和之幸 (已搬遷) 新店位置

喺附近工作兩年，呢度簡直係美食沙漠，一係要行去德福，一係要行返近apm嗰邊，偶然見到離公司5分鐘步行距離開咗間日本餐廳，雙眼即刻發光，叫埋同事一齊去試。可能因為新開張，我哋12:45前去到都唔少人等位，最後都等咗25分鐘。我自己叫咗海膽帶子飯，刺身足料不過飯嘅份量偏少，對我呢個飯桶嚟講真係唔夠食，可能討論得太大聲，店舖負責人就主動話飯唔夠可以添，服務都好貼心。刺身味道未算好有驚喜但絕對可以接受，$138一碗刺身飯嚟講性價比算唔錯，其他同事試咗熟食，都話唔錯可以再去。

去牛頭角接老公放工~唔想去商場食，因為好逼又好趕咁~想去下d街坊/工廠鋪頭食~就openrice搵到呢間好有特色嘅日式居酒屋佢位置離牛頭角地鐵站唔係好遠~行過去都好方便入到去環境比想似靚~好乾淨企理，仲有好靚嘅海型燈，打卡都不錯我同老公點左個鰻魚茶漬飯＄118，三文魚腩＄54，炸河蝦＄3x，一口芝士＄32同野菜烏冬＄38，全部質素都好高~賣相同味道絕對唔俾出面百幾蚊一道菜嘅餐廳差~仲食到好有誠意好特別嘅味道三文魚腩超厚超香超滑，鰻魚原條上，醬汁好香但唔會好杰好膩炸河蝦第一次食，送酒一流仲有，d茶水質素都好好，好飲，唔係hea底最正係呢道d店員，一入到黎問我地冷氣凍唔凍~全程都好友善，以為自己真係去左日本d居酒屋~我地食完又問我地對食物嘅意見另外，呢道上菜好快，熱辣辣~仲有，老板唔收加一，佢話情願d客人叫多個送，大家開心~好正佢話呢道岩岩開始有晚市~希望老板可以好生意，多d人來支持加油~利申唔係打手~真心推介

終於在這個牛頭角區有一家很好吃的日本餐廳！仲有我最喜歡的日本刺身飯！食材10分新鮮！爆牛丼比吉野家更專業！肥牛很有牛味！醬汁10分好味！真好呀有得吃日本野！期待了很久的日本野來了10分好吃！服務員非常之nice!

牛頭角見到間新開的日本小店，見到環境幾好於是入去試吓。望下個餐牌，價錢原來一啲都唔貴，我叫咗個拖羅魚腩蓉丼，我個friend叫咗個牛肉丼，兩個餐都有跟埋個麵豉湯。我一向都唔鍾意飲麵豉湯，試左一啖之後成碗飲晒。個麵豉湯整得好好味，一啲都唔喊又冇溝水味，正！再試埋個飯，好好味！好新鮮，好足料，冇諗過幾60蚊個飯竟然有這個驚喜！好啦！牛頭角竟然有這個驚喜！以後我可以有個好地方食飯了!👍🏻👍🏻😋😋

"三文魚親子丼" $88, 呀仔好鍾意, 三文魚子大大粒, 晶瑩剔透, 好新鮮!!我就叫了個 "鰻魚丼" $98, 鰻魚一般都係咁上下啦, 唔會唔好食既, 以為無咩特別, 原來驚喜位係果層半肥半瘦的鰻魚皮;  煎得有少少脆身, 食落好有口感,  同一般的鰻魚唸BEL BEL 的一D都唔同, 超正!! 個日本師父好嘢!!三母子埋單都係$220, 低食, 阿仔仲話聽晚又再去食.....救命.....