味千拉麵

营业中

休息中

味千拉麵拉麵有咬口，吃起來不會太軟或者太硬，而是剛剛好的質感，適合長者，小孩或成人食用。價錢實惠親民，市民大眾都能負擔得到，而且可以飽腹而回。服務態度非常好，服務員親切友善，和藹可親，很有親切感，而且安排得相當好，不用等很久便可以入餐廳用膳，這是令人很滿意的地方。店內光線充足，冷氣舒適，很喜歡在這裡渡過一個悠閒周末。拉面用料上乘，叉燒很香，肉質一流，不會有硬的感覺。而且份量相當足夠，所以經常在這裡跟朋友用餐。蔥的香味令人很難忘，絕對可以畫龍點睛，錦上添花。拉麵湯底有油脂香味，但是吃起來卻全不油膩，是相當出色的日本拉麵。再別的店很難找到質素這麼高的拉麵。強烈推介這間拉面。

最近發覺原來還有味千拉麵店，雖然日式拉麵的風朝已過，但味千還是香港日式拉麵店的開山鼻祖之一。嗰日行經油麻地碧街附近，見到一間味千拉麵店，諗下都好耐無幫襯過，就決定入去醫下個肚。印象中油麻地店有好耐歷史，店舖環境唔錯，牆身有好多介紹味千拉麵歷史嘅資訊，整體幾光猛乾淨，女店員超好人。透過二維碼點餐、付款，亦可以添加飲料和配菜作為套餐，服務員很快就將食物送上，一切都還很熱，食物比預期的好，份量很大，價格合理，味道可以。柚香豚肉拉麵（套餐）拉麵味道家家不同，好吃與否都很個人，但呢個價錢同味道係絕對超值，豚肉都好食，柚香不錯。燉煮豬軟骨（加配）豬軟骨好淋、好入味。味千之霸望落好豐富，裡面有豬軟骨、叉燒、溏心蛋、木耳絲同青蔥，個豬骨湯幾好飲，不太濃，而且夠熱，麵條的質地略帶嚼勁，厚度適中，肉片很嫩，用筷子很容易就能分開，豬軟骨好好食，溏心蛋整出嚟嘅效果都唔錯。味千餃子餃子味道正常，煎得幾香脆。整體感覺唔錯，我已經很久沒去過味千了，最想尋找的是懷舊之情。由以前挺好的一家拉麵店回落到一家一般的拉麵店，雖然水準下降了少少，質數不及以前好，還可以接受的，價錢也大眾化。

係味千🙂‍↔️又係好多年無食過，我真係以為佢執晒，直到我係旺角路過見到，以前細個同屋企人成日都食，唔知點解佢個豬軟骨係整得特別”腍”有無人明？我食第二間其他豬軟骨都無佢禁好味，不過d味有d唔同左，少左d味精？😂有機會再食第二間分店試試🙂

$34的日式早餐仲要係即炒豚肉，到底好唔好？經過味千拉麵，估唔到佢有個咁抵既早餐平時唔會入去食😂😂最後入去試下有齊餐湯-豬骨湯，溫泉蛋，前菜，白飯仲有沖繩薑蜜，呢杯有生薑絲係面，底仲有浸左蜜的薑片。以2呢個價黎講，真係都幾豐富，真係抵呀🤭同埋估唔到係廚師即用鐵板炒，仲有洋蔥，炒得幾香，熱辣辣好味！早餐係幾驚喜，幾有質素。至於其他午餐就未試過。早餐真係幾值得一試既！！！！#早餐#hkfoodie

夜晚去旺角做野，依加個附近到左晚上十點幾其實都冇咩食店開見到味千未收工，決定去食個拉麵。一如既往既豬骨湯底，糖心蛋好食拉麵咁多年都一樣，其實味千又唔會話特別好食，但一定唔難食，係會令人間唔中都考慮去幫襯既平民拉麵店肥牛卷都好食，所有野都中規中矩，幾好

一段時間冇食，難得仔仔話想食拉麵，當時係油麻地，就同佢試吓，我叫咗招牌拉麵套餐，包埋餃子和飲品，仔仔叫咗醬油叉燒拉麵，包埋溫泉蛋和飲品，如果再多啲選擇會更好。可能已經差不多接近九點，人唔算多，所以好快有得食了。食物賣相相當唔錯，仔仔一試就俾手指公，佢話個湯底好濃郁好夠味，我好同意，拉麵口感一流，只係啲叉燒比較肥，如果瘦返少少就更好，仔仔叫我係呢度俾like，最後竟然識得晒成碗拉麵，非常滿足嘅樣子，也不放過Good

行過街頭巷尾，嗅到一陣陣麻婆豆腐嘅香味，唔經唔覺就走咗入去嗰間小店。店內裝修簡簡單單，啲椅子都有少少唔穩固，不過一坐低，上菜速度仲算快，真係等唔刻。間店隨處都掛住D嘩啦啦嘅招牌，不過我實話實說，夠晒繽紛！先講講嗰碗麻婆豆腐啦，辣得嚟唔辣喉，那種微麻帶勁嘅感覺啱晒我口味。豆腐綿滑得滯，伴隨住啲肉碎，入口即融，香！再加碗白飯，真係夠曬撈！點咗根冰涼嘅青瓜作為小食，口感爽快，解解辣，真係齊齊整整！要命嘅係，個些肉餅，外皮脆卜卜，裡面嘅肉香濃厚，蔥花個輕微嘅辛香味好吸引，點上啲特製醬汁，味道一流！總結，這頓飯啖啖肉，每一啖都有說不完嘅故事。環境雖然唔算舒服到哪去，但個大味，絕對係街頭美食嘅寶藏選擇🌟！呢個地方，實行體驗到咩叫做「平民價格，星級享受」。下次過嚟，仲要試吓其他菜式！😊👌💯

細個成日見到味千拉麵 而家得返幾間 見到就入去試吓 叫咗個麻辣牛肉拉麵同埋豬軟骨拉麵 麻辣牛肉拉麵都唔錯 豬軟骨麵湯底比較淡 但豬軟骨食落都幾入味 呢個價錢算係咁啦平時出面食個拉麵都成舊水

好耐冇食味千，行過肚餓幫襯吓，嘩！點知入門口完全冇人理冇人招呼，咁仲叫係日本拉面店？？？？？日本食肆好緊張招呼架！唔怪得越做越縮........自助落單仲俾埋錢係好方便，但都唔係零招呼掛？？？？好彩湯底都仲係幾好味，但淥面果位「師父仔」就真係唔多掂，D面都散唔開，仲痴埋一舊，要我自己搞散佢........😓😓😓😓

好幾年沒有來味千拉麵了，所有事都改變了首先要用qr code 落單，這不是問題，問題是落完單要馬上付款，付款完才可把訂單送出。當我要付款時，發現蘋果電話要用相機來打開這個qr code,才可到達付款頁，那表示我又要重頭再選一次食品😒。食物味道尚可保持，但是這個新的自助點餐系統我不太喜歡雖然要與時並進，侍應這行業未來可能會被人工智能取代，但現階段我覺得要兩者並存，太過先進會淘汰了一群具消費能力的老人家。在我進餐時，就有一對年老夫婦因為點錯餐落錯單而與服務員發生爭執。如果要減少人手，何不改成快餐店一樣先在門口點餐付款再取食物找位置？如果要走高檔路線，這樣先付款才落單就會令到想加單的人覺得麻煩而卻步。相信我短期內應該不會再來了。以上只是舒發愚見，不喜勿插。

以前成日食味千拉麵，宜家好少見到，咁岩經過，見到價錢唔貴，再試下係咪回憶中嘅味道。😂😂叫左味千拉麵及味千之霸：賣相望落都唔錯，拉麵麵質較偏硬，豬骨湯底味道清而不油，當中味千之霸的配料有豬軟骨肉，肉質軟硬適中。金菇牛肉卷：味道偏淡味，要點醬汁配搭日式炸雞：肉質偏干身，味道咸左少少巨峰乳酸蘇打、白桃乳酸蘇打：普通的蘇打飲品，較特別的是可以選擇其他港式奶茶飲品總括而言，味千好似退步左少少🤏相比以前，不過係性價比高嘅一間拉麵店，經過可以試試。

身為拉麵烘的我，味千拉麵係一間性價比高，而且久唔久都會去止吓咳，但唔知几時開始，越嚟越唔得⋯首先D湯真係太油，飲落去好重味精嘅味道，而且真係一口油，好唔舒服嘅感覺⋯D麵又煮到太淋，一D都唔彈口，唔好講麵質點點點，已經係失敗到一個地步⋯叉燒又係冇味，又淋又肥，真係難到一個點⋯唯一保持質數，可能只係只竹筍，味道還是不錯的，不過就細到有D離譜⋯溫泉蛋都係好味，如果唔係真係死得⋯不過話時話，下午茶餐只係收$33，可能係我要求多咗D⋯ 😅😅😅

今次叫咗豚肉拉麵同日式餃子🥟，豚肉拉麵嘅份量唔算多，但湯底比較油，豚肉嘅份量都唔多，個湯底好濃厚，比較鹹。個日式餃子煎得啱啱好，入邊嘅餡都好好食，足夠一個人的份量。環境衛生良好。員工服務態度良好。價錢方面可接受。餐牌種類比較多選擇。

女朋友一直都話想試味千拉麵下午茶，話好抵食，三十幾蚊有碗拉麵食好抵，我自己一直對味千都冇乜特別感覺，去試下冇所謂，今日星期六出到旺角都2點幾，去到味千門口望下，原來星期六都有下午茶，仲要爆場添，咁係真好似幾抵，望下個餐牌，33蚊可以食到一碗叉燒拉麵，又好似唔錯喎，我就要左一碗吉烈豬扒拉麵（42蚊）， 用手機落單仲要即刻比埋錢，等左一陣第一碗叉燒拉麵到左，好香蒜蓉味，食落味道都正常，叉燒都正常，不過到我果碗吉烈豬扒拉麵就好奇怪，豬扒同拉麵分開上，我覺得都合理，不過望下碟吉烈豬扒完全唔係一塊豬扒切開，好似頭頭尾尾咁拼唔到埋一塊完整既豬扒，再望真d點解d肉會紅色既..........即刻用筷子整開佢外層炸皮，真係有冇搞錯入面係港式燒味鋪既叉燒嚟既！？ 4舊都係咁，粉就好厚包住d叉燒，唔怪得拼唔埋， 食到最後一舊仲有酸臭味，完全唔掂，42蚊當自己買個教訓，呢世都唔會再食老千拉麵

個人好喜歡食拉麵，但係而家D拉麵越賣越貴，動不動過百蚊一碗，對我呢草根階層，直真係有D壓力⋯近排發現味千拉麵推出下午茶餐，星期一至五$33包飲品，凍飲加$3，真係可以止到咳，平靚正，性價比超高⋯雖然碗拉麵係細細碗，但係$33真係冇投訴，平粒溫泉蛋，流心做得唔錯，有一塊叉燒，味道都可以，麵質都好彈牙，唔太淋好有口感⋯而成件事我最鍾意佢哋啖湯，終於有返咁上下，好飲而且唔會口渴⋯凍檸茶亦都好夠茶，$36（凍飲加三蚊）真係邊度可以搵⋯