和順記 (碧街)

营业中

休息中

從來冇試過係快餐店，茶記食過咁好味嘅炸脾外皮脆，內面充滿肉汁，調味剛剛好，完全唔須要再加淮鹽仲有隻雞脾大過我塊面，超興奮好味到冇朋友，下次我會再食，仲要試豬扒雖然舖頭細細，仍然坐得舒服，不錯！

說這間小店"隱世"，說實在是不太對，位置上這兒絕對不難找。不過她著實是亳不起眼到極點，一不小心便很容易就走過了頭，錯過了這裡的出品了....正所謂 "有麝自然香"，如斯不起眼的小舖，還未到午飯高峰時候便要在門外輪隊就坐....小店內就只有四至五張桌子，連擺在店外冷巷的那一張，如此之狀態，怪不得是一位難求了....喵一喵食客點甚麼，差不多全部人都叫她的炸肶蛋飯以及豉汁蒸龍䠢頭鮫。一個人當然啃不下兩碟，所以就只點了前者....點後等不用五分鐘飯就上檯。乖乖不得了，這件炸肶的size是小弟多年揾食生涯中遇到最大最巨的一隻。其件頭是誇張到將底下的材料 (包括蛋、菜及飯)全然遮擋著。若單論抵食程度來講，這絕對是無敵的....儘管它不是即叫即炸即上桌的 (不然那會這麼快就有得食?)，但皮在這狀態下仍是留有微脆；如斯大只的雞肶肉，要炸熟它倒不是件易事....當小弟咬開它時，整體上肉是帶微微粉紅。肉質是嫩的但肉汁卻沒如料想中的澎湃....白米飯配合上自家調製的瑞士汁及流晒黃的煎蛋，一口飯加上一口肉，想起來每碟連一杯飲品 (今天小弟喝的是凍啡)，竟只花費四十多塊錢就可換來，也就難怪這裡是如此的旺場了..

之前已經食過招牌豬扒煎蛋飯同避風塘炒豬扒飯都好好味,今次轉登去試埋個早餐豬扒煎蛋褔麵之前食午餐d豬扒仲多過d飯,估唔到早餐都有咁多豬扒!麵係可以選出前一丁或者褔麵嘅,但咁岩出前一丁賣哂,咁就簡左食褔麵喇!另外塊豬扒係食得出有醃過而唔係求奇比塊勁重雪味個d豬扒你個d黎,呢個就係我經常會再次幫襯嘅原因. 不過鋪面比較細,所以如果人多可能要等一陣位其實依家好多餐廳轉出前一丁都要加錢,但和順記就唔駛加錢仲有得比你簡邊隻麵,重點係d餸大大份真係良心小店黎嫁大家都應該支持一下呢d小店

朋友介紹話E間茶餐廳好味, 今日尊程來試試, 一去到排長隊, 但等得好快就到我地 , D 人話炸雞脾同龍躉飯好味就叫左, 眼見到隻炸雞脾好大隻, 的確係好味外面鬆脆裡面肉嫩, 龍躉飯好味, 又大件又平, 因為得2個人, 我見隔離枱食椒鹽豬扒都好味, 下次會試試

食lunch 行過，見到門口寫只用出前一丁，入去試試。老細話雞肶唔錯，我話三x雞肶有無食過，佢話有，佢哋唔會差過佢。好！我挑機！ 皮脆唔介嘴，入味非常。入面juice 唔見血。明顯用心炸。最緊要雞肶大過面！ 真心好過其他！ 呢種炸肶香港買少見少。坦白好過三x用吉烈上粉。奶茶亦濃good ! 瑞士翼，亦入味而肉滑。yum

有乜野好得過抵食又好味既午餐？尼間深藏不露既隱世小店，行過都未必比佢既外表吸引到。啲午餐真係大件夾抵食，叫一個雞脾飯外賣，隻雞脾係完全蓋過曬啲飯。大件都算，好味果下先死。隻脾好入味，有啲椒鹽味，加埋匙油汁真係一流。個皮炸到脆得黎，又吾會有好油膩既感覺。40幾蚊一大盒飯加埋野飲，絕對係超值！之前試過其他豬排豬手果啲都吾錯！行過路過真係吾好錯過！吾試過你真係會後悔。希望會有多啲人支持尼啲小店，將好味道保存落去！