呼吸咖啡茶館 (已結業)

坐在露台很舒服，幾好feel，可惜是後來鄰來了一群女孩子，談話很大聲，破壞了氣紛！

果日食完dinner 冇野搞同d friend 上左呼吸cafe~去左非吸煙區, 有張類似床的sofa, 有好多大大隻的熊公仔~個環境好好~ 提供波子棋同象棋~以前唔俾玩啤牌, 宜家都俾玩la~野飲方面叫左個燈沙冰同朱古力cake~ 另外d friend 都有叫到new york 芝士蛋糕~個new york 芝士好味d~ 埋單每人$51~不過坐到零晨2點到~ 佢話樓上要收~ 叫我地搬落一層~ 去到下面果層~ 坐露台位~~ 冇之前咁好~ so 都已經打算走~~~點知發生左個小誤會~ 我後join 果個friend 之前冇叫到野飲~ 臨走待應先話我地知原來每個人入黎都要at least 一杯野飲~ 咁無理由走先叫多杯野飲ma~~ 不過老闆好好人~~~ 最後都無收到額外收費~~~ 雖然有少少誤會, 不過有機會既話仲會再黎~~~

4樓&6樓之後租埋5樓佈置好靚好似入左天使愛美麗的電影世界內不過環境好嘈左右都好多女仔講野勁大聲想傾下計都幾難

因為之前聽講過呢間cafe唔錯，所以同幾位朋友上去試。不過已經係十二月0既事。裝修唔錯，幾舒適。無menu算係間cafe 0既特色，由waiter為客人介紹0岩口味0既飲品，可以畀人好pro 0既感覺。我叫左杯玫瑰咖啡之後就行開左半個鐘，當我返到去，個waiter就話因為我走左太耐，杯咖啡凍左，所以換過杯畀我(@o@!)。令我印象最深0既就係佢地0既服務態度好，至於食物質素就無乜特別印象啦。不過有樣0野真係唔滿意，就係我地落order果時無同我地講明唔收cash，到我地話埋單先講要買張card﹗有點兒屈我地畀多d同埋迫我地再上去幫襯0既感覺。張card宜家仲有六十幾蚊0係度......

得老細一個做哂4/f, 6/f的drink好忙, 等成個鐘頭先有得飲, 我都好有耐性等下點知有一枱十幾人好鬼嘈, 老細大聲話佢地, 佢地立刻收聲第二次又來嘈, 老細再次話佢地, 佢地立刻問點解杯飲品未到老細即係老細, 大聲話我一個人做哂4樓同6樓, 你話可以有幾快全場即刻靜哂zzzzzZZZZZZZ老細你係得....我要向你至敬you are so cooooooooooooool!

呢間野勁多人去,4樓full晒上左6樓,激細,但係佈置得幾靚. 唔知佢4樓有幾大,我地order左野飲同意粉,意粉等左半個鐘,野飲等左大半個鐘..我地催佢,佢好有禮貌咁say sorry話多人,但係隔離'台'遲黎又好快有drinks,佢d先後次序應該做好d. 最後埋單又係等10min.意粉整到好香好好食,好多上樓cafe都做唔到ge水準. 試左蜂蜜綠茶,有別於一般台式o個d,佢多左d唔知咩花o係度,好味. 另外試左朋友ge香蕉朱古力,超香ge香蕉蛋糕味,我好憎飲甜到爆ge朱古力,但係佢做得好清香.期間見到隔離order左個芭芙cake,好靚ar!!

成幢都系cafe 大廈來同個fd由10樓逐層向下睇下邊間好feel d 啦就揀左呢間full cup啦野食叫左小食拼盤就一般ok 啦野飲就蘋果鮮桃綠茶同士多啤梨咩咩綠茶,都真系麻麻地.服務就有個幾靚妹的女仔就成日都好似走左神今lor不過,好中意佢d decoration, 好好feel啊成個環境都幾好hae 啊令我同個fd 想起以前返大陸d古鎮d酒吧cafe "串吧"頹廢的日子好懷念啊原來香港都有個今好feel的地方個個成日想訓的妹妹仲俾左張50% off的卡俾我地tim下次會再來啦

呢間野可以話係我第一次去既樓上cafe,差不多兩年前了, 有個friend話佢個aunt個朋友開的,所以上左來試下, 這裡的環境萛下不錯,有一area係俾三五知己吹下水, 飲下野,不過唔容易坐到呢個位架!呢間野的老細係個廣告設計的,當日佢都在場, 所以呢度既環境都幾有mood,仲好記得佢一定要我地出張卡, 話唔會收cash,又話日本d cafe都係咁...所以迫住出左一張卡....好似叫左杯mocha, 一d都唔好飲, 苦到死, 又細杯..我諗呢度真係sell環境的~之後因為要用盡張卡既餘值,唯有再次硬著頭皮上來,叫左d野食, 不過又貴又唔好食....當張卡的餘值扣到0, 我就冇再上過去........不過呢d係近兩年前既經歷, 佢而家變成點我真係唔敢講了..........

晏晝5點幾,接女朋友放工, 之後同埋佢班朋友上去樓上Cafe, 今次係我第一次去樓上Cafe. 上到去環境都唔錯, 周圍都擺左七八十年代既收音機, 另外天花板度有一棧老闆用玻璃樽切既吊燈,幾靚幾特別. 因為去到個時冇乜人,所以個感覺都幾舒服(但係我女朋友話佢地改左間cafe 既佈局, 佢話之前舒服D喎)anywaz, 我叫左杯double shot 既espresso 沙冰, 等左好耐杯野都未黎, 唔通杯野真係咁難沖? 不過唔緊要,我有既係時間,所以我都冇催個waitress. 最慘既係我女友, 唔知點解佢叫親既野都好似冇咁, 前後叫左兩次, 等左好幾分鐘, 個waitress都話冇晒, 連佢自己都有少少覺得唔好意思, 不過我地都冇怪間cafe, 可能D野太好食, 賣晒呢? 最後我終於都等到我杯espresso 沙冰, 飲完第一啖之後, 都幾失望. 杯野好水, 冇咩味, 縱然我叫既已經係double shot 既espresso, 但係飲完之後, 覺得佢好似只係落左大半個shot. 雖然杯野麻麻地, 但係地方勝在舒服, 所以如果三五知己傾下計, 呢個地方都可以係一個選擇.

朋友highly recommend下晝meet佢熱到死所以上左黎冇之前食評所講咁要開咭2點幾...沖野飲果個老闆(大佬)未到飲住水先...冇所謂喇另一老闆(細佬)健談+nice教我地點分靚coffee/cream...又講下佢地d coffee特別之處佢地剛轉menu...冇左+$1/+$3/+$5食物同飲品分開計好彩,朋友有五折咭如果唔係,一杯野都要成$3x呀order了紫沙冰---blueberry有益力多味,少少酸,幾好飲奈何場地有點熱,杯野melt得快朋友的mocha都不錯據老闆所講..佢地d cream有特別0既地方---就係手打喇一定有下次但走時唔記得攞五折咭tim佢地係樓下都有派

我上次去都係飲杯Cafe Latte...但個口感勁唔得...勁乸喉...難怪有人話飲完個心跳好快....cafe latte已經咁唔掂..其他咖啡都唔慌好...

先俾$200開咭, 呢個手法我就麻麻地buy既, 可能依家興啦.有張禁煙poster, 但係好似淨係我地果枱無人食煙咋. 連水吧果個都食緊. ~_~D茶就OKo既.D cake就幾細舊, 所以都算係貴.(主觀應為waitress比waiter nice)

早放工，先上來飲杯野再諗下半場。因為早，難得的靜局無咩人，算係來個refreshment。隨便咁了個小吃同飲品，坐陣傾陣咁，不知不覺又天黑了。難得咁靜咁舒服。

某日weekday打算在旺角飲杯啡等人, 見呢間聽過但未幫趁過, 就摸左上門了.去左4/F, 室內外佈置都幾別緻, 見天氣還未算太熱, 便坐室外. 坐落又覺得麻麻, 以室外黎講, 感覺有些侷促.服務員只比左個tea set menu我, 反而無drinks' menu, 唯有問佢有乜咖啡. 點了一杯iced cafe latte, 奶及咖啡一層層的, 賣相幾靚, 飲落咖啡味亦算濃. 下午茶時間加幾蚊有小食送, 見有法式焦糖燉蛋, 都只不過加$1, 梗叫黎試下. 份量小巧, 味道一般, 但都無咩好complain了.Order杯咖啡時無menu睇, 我又無問幾錢, 埋單要$41 (無開卡要加一), 即係杯iced cafe latte要$36, 以旺角區黎講算貴, 但水準亦都比同區一般上樓cafe好既.

星期六上去依家係4/f 室內唔可以食煙仲可以玩card game, 仲有棋提供比你玩真係無性格同其他cafe 一樣咁...唉!