睛👀，而周圍都有🌸花花做裝飾，有大量電視，又有桌球枱，遊戲枱，打卡/聚會/睇波都岩‼️主食:🌟 札幌叉燒拉麵🍜 ｜ 👍🏻👍🏻🌟 巴馬火腿火箭菜薄餅 🍕札幌叉燒拉麵勁正，豉油湯底甜甜地，比酒吧耽誤咗嘅叉燒拉麵🤣小食:🌟金黃炸薯條🍟 🌟枝豆 🫛薯條又真係金黃香脆，好似係買$18，好抵食呀飲品:🌟Tropical Island🌟Loney Walker ｜👍🏻🌟Apple Tree酒吧主打Cocktail🥂，Happy Hour 好抵飲，Loney Walker 好飲， 又靚靚水果串做裝飾💕值得一讚係佢好細心，八點前就開着晒所有燈可能方便大家食野。 大約八點前之後就熄左大部份燈，環境輕微暗，枱頭有自己一盞波波枱燈，氣氛變得勁好。

好耐都冇嚟過諾士佛臺🍻今日同朋友黎到美麗華附近，就決定搵間餐廳坐低食少少野👯‍♀️呢間酒吧裝修好有格調，好啱同三五知己聚會😌🍗水牛城雞翼配藍芝士醬雞翼偏細隻，所以醃得非常之入味～好濃嘅水牛城味道，少少辣，非常之開胃; 配上藍芝士醬，就可以中和辣味，兩種食法都OK!!🍝香辣鮮茄汁虎蝦意粉虎蝦非常之大隻，非常之爽口彈牙。意粉亦都非常掛汁，辣辣地幾好食👍🏻🍖燒免治雞肉棒雞肉有啲似碎雞軟骨，有脆脆嘅口感，配上日式燒汁👍🏻🍕黑松露野菌薄餅餅底非常有特色，第一次見，有啲似餅乾嘅脆邊，中間就係軟軟煙靭嘅口感，黑松露味亦都十分之突出～🍹Apple Tree味道酸酸甜甜，加上梳打水，十分refreshing🤩

放工後到公司附近食晚飯，諾士佛臺成條街全都是酒吧，來到這間比較隱蔽的樓上舖。餐廳環境寬敞，牆上也有很多花花做裝飾，設有桌球枱，酒吧遊戲枱，有很多台電視機，適合睇波。播放的音樂很柔和，令人很舒服。❇️串燒：羊肋串，多春魚濃郁羊肉味，外皮金黃酥脆❇️黑松露Pizza 餅皮薄而酥脆，濃郁的黑松露❇️香草蒜蓉牛油芝士焗龍蝦金黃的芝士層，充滿橙色的蝦膏❇️香煎珍寶帶子意式青醬忌廉汁帶子很大粒，充滿濃郁的橄欖油味，意粉軟硬適中

今次試咗諾士佛台另一間酒吧「Gulu Gulu 」有得篤波又可以玩Beer pong, 因為係樓上舖感覺冇地舖嗰啲咁迫咁嘈吵坐得舒適傾偈啱晒. 餐廳裝飾用咗唔少霓虹燈仲有花做點綴. happy hour有抵食好味串燒👏🏻. 飲品試咗兩杯Cocktail，分別係Gulu gulu Porche同埋Nothing 兩杯都調味得好好，飲落清新舒暢,好啱為忙碌嘅一日take 個break. ⭐️德式香腸拼盤份量十足，有幾款不同種類嘅腸，肉質飽滿好豐富，仲有薯蓉打底. 好飽肚嘅小食. ⭐️串燒$20串叫咗羊肋串、免治雞肉棒. $25串嘅試左牛肋肉、黑豚肉同埋墨魚香腸. 味道唔錯各款肉味不俗，軟硬度剛好，最緊要抵食. 個人最愛雞肉棒同埋墨魚香腸，前者好香脆 ，外脆內軟又有啲雞軟骨有趙口，送酒一流. 後者 非常爽口，墨魚味好香，必食嘅小食

今次同朋友去了尖沙咀諾士佛台上樓的這間酒吧餐廳，真是一次令人滿意的用餐體驗。環境真係非常靚，我們選擇了室內座位，儘管沒有享受到戶外的風景，但餐廳的裝修設計仍然令人印象深刻。室內環境舒適，夏天坐喺度涼浸浸都幾舒服。我們點了各種串燒和小食，山賊牛肋串的肉質非常嫩滑，入口即化，而日本黑豚腩肉則帶有濃郁的豬肉香氣，令人回味無窮。墨魚香腸、虎蝦和南部雞雞脾肉等串燒也都非常美味，肉質鮮嫩，調味恰到好處，而雞軟骨和免治雞肉棒的口感也相當不錯。除了串燒，我們還品嚐了惹味泰式魚餅和精選凱撒沙律。惹味泰式魚餅辣辣的口味令人驚艷，香辣的調味料與魚肉的鮮嫩結合得恰到好處。細份的凱撒沙律則以少許三文魚作配搭，味道清新爽口。金黃炸薯條外脆內軟，非常美味。特選四色芝士比薩則以比較似麵包的底餅作為基礎，芝士的味道濃郁迷人，令人回味無窮。