影片
食家推介
呢间味皇嘅海南鸡饭，实在系我喺香港食过最好食嘅海南鸡饭我妈咪系超钟意食海南鸡饭嘅人，但系佢食过呢一间嘅海南鸡饭佢都话好正，仲不时会叫我买返屋企俾佢食今次叫咗两个海南鸡饭套餐，套餐包左无骨海南鸡饭，例汤嘢饮再加一碟油菜，都系70几蚊个海南鸡佢会跟三种酱，豉油，葱油再加一个酸甜辣酱，超钟意食佢啲酸甜辣酱，点鸡食真系一流冻奶茶都可以嘅，但系咖啡就麻麻地，重点一提，佢个例汤都系超好饮，如果要再加一碗就要加$10,因为好饮嘅关系$10其实都系抵既
继续阅读
一支公，经过谂住医肚食碗河粉，员工态度整差，都算喇，牛腩云吞河，得两旧牛腩，下午茶时段都算了，牛腩难食到顶点👎🏿云吞唔熟👎🏿食左半碗都无唔想食落去，医肚来讲你都算垃圾。
继续阅读
今天7点去吃早餐，得个3 枱客但坐咗十几分钟好似透明冇人招呼。只听到个女收银同楼面吹水不停( 收银姐话中又带粗言秽语 ）。单又落错，当我要求换回我order 的食物时。后果出现。个亚姐唔知是否条气唔顺，有二次行过我座位侧面细细声比说话我听单单打打,坚持我讲错。那是嘉荣大厦个间味皇。油麻地弥敦道534-538 号，最后我认得 收银亚姐把声,仲讲食啲二十几蚊早餐咁大把 ，比佢亚姐咁招呼，食过都唔想再去。其实是碎事小事情。但态度好恶顶，唔忧做。祝福佢赶客成功。
继续阅读
放工想食家常便饭🍚🥢相约好姊妹一起晚饭, 便想到这间小菜馆,今次点了4款小菜：1.海南鸡饭很出色伴碟仲有三种酱及黄油饭。2.梅子面豉蒸排骨, 住家风味。3.顺德煎焗鱼腩, 味道野味但很多骨,食时要小心。4.椒丝通菜炒牛肉,牛肉炒得啱啱好唔un。这间小菜馆的晚饭小菜都好食,而服务员的服务很亲切有礼, 见到公公婆婆都是这里的常客,因为伙记都认得他打招呼,在这里感觉舒服。
继续阅读
呢度系我哋经常帮衬, 味道、出品不用置疑, 不过未试过写佢哋食评, 即管写一次食评给他们。味皇嘅特色, 其实都好港式急赶茶餐厅模式, 各方面都要求好快。 呢啲条件, 我哋系接受嘅。因为佢哋煮嘅嘢真系好稳阵。洋葱猪扒饭 - 猪扒、洋葱汁好味。猪扒腌得好味, 但略嫌薄咗少少。鸡扒煎蛋饭- 煎鸡扒系呢度嘅招牌菜, 鸡扒腌得超好味。煎蛋香滑。冻柠茶 - 好味, 一定冇问题。热奶茶 - 嚟亲味皇都系饮热咖啡, 因为佢哋系用即磨咖啡。今次试下饮奶茶, 奶茶都好出色㖞!** 有个见有个建议: 佢哋嘅伴菜系一啲沙律菜, 落啲沙律汁, 一个兜仔咁样。其实有啲客人唔食生嘅菜, 呢啲就好似好唔啱味, 唔系咁啱食。我建议做番啲熟嘅西式拌菜会好啲啰。注意: 呢度冻饮加4蚊。就算好饮都唔值。好过抢。
继续阅读