和暉茶餐廳

营业中

休息中

已經造訪和輝無數次，決定寫食評主要係因為食物質素遠遠高於價錢及服務態度優異，非常值得表揚。因為工作源故，經常到和輝食早餐。食物方面，選擇多的同時份量亦都十足，完全唔會半飽離開。其實，茶餐廳食品大同小異，和輝優勝之處在於人情味。容許客人電話落落單，到步就有熱辣辣的早餐食實在係打工仔的恩物。店員亦非常友善，甚有家庭小店的感覺。午餐方面亦十方多元，西式，越式，小炒，炆麵，應有盡有。最特別的是為每日新鮮不同的煮家湯，春夏的清熱，秋冬的滋潤，更顯貼心。可惜的是尚未有機會嘗試晚餐，但只看餐牌已見數十款家常小茶，非常吸引。短時間內一定要試試！

經常經過這茶餐廳都沒有意欲光顧，今天放假只想隨便吃點有的沒的，便隨意點了兩款食物，誰料到竟是大伏。即磨熱咖啡聞下去還好，可是味道相當酸，加奶也蓋不了它的酸味，沒咖啡香，非常失敗，我只喝了一口。乾炒肉片河非常油膩，食到成口油，老抽放得不夠，顏色賣相不佳，而且味道偏淡。所謂肉片只有不足10小塊，而且冰鮮味道濃郁，毫無肉味，就算是免費也不想吃。索價$27元的招牌豬扒包竟換來極度失望，豬扒毫無肉味! 薄而乾，我敢說，閉著眼你不會知道自己在吃甚麽。沒甚麼醬汁，乾巴巴的，亦是非常失敗。

大圍竟有又平又美味嘅下午茶我叫一隻熱狗～估不到一隻平凡既熱狗，擺得靚靚的！不是腸仔咁簡單！居然用司華力腸！舍得落本錢！麵包烘得小小脆，放有蕃茄、青瓜，沙律醬同芥辣醬！味道一流魚柳沙律～沙律分量多，有粟米、紅蘿白、青瓜、薯仔、仲有蕃茄襯托！魚柳用麵包糠炸得金黃香脆！味道一‘流

好耐無嚟食早餐，於是又走嚟試吓！叫咗鮑絲湯米，配煙肉煎蛋多士，飲熱咖啡！鮑絲湯米处觀一般，湯唔足夠，素鮑魚味道過得去,有粟米粒配襯吓。至於煙肉煎得幾好，唔會太燶，而雞蛋都煎得漂漂亮亮，不過多士差咗啲，太乾，牛油不香。另咖啡不夠滑，少少嚡！總括嚟講，中規中矩之作！

2015年1月。好耐無來，餐廳環境仍一樣餐廳內的卡位好坐。這家餐廳的豬扒包好食在麵包夠脆，而且沙律汁配塔的豬扒吸引有咬口，所以成為這道菜的焦點。這裏的羅宋湯及蒜味多士味道方面不過不失。燒汁雞扒飯賣相吸引，味道可以、也好吃。

大圍市中心餐廳來來去去一樣，唯有去田心揾下食。個人最喜愛的田心餐廳，大概就係伯樂；不過食得多都要轉轉口味，於是試下呢間和暉。試過下午茶同晚餐，先講前者，西多士炸得金黃，不過不失。而豬扒包都唔錯，最正係麵包烘到脆一脆，咬落真係卜卜聲，不過餡始終伯樂更勝一籌，佢個酸微微醬汁真係冇得輸。最後見openrice咁多人讚羅宋湯，所以都試左個羅宋湯公仔麵，煮得太稔，湯又落太多茄膏太酸，完全唔覺特別，可以唔駛試。至於奶茶，水準好飄忽，第一杯冇茶味，第二杯又太濃。晚餐都係跟openrice意見，試左石頭窩飯，不過牛肉真係少，得幾片，冇嘢飲收50幾蚊，絕對唔化算。客飯反而唔錯，生炒骨幾大份量，酸酸地拌飯食好開胃。

要在大圍找到好食的不難! 但要假日在大圍找一間人唔太多, 中價又要有好質素, 相對地比較難!和暉地理位置不錯, 除街坊外, 應該不會有太多村外人知, 所以今日餐廳沒有擠得滿滿的, 可以慢慢享用~和暉亦成為我家最近的飯堂, 爸媽經常厭其他餐廳食物質素差, 又貴又多人, 但現在常常光顧和暉呢!今日點了肥牛石頭鍋飯, 翠玉瓜雲耳班腩煲, 加錢點了白菜仔及羅宋湯+蒜蓉包。肥牛石頭鍋飯 - 我最喜歡的就是這個飯, 差不多每一次都要點, 今日亦不例外! 但失了水準呢~ 因為容器過熱, 令到肥牛太老, 飯亦燒焦, 平日底部香脆的飯焦一點都沒有, 失望!翠玉瓜雲耳班腩煲 - 味道唔錯, 盛菜的容器亦特別, 有保温效果! 所以餸菜不易變冷~ 食物有擭氣, 唔太油! 不過不失!羅宋湯+蒜蓉包 - 近期至愛! 亦因為他們的羅宋湯令我迷上了紅湯! 坊間羅宋湯湯面有很多紅油, 蕃茄偏淡, 沒有半點辣! 但他們的羅宋湯做得不錯, 不會太"杰", 亦不會太浠! 用料十足, 亦有微辣, 正宗的是應該有一點辣的! 點餐加$8便可以有羅宋湯+蒜蓉包了, 十分抵!!整體來說, 不過不失! 亦會再幫襯!!

是日番學校補課, 師兄好好人話下晝都會留低教我同個同學, 所以就一齊去左呢度食原諒我今日不斷做數, 搞到唔記得影相 呢度既鰻魚飯不嬲都有水準! 可惜價錢比其他餐貴, 所以今次冇叫我同師兄要左 A 餐, 粟米雞球飯而同學就要左 H 餐鰻魚鴨胸飯A 餐 = $30 有湯有野飲, H 餐 = $38 有湯有野飲, 3 個都加左 $2 轉特飲昆日餐湯為冬瓜瘦肉湯, 夏天消暑正!而且非常足料, 勁鮮甜! 可惜飲得出佢有落味精, 如果唔落可能清清地更好~先講 A 餐粟米汁的話, 老實說唔太夠粟米味.汁既濃稀度岩岩好, 小小 "潔潔" 地, 用黎撈飯一流 我只係食左一半, 師兄男仔正常食量都食唔唒, 真係超大碟細食既女仔分分鐘可以一碟 3 個人食 雞球就 1dd, 睇你好唔好彩. 不過我個碟大多係老雞 同學的 H 餐鰻魚水準 keep 住! 依然好好食 <--朋友話可惜鴨胸見到都覺好油, 我冇食過當然唔知味了

上網睇openrice這間茶餐廳有很多好評於是走過來吃午餐。 坐了一陣，看了menu點了鹵水炸雞腿併煎蛋意粉餐 ＋$7 羅宋湯及蒜蓉包羅宋湯味濃，老實話我從未飲過多料味濃的羅宋湯，好飲！ 蒜蓉包香脆美味，兩片食完想再食。 鹵水炸雞腿併煎蛋意粉，鹵水炸雞腿味道不錯，煎蛋意粉不乾身合口味and合格有餘。 坐在我對面的家長婆婆與小學生，婆婆諗咗一陣才叫小食炸雞翼$25有五隻婆婆仲好客氣送咗一隻俾我食，炸雞翼香口好食彷美國水牛城的炸雞翼，不過以炸雞翼$25有五隻美國餐廳很少可做到......抵食。 今次埋單總數是$38抵食

第二次黎呢度食，上一次係一星期前上一次食焗飯，配料唔算好多，不過白汁好味搭救上次見朋友食石頭鍋飯好似幾正，今次自己都試下石頭鍋肥牛~熱辣辣，要擺一陣先食得 XD好彩門口有幾把大風扇，熱天食石頭鍋飯都唔會流晒汗肥牛都係咁上下，冇乜特別，個汁就係燒汁~我幾欣賞配菜，酸酸地，好開胃，仲有勁多芽菜..正 上次都係飲凍奶茶，略嫌甜左D今次叫少甜，不過又略嫌唔夠味 囧~應該係佢地既茶底唔夠靚，下次都係叫其他今次同上次一樣，都係幾滿足佢既環境好多茶餐廳都俾坐室外，不過就熱到死...呢度就坐得好舒服D食客同伙記都好nice~ 係咁撩我D狗狗玩

在大圍有很多食店，是次踏著單車途經大圍，找個地方歇歇腳順便醫醫肚。與同行之朋友們走入田心村，再次光顧「和暉」，門外數張檯已滿，唯有選擇室內，室內感覺舒適，其實不像茶餐廳，我們的單車則可泊在門外位置。對上一次光顧已是上年了，是次點了特式豬柳扒包+ 凍檸茶；朋友則選了干炒牛河。豬柳扒包上檯後，已嗅到香味，急不及待放入口中(所以忘了為它拍照) 麵包既熱且脆，配上的是豬柳而不是豬扒，肥肉及瘦肉適中，亦不會油淋淋 / 乾爭爭 / 肉質好”鞋”，面包內應該塗了少許蒜茸，所以好香，真的要推介推介。其中一個朋友的干炒牛河亦不錯，不會好油，夠獲氣，牛肉份量亦不少。夾了幾條試，不錯。在田心村內，有著這有水準的茶餐廳，看到室外有些食客在看書，飲咖啡，食小食，這裡是一個忘裡偷閒的好地方。吃罷已近黃昏了，坐到唔想走。哈

豬扒沙律 豬扒夠 soft , 夠味 對$21下午茶黎講 , 屬水準以上乾炒牛河牛肉多,有約10塊 , soft , 味偏淡洋蔥夠 fresh 有洋蔥味 , 河粉 ok , 芽菜較少總體上 , ok 凍奶茶味道唔錯 , 有奶味熱好立克味道普通 服務唔錯 , 個男侍應幾有禮貌環境indoor 地方較少, 有約2x 座位outdoor 有張3,4 桌子 , 可以 smoking

昨晚蝦子餅偷懶唔煮飯，唯有出街醫肚啦想起要去光顧和暉，自從它開張不久試過晚餐後就沒有再來，不是不好吃，只是大圍實在太多選擇而已我們點了葡汁斑腩飯和紅酒汁腸仔火腿雞扒意粉，另加羅宋湯和蒜蓉飽；飯和意粉分別上了枱，仍然未見到我最喜愛的湯和包？奇怪的問問老板娘，她解釋蒜蓉飽是即做的，需要等........但她很親切的問我是否可以先上湯湯，of course 啦很濃郁和足料的羅宋湯熱騰騰的蒜蓉飽...yummy葡汁斑腩飯，味道較淡，但啱我；斑腩很多很多紅酒汁腸仔火腿雞扒意粉，個汁唔錯，雞扒尚有少許雪味，要稍為改善最後結帳時有個靚仔師傅問食物如何？我認真架﹗真係唔錯﹗最值得一讚係招呼好好，各人都非常親切...good good

其實去到果到,地方吾算好大,不過都幾舒服.之後我點左個豬扒包,$22蚊吾系等左好耐.跟住就有得食.個包都幾大個.切開左2份.個包外皮好脆.但麵包肉就吾系話好鬆軟.不過都都幾好味.已經不錯.有查埋牛油.個豬扒話大吾大.話細吾細適中.幾好食.好野味.加埋沙律醬一流我個fd點左個香矛豬扒加薯條豬扒我冇食,不過我睇落去就覺得油多d薯條.熱.好脆.裡面就好軟既薯蓉$33蚊以上,送香茅雞翼,我個人認為油多左d不過都幾好味,個皮都好脆身,不錯不錯!

約左朋友未到，咪唯有食住等。早前報紙介紹呢間餐廳，咁岩經過，就入去試下啦。Order左日式叉燒烏冬+巨峰提子水晶乳酸碗烏冬都幾大碗，我食唔曬，叉燒好腍唔會乾爭爭；巨峰提子乳酸唔會太甜，大熱天時飲真係正。食完仲有糖水送，不過因為太飽，沒有要到。會再幫襯，下次要試下個豬扒包先....環境唔錯，醬油架同地下都好乾淨。侍應姐姐都好nice.