和牛燒肉一郎 (荃灣廣場)

营业中

休息中

最平個個都3百尾, 但啲肉真係好粗嚡，小食又唔好食，同價有更多選擇。 或者要去試就Skip左e個價，由4、5百食起 or 單點當然比咩價就食乜質素係正常的，但佢3百尾個個真係冇乜’’ 0味道‘’可言， 只可以講食得飽因係為放題， 但我果日真係食左幾舊已經唔想食， 唔係因為飽 係覺得難食。其他人我唔知，但我應該日後冇打算再試貴啲的Set, 因為再貴啲的話， 我諗出面有更多選擇不過如有真係有人想食，入門Range真係唔建議試， 直跳去5、6百算。 環境黎講好簡潔（好唔好見人見至），服務幾好，上野都快。

日式燒肉店很大，店內空間感十足，位座寛廣舒適，食物都新鮮乾淨，燒肉的爐也夠火力，抽煙力強，而且燒到個網燶左，可以換網，非常貼心。有A至D價錢選擇，我地揀左B 嚴選牛肉放題 ，2小時任飲任食 $448，自助取食物有沙律吧、飲品、甜品及雪條，用手機掃碼自助落單，點菜很快很方便，亦無漏單，收碟也勤快，服務很好。用木船上菜牛肉，又有乾冰煙，感覺好華麗。有特選牛肋肉、特選牛里脊、特選牛肋條。牛味濃郁，肉質柔軟鮮嫩，肋肉有咬口，里脊嫩滑多肉汁，呢3款牛肉都少脂肪，食完唔膩，但有牛香。大大隻蝦，肉質爽彈，蝦味都重。帶子嫩滑鮮甜，加牛油更正。另外，用木桶擺盤的肉，包括有牛肋肉、牛里脊、豬肉、雞肉。呢2款牛更瘦，食落牛味較重，更有咬口。五花豬肉多油花，燒完好香豬油，配生菜食解膩感。雞脾肉又嫩又彈，連皮都香口。香蔥同鹽漬 牛里脊，味道更豐富，前者香口惹味，後者更顯鮮甜嫩肉。有多款口味醃的牛肋條，洋蔥醃的有微微甜味，而牛肋條真係柔嫩得來帶彈性，口感很正。兩色蔥花牛舌，用2款蔥，都係超好味。蔥花就清香提味，蔥白蓉就刺激微辣，有大蔥的香。薄切上等牛舌芯，爽彈口感，味道佳，食多d都唔膩。壺漬牛外橫膈膜，醃得入味，

荃灣廣場都開左分店 ，同男友來食燒肉，新開都好多人食，門口有2隻黑毛牛，可以打下卡，環境好舒服，因為座位同枱都夠大，放到好多食物，而且都好乾淨，冷氣足夠，抽氣也做得好，食完個身無油煙。我地揀左Course B 嚴選牛肉放題 $448 (WEEK DAYS) ，可以任食任飲120分鐘，時間充足可以慢慢食到飽，仲有Drink bar、salad bar、dessert bar，擺放得整齊又乾淨，沙律菜新鮮，果汁及茶有8款，汽水都有10款，甜品有5-6款，最最最正係日本雪條，有成10多款雪條。首先上左及 ，之後可以自己掃QR code網上點食物，有齊前菜、牛肉、豬肉、雞肉、海鮮、飯及冷麵、壽司卷、蔬菜、小食及炸物....course B 有102款食物。 有特選牛肋肉、特選牛里脊、特選牛肋條、豚肉、雞肉、海蝦、帆立貝。成隻船上菜，又有乾冰d煙，好有氣勢好正。特選牛肋肉，有咬口，牛味濃郁，肉質扎實，唔會太肥，燒完油潤吸引。特選牛里脊，肉質細緻軟嫩，油脂含量極低，入口鬆軟可口。特選牛肋條，口感極好肉感滿滿，有彈性又鬆化，燒完油香好正。海蝦都好大隻同新鮮，燒完有好香蝦味，肉質爽口彈牙。帆立貝燒完會

餐廳走簡約時尚風， 以配以木系傢俬。加上智能化的「燒肉新幹線」送餐運輸帶，及強勁的抽風系統，整體環境舒適寬敞，很適合聚餐。 餐廳有以下4款放題。衝住黑毛和牛而來，選了C餐。 A 精選牛肉11款 $298B 精選牛肉25款 $448C 日本產黑毛和牛4款 $598D 日本產黑毛和牛9款 $888 C餐主打和牛4款+ 110款 + 舟. 盛合 + 桶. 盛合+ 是日寶合 + 極上花盛合 是日寶箱 大塊的和牛西冷， 點綴金箔，伴以乾冰用寶箱盛載，感覺豪華。而且西冷雪花紋理均勻，放上烤爐上燒烤時，即時火光紅紅，香氣十足。而且肉質軟嫩滑溜，牛肉味在口腔爆發。 「舟. 盛合」、「桶. 盛合」、「極上花盛合」賣相吸引，份量澎湃。分別有幾款不同部位的牛肉、黑毛豬、雞、大蝦、帶子及蔬菜 牛肉包括牛里脊、牛肋肉、特選牛肋條等。我最鍾意特選牛肋條， 牛味濃厚，而且滿滿甘香的油脂， 真是齒頰留香。 黑毛豬肥瘦適中，油脂豐腴， 口感軟嫩，配上柚子醬汁，清新又解膩。 雞肉肉質幾嫩滑，雞皮焦脆，非常香口。本身很怕雞肉的雪藏味，但餐廳處理的非常好，簡單醃肉已經帶出雞肉鮮味。 大判壽喜燒牛里脊肉 牛肉紋理接近

今次揀既係SET C放題套餐, 因為食既肉類比較高級同埋價錢唔會話太貴, 性價比一流呢度係用QR CODE點餐, 點完之後都好快送到, 而飲品除左可以點餐有之外, 仲有個甜品及飲料區, 有超多唔同既飲品可以揀, 如果鐘意飲酒既亦都可以加錢任飲一來到就送左個肉盤比我地, 入面包括左有好多唔同既肉類同菜, 同埋有D只會黎一次既食材月光寶盒呢個月光寶盒真係不得了, 入面既和牛三筋超大的一塊, 如果在出面燒肉店吃的至少都要2XX既價錢, 雪花明顯睇得出係有D質素, 而且有少少醬汁在上面, 所以味道不會只有牛肉味, 而係加埋燒汁, 相當好味另一個必食既就係一口牛, 牛味非常重但係又唔會覺得好UN, 肥瘦適中呢度既燒肉無論外型定係口感都是很令人放心的, 所以可以隨便點想吃既食材就可以另一必食就是這個一郎飯份量唔算多，但係飲點的，最最最重點就是半熟糖心蛋，撈埋飯食真係冇得頂

和牛燒肉一郎進駐荃西多時，終於有機會一試。主打日本和牛燒肉放題，有埋產地來源證明，保證牛肉級數。餐廳以智能化點餐、送餐，方便又衛生。 餐廳有4款放題，豐儉由人。 這次選了C餐，但有小小後悔! 因為套餐太豐富，加上份量十足。基於不浪費食物的原則下，主要尊注食以下幾款，沒有再加點食物。只好等一次約齊大胃王朋友，再食。 和牛4款+110款 + 舟. 盛合 + 桶. 盛合+ 是日寶合 + 極上花盛合 點餐片刻，各盛合快速奉上，場面非常壯觀!! 「舟. 盛合」包括3款牛肉、豬、雞、大蝦、帶子及蔬菜。特別大推雞肉，味道濃郁、質感軟嫩。 「桶. 盛合」 包牛里脊、牛肋肉、雞、黑毛五花腩及新鮮配菜。最出色的是黑毛五花腩，簿簿一片，大火灸肉燒，完全不覺得油膩。而且香濃惹味，口感焦脆。 「極上花盛合」 極品和牛及黑毛豬，捲成花狀，打卡一流，味道也當然是極佳。 「是日寶箱」是帶金箔的和牛西冷，非常豪華。雲石紋滿佈，兩面輕輕一燒，甘香的肉味就撲鼻而來。肉質豐腴，鮮味在口中溶化。 壽喜燒牛里脊肉 里脊肉色澤粉嫩，油脂分布平均， 點上溫泉蛋漿，油花帶住蛋香滑入喉嚨。 薄炙蔥花牛舌 雖然是薄切牛舌，但肉味香濃而

.和牛燒肉一郎農曆新年假期見天氣凍凍地，同朋友一齊去食燒肉🔥🔥……….和牛燒肉一郎一直都好想試下!!!😍我地簡左C餐食日本黑毛和牛🤩真係一試難忘😝本來最鍾意食牛角嘅我👩🏻‍🦰以後要轉場食和牛燒肉一郎🤫……….我地一坐低，職員貼心就會為客人送上圍裙，一兩分鐘就已經送上我地餐嘅日本和牛前菜，擺盤非常有心思!!!朋友就係被餐廳嘅和牛寶箱吸引左😎我地第一樣就上左和牛寶箱先!!油脂分佈好均勻，霜降油花好靚，亦唔會太厚，之後試唔到其他野食👍🏻 濃淡分配勻稱，熔點低做到真係入口即溶嘅口感🥹我地簡呢個餐嘅食物種類都好豐富!! 除和牛，肉類外，更有和牛壽司，好新鮮😍，亦有各款伴菜及小食🥳………松露薯條、炸雞、可樂餅：炸得好香脆，好新鮮，睇得出餐廳係即叫即炸😝菠菜：除左肉類，餐廳都有提供蔬菜比客人選擇，我食左5小碟😂😂壽司方面，除左和牛壽司，餐廳更有提供特色小卷供客人選擇👍🏻……….自助區：飲品：真係值得一讚💕水果調配嘅果茶唔會比手搖飲品店輸蝕，睇得出餐廳為左提供更多飲品種類絞盡腦汁，很花心思👍🏻甜品：除左細細件嘅甜品，餐廳有2個大雪櫃擺滿各種不同口味嘅雪條🤩簡直係小朋友嘅天地😍目測都有10款不同嘅雪條🤣

有日行過荃灣廣場，見到佢做緊一個特別優惠，498per head可以食到和牛，食開既牛角又覺得差左好多，咁就一於試下呢間 (不過要落200蚊訂)第一輪我地乜都試下，但老實講和牛牛肋肉同牛肋條係啱我地口味，原因係油花真係好靚，入口即溶唔會覺得鞋口，咁食和牛都係想食呢個感覺姐個薄灸里脊肉我覺得肉質都好靚，但唔好在佢真係好難燒，薄得來大塊，燒既時候要兩邊夾著鋪落去就會好d。不過我地嗌左3輪之後，之後再來既牛肋肉油花都冇咁靚了，比較可惜所以小弟覺得佢有優惠先會再考慮，如果正價食既話就比較唔太值了🥲

最近新年都食左好多中菜同盤菜，所以要食下燒肉黎平衡下，雖然都係肥仔野 同好邪惡🙈我地今次揀左Course C$598 120mins任食，而入面包含左3樣冇得refill既食材，比大家參考下想講呢3樣都好打卡able,肉質都係有返咁上下水準🤤舟•盛盒入面有和牛、雞肉、豚肉、海鮮、蔬菜，和牛薄切好燒，好有牛味 紋理色澤都唔錯，海鮮係新鮮既蝦，桶•盛盒牛肋肉、牛里脊肉、雞肉、豚肉牛肋肉牛里脊肉都非常重肉味亦唔會有筋，值得講嘅係豚肉油花豐厚，五花籃非常爽口。而雞肉嫩滑，大小適中，容易掌控火候。是日寶箱呢個牛真係大癲，食落口有勁豐富既油脂感，但又食到牛肉既香味，油脂同肉都做到平衡，難怪只可以食一次😍 兩色蔥花牛舌薄薄嘅牛舌鋪滿蔥花，燒單邊都會熟，非常爽口。和牛薄炙壽喜燒里脊肉呢個配左一個壽喜燒汁嘅溫泉蛋，基本成餐淨係叫呢個食，大大塊肉味濃郁，加埋蛋汁牛肉滑到不要不要。大塊易熟又好食！好推薦！特選薄炙牛肋肉薄燒牛肋肉，牛味濃郁，唔會有筋。仲有啲醬汁可以自己電話order ，推薦蔥鹽味醬、味噌醬同和風洋蔥醬汁 同大部份嘅牛肉都好夾，最後仲有啲飲品同甜品、雪條任君選擇

呢間一郎都有好多間分店，今日去左荃灣廣場呢間，門口有兩隻大牛牛同棉花糖機，好cute☺️。入到去裝修好光猛，有卡位坐，都幾啱一大大細黎。佢任食燒肉套餐有分4個levels,價錢亦會有分平日／周末，個range大約由$298-$888，大慨食120分鐘。今日我地食左B餐，有102款野食（包25種類特選牛），個餐自動包左舟•盛合同埋桶•盛合。 👍🏻點完餐之後佢好快就上左舟•盛合同埋桶•盛合！好靚好打卡！佢每格燒肉都有個名牌，好清楚，唔會唔知自己食緊咩😁。個拼盤有豬有雞有牛有海鮮有野菜，其實份量已經好多，唔駛揀太多自己要食咩😂 👍🏻另外推薦大家叫佢嗰幾款牛舌，尤其是厚切牛舌，真係超級厚切，食落十分彈口，好正！ 👍🏻仲有一個highlight，就係薄炙牛脊里肉(壽嘉燒），超級大塊！燒完仲可以點生雞蛋食，叫埋佢個玉子丼飯仲正😋😋 👍🏻喺張單上面會寫住是日用既日本和牛既識別番號，仲可以QR code check，好有信心保證。 👍🏻電子QRcode落單，冇漏單錯單情況。 👍🏻出面有個自助飲品同沙律吧區域，啲沙律菜都好新鮮。仲有雪條無食。 👍中意飲酒既朋友仲正，加$68就有得任飲啤酒，加$88就有得任

We’ve ordered course A for 4, plus the free beer package. The food quality is ok, and especially the service is good! The server Amy was offering considerate and exceptional good customer service, it’s worth to and important as comparing to other bbq buffet restaurants, and will come back again!

荃灣廣場好多食肆，年尾想試下依間成日排哂長龍的和牛燒肉一郎，排左一陣就入得去大判壽喜燒牛里脊肉大塊到成半隻碟，色水鮮艷，賣相一流見到都想食，輕輕燒一燒，燒烤味芬芳而出，口感入口溶化，味道濃郁。薄炙蔥花牛舌店舖備有多款調味，鹽味最好食，薄切牛舌唔粘鍋，口感唔會好煙韌，肉感實在軟冧，配上鹽味醃料、味道香口。特選牛系列、海鮮特選牛厚切，燒起上嚟味道甜甜。海鮮取材上乘、味道極新鮮，入口口感實在，好有去日本旅行既經驗！極上厚切系列、牛肋肉、牛里脊肉、蔬菜CP值幾好！賣相擺盤一流，配上店鋪柚子醬汁既調味，口感溜滑入口。蔬菜新鮮爽口，咬落索索聲，味道鮮甜。溫泉蛋紫菜飯紫菜飯配上燒肉係最佳之選，溫泉雞汁撈上燒肉，味道好甜及可口！和牛壽司和牛除左燒烤，即食都係CP值極佳既選擇，配上少許芥辣，一啖咬落口，口感吸引實在一流！

和牛燒肉一郎成日都聽到依個名，成日排曬長龍都冇機會食，估唔到年尾先有機會食，可能大家都去哂做節！♥️ 特選牛肉紋分佈均衡，肉質厚實，味道鮮甜，口感吸引，CP值幾高！配上店家不同調味配搭，鹽燒係我必定推介！♥️大判壽喜燒牛里脊肉色水大家有目共睹，大塊薄切，7成熟燒起上黎好Juicy！♥️ 新鮮大蝦、帆立貝蝦型頗大隻，咬落去蝦味好鮮甜！帆立貝大隻而新鮮、配上牛油好鬼正！♥️ 壺漬牛肋肉醬汁濃厚超美味，牛肋肉都幾多，建議5成熟，生生地正好多！

和牛燒肉一郎 🐮出名主打和牛放題 勢估唔到仲有多一個選擇 就係外賣自取🥡見到門外 有張外賣精選menu 有兩款丼 五款便當🍱外賣自取有7折優惠💵🔹北海道十勝豚肉便當 🍱$48🍱便當有:迷你沙律、三款前菜、麵豉湯麵豉湯偏鹹 有幾塊海帶 偏重口味 ，我飲左幾啖就選擇棄左個湯佢🥲就開始食個便當，沙律同前菜都唔錯 前菜幾好食😋芽菜爽口 菠菜好香麻油味👍🏻燒豚肉大概有四五片左右 豚肉份量一般豚肉片juicy 唔會話好柴口🪵餸飯好唔錯 不過豚肉片份量唔係話好多 所以唔係好夠餸飯🥲白飯有紫菜同芝麻鋪面🍚整體上便當嘅味道都唔錯，但唯獨係份量唔係好足夠，可能係因為嗰外賣盒嘅便當型設計 ，局限咗外賣既份量 ，以我女仔👧🏻胃口 呢個份量食完都唔係好滿足，咁對於男仔嚟講嘅話應該會唔夠飽🥺

其實食物，服務各方面都是很好的，但太過頭了。只要你能不介意隨時會有2-3個人望住你食野就OK了，我個人真心食得好唔安落，E個係 E 間野最需要改善既地方，我係黎食野，唔係黎比錢你去望住我食野。