味道

营业中

休息中

🇭🇰味道·呢間我之前見過好多人食㗎啦 佢個炸雞髀望落超吸引🤩🤩·越式香茅蔥油豬扒煎蛋飯$70 l 炸雞肶配泰式冬陰功米粉$84 l 泰式炭燒豬肉串(6串) $95不過食完之後我自己個人就鍾意佢個蔥油豬扒多啲😍🤤佢個豬扒肉質好好 超級juicy 配埋個蔥油同太陽蛋勁送飯🍳之後個炸雞髀都唔錯 真係熱辣辣新鮮炸起 個冬陰功米粉都入味🐤之後個豬肉串都唔錯 不過都係豬扒最好味🤩🤩·#rbyeat#rby東南亞菜#rby上環·📍上環畢街15號地舖

星期六去上環食飯, 之後去灣仔睇無人機演出。餐廳主打泰越菜, 位於上環小巷, 坐位唔多, 但經常大排長龍。我哋叫左炸雞脾泰式冬蔭公湯河粉, 雞脾好大隻, 炸得香脆嫩滑, 咬落去好多汁, 配合冬蔭公酸辣湯底, 十分開胃好食。越式豬扒煎蛋飯, 豬扒香茅味突出, 加上自家製葱油十分好食。泰式炭燒豬肉串, 燒得好嫩滑, 配上花生沙嗲醬十分惹味。另外, 餐廳提供套餐配以飲品選擇, 而且份量十足, 十分抵食, 如果下次去開中上環下次可以再試。

朋友介紹上環有間平靚正既餐廳，晚上時間去到，門口已經有人龍，不過等左陣就有位。餐牌提供多國美食，包括越南、泰國、韓國、日本，跟餐送熱飲，加$12仲可以轉特飲，相當抵食。泰式炭燒豬肉串x4：豬肉燒得唔乾，帶炭香味道，豬味突出，微彈帶爽，配絕配既沙嗲醬汁，簡直無得輸。越式香茅蔥油豬扒煎蛋飯：香茅豬扒煎得香口，肥美肉厚，蔥油爆香左，撈埋豉油、太陽蛋，拌飯一流，超級惹味。炸雞脾配泰式冬蔭功米粉：雞脾炸到外面金黃鬆脆，內裡既雞肉仍能保持嫩滑；冬蔭功湯底，帶有一絲酸酸既口感，同時散發著淡淡既辛辣風味；米粉索滿湯汁既精華，實在令人無法抗拒。泰式奶茶：茶同奶既比例剛好，茶味濃郁。青檸檬梳打：泰國鮮青檸，冰涼清爽。總結，每款食物都好味，而且價錢合理，絕對有驚喜。

呢日收工行過上環 醒起味道yumyum喺附近平日lunch time大排長龍 難得4點幾唔洗排隊 即刻入去食入到去發現呢啲時間都坐滿咗一半 果然夠晒人氣餐牌台式日式韓式泰式都有 超勁日式咖喱、韓式拌飯、台灣牛肉麵、泰式冬陰公都好吸引有選擇困難症嘅朋友應該會揀好耐🤣最後揀咗最多人食嘅炸雞髀配泰式冬陰公河$84炸髀勁大隻 有成隻手咁大而且係即叫即炸 上枱時熱辣辣外皮炸得香脆 入面雞肉勁嫩勁juicy 肉汁鎖返晒喺入面好好食😋好高質👍🏻冬陰公份量都好大 顏色好靚好吸睛湯底濃而不膩 帶少少辣配河粉食一流 可以吸滿到湯汁而且入面仲有魚片頭、魚腐 冬陰公必備🫶🏻泰式樽仔奶茶 食冬陰公嘅絕配😋用樽仔裝起 風味十足奶茶夠濃夠滑 飲得到茶香

不嬲都好鍾意食泰國菜😝較早之前就去咗上環區一間價錢實惠但味道超好食嘅泰國菜🫶🏻炸雞肶配泰式冬陰功隻炸雞比超大隻🥺炸得好香脆，但入面嘅肉質依然好滑👍🏻仲要咬落去都好多汁 再配埋冬陰功嘅面，酸酸辣辣非常開胃❤️而佢哋嘅冬陰功都係偏酸嘅我自己就幾鍾意❤️香茅蔥油豬扒煎蛋飯分量一樣係超多🥹豬扒經過蔥油同埋香茅嘅調味～ 食落去個味道更加豐富🙆🏻‍♀️再有店舖秘製嘅醬汁非常好食 但又唔會太鹹👍🏻泰式炭燒豬肉串我自己最鍾意食呢一個😎有時食豬肉串燒出邊都會比較硬 但佢哋嘅肉質做得好好食超級惹味☺️泰式凍奶茶青檸檬梳打

✨上環·味道✨🔹🔹🔹🔹🔹🔹🔹🔹🔹🔹🔹越式香茅蔥油豬扒煎蛋飯，這道菜將豬扒用特製的香茅蔥油醃製後，煎熟至香嫩多汁，再搭配上一顆炒至金黃的煎蛋，營養豐富，口感絕佳。雞髀配泰式冬陰功米粉這道菜絕對能滿足喜愛辣味的人。炸雞髀肉質鮮嫩，外皮酥脆，炸至金黃色，香氣四溢。搭配上泰式冬陰功米粉，辣椒和酸味的平衡恰到好處，讓人難以忘懷。泰式炭燒豬肉，這道菜非常適合當作小食或下酒菜。豬肉串經炭燒，燒烤出了香氣四溢，吃起來口感鮮嫩多汁搭配上特製的泰式醬料，更增添了菜品的風味。最後是青檸檬梳打和泰式奶茶。青檸檬梳打是一種清新又酸甜的飲品，搭配泰式奶茶，味道更加豐富。青檸檬梳打的檸檬味道十分濃郁，配上氣泡水的口感，非常渴。而泰式奶茶則是用特殊的泡茶技巧和配方調製而成，奶茶濃郁香醇，讓人回味無窮。🔸🔸🔸🔸🔸🔸🔸🔸🔸🔸🔸▪️美味指數：😋😋😋😋😋▪️餐廳環境：✨✨✨✨✨▪️服務質素：👍🏻👍🏻👍🏻👍🏻👍🏻

去咗上環人氣排隊小店「味道」，去到見到個餐牌就會有選擇恐懼症，因為有齊日韓泰越嘅菜式選擇，仲有一個係港式嘅主食，最多人推薦嘅係佢哋嘅招牌菜炸雞髀配泰式冬陰功河粉同埋越式香茅蔥油豬扒煎蛋飯。星期五晚去到舖頭都仲好多人排隊，人氣都好高。我哋食咗兩個 signature主食 ，一杯泰式奶茶，再飲返杯青檸檬梳打平衡下冬陰功湯嘅味道，另外仲有一個炭燒豬肉串燒做小食。炸雞髀配冬陰功河係一個幾特別嘅配搭，本身生炸雞髀係好港式嘢感覺，冬陰功係泰式嘢，滿足到兩個願望都唔錯，個炸雞髀手掌咁大隻，雖然自己衰鍾意食嘅嘢擺到最尾先食，但係隔咗大半個鐘頭先食都依然都仲好 juicy，佢嘅外皮唔係厚厚炸漿炸出嚟嗰隻，而係薄脆嘅生炸外皮，佢嘅肉質因為生炸嘅關係保持到嫩滑，冬陰功同炸雞髀好似有啲南轅北轍嘅感覺，但係食落又冇咩違和感，冬陰功微辣，所以飲過梳打水中和下就啱啱好，個河粉唔係闊河粉有少少可惜，因為我去過泰國之後愛上左闊河粉，不過始終傳統河粉配湯應該都係match啲，而佢個河粉配冬陰功都係好味嘅，食完之後覺得如果一啖河粉一嚿雞髀咁樣食好似有風味啲。至於個香茅蔥油豬扒煎蛋飯，蛋係太陽蛋輕微煎個燶邊，我覺得再燶啲會更

🐻早排睇youtube介紹上環美食，作為中環扮工一員梗係要留意下👀，見到呢間餐廳，介紹佢嘅炸髀🍗配冬陰公好似唔錯，今日終於的起心肝冒住排隊🚶🏻‍♂️嘅心情12:30分到達，前面大概有6-8人左右，估唔到排左10分鐘都可以入坐 🐻差唔多到嘅時候會比定餐牌落單先，所以坐低都好快有得食，見到都keep住出入，輪侯時間一d都唔算長 🐻意想不到嘅係佢原來唔係食泰國嘢，基本上係咩菜式都有，泰越韓中😹太多選擇不過我都係冒住佢個炸髀冬蔭公面而來，所以都係堅守住呢個信念🤖 🐻冬蔭公湯唔算太辣, 味道比平時飲嘅順喉D, 但就好夠味, 佢有得簡🍜米粉/粉絲/河粉, 食落米粉唔算好掛湯, 應該另外兩款會夾D, 炸脾冇厚厚嘅粉漿, 雞皮都好香脆, 入面肉質好JUICY, 唔算好大隻但我都唔係好食得晒 (因為食晒碗面)….連埋一杯凍飲 (+$4), 埋單$88, 中上環基本上一個餐都係差唔多價位, 下次再黎試其他🙆🏾‍♀️

呢間係上環嘅小店，無諗到受歡迎到晚市都要排一陣隊。食完覺得其實等一陣都真係值得嘅！蔥油豬扒煎蛋飯配特制醬油半煎炸香茅豬扒好嫩滑，配大量蔥油，嚟嘅時候已經切好晒方便食。流心煎蛋配埋個甜甜地嘅店家特製醬油送飯一流。炸雞脾配冬蔭功河粉醃製過先炸嘅雞脾外脆內嫩，咬開仲有大量肉汁，啖啖都好味。冬蔭功湯底唔太辣啱啱好。一啖雞脾一啖河粉出奇地夾。泰式沙嗲豬肉串店員上菜時提到豬肉係泰國直送，沙嗲醬另外分開上，可以按自己喜好沾嚟食。豬肉肉質嫩滑。沙嗲醬好濃花生味，亦都食到大量花生粒。泰式奶茶及青檸梳打奶茶本身已經少甜，泰式茶葉味香濃。至於青檸梳打解油膩一流。

住附近一直都未嚟過呢度食飯，之前睇過人哋sharing 好似好正❤️今日收工終於食到，呢度中午超級多人！估唔到夜晚都咁多人呀😂大概價錢一個餐係七十幾到80幾蚊基本上都連嘢飲，咁其實喺呢個地段來講都幾抵食！我哋嗌咗一個招牌係炸雞髀配冬陰功湯河🥰雞髀好大隻，生炸特別Juicy! 味道剛好，唔會太咸🫶🏻特別中意個河，酸酸辣辣，湯底好惹味另外嗌咗個蔥油豬扒飯，呢個係泰式版嘅，香茅味十分重，食落唔算好油，幾香口，撈埋食好正，層次感豐富🥰小食必點豬肉串！今日VIP呀，又多汁調味又特別 一定要叫！飲品就強烈推薦嗌返梳打！可以refresh下❤️❤️#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西

呢間小店平日食飯時間好多人排隊估唔到星期六嘅下午三四點依然有好多人排隊！.炸雞髀配泰式冬陰功河粉食剩指數：0/100生炸雞髀好大隻同個碗差唔多大隻外皮脆肉質幾嫩食落肉汁好多又唔會感覺好油膩分開上唔怕個外皮變軟泰式冬陰功湯湯底酸酸辣辣唔會好辣仲有豆卜魚片等配料河粉都幾滑，份量十足.泰式奶茶食剩指數：0/100泰式奶茶茶味香濃甜度適中唔會太過甜跟套餐加都係$12.味道 yum yum地址: 上環畢街15號地舖

上環都算一個其中一個幾多隱世小店嘅地方，今次黎到畢街食泰國嘢，其實佢仲有越南、台灣、日本嘢食架，見到放工時間都好多打工仔過嚟食，最出名就係佢個超巨型炸雞髀，基本上每枱都會見到👸炸雞髀配泰式冬陰功米粉 $84係超級濃湯，酸味非常突出，香料味好重，米粉掛哂湯，一次過食入口，好惹味，每啖都激發到味蕾！炸髀唔使我講就知大隻，皮薄肉嫩又多汁，啖啖肉大滿足越式香茅葱油豬扒煎蛋飯 $70個豬扒好腍又入味，有香茅味得黎，又脆脆地燶邊咁，最緊要係個甜豉油加蛋汁，再加葱油，嘩一啖飯幾隻味，幾咁豐富泰式炭燒豬肉串豬肉嘅肥瘦分明，點埋醬汁又係好香，唔好以為豬肉就好鞋口，我敢講呢度嘅豬肉串係香港我食過最好味

味道 地址: 上環畢街15號地舖電話: =====================好幾次都想來食lunch 無耐中午食lunch 總是趕頭趕命，幾次行話見到條人龍，看看電話時間再計一下，心知食完一定會遲返公司，可惜都未有機會食。今年easter 好多人外遊，我公司都消失了一半人拿了annual leave ，令到人龍小了，我終於食到啦炭燒豬肉串satay 汁甜甜地，肉質柔腍。炸雞脾跟冬蔭公湯河，大大隻香噴噴雞脾呀，炸到勁脆啦，先飲口湯酸酸辣辣極開胃煎多香茅豬扒蔥油飯，淋上特製醬油，豬扒也是很軟腍，豬扒醃到富香茅味。泰式奶菜同line soda ,奶茶好飲#life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #foodgasm #foodporn #必食推介 #keto#lchf #生酮 #followforfollow #好去處 #igab

Dinner，感覺好差。嗌咗炸雞髀冬陰功河粉，落完單轉頭已經有得食。筷子筒入面嘅木筷子係濕㗎，唔敢用，感覺用左會將d未乾既洗碗水滲入碗粉度，最後開咗對外賣筷子嚟用。個河粉淋到夾唔起，好似浸咗好耐咁。明明係嗌泰式凍奶茶，黎到變左室溫。個位好迫，無心機食，問店員拎外賣盒拎走隻雞髀，外賣盒要比$2 都ok, 點知佢拎咗個充滿油漬未乾有水點嘅外賣盒俾我，見到都唔開胃，同佢講very dirty佢先肯換個正常盒 。

可一不可再嘅東南亞菜之前喺IG超多人推介呢間喺上環內巷嘅隱世餐廳，話有超好食嘅生炸雞髀。於是我就搵晚同朋友專程過嚟試吓。佢個雞髀係連埋冬陰功湯河一個set咁叫嘅，幾乎每一台都有叫，咁我哋就滿心期望啦。不過期望越大，失望越大。雞髀講真味道不過不失，肉質大致都Juicy，不過唔知點解上菜嘅時候已經好似有啲凍問題係個冬陰功湯河，真係十分麻麻。冬陰功嘅味道超級淡，然後入面嘅河粉食三四啖已經食完。完全唔夠飽。另外我哋仲叫咗個串燒set，呢度六串已經$95 ，簡直係難以置信。味道亦無特別，完全唔值咁貴。總括嚟講，呢間嘢價錢偏貴，俾人吹捧得太犀利，完全係名過其實，不值得排隊！食完仲要成身油煙味，勁唔舒服，絕對無下次！