味千拉麵 (已結業)

今日同男朋友黎銅鑼灣行街，咁啱見到味千冇咩人等位就入左去食。首先，我叫個侍應幫我抹一抹枱，佢應左聲好之後擺低餐牌俾我就走左......張枱好污糟喎，唔係聽到我話抹枱嫁咩？跟住我叫多聲，佢唔理我，過多陣另一個侍應先幫我抹。咁好啦，呢啲小事唔緊要。到個拉面喇，嘩，真係好鹹......過左幾年仲係冇改善！我地嗌左碟餃子，滿心歡喜諗住好好食，點知......又係好鹹，個餃子皮好硬，一食落去成啖油滲出黎，好難食！得碟炸蝦叫做好味啲，因為夠熱又大隻。過左幾年，味千既食物依舊係好油，又好鹹，一啲改善都冇，好失望！！！

好耐都無去味千拉麵食晏，而味千嘅分店亦唔多，於是就揀咗去銅鑼灣皇室堡三樓那間，今次我哋兩個人都叫咗個熊本一人御膳餐，一個係叉燒豬軟骨拉麵，另一個係蒲燒鰻魚飯，嘢飲兩個都揀咗熱嘅柚子蜜。最快嚟到嘅係兩杯柚子蜜，然後大約五分鐘拉麵就到，豬骨湯底依然好有味千嘅獨家味道，香及濃，麵質唔錯，保持以往嘅水準，配菜亦好好食，唯一覺得湯底略鹹。隔咗幾分鐘後，鰻魚飯亦都到埋，見到啲飯感覺落得太多水煮，無咗粒粒嘅感覺，不過食入口時，可能因有鰻魚汁撈咗落啲飯度，就覺得好香好好味啦，而兩杯柚子蜜都沖得啱啱好，唔會太甜，亦唔會覺得太淡。雖然呢間味千細細間，不過人手都好足夠，枱櫈都好乾淨，職員服務態度亦好好，按地段嚟講，價錢尚算合理，不過就唔算抵食。

環境3分：正常日式拉麵舖格局，木枱木櫈木櫃，可以畀三分。衛生4分：廚房望落都OK乾淨.，枱面有筷子，叫餸後有紙巾，可以畀四分。服務3分：埋位有熱茶飲，落單上菜都算快手，正常三分。味道3分：1)      叫左下午茶餐，碗東瀛拉麵個湯呢就味道濃，但油左Ｄ，Ｄ麵就正常爽，入面有蟹柳，有魚蛋，有叉燒同菜，質素唔係話好突出，食完又唔係咁飽，頂多比佢三分。2)      日式炸雞脆就夠脆，但都係嗰句油左Ｄ，三分。3)      杯柚子蜜都係正常沖出黎嗰Ｄ。 抵食3分：食個下午茶餐都要差不多成五十蚊，一Ｄ都唔平。

說到連鎖拉麵始祖，相信味千在大家心中都曾經佔有一個席位。尤起得它初落戶香港旋即捲起一陣熱潮，每次經過定必大排長龍，到後期被取笑為「味精拉麵」、大量後起之秀加入市場，二十年間歷盡興衰。 今晚好友突然說要吃豬軟骨拉麵，突然喚醒心中回憶，立即拿起手機找出最近的分店同往。翻開餐牌，主要分為小食、拉麵和飯三類，每款選擇不多，不過如能專注做好某幾樣食物比有千百樣選擇來得重要。 味千拉麵 $48湯頭不太味精，尚算濃郁，拉麵硬身，加上油脂甘香的肥叉燒和流心半熟蛋，不錯。 豬軟骨拉麵 $64豬軟骨煮得稔滑入味，吃得老友心滿意足。 良久沒吃，倒覺得有點驚喜！在此地段能用這價錢舒舒服服地享用一碗熱騰騰的拉麵，也實在沒太多的要求，偶一為之未嘗不可。

我去過味千的時候已經很久了，因為他們已經從商場慢慢地消失了，所以我已經忘記了這個關節。在光榮的日子裡，味千曾經是拉麵在幾年之前統治拉麵的地方， 比味千上的麵條成本要高。說味千在其他國家還很受歡迎，而信德的分店很受歡迎，因為它位於連接澳門的渡輪碼頭，在那裡，味千烹調麵條包在澳門超市銷售。聖阿爾卑斯茶館，月米卡和漢堡王也是如此。無論如何，我在這個地區，所以我決定有一些不同的東西，所以去了這裡。我很驚訝地看到墨西哥胡椒面，所以我落單。這是好的，它不包含甜玉米和黑木耳，因為它似乎不符合墨西哥胡椒。 無論如何，我真的喜歡拉麵和肉湯，因為它有一個很好的辣踢，但肉湯是輕。與它一起來的蘋果蜂蜜飲料是驚人的好，因為它不是人工品嚐蘋果泥，而是在底部的甜蘋果立方體。我會再次回來為新的ramens，但有太多新的餐館和事情要嘗試，所以要遲一點

很久以前在中環地庫食過一次， 因為唔好食, 所以入了黑名單了!  今次點解會再食?  因為友人在旁邊極力推薦我再試， 咁岩行完街係皇室堡就有一間， 便被友人推了入去了.依間分店細細間但因為門口全開揚, 所以坐得都算舒服友人叫了招牌味千拉麵$48， 豬骨湯底， 叉燒肉質都OK喎! 我就選了豚肉拉麵$60， 同樣是豬骨湯底， 以前印象中的湯味又油又濃仲有怪味， 今次感覺唔同湯味啖啖清香，  麵質彈牙不會過稔，豚肉質地好好不會鞋口，  流心蛋值得一讚, 果然有進步， 可以洗走以前的壞印象。今次信左友人果然無失望, 同埋以價錢而論比市面上仍然抵食! 

同事不嬲都鍾意食拉麵， 所以今日我哋專登就過咗去皇室堡食午餐。因為佢話味千拉麵好似進步咗唔少。其實仲有一個仲平嘅餐（周年特價面$39），但是沒有飲品，所以最後都係叫咗這個拉麵42蚊，還有一杯飲品送都幾抵食。 大約等咗五分鐘左右就嚟，面都算幾大碗 ，都飽肚，如果趕時間的話在這裏吃飯不錯因為不用等位。東瀛拉麵 $42都幾靚豬骨湯味 麵質都彈牙 而叉燒都大塊不過味道偏淡 流心蛋十分好食反而飲品方便有少少偏淡可能落得蘋果物唔夠多但係已皇室堡你講這個價錢已到得十分 抵食。

Juicy garlic beef cubes. Attentive service with a smile. Delicious dumplings. Scrumptious bites in every tantalizing bowl of soup noodles and fried rice. Clean tables and comfortable seats.

好耐無食過味千，今日陪朋友去皇室堡買BB用品，買完嘢朋友話睇戲，OK去買飛，未夠鐘入場去醫肚先，去到3樓，離遠俾好大隻大口仔吸引目光，埋去睇睇，原來係味千同大口仔crossover ，但除咗精品，仲有個大口仔拉麵，望見餐牌幅相幾得意，即管入去試吓，落完單繼續同朋友傾計，5分鐘左右員工將食物送上枱，（大口仔太肉拉麵）估唔到同餐牌幅相一樣，紫菜、蛋、碗邊公仔都係大口仔，立即試一啖，湯夠熱，味道依然係以往豬骨濃湯，麵身軟硬適中，試吓太肉，入口好淋味道有少少似台灣東玻肉，但又有少少辣味，個人認為如呢個係太肉飯味道應該更好，好快食完碗麵，差不多夠鐘入場睇戲，埋單，順便問吓經理姐姐有無太肉飯，佢話遲少少𨍭新午餐將會有得供應下次要再嚟試試

星期六周街都係人,想搵間唔洗等位食物館都難,好耐冇食味千簡簡單單食一餐,叫左個二人餐2小食2拉麵連飲品都係$163抵到暈炸雞-炸到過晒火皮雖然好脆但肉好鞋冇晒汁,肉質又梅梅地好難食煎餃子-普普通通皮薄但冇汁煎得唔錯冇油膩,不過不失全盛拉麵-湯底係全雞好淡口冇膠質,义燒普通福袋係腐皮包年糕,炸蝦林晒但肉仲嫩,不過好多餸要求唔高見到賣相會好開心本格豚組拉麵-湯底係一半雞一半豬濃濃起膠义燒大大塊好林,豬軟骨炆到夠晒林又入味糖心蛋做得好整體唔錯

今日同朋友出黎辦事，到左食飯時間，求其搵左間麵館，我揀左個叉燒豚肉拉麵，試過之後真系麻麻！！湯底够濃郁，叉燒肥肉比較多，感覺有點油膩，麵煮得好生硬又唔入味，，可能係我比較中意食霖啲麵！！

行皇室堡，見到味千拉麵見到味千拉麵，好耐冇食，所以就決定食呢間見到有新款既麵 東贏拉麵賣相好整齊，湯底濃郁，糖心蛋好新鮮，叉燒，魚片同蟹柳都冇雪藏味只係略嫌拉麵唔夠軟身 日式餃子其中一隻煎燶左 天婦羅日本甜薯即叫即炸，新鮮熱辣唔沾沙拉汁都食到甜薯味 每人一杯熱飲一杯蘋果蜜，一杯柚子蜜蘋果蜜好清，有少少甜味，味道適中柚子蜜則略甜

午餐時份去咗附近的皇室堡的味千食拉麵，栗米叉燒拉麵都是我最愛的，價錢都晤算好抵，都50元一碗，有粟米、叉燒、溏心蛋、木耳、蔥、銀芽，大大碗都好足料，先飲一口豬骨湯底，都晤太鹹又不太油膩，先食凍涼的溏心蛋，蛋黃算是流心，叉燒有兩片燒得好香，半肥瘦的叉燒肉味香惹，肉味都好濃郁肥美! 麵條都好足煮得又不會太腍，天氣冷食碗拉麵都不錯。

今日朝早俾朋友拉到黎味千，話請我食拉麵，天知道我根本就不喜歡日本拉麵，但是朋友盛情難卻，也不好意思拒絕朋友的一番好心。坐落之後，我就觀察咗灣仔嘅呢間味千拉麵店，環境其實也沒什麼好說的，就一般的拉麵店，不同嘅係有翻小小日本元素係入邊。侍應其實服務都好nice，即使客人比較多，但系速度都還算可以，都唔會話因為人多而不理人。拉麵都麻麻，因為天氣凍，多飲咗几啖湯底，可能落嘅調味料太多，所以飲完一陣就覺口渴。餃子賣相一般，味道一般，我認為出邊一般嘅餃子還好食小小，可能我吃不慣味千嘅食物吧。飲料都有幾種可以揀嘅，我就點咗杯最普通嘅奶茶。價錢方面正正常常喇。

曾經覺得味千拉麵很好吃，今天我和男友再次光臨味千拉麵，以為應該很美味……怎料，食物質素差了很多！我們叫了味千拉麵（日式叉燒）和豚肉拉麵（豬頸肉），2碗拉麵都很油膩！看了都不想吃了。味千拉麵方面，日式叉燒切得像紙一樣薄！而且口感很差，肉質很（鞋）。拉麵味道一般，不過不失。豚肉拉麵方面，豚肉十分難吃！豚肉很（鞋），口感很差，一點都不像豬頸肉！！！！！飲品我們叫了芒果沙冰和熱柚子蜜，芒果沙冰味道一般，熱柚子蜜味道ok，很好喝，但價錢很貴，要正價買，跟餐不會便宜。價錢方面，味千拉麵$50，豚肉拉麵$58，價錢中等，但拉麵這麼難吃，不值得。芒果沙冰$18，熱柚子蜜$18。總結來說，味千拉麵難吃了很多，水準下降了很多，令我很失望！應該不會再光臨了……