味力冰室

营业中

休息中

公司附近自從開咗旺記冰室之後，發現疑似旺記嘅店舖都有唔少開咗，今次就去咗呢個出面裝修都幾有心思嘅味力冰室一行四人，三個叫常餐，一個叫叉燒炒蛋飯同事食叉燒炒蛋飯，份量對正常食量嘅人都好似偏細，飯份量少，只可以讚個蛋煎到啱啱好食常餐嘅我就叫咗叉燒通炒滑蛋炒滑蛋顏色靚，但我嫌佢冇咩蛋香，多士烘得唔錯，牛油就少咗d，當減肥啦反而個叉燒湯通粉就係差咗d因為之前食過旺記，果邊個湯真係幾香濃但呢邊就真係淡如水通粉又冇咩特別茶走都只係一般應該冇下次🤔

啱啱去咗呢間冰室食下午茶 裝修環境幾精緻叫咗個滑蛋叉燒飯加杯凍奶茶少甜 其實附近都有間食滑蛋叉燒飯幾出名 但係呢間都唔差 仲要少啲人等平時幾過啲叉燒好多下 豉油唔會太甜 葱花反好似有啲少 不過唔大問題 凍奶茶正常水準 埋單59蚊

見呢間冰室係屋企附近開咗一個幾月，附近又冇乜選擇，就諗住俾個機會佢。點知......叫咗個早餐B, 蕃茄火腿通粉，炒蛋，牛油厚多士，熱奶茶。先嚟杯熱奶茶，個女仔手震震,震住咁拎出嚟，奶茶倒瀉晒喺隻茶杯周邊同隻杯碟度，佢自己都睇到但冇理，照擺上枱。我見佢咁樣，就叫令一個啊姐俾啲纸巾我，等我抹吓隻杯底等啲奶茶唔洗滴到周枱都係。呀姐話幫我换過隻底碟，好，都算。跟住嚟個炒蛋+牛油厚多士。多士係兩塊叠住上，一揭開，冇牛油既？ 為咗確定唔係我搞錯，我對下個餐牌先，的確係牛油厚多士喎! 嗰時啲員工圍住晒係水吧度望過嚟，好似已知有野唔對路。我叫第三個男人嚟换。個男人話，“哦，我地發覺搞錯咗了” 個男人换過一份多士上嚟，兩塊多士都係叠住上。我揭開，今次有牛油喇，但多士裏面係燶既。我再問個男人，“可唔可以唔好俾份燶既我”？ 佢話“可以”，然後再次攞入去换。佢一陣又拎一份多士出嚟，問我咁樣接唔接受到，我話“OK”。 先至開始有得食。搞到我好似好乞人憎咁。大佬，你新開張一個幾月，自己醒目啦。 就算你唔係新手做飲食，你都唔係咁既質素。食物質素一般，火腿通粉同多士，都係嗰啲野啦.....服務唔係極差，亦唔係好。

炎熱的早上, 9點前到呢間冰室食個早餐先我叫左火腿通 多士 抄蛋因為一個人, 我被安排同另外3個人坐1張台要好多人一齊先有卡位坐我坐既係餐廳中間既位。。 因為侍應都好忙, 我俾撞到幾次我叫既食物好快就到喇。。 而其他人叫既一丁麵就好耐都未到。。 份量幾大份, 抄蛋好黃, 我食唔哂要打包, 佢俾左兩層紙袋我繁忙時間坐就坐得唔多舒服喇。 快快脆食完早餐返工

今日lunch 終於服同事去試呢間開咗唔係好耐嘅冰室, 去到都有幾組人係度等緊位! 而我哋只有兩個人, 所以好快就可以安排到位比我哋! 係咁熱嘅天氣, 唔洗等位, 實在太好了! 我哋分別叫咗午市套餐同常餐!滑蛋叉燒飯 $56 ~ 賣相相當唔錯, 滑蛋包住整個飯, 叉燒係瘦叉, 份量都算多, 滑蛋半熟狀況相當好, 略嫌鼓油味較淡!常餐$42 多士兩片, 火腿兩片, 炒滑蛋, 叉燒湯意 ~ 炒蛋真係幾滑! 多士微脆軟熟, 個人喜歡在牛油面落啲沙糖一起食!叉燒意粉份量都算多, 如果係半肥瘦叉燒就更加美味!兩個餐都有飲品附送, 凍飲加3元, 特飲加$10, 我就選擇咗加$10飲雪糕紅豆冰雲呢拿雪糕幾香幾好食, 紅豆都算多, 整杯飲品甜度適中, 幾好飲!小亮又多一間有下次嘅餐廳可選擇喇

台南古早肉燥煎蛋飯午餐叫了這個肉燥蛋飯，煎蛋很好！差不多把整個飯面蓋過，肉燥配白飯係好好既配搭，飯粒也很軟熟，容易入口，可惜配菜得五六條青豆就唔吸引，而且睇上去好小家，比多一點點唔可以嗎？起碼令整碟飯睇上去覺得物有所值啊！

我第一次寫食評，因為官方話要200字先可以畀分。我本身喺灣他另一間了名冰室食咗嘢，搭完巴士，返唔到公司，所以入去座，叫咗個常餐。叉意先到，一食就停唔到口，因為真係好好食。腿蛋包後上，火腿正常嘢啦，炒蛋滑得嚟唔油，同埋夠厚，可以叫係一份腿蛋治烘底。而家未食到紅豆，因為唔係粗飲筒。雪糕好好味。環境，門面一般得嚟令人舒服，目測有四對戀人入嚟坐，都係開心傾計，都坐咗好耐。PS 幾靚女，啲仔就係IT 仔咁啦。啱啱問佢拎咗粗飲管，原來有。小弟鐘意啜，唔鐘意筆。樓面態度好，有禮貌。廁所(男)叫乾淨。食到紅豆，有口感得嚟好濃，因為有好多紅豆蓉。原來來有半杯紅豆。。。。。。最欣賞用粗粒冰。。。因為唔使食埋啲冰。。。。

開左兩三星期，一路都多人，夜左又唔開（呢附近係做早午市），今日終於可以幫襯到下午茶。近幾年，開左好多乜乜冰室，都係打經典食品，其實只係炒靚滑蛋，多士，炸雞脾，薯條。。。呢間可以打動我嗎🤔餐牌選擇唔多，簡單叫個經典熱狗+奶茶。冇驚喜。以為用大香腸，原來係兩條細腸，我係呅咬到一半，跌左一段香腸，才察覺到。奶茶唔夠滑，熱度都唔夠。。。（純個人口味）見對面有位青年叫左叉燒滑蛋飯。蛋色紅潤好似好正。但可能份量少左d,見他快速秒殺，再叫但沙爹牛肉包。價錢都唔平，尤其早餐。坐位幾好，相信滿座都唔會撞手踭。附近已有用靚滑蛋同冰室主題的，希望佢生意興隆，又會改進食物，多d選擇。唔好人地冰室懷舊，你又冰室懷舊經典。好悶㗎。加油。