影片
招牌菜
7点钟左右收工行经石篱商场谂住去三哥买个外卖返屋企食，见到三哥对面间冻肉舖竟然都卖埋饭盒，心谂生意难做到咁……横掂都叫外卖就行入去睇吓，因为见佢哋又唔算贵$40内就有交易。喺门口见到个牛肉丼就想试吓，点知话卖晒咁就转叫猪肉丼喇～又话卖晒原来佢哋只供应到7点钟同埋系限量供应，咁男店员话如果想食其他饭仲有得拣，最后我拣咗鸡扒井，畀完钱后店员畀左单我后叫我等一下，咁就出去行吓～大约6分钟后店员就攞咗个饭盒畀我，咁就拎返屋企试吓先喇～一打开饭盒见到就好想食，$35嚟讲块鸡扒算抵食，另有两款配菜同跟左个疑似烧汁嘅酱，饭就系用珍珠米煮嘅。首先咬咗鸡扒一啖食落口算嫩滑多汁，佢唔似吉仔咁鸡横鸡煎汁横汁上，呢家真系有用烧汁煮过嘅，所以唔使用额外畀嘅酱都够味，但我一开始都用左嚟淋喺上面另外紫菜用嚟拌饭食，泡菜又可以帮手解吓个油腻感，所以食晒成个饭唔会觉得好「漏」。整体嚟讲价钱直情超值，$40就有嘢饮同小食，口感同味道嚟讲都泊得住其他食肆，有机会再试吓其他饭先
继续阅读
肉质鲜甜，米饭有嚼劲，饭系日本珍珠米，内有紫菜+泡菜丰富搭配值得一试，即叫即整，➕5蚊就有纸包饮品同小食，➕10蚊又有各式各样小食，环境，素质，食材都系No.1，如果大家经过不妨试一试，唔会错架！
继续阅读
呢间原先好耐之前都有卖熟食，之后停左一排而家又做返后个价钱同品质完全高咗～我叫左个牛肉丼饭盒，原本见平价$38纯粹试吓谂住医肚就算～点知返到公司一打开饭盒仍然闲到阵香味，入面都好吸引同摆得好有食欲...有紫菜有泡菜同5-6片大片牛肉。食落口牛肉唔鞋有牛肉味，面头仲有牛肉汁，另外仲跟咗一个额外酱汁用嚟点牛肉或捞饭都一流。而我都会用牛肉夹住饭、紫菜同泡菜一齐食，同食X角嘅Feel好似。如果$38食到呢个质素嘅午餐饭盒真系好满足店员仲教我可以手机落定order，预时间去舖头攞，真心方便～不过我冇加到跟餐小食同饮品，小食似系每日都唔同款，饮品就系X他纸包饮品，由于公司有嘢饮所以冇加到。有机会下次再试其他饭，睇吓系咪都咁正先
继续阅读