味皇 (北帝街) (已結業)

幫襯左味皇好耐了，佢地d無骨海南雞飯好好味，滑滑的雞配埋d醬汁，再加上油飯，真令人食不停口，但近月再光顧就變了，之前d侍應都有禮貎，但現在換左人，當客人冇到，十問九吾應，落單後就懶得啋你。無骨海南雞飯：之前食就雞滑飯香，但近月食就差左，d雞鞋左，油飯就淡味左，希望佢改善下喇莎雜錦拉麵：我而家改食尼款，好好味！湯底濃，材料有：蝦、扎肉丶雞、蛋和菜等，非常豐富

今晚跟男朋友來到土瓜灣，來到很旺的馬頭圍道及北帝街，結果入了連銷店味皇吃晚餐～ 兩個人點了兩個小菜套餐，因為都係五十多元，都幾抵～我們點了魚腐雜菜煲及咸蛋蒸肉餅套餐（各自＄58）連湯或飲品：魚腐雜菜煲（＄58）：因為即時煲的緣故，服務員一早已講明要等十多分鐘；底湯很濃，很有魚味，菜的種類也很多，有生菜，菜心，菇，金菇菜，西蘭花等等，因為吸了魚湯的味很林很好味～ 只是魚腐只有大約4粒左右，size及數目若果大些及多些會更加好～ 咸蛋蒸肉餅 （＄58）：蒸得非常好味！！ 勁正！ 服務員一早已說明要等十五分鐘左右的，端出來時熱騰騰的，很好味，咸蛋的大小剛剛好，而肉亦蒸得好美味～而碗飯亦端得很大碗，價錢亦不貴，整體來說很滿意！

係到食過早中午晚, 早餐, 下午茶質素最好, 奶茶, 多士, 炒蛋都係正常水準, 炸魚柳好食香脆, 午晚市炒野小菜就普通, 所以黎親都會揀早餐or 下午茶食, 貪佢選擇多又唔算好貴。但今次想講嘅係, 每次黎襯一入去餐廳都有陣up 味,,初期唔為意係邊到發出來嘅味, 以為可能係d街坊身上嘅宿味, 但後來聞聞下, 就發現係張台面上面散發出來嘅''宿味'', ''up 味''應該係佢地塊抹台布出事, 可能吹得唔夠乾透, 所以長期有陣味, 用一塊有味嘅布抹每張台, 台面看似乾淨, 但.....就各自遺留氣味,攪到餐廳一陣味真心希望餐廳可以改善下, 其實食物唔係差, 但果d味都幾難聞

到味皇不一定要order海南雞飯。這天，河馬生和河馬太便到了味皇去吃早餐。河馬生和我叫了差不多款式的早餐，區別只是牛扒和雞扒罷了。味皇的炒蛋也算嫩滑，一上枱，雞扒皮看似很乾。把皮撕下，有濃郁的香茅味，實在不俗。牛扒實在韌了一點，咬下去要費力才能把它消化掉。多士內有很多牛油，邪惡但香濃。熱華田和熱檸水也是一般貨色，不提也罷。整體而言，雞扒早餐算是不錯的了，牛扒卻有待改善。

很久沒有吃鹽焗雞了，看到有這一個選擇便點來試試吧，而這裡的動作也真快，落完單後沒消數分鐘便已經可以把食物奉上了，相信因為燒味始終是中國人的快餐吧。外形算是可以，雞皮的黃色也很吸引。味道方面卻有點失望，因為完全吃不出有鹽焗的感覺，與白切雞無異，只是醬料由薑蔥轉成沙薑而已。

今晚到味皇紅磡北帝街尾店叫"雲吞雞扒麵", 等左十幾分鐘, 眼見外賣已經放左喺枱面一段時間, 但收銀個肥阿姐都愛理不理, 後來先斯斯然咁邊聽電話邊打包. 因為我唔係住附近,返到屋企打開外賣盒先發覺入面冇雞扒, 只係得3粒雲吞 ; 好嬲但心諗都返到屋企, 就算打去投訴都冇用... 諗著算數, 下次唔幫襯就算, 點知咬一啖雲吞~ 火都嚟埋 , 3粒雲吞都係生嘅! $38買一碗"雲吞雞扒麵"得D麵食得!!!!諗住打電話去投訴, 點知冇單, 餐牌冇電話, 連OPEN RICE都冇佢電話! 實在太火滾, 所以要寫個POST提醒下街坊!!!!!!!