和河粉 (已結業)

起門口見間舖頭幾光猛同乾淨就入去食,點知得個外表雞絲檬粉好一般水準,一d特別都冇牛肉河d牛肉韌到不得了,而且d 湯底個味好怪野唔係咁好食,相對地,價錢就變得唔合理

坐又坐得唔舒服,d野食又少款,又貴又唔抵,食湯河, 湯底完全無味,不知所謂,牛又無味,又鞋口,食完仲要個肚唔舒服,最重要係d服務質素又唔好,杯水又有d怪味,真係不知所謂,千祈咪去,去左就好笨.

搬店之後首次去食, 睇下個menu, 其實都唔知點解個叫套餐都無jetso都做, 所以都係散叫.叫了一個燒豬肉撈檬, 個d酸汁好淡, 落好多都無咩味道. 燒豬肉片得個四五片, 味調得唔錯但燒得過時, 細塊過頭,好唔抵.另order一個湯河, 個d河粉係特別幼身, 都幾滑幾好味, 不過都係唔抵食.同埋坐得好迫

琴日去食個餐,一碗河粉,一碟日式沙律同小食,一杯野飲<br />因為我個胃唔飲得奶茶咖啡果d,所以我話要個餐淨係唔要杯野飲<br /><br />碗粉勁淡,冇味, 我要勁加魚露果d 至有味,又貴,佢一直都淨係黎碗粉,未有沙律小食果d, 後尾咪問waitress佢就話賣晒, 癲架,果陣下晝兩點度, 咁快冇晒d 野,都唔知係咪做生意, 但轉頭又見其他檯有喎<br /><br />俾錢果陣最興,一碗粉收我$28, 個餐都係$28 (多咁多野)我一直諗住食個餐,點知cashier 話我唔要杯野飲唔要得個餐, 我寫單時個waitress 又唔出聲..賤格, 如果佢出聲我實叫杯野黎, 至多放係度唔飲<br /><br />食咁耐野都未聽過幫佢慳返杯野飲唔俾我叫個餐<br />好賤格, 間野又唔好食,又貴, 佢地d 服務態度又衰<br />大家都係唔好去幫襯啦!!!!!!!!<br />

跟朋友食過一次.老實講..同區來比較..價錢是中上.食品的質素..是中下.我敢說..同區大部份有越式食品餐廳.不論正不正中...味道都比他好.我朋友食後只作一評...又貴又唔好食..我則若..還是去隔離食碗牛丸麵好過..

個日去叫了個豬扒河, 一般啦, ok, 扎肉檬, 扎肉好少,個檬粉硬到一舊咁, 點食啊,加多d酸醋都唔會腍架!!牛油雞亦味道係唔錯, 話晒都係即炸, 但好多油, 好明顯係炸完之後未隔好油就上檯, 扣分!咁就百幾蚊,咁o既地區,咁o既環境,坐得又迫,重衰過茶記,唔會再去

新正頭去拜年，發覺今年食肆有很多都開，以往要捱大家樂的日子不再了。<br>走入呢度，叫了生牛肉火車頭河粉及春卷，河粉湯底很是味精，但可幸河粉還不俗，起碼浸住湯都唔淋，此乃火車頭的基本要求。<br>兩個人吃了一百蚊，都幾貴。

呢度的香茅豬扒同香茅雞翼好好味,雖然d豬扒多油少少,但勝在夠味.d河炒都好幼好爽,可惜鞋了點.不過佢價錢唔貴,都值得一試.

我地兩個人叫左兩個普通size生牛河, 烤豬肉卷,同蝦醬炒通菜河粉都幾彈口同幾幼, 不過就鞋口~烤豬肉卷就好差, 又包得散, 舊豬肉又細舊,唉~蝦醬炒通菜就細碟左, 味道一般~叫左兩杯凍檸檬茶, 我飲左一半都唔飲, d檸檬都唔酸,又冇茶味, 唉~埋單$12x, 都唔係太平~

中午蛇皇和朋友去LUNCH, 試左"特別牛肉粉"同埋"香茅豬扒."曾經係雪梨食過越南華僑主理的越南餐館, 似乎味道差不多. "特別牛肉粉" 內著有, 生熟牛肉, 牛展, 牛丸, 牛肋等等, 湯底幾好味, 唔覺有味精, 食完唔口試."香茅豬扒" 煎得都幾香, 不過多油左小小.

o岩o岩一睇...咁多劣評o既佢仲已經唔係一年半載o既事......^__^"九九年十二月頭(某年o既畢業典禮後)係我第一次黎呢間鋪頭食,因為聽聞好食,(而家唸黎唸去都唸唔明..)但係入到去發現冇乜野食之餘,d野食仲幾貴!!今日突然想去緬懷一番,於是又去過...門口o既人已經比當年少左好多!!以前always有排等位,而家就係唔排都有位坐..當年d河粉真係幾爽同滑,衰在冇乜料同choice and貴o者.但係而家更為遜色--河粉質素下降!佢門口依然係掛住$12粉麵,但當時同而家我都唔知到底d咩係$12咁平.今日我點左個熟腩牛丸河,迷你已經要$19.送到埋黎...真係幾迷你,河粉用兩三啖就可以食完,雖然質素差左,但都仲接受到!牛丸幾林幾好食,不過...得一粒..牛腩都ok~!不過..得幾小塊牛腩碎.....佢得咁少料就差唔多$20,真係去麥記仲開心!!以後唔係想"緬懷"一下從前我唸都唔會再去架喇..再去記得要走青...好多芫荽同!!!

Soup not hot...food portion very small,Only container very big...give customer wrong impression. I will not go anymore..

細細o既鋪裏面塞滿晒人！搭檯就必定迫LA！食o左個牛丸根片河，D 河粉可能擺得太耐，所以入向D 水份完全冇晒，唔係好得！香矛豬扒，只係普通煎豬扒，重濕濕地而且一D 味都冇，都唔係好得！

同妹妹行街, 好肚餓,諗住求其去食o的野醫下肚,見到間越南餐廳,又好想食南野,所以就入左去.打開個餐牌,先知道o的野食都幾貴,我們order了一碗普通size的扎肉濛,o的料唔係多,又唔係特別好食,o個o的加落去o的濛度的汁又唔夠酸甜,總之一句講哂,下次都唔會再去....

宜家食肆要生存的確要諗好多計，一係就抵食夾大件，一係就要好好食先得，我就唔係好明呢喥做乜多年冇改進，幾年前去，又係咁貴o的料又唔靚，幾年後去又係咁貴，料又少，或者可能係旺角區唔愁冇生意啦！