和牛燒肉一郎 (荃灣廣場)

营业中

休息中

同朋友去荃灣食和牛燒一郞，一齊選了SET C餐廳會先上黑毛和牛盛合(牛肋條、里脊肉)和澳洲M9薄灸盛合，款款和牛都牛味濃郁，油脂分布平均，令人不停地加單，海鮮方面，蝦同青口都好新鮮除了肉類之外，這裡還有超多熟食選擇，有韓式和牛壽喜燒卷、福岡明太子卷，飯同麵，湯還有小食、醃製小菜，泡菜等等，我最鐘意炸物，叫左炸蠔、牛肉可樂餅、吉列炸蝦餐廳有自助沙律吧、飲品區、甜品區，選擇非常之多，一定有款你鐘意，我最鍾意餐廳的雪條櫃，食了好多條雪條

🌟去到荃灣廣場6樓，有日式燒和牛放題🌟仲有全港首創，新幹線送出燒肉，新奇🌟有好多個套餐可以揀，豐儉由人，我哋最後揀咗C餐🌟 C餐喺平日，係$368一位，燒足100分鐘，時間好夠🌟首先頭盤已經嚟咗兩碟黑毛和牛2款，及澳洲 M9 薄炙盛合🌟黑毛和牛嘅油花，未燒已經覺得好靚，油脂分布好平均🌟除咗頭盤限量提供之外，仲有97款食材，透過QR code嗰度任叫🌟包括牛肉類，豚肉類，雞肉類，海鮮，涼拌小菜，炸物，同埋主食🌟我哋係牛魔王，所以主打狂叫牛肉，推薦牛里脊，同埋牛肋肉，仲有蔥花蘿蔔蓉薄切牛舌🌟海鮮類都有幾多款，有海蝦，魷魚，多春魚同埋青口🌟可以狂叫大蝦，夠帶隻，新鮮冇怪味，同埋燒完既多春魚都好正🌟牛油金菇，都係必叫，佢會成個錫紙兜上🌟炸物，推薦炸蠔，仲有明太子薯仔沙律都係必食🌟主食，除咗飯類之外，仲有韓式冷麵，配埋燒肉一齊食好夾，清爽又唔Heavy🌟記住留肚出去攞埋甜品，爆谷，同埋好多款嘅日本雪條，雪糕🍦！🌟總括嚟講呢個價錢好抵食，又冇漏單，上菜速度有救快，乾淨企理，牛肉質素高質，款式種類又夠多

非常推薦食呢間放題，因為真係好多食物選擇，而且每種食物都非常高質！食放題最怕得幾款選擇，會好快食厭食唔多。店舖好大，乾淨美觀。抽風系統好，唔會好大煙或者食到成身臭。侍應友善，上菜都快，唔會漏單。有提供圍裙，唔怕整污糟自己衫。放題套餐有6款，我哋食中價位的C course, 星期一至四有9折 $368。有兩款黑毛和牛+澳洲M9薄炙盛合（每枱一客）🐄黑毛和牛和澳洲M9牛，油花都極靚，食落入口即化，滿口油香，好幸福！其餘可以任食嘅都有好多選擇🐂特選薄炙里脊肉，肉質都好好，感覺上和澳洲M9牛分別都不算太大另外還有牛肋肉，牛里脊肉，蔥花牛舌等，全部高質！因為之前食過D平價放題牛肉都無咩味而且有筯，咬到牙都軟，但呢間絕對唔會。🥗蔬菜有翠玉瓜，南瓜，金菇，粟米等等🦐海鮮類有蝦，多春魚，魷魚，青口等蝦超大隻，而且好新鮮，連我呢個唔鍾意搣蝦殼嘅懶人都有再叫多幾隻。🍤亦有不同小食如明太子薯仔沙律，炸蠔，炸雞，牛肉可樂餅等。🍜唔止白飯，仲有我鐘意既冷麵。🍦飲品同甜品都任拎，飲品就正常罐裝飲品。雪條同雪糕有超多選擇。雪條全部都係明治的，推薦白桃烏龍味，超好味！另外仲有蛋糕布丁爆谷等

之前嚟過呢度食晚餐有火車送燒肉 好玩又衛生今次終於有機會喺平日試吓佢嘅晏晝 價錢就更加經濟實惠 亦都唔一定要食放題 燒肉定食都會包埋飯 湯同泡菜 而且仲有壽喜燒食所以今次一於同媽咪一個燒肉一個壽喜燒兩份分 食完我哋兩個都飽到上心口🤓🤓特選牛肋肉200G($138)因為想兩份分嘅關係就揀咗多啲份量嘅肉 睇相都見到真係幾大碟 目測20幾30塊 而且仲有啲蔬菜喺中間 如果想食豪華啲可以叫和牛嫁！特選牛 壽喜燒($128)個鍋好有心思砌左朵牛肉花 想食多啲蔬菜就可以揀壽喜燒 因為入邊好多菜 仲有豆腐芋絲同冬菇等等 而且亦都冇燒肉咁熱氣 都係個唔錯嘅選擇🤓🤓順帶一提如果想食個經濟午餐 最平$38都有 外賣堂食都得 夠曬抵！

放工好想食燒肉 , 係荃灣廣場揀左和牛燒肉一郎 , 佢既燒肉勁高質 , 環境好寬敞 , 仲係全自動化送餐 , 掃完Qr code 落單後 , 野食會有條隧道咁送到你面前 , 而全程都有玻璃開關門 , 食得衛生又安心見到星期一至四 D-F放題套餐八折 , 毫不猶豫說情揀左 D Course , 入面有日本黑毛和牛 6 款 , 特選牛 (AUS)12 款 , 特選牛(US)12 款 , 嚴選牛(US)3款 , 牛肉刺身3款 , 生牛肉壽司 2 款 , 名物8款•日本豚6款 , 豚11款 , 雞12 款, 海鮮 10款 , 野菜 11款 , 其他 36款 , 種類多到爆 , 想食咩都有頭盤有和牛牛肉角切 , 和牛肉眼 , 好中意佢個肉眼，油脂分布均勻，食落有油香而牛香好夠好濃頭盤仲有海鮮 , 有超巨型既魷魚筒 , 大海蝦同埋青口 , 食落非常新鮮 , 唔夠仲可以 encore 添 , 另外再嗌左帆立貝 , 竟然有黑松露味揀添 , 蒜蓉牛油海蝦都好正好惹味薄炙牛里脊肉 , 佢每一片都超大塊薄切既脊肉 , 脂肪均勻 , 再係用鹽醃製過肉，調味岩岩好 , 好正薄炙蔥花牛舌 , 超多種唔同樣嘅部位，

作為和牛放題，任食和牛係基本野啦用QRcode落單，有多個唔同陪位既和牛可以選擇，本人最愛牛助肉既位置油脂分佈平均，配埋泡菜同生菜食減低油膩感又可以食得更多其次就係肉眼位，油脂比較多但更香牛油味愈食愈邪惡甲羅燒分量好滿同裡面既配料混合晒之後燒都杰身就可以食，好濃厚既蟹膏味，用黎撈飯一流手掌咁大既虎蝦肉質新鮮好爽口好彈牙蝦頭有少量蝦膏都好鮮甜原隻魷魚大過我塊臉拼盤既海鮮本身都冇任何調味，燒個陣我會用枱上供應既鹽同黑椒提味，再用自助區提供既汁醬蘸嚟食味道就剛剛好價錢比過平日既套餐F幾百蚊，性價比高左好多絕對有下次店員都好好服務，有啲特別既和牛位會幫手燒埋，唔怕燒過龍唔好食

和牛燒肉一郎🍽荃灣大壩街4-30號荃灣廣場6樓621至630A號舖又再去荃灣廣場最頂層既和牛燒肉一郎的餐廳，真的超讚的！任食靚肉，花款多又吸引，想放肆一下就必定會揀呢間燒肉。佢哋有一個自助區域，裡面擺滿了各種飲品、甜品、沙拉和爆谷。有一個自家製嘅紫菜飯 ，仲有自家製果茶和菠蘿茶特別好喝，絕對值得一試！今次冇揀最貴㗎餐，平凡點，牛豬雞套餐已經夠，三百零蚊有和牛，五花肉、雞肉、魷魚、其他熟食等等。佢嘅可樂餅、炸蠔、炸蝦真係好好食，燒雞頸有驚喜，燒牛肉想食幾多都得，佢仲可以揀壽喜燒sauce.非常推薦和牛燒肉一郎！食物質量超高，價格也合理。一定要黎試吓。同一大班人慶祝屋企朋友中秋節飯啱晒。#一郎 #放題 #高質燒肉 #hk #hongkong #hkfood #hkfoodie #hkblogger #hkfoodblogger #hongkonger #香港 #香港美食 #週末好去處 #香港好去處 #食好西 #美食

和牛燒肉一郎荃灣大壩街4-30號荃灣廣場6樓621至630A號舖荃灣廣場6樓有間和牛燒肉店，一直想試吓，今次專程出嚟食，好彩早嚟唔洗等位。部分食材會喺以「新幹線」方式送餐，智能化幾好玩。呢間燒肉係放題形式，我哋揀咗比較經濟又食到和牛嘅Course C，除咗黑毛和牛仲有精選海鮮豚牛雞。留意番，100分鐘放題，最後30分鐘就會截單，有咩就記得早啲點埋。呢度係用手機嘟code點放題嘅食材，有唔同部位嘅肉類同多款蔬菜揀。前菜飲品甜品就要自助區拎，多種日本嘅雪糕雪條。一見到有棉花糖就好興奮，即刻拎咗兩枝燒😆！

早兩日係荃灣買完野，心血來潮想係旅行前黎緊烤肉放題，今次揀左荃灣廣場嘅和牛和牛燒肉一郎。裡面有幾種套餐俾大家揀，我地揀左CourseD，肉類、小食、熟食、海鮮等都包羅萬有。頭盤先不用下單，餐廳會來和牛、原條魷魚、大蝦與青口的海鮮等拼盤，原條魷魚份量十足，相當吸睛。黒毛和牛4款＋是日黑毛和牛精選，今次裡面有和牛牛筋肉、肉眼、牛肉角切等，個人最鍾意和牛牛筋肉，肉質嫰、味道濃。除左烤肉，重有炙燒牛外橫膈膜刺身，配芥辣勁夾。點左幾條多春魚，非常易烤，唔會容易散。最後當然要食甜品，依度甜品整具特色，除左有明治雪條，重有大大棉花糖，輕輕烤一烤，勁正。

印象深刻除左佢啲肉質素高仲有佢嘅燒肉新幹線，用qrcode點完嘢食，就會由座位旁邊嘅輸送帶送到，有玻璃隔住，到站要撳掣先打開玻璃門，乾淨得意又衛生餐廳最大特色是設有全港首推的「和牛識別番號」，上網就可以找到和牛的來源地和有關資料都一目了然 我地揀左courseD放題連小食熟食及其他海鮮肉品約有132款除左外面飲品外，仲有啤酒，清酒，梅酒任飲肉方面單點的大致上都有三種調味原味、辣味同醬燒味一入座店員率先送上套餐内三款海鮮，四款黑毛和牛同是日黑毛和牛精選大大隻魷魚，肉質緊實彈牙個人最愛和牛肉眼油脂分布均勻，陣陣肉香，油脂感十足另外特選薄炙蒽花牛舌牛舌切到長長薄薄的一片，好爽口牛肉都好高質，食落好滿足估唔到有燒棉花糖食，忍唔住都燒左兩粒食最後一定要食甜品，雪糕雪條都好多種類

和牛燒肉一郎📍荃灣大壩街4-30號荃灣廣場6樓621至630A號舖嚟過荃灣廣場咁多次都未食過呢間燒肉，今次時間尚早見有位就試一試😃食食下就差唔多坐滿人，真係估唔到咁旺場。我哋嘅budget唔多，所以揀咗Course C黑毛和牛 + 精選海鮮豚牛雞。見佢生菜寫明for包肉食，就點咗兜試吓，發現燒完啲肉用生菜包住食真係好食好多！自助區啲甜品都好吸引，我最鍾意食栗子紅豆雪條😋另外佢仲有大大粒棉花糖俾你拎住竹籤燒，兩面印咗牛牛公仔，好睇又好玩！自助區仲有好幾款茶包，唔錯。

🇯🇵想食日式燒肉放題 所以試幾有人氣嘅和牛燒肉一郎 主打日本黑毛和牛 除咗牛 豬同雞肉 仲有多款小食前菜 賣相好吸引 海鮮 甜品﹎﹎﹎﹎﹎﹎﹎﹎﹎﹎﹎﹎﹎﹎/Course C $598/限時兩個鐘嘅燒肉放題有一碟和牛舟船拼盤同極上花盛盒🥩110款食物任你選擇 真係選擇困難🤭基本上食一輪已經好有飽足感日本🇯🇵黑毛和牛🐄有當日寶盒入面有頂級和牛西冷 薄切望落去好新鮮 牛脂肥瘦適中花盛盒打卡啱晒: 和牛肋肉 外橫膈膜肉 里脊肉 同豚五花🤍燒肉時間要拿捏得好 先食到肉嘅質感最特別係壽喜燒牛里脊肉 點埋爆汁溫泉蛋🥚海鮮有: 扇貝 蝦🦐同魚 而蔬菜方面牛油🧈雜菌同蔬菜拼盤 南瓜幾好食甜品都有兩個大雪櫃嘅日本雪條 咩味都有❄️

夜晚約咗舊同事聚舊，大家都想食燒肉又想有其他嘢食下，首選放題，唔使就住就住嗌嘢食，一個價錢搞掂晒，高質放題，必食和牛燒肉，喺荃灣廣場最高層6樓，電梯一上轉右，香江花月隔離，呢間都好似係同一集團（見到賣香江花月月餅)門口一入左手邊，分隔咗個大嘅飲品櫃甜品櫃沙律仲有Popcorn😲 ，佢有一部專業嘅Popcorn機，可以感受一下自己鏟起爆谷，好好玩。飲品櫃有勁夠飲飲品，養生人士嘅有好多款自家製嘅果茶，菠蘿茶都不錯㗎，仲有部capsule 咖啡機，好奇有邊個食燒肉飲咖啡🤣揀咗個中價位嘅$598 C set，一嚟送上一份和牛牛肋肉同特選薄炙牛里脊肉，牛肋肉好重油香，薄炙牛燒一燒就食得，好有牛味。個set包晒牛、豬、雞同海鮮，仲有菜同熟食，全部肉都有唔同部位揀，燒完一啲都唔韌，最正係QR code落單，而每次都會嚟齊。餐廳仲有自助醬油吧，提供左好多款醬汁，自助counter有好多隻醬可以揀，就算QR code落單，其中有選項都可以揀唔同嘅醬，柚子醋汁可以中和肥膩，食幾多都唔怕漏。仲有提供熟食同炸物，可樂餅必食，仲有蝦天婦羅同炸蠔等等，除咗人手上菜，仲有個係座位旁邊嘅輸送帶，新奇有趣，同埋非常乾淨

中秋就到，一班人聚會最好就係食燒肉放題，唔洗就住食！上次食過和牛燒肉一郎佐敦店覺得唔錯，今次就去荃灣店encore！源源不絕嘅和牛🥓同清酒🍶，仲有好多雪條甜品揀，🤪食都食都興奮啲！🥩Course D $478今次我哋揀咗 Course D，一開始侍應就好快手咁送上頭盤。有4款日本黑毛和牛、3款海鮮同精選黑毛和牛，畀你樣樣都試咗先！擺盤靚靚，都係啲好嘢，特別條前臂咁長嘅魷魚🦑，真係好誇張！加嘢食都係用手機QR code落，出嘢快，仲無漏單，而且都幾多啱食嘅嘢揀。除咗油脂分布均勻，肉味夠濃嘅黑毛和牛🐮，澳洲M9薄炙都係必食。其他精選牛有牛肋肉、牛外橫隔膜、牛舌、里脊肉，都係非常適合燒肉嘅部位🍖，Course D 仲可以揀埋牛肉刺身、生牛肉壽司，質素都唔錯！而且可以點蔥味醬、鹽麴醬等，進一步提升肉味，正！除咗牛，仲有日本豚🐷、雞🐥同海鮮🦪、野菜🥒，亦可以出去自製紫菜溫泉蛋飯🍛、沙律🥗等，不過我咁細食，主力食牛都已經好滿足！🍧甜品方面雪糕同雪條都幾多揀，味道都好特別，梳打味、白桃烏龍、北海道雲呢嗱、海鹽荔枝、藍莓乳酪⋯⋯想樣樣都試下。🍨甜品細細杯，好啱樣樣都想食嘅我！Course D 梅酒、清

好耐冇食過燒肉，和牛燒肉一郎係一間高品質和牛燒肉放題餐廳，有多款套餐可供選擇，我就揀咗有145款食物嘅course E，收費$598一位，頭盤有黑毛和牛六款+海鮮三款（魷魚筒+帆立貝+青口盛合 ）+是日黑毛和牛精選拼盤，清酒、梅酒同埋啤酒都係任飲㗎。另外仲有自助區可以揀選各款飲品，沙律前菜，日本雪條等等。和牛燒肉一郎提供多款優質嘅和牛，每款各有特色，好鮮嫩多汁，肉質細緻，食落有層次同口感。和牛燒完外脆內嫩，保持肉汁同鮮味。除咗和牛燒肉，仲有其他款式嘅燒肉可供選擇，例如牛舌、各款雞肉豚肉、海鮮、蔬菜等等。可以滿足唔同口味嘅人嘅需求。餐廳嘅服務員好友善，態度好好，會解答你嘅問題同埋提供專業嘅建議。令食飯嘅體驗更加愉快。總括黎講，和牛燒肉一郎係一個可以品嚐高質素和牛燒肉嘅好地方，食物好味道，服務一流，適合喜歡和牛燒肉嘅人去試吓！