味力曼谷

营业中

休息中

考完車牌筆試，搵野食。我上次黎西九龍中心都係when i were young 十幾年前明將當紅之時。到food court經過見到張poster，試一試。老老實實我一開始冇乜期待，話哂我都成日新加坡出差食過哂各大海南雞名店，但係剩係見到賣相都已經覺得幾唔錯。撩開，塊塊都唔柴，入口嫰滑。見唔見到雞皮同雞肉之間啲雞凍呀？雞油飯都香。送個雞湯有雞味，仲有杯唔知咩茶，盛惠40。我喺金鍾返工，成日食埋啲垃圾都收我成舊水，老細賣40蚊呢個質素真係正。希望你生意興隆，心想事成。

星期五叫咗兩個菜食，一個係鳳爪，一個係生菜包，$38一大碟鳳爪，真係一大碟，超級抵食!!!味道好夠，又夠辣，真係好食過餐廳!!!我下次再去西九龍一定會再食!!!生菜包都唔錯，係鹹咗少少。。。

嚟到深水埗竟然諗唔到特別想食嘅野，HEA HEA地走去西九搵靈感，點知畀我發現到個大驚喜！呢間味力曼谷喺正角落，離遠見到成個舖位都貼滿顏色鮮艷嘅餐牌，食物種類有好多：小菜、串燒、咖哩、湯飯、湯/撈/炒粉麵…濕炒海鮮河做緊推廣，就食佢啦！等食期間見有幾單外賣都嗌無骨海南雞飯，原來呢樣先係招牌菜，我已經諗好下次嗌咩啦濕炒海鮮河$52 –第一個驚喜跟餐送暖嘅西洋菜蜜第二個驚喜唔駛問就比埋甜辣醬好貼心第三個驚喜外賣炒河粉竟然有咁靚嘅賣相！海鮮份量都唔少，數得出嘅有三隻藍青口、兩隻蝦同一堆魷魚，冇雪味而且略帶鮮味，蝦夠彈牙，魷魚爽脆，藍青口有咬勁之餘仲有海水嘅咸味蔬菜都幾多款，新鮮而且清甜；河粉比較幼身，所以好掛汁；醬汁咸淡適中，幾香豆味，食到最後仲有啲汁剩，保持住河粉嘅濕潤度。成碟河粉炒得香口又唔油膩，所以話food court都可以有好出品！

雞絲口感有如碎碎的湯渣。 雖然店方有禮地告知這是雞胸肉正常的口感， 但此肉不單無調料或肉味，亦沒有雞胸肉正常的「有趙口」口感。 希望店方的其他出品會比其雞絲質素有保證。

夏天咁熱,夜晚都唔想食熱野, 就嚟八樓食撈檬啦😄烤雞肉串撈檬~包撈檬汁雪到凍冰冰, 加落去碗檬粉度, 串燒有好多花生醬😍好多青瓜絲, 花生碎😋😋😋烤雞肉邊位燒得燶左啲,苦苦哋🙊但其他位置都幾好味。碗檬粉好大碗撈起上嚟有啲難度,唔係好夠位撈😂跟餐仲送左杯熱菜蜜~下次試下其他配料嘅檬粉同船河先😋

去完荔枝角既潑水節，走左去西九龍中心行左陣，又唔係太餓，求其係food court度係少少野。太多選擇，結果揀左食泰式。泰式無骨鳳爪，唔夠味，唔酸又唔辣，唔算好食！泰式金邊粉，賣相同正宗既Pad Thai 真係唔多似，顏色係橙色，我見到都非常surprise😮. 至於，味道只係似普通炒粉，配料又唔多足夠，但有三隻大蝦，都新鮮既！生菜包，夠辣而重泰式既香料味，呢款比算似正宗既泰式食品！價錢算平，味道就一般，都可以接受！

又再經過這個美食廣場，都未及看看其他店舖有什麼吃，友人就已經立即說一人點一個，然後加個生菜包。這個場景好像似曾相識，究竟是實際發生過，定還是deja vu現象呢？🤔生菜包，在小店吃生菜包，難免有時候菜未必擇得很乾淨，因此需要將某些菜葉扔掉。豬肉粒的份量也不少，基本上一定足夠吃完所有生菜有餘有剩還可以空口吃些。肉粒，空口吃兩三粒不覺辣，但放進菜中卻挺嗆辣調味料的份量都不少，可以看到香葉及其他荵粒、豆角粒等等。

極少在深水埗食野，雖然身家基層，但口味中產。除了怕食物質素差，亦怕環境擠迫殘舊不衛生。但其實香港如今的所謂中上價少少的食店也只是裝模作樣，食物質素不比平民店好多少，例如這間店的海南雞，真比不少扮精緻或名氣泰菜店好太多。而且套餐只是$40，份量亦足，性價比極高。先説雞，黃皮雞的皮有油香，肉是嫩滑得來有彈性，絕不是霉口死實的殭屍肉，比好多標榜吃海南雞的店好太多。油飯亦不錯，香料味不太濃，有淡淡椰香味，相信是有用椰油。 醃蘿蔔不太酸不太味， 恰如其分地做好一個配角， 綜和雞同飯的油膩感。湯是環保式的雞骨湯，不見冬瓜，如果有更好。渴下有雞及雞油香味， 口味偏鹹，薑下得夠狠，幾合我口味！下次再試下其他野！

深水埗區雖然係舊區，但食肆林立種類繁多，咩價位咩菜式都有，不失為覓食好地方今次要介紹嘅係西九龍中心8樓food court嘅其中一間食店主打泰菜，好多款式，份量都幾足，價錢相宜，味道都唔錯，次次去親佢個檔口前面都好多人睇餐牌等取餐花多眼亂之下，揀咗一個海南雞SET，有去骨海南雞+油飯，連埋一杯清茶+一碗餐湯，只係$38，以現時市價而言，算合理睇落好似唔係好大份，但食落啱啱好 (起碼對我而言足夠)配菜同雞都算足量，附有甜醬油+甜酸醬汁油飯幾香，雞唔算特別滑但勝在多肉，點醬汁一齊食幾開胃我男友叫咗炒金邊粉同場加映青木瓜沙律足料，配個微微酸甜嘅沙律汁，好好味，成個沙律好fresh好爽口，同男友share好快就清晒鍾意食泰菜嘅朋友，有機會都可以去試試

西九龍中心有幾間食海南雞飯，隨意幫襯下其中一間，這間海南雞幾滑，點醬汁食都幾正，不過美中不足係d飯，冇雞油既香味，似普通白飯。整體都算合格，但未必會再有下次幫襯。

今日放工已經好夜，去到深水埗已經接近八點，諗唔到食咩之際，就突然諗起去西九龍中心嘅food court，咁就即刻出發。其實我好多年冇上過黎food court，已經唔記得原來係有咁多間餐廳。兜左幾個圈，因為今晚想食辣野，又見到佢推介嘅冬蔭公係原創，所以決定叫味力曼谷。叫左個冬蔭公牛肉湯飯($48)，5分鐘左右就有得拎。一拎到黎先知原來個湯底係包埋蝦，仲要有3隻，即刻覺得抵左。一個湯加一碗飯，唔包汽水。原創得幾好，食落味道岩岩好，唔太酸，唔太辣，唔太咸，有少少椰香味，淨係湯送飯都夠哂。用料都好足，好多香料，牛肉都唔姑寒，都好多片。總結，係唔錯嘅。

中午時段，見到味力曼谷人頭湧湧，我亦都試吓嘅招牌海南雞飯，38文，賣相都唔錯。冇點醬汁試吓舊雞先，嘩真係雞有雞味，明知係冰鮮雞做嘅，但是有新鮮雞嘅味道，點都要讚下師傅功夫了得，點下酸辣雞汁醬，完美嘅海南雞飯靈魂出晒嚟。飯香雞滑，難怪係冠軍。

今日 同朋友 在深水埗 西九龍中心 美食廣場， 味力曼谷 叫咗個海南雞飯同冬陰公雞髀湯飯， 飯香雞畫， 雞有雞味 ， 飯有飯香， 認真超值。 冬蔭功雞脾湯飯， 冬陰功 小辣啱曬我哋嘅胃口， 冬陰功湯大大碗， 仲送埋日式煎茶。好好味 一試難忘。

今日喺深水埗滂沱大雨, 唯有過商場避一避 ! 午飯時間無乜心水, 上美食廣場行個圈, 原來都幾多人, 好難得先塭到位。西九龍依個foodcourt應該算係全港foodcourt 最平價之選, 所以人潮不絕, 揀左依間試下佢個雞飯先 🙌🏻個餐HKD38本來都無乜期望, 埋單個陣發現竟然有湯仲有茶, 唔使二揀一,啱哂兩樣都like嘅我 🤚🏻而質量絕對有驚喜, 賣相靚仔之餘 雞肉嫩口唔會鞋 , 配菜, 油飯同兩個汁都好好味 , 依個餐同份量岀面起碼都要HKD50以上吧 所以非常抵食, 下次如果有機會再來仲想試埋佢其他餐添！溫馨提示: 下次大家去foodcourt食完野, 記得養成自己執好自己餐盤嘅好習慣 咁下個就可以快d有位有得食啦 ♥

這間食泰國菜，見到餐牌都唔知想食乜，最後點左最穩陣既海南雞飯，的確係好平，但今次哩間完全唔好食，我知唔可以要求咁多，不過都講一講如何差，大家再決定去唔去，份量少，雖然係黃色雞油飯但一d都有油香，d醬亦都唔好食，主角海南雞唔算太差，不過不失。