味吉 (已結業)

慕名而至, 叫左一客咖哩猪扒套餐及一客咖哩猪柳+大虾套餐, 一试之下, 真系好....好....味呀! 好有惊喜!吉列猪扒外皮够脆, 肉质又嫩又多汁, 又够热, 咖哩汁又香, 真系无咩可以挑剔o既地方! 估唔到o系foodcourt入面都有高水准之作! 好食过好多日本餐厅! 下次一定会再去!…查看更多

钟意食日本咖喱，贪佢甜甜地唔太辣，配上日本珍珠米白饭简直一流。自从某次黎食过之后就爱上了，系美食广场度有两间食咖喱既，呢间有套餐，包面鼓汤同饮品，感觉较抵。日本咖喱饭通常都系配劲热气既炸物，今次我地叫左两个餐share，一个吉列猪扒炸虾，一个海鲜，海鲜果个仲送一个大薯饼，口味任择，我地拣左蟹柳粟米味，不过就冻左Ｄ。个人觉得日本咖喱饭同吉列猪扒炸虾最夹，可能食惯左，呢度既炸物都系即炸既(除左薯饼)，新鲜香脆，同埋D汁一定够捞饭，唔会干争争。至于海鲜餐，有鱼，虾，蚝，都几足料，细佬都话好食！其实呢个city super既美食广场有好多选择，下次黎可以试埋其他，见到有人食炒面份量多到成座山咁，真系要多几个人分先得喇！唯一美中不足系坐得麻麻舒服，同埋要预左人多时要等位/被等！…查看更多

(上星期四去左新港Cooked Deli医肚既第2篇食评)朋友要印度咖哩, 我就要日本咖哩啦~ 记得味吉既评价几好, 又试过oriental, 虽然最近燥底, 不过都一于少理决定试下佢d热气炸野~行埋counter度睇, 有好多combination, 个人唔好蚝, 最后要个吉列猪柳揾海鲜餐, 个餐有味噌汤, 咖哩饭, 2粒猪柳, 1条炸虾&炸鱼同埋一只烚蛋, 野饮就要豆浆。味噌汤: 正常味道咖哩饭: 咖哩都几香, 辣度中上啦, 珍珠米亦煮得唔差, 几好~猪柳: 一粒粒几得意! 呢度d炸野果然唔错, 炸得好脆又唔油, d猪柳又松化又有猪肉味, 好食!!炸虾&炸鱼: 炸虾都ok, 急冻味唔重, 不过炸鱼就普通d。豆浆: 睇返之前d食评先发觉好似冇人要=.= 不过我试完觉得ok, 唔会太稀, 有豆味, 亦唔甜, 岩晒怕甜一族~食完, 好饱又好味~ $45有咁既分量质素绝对有下次, 下次我会再试埋其他款式~…查看更多

感觉上，味吉比以前逊色，但依然比一般港式和食优秀。因为昨晚选了Oriental Curry，所以今晚吃味吉。这一来，易选好多！买了两份餐（$45 / 份），都是招牌货「吉利猪柳/ 猪扒/ 虾」。汤系歴久常新的‘海带味噌汤’，饮品系稳稳阵阵的橙汁。豆浆唔敢饮，怕拉肚子。女伴的「吉利猪扒咖哩饭」依然美味，那咖哩汁虽然没有Oriental Curry 的出色，但都比好多地方强！我的「吉利猪柳滑蛋饭」配「吉利炸虾」，都超美味！猪柳超juicy 和柔软！…查看更多

我最喜欢食吉列猪扒和咖哩，所以在新港food court，一定会选择这里的咖哩吉列猪扒饭，吃几多次都不厌，而且吉列猪扒饭炸得很香，猪扒又不是用肥的那种，咖哩是少少spicy的那种，很适合我吃，正！每一次我都会选吉列猪扒炸虾咖喱饭套餐，有饮品有汤，好好味。…查看更多