影片
难得卫斯里同小妹都唔洗返工一起身就去左华嫂附近一间食店食早餐噜和记同华嫂都有一段距离架！去和记既路都几曲折，要九曲十三湾先去到如果唔系卫斯里先前已经探定路睇黎我地都要花费ｄ时间先揾到因为和记门口系无招牌架！差唔多去到和记就已经听到好热闹既嘻笑声去到门口，噢！唔讲真系唔会知佢系一间食肆黎！揾到位坐低左姐姐就走过黎落单佢地既餐牌系挂系墙上既所以坐得较远既我地就要行埋去睇下先啦小妹叫左皮蛋鲮鱼肉通心粉（＋芫茜）＋冻柠茶卫斯里叫左蕃茄鸡翼牛肉一丁面＋冻奶茶为食既我地又点会叫咁少呢嘻嘻，后追加左一份碎蛋沙律火腿三文治小妹既皮蛋鲮鱼肉通心粉先黎老板一ｄ都唔悭！好多鲮鱼肉同皮蛋呢！鲮鱼肉大大旧 涨卜卜通心粉系全满，好大碗大食既我都食唔晒呀汤底比较淡，似妈妈既煮法（清淡，健康）虽然有皮蛋芫茜作伴但系因为唔系用皮蛋芫茜黎作汤底，只系将佢地放埋一齐煮所以味道上较华嫂失色而小妹既冻柠茶不过不失啦后加既三文治系第二到可能系烘底三文治小妹期望个三文治系有温度但系唔知系咪因为饀料系冻食（碎蛋沙律、火腿、蕃茄、生菜）所以个三文治系冻既？小妹对食既要求第一系食物既温度所以纵然件三文治饀料多，内容丰富但系小妹都唔系咁欣赏大概小妹都系只喜欢食热食既食物吧不过卫斯里就对个三文治赞不绝口！睇黎，每个人都食物既要求同味道都唔一样既卫斯里既蕃茄鸡翼牛肉面系压轴Wow！色水唔错啵红红既蕃茄汤，每一啖汤都有蕃茄蓉而且味道一ｄ都唔人工同唔味精饮完唔会好口渴不过蕃茄汤都系配其他粉面较为适合小妹总认为一丁面系应该配返麻油味架！见卫斯里个汤底咁好味，小妹都偷左唔少啖黎饮而卫斯里既冻奶茶奶味较重，所以比较滑小妹都系钟意茶味浓ｄ既和记同华嫂供应既食物大同小异不过味道上，华嫂就比较浓味但系和记价钱就相宜好多。
继续阅读
当日本来系想去华嫂既，但11点左右去到华嫂时，要等成十几张台，仲要等15分钟都冇叫过台号，咁等落去真系唔系办法。后来灵机一触，谂起朋友讲过话附近有一间卖相同食品既店舖，即刻打电话问地址啦!和记位于由华嫂一路行番出马路，过马路后的一条小巷内，到达时已满座，但冇人排队，所以等5分钟左右就有位喇!食物方面，款式真系同华嫂好相似，我地两个人叫了一碗蕃茄汤底餐蛋米，一碗皮蛋芫茜汤底猪润煎鱼饼米，一个招牌菠萝饱。个招牌菠萝饱的味道简直同华嫂冇分别，而同行朋友就觉得个皮蛋芫茜汤冇华嫂咁浓，但我自己就觉得个蕃茄汤跟华嫂一样咁好味。所谓时间就系金钱，比我拣，下次我会选择去和记而放弃华嫂喇!
继续阅读
被电视推介为香港美食...真系闻名不如见面咁岩打完通宵牌....去食返个早餐....可惜无咩胃口但到试左"传说中"老细自创健康版"鲜茄旦波萝油"包面系几香....但食落无咩野...只系夹多左只旦同两块蕃茄反而仲有啲食得几鸡手鸭脚...唔大啖啲既话啲包皮仲会跌晒落黎试过....便算...连自己屏山原居民也说其实都系普通士多餐厅一间
继续阅读
屏山的食店有一个共通店.即叫即煮..不过人客多左..就会出现缺点..今次我发掘另一间的位于屏山的食店..末出名加上在隐蔽的地方.人客自然不多.99%系屏山居民.....我进食的期间.也有不少人买外卖..如果..赶时间的人.到屏山.呢间店系一个好的选择..食物5分钟内出现首先教大家点揾呢间食店..首先会见到一个港铁巴士站的牌.从冷巷行入去2分钟.会见到图中的屋..上几级楼梯就到..由天水围方向来呢间店..就见到屏山盆菜个招牌...从呢个招牌直行入去5分钟.都会见到图中的屋..记住系无招牌.要行入去坐低先知道呢间店叫和记...感觉就似在家中进食食物的价钱...粉面16至20元....汤底有得选清汤.忌廉汤,芫茜汤....而饱价钱...7-10元...饮品.7-16元....近来食物.饮品.加价1元.......而我见到黑白淡奶...好钟意...我好钟意黑白淡奶只牛..哈哈..!认真的:黑白淡奶冲的饮品..味浓.不会太甜...只是成本贵...餐厅为减低成本而弃用....我点了冻华田....同餐蛋通..服务:我不是熟客.加上男女有距离无理由同我一见如故...不过点完菜派报纸.杂志俾我睇...呢点令我好惊喜..而男店主...有4个女人倾计.男店主都有插口,不过...俾我感觉不懂表达.机本上有礼....冻华田:11元冰少..华田粉都多..冲到8成满.加入黑白淡奶....饮落味道什浓.奶味不会盖过主角华田...好饮....餐蛋通.15元.实不相暪.煮呢碗通粉大厨系一个印尼姐姐....呢位印尼姐姐有水准.餐肉热辣辣.香口.卜卜脆...而且少油.而太阳蛋无黑边..蛋汁流出来..好香...而通粉好弹牙,加上有不少生菜...值得一提呢碗通粉好大碗...细食2个人食一碗都得...我大约进食了十多分钟....呢碗通粉都是好热的....呢位...印尼姐姐掂...识订货....广东话流利...煮食水准好高........抵赞
继续阅读
去到元朗, 好多嘢食嘅天下. 市区食市多不胜数, 不过大多数系其他地方都有嘅分店,冇乜特别, 于是尝试到元朗其他地方找寻美食. 之前有个住屏山的朋友讲过, 屏山有间隐世茶餐厅, 位置于"书室"附近, 即系好出名𠮶间"屏山盘菜"行入去后左转, 佢地杯奶茶绝世一流, 食物新鲜, 所以一心想去揾下试一试啦! 在元朗坐K65到坑尾村站落车, 从小巷飘出一阵茶香, 便沿小巷入, 发现一间没有招牌嘅餐厅, 茶香就系从依度飘出黎, 餐厅虽没有"豪装", 但干净卫生 o 𠮶度地方唔算好大但一睇就知系历史悠久, 食物奶茶好味驰名, 只见客人不绝, 个个同老细都有倾有笑, 深受当地人欢迎. 咁我当然一定要叫番杯奶茶试一试, 果然一流! 奶茶味够又滑. 佢系我饮过咁多间(包括成60几蚊杯𠮶间) 当中最好饮嘅. 呢间隐世茶餐厅嘅奶茶已成我心中第一位! 再order咗个墨丸乌冬, 佢地会问汤底要唔要加元茜, 唔洗加钱架! 依家通胀咁严重, 边有嘢唔洗加钱架, 但依度就系免费! 墨丸绝"正", 好鲜好有味, 乌冬弹牙! 多士用新鲜面包做, 蒜蓉香, 面包松软, 蒜蓉多士香味飘扬, 脆卜卜, 食一个一定唔够喉, 你自然不自觉叫多几个食... 再问下店主有咩招牌好食, 介绍咗"鲜油菠萝加太阳蛋", 果然屏山的朋友无讲错, 新鲜出炉菠萝包加出奇的大嘅太阳蛋, 里面d蛋黄新鲜到流出黎, d牛油又系慢慢流出黎, 超好味呀~ 我虽然住葵涌, 成日好挂住佢地d食物, 而家个个星期六都要去食先安落...... 价钱超平值得推介嘅系: 冻奶茶 $10.00热奶茶 $9.00蒜蓉多士 $ 7.00鲜油菠萝加太阳蛋 $ 10.00墨丸乌冬 $ 19.00 大家值得去试, 但留意佢地开铺时间:Mon to Sat: 7:30 am to 1:00 pm then open again at 2:30 pm to 5:00 pm.
继续阅读