味一番

营业中

休息中

星期六嘅晏晝原本想去附近嘅Cafe，但係太爆冇晒位🥲於是就walk in試咗呢間日本菜，都幾有驚喜🤤試咗佢個火炙三色丼午市定食 ($128 +10%)包咗沙律🥗麵豉湯🍲茶碗蒸🍥同埋甜品😋 沙律菜尚算新鮮冇乜苦味，用柚子芝麻醬調過味🤪麵豉湯就正正常常，茶碗蒸都整得幾滑冇過老😛火炙三色丼嘅魚生有三文魚、帶子同帶魚🐟 帶子都幾鮮甜但就比較薄，三文魚同帶魚燒完逼咗啲油分出嚟都幾肥美🤤但係有少少挑剔嘅係有一片三文魚有筋😖朋友嗌咗錦繡魚生丼 ($148 +10%) 試咗一片油甘魚都幾新鮮😝甜品係一人一粒黑糖蕨餅配黃豆粉，都幾煙韌🤤但個人覺得黑糖味幾重有少少偏甜🤭總括而言呢個價錢以日式定食包咁多嘢嚟講唔算貴，侍應都算係殷勤，店內環境都幾闊落好有日式嘅味道，值得一試👍🏻

😱😱😱好驚驚😱😱😱只係叫左個午餐，圖上包溫泉蛋，但來到時是蒸蛋，便詢問落單的女侍應，女侍應表示已由溫泉蛋轉左蒸蛋好耐 同 客人我無問， 我再三要求一間日本餐廳可否煮番溫泉蛋， 因溫泉蛋才order 該午餐，女侍應表示無能為力。 及後我提出可否向更高級管理層反映， 往後十分鐘內 重覆有不同黑衫男侍應行過作出不友善眼神， 最後一名黑衫自稱無分高低級的中年男侍應 不停說"你宜家有咩問題，你想點，你想點呀" , 我地兩位女仕 只能驚恐地重覆表達 已向你同事清楚要求，想食圖中的溫泉蛋，男侍應加重兇神惡煞語調繼續重覆"你想點呀"並指從來都無溫泉蛋同不嬲都圖某不符ga la, 我地決定不再糾纏 ,所以跟男侍應說沒有其他問題了。 男待應走後5分鐘突然回來叫女侍應收起"正進食中"的角切魚生飯， 並表示自己唔收錢咁得la！ 由始此終我地無要求唔俾錢，所以問對方即係唔做我地生意都無辨法，請埋單！總結響山林道日式餐廳食日式午餐都無lala驚到咁，原來日式餐廳無溫泉蛋ga, 最多下次問台式餐廳😭😭😭😭😭😭😭😭😭

話說呢餐係一個識左好耐嘅叔叔忽然間話要移民嘅farewell lunch😂😂佢勁多friend所以前後十幾日好多人約得返嗰日lunch ok😂😂跟住屋企人揀左個好地方😃真心好你地睇吓啲相就知啲刺身靚到呢🤩啲牛肉多到呢😍貴係貴啲嘅不過我覺得物有所值嘅入到去係傳統日菜嘅木調裝修啲人都好有禮貌啲刺身入口鮮美個甜味同個脂肪香好好咁融合埋一齊而且個飯底係少醋，唔會好酸好難入口飯粒都有彈性同均勻最後仲有甜品食添😎😎個人好推薦呢間野👍🏻btw一路順風

晚市時間walk in🤗🤗唔洗排隊..即刻入得🤝裝修幾雅緻 好有日本feel😗特上錦繡壽司拚 ($428 + 1)落單之前有問過落單職員今日特上錦繡壽司有D咩~其實佢都答唔出 (omakase呢個字都講唔出啦..) 淨係話廚房有咩就會有D咩食..🤣🤣食材食落都好新鮮🤗🤗食得好滿足😆😆最後仲送左個抹茶雪糕..😉😉(不過其實可以早少少同我地講..佢等我地埋曬單抹埋嘴帶埋口罩先講..)食物係唔錯啦👏但如果呢度既員工接受番多少少訓練會好少少啦😅😅(可能係因為我唔期望去食日本野..但係大排檔既服務..)

之前都會來這間食lunch, 今日因為多人，故被安排坐對住刺身枱吧枱位大概1年前刺身部都全都係男師父，今日只得一個男師父加一個女員工（唔覺佢似師父，但聽佢同男師父不停「吹水」，其中提及磨刀話題時，佢自稱之前間店做左7年），個女員工既行為及衛生操手等，只可以講係似做茶餐廳；日本菜，仲要係刺身部來講衛生意識係惡劣！首先，女員工2隻手各帶1隻粗銀色介子，無帶手套來砌黃蘿蔔，第一眼見到我同我同事都對望左一眼，只係幫佢諗個藉口： 咁佢都唔係刺身師父，只係助手砌配菜即，唔除介子都可以既….點知話口未完，就有客人落單叫左5碗刺身飯，咁個女員工負責整個5碗刺身飯，基本上佢只係做「執碼」工序：落飯，味素等既工作都仲算正常，但去到落旦絲真係嚇死人….佢係個預備好晒既盒到用手「執」一堆旦絲放落碗，放左四碗之後佢就用手將跌係枱面既旦絲就咁掃返晒落個放旦絲盒入面！（安慰自己：佢張枱都應該乾淨既，頭先係上面切完黃蘿蔔）點知佢掃完無耐再整埋第5碗後，佢用塊抺手布（一路做唔同工作，切蘿蔔，入盒，開雪柜，放飯等，全部所有工序之問就用呢塊野布抺手，無洗過）將枱面既旦絲全數掃晒落第5碗到！係用塊抺手布！啲下真係完全諗唔到任

大家都好耐無得飛✈️🇯🇵小編好掛住日本呀係香港食過唔少omakase最近食左一間價錢合宜 食材超級新鮮🐟店員仲好友善🥰活北寄具刺身小編平時成日覺得北寄貝好似橡筋唔太鍾意食，今次食完即刻改觀！原來新鮮既北寄貝刺身係無咬呀婆都咬得斷、啲鮮味係爆出黎。爽！日本真蠔成隻手咁大隻，睇圖都知肥美，唔需要多講。島池魚腩依條魚個腩有肉地過小編，啖啖肉，一口大小唔會太膩，掂！2隻牡丹蝦刺身新鮮，肥美，基本野。活海膽刺身醉噯海膽既小編想講，兩個人分一舊真係唔夠喉，入口係一個字，甜！滑！鰈魚邊刺身（鮮）點解煙韌、有咬口、肥美可以同時出現係一件刺身度，點解！！！赤睦壽司、中吞拿腩壽司、金目鯛壽司一樣肥美、新鮮、對得住價錢，講到口臭。鯛魚奶湯好好好好飲！小編一開始以為係啲普通麵豉湯（小編是一向唔飲的），點知見到啲色澤就知佢咩料，係奶白色，飲落去好滑好滋潤，魚味濃得黎唔腥，唔覺唔覺飲哂成碗。油甘魚腩手卷可能係個師傅頂我哋唔順，個手卷一上台就叫我哋要盡快食，如果唔係個紫菜會好快淋。啲魚肉係師傅喺我哋面前即時砍成碎，真材實料，肥美，新鮮。2份日本雪糕柚子味雪糕，普通野無期望。

Saturday night fever , yeah !!!! 平時食日本野一般我會安靜d，但今晚山林道包佐間房，可以盡興啦🤟🤟🤟🤟裝修幾別緻，敞門，好有日本feel❤️（同埋廁所乾淨😛😛😛）前菜擺盤已經好靚，顏色吸引，個蒜頭同蒜子好好味，追食🤟鷄泡魚乾原來口感咁軟熟架，驚喜到爆❤️呢個鵝肝一定一定要食，熱辣辣，油香味，齒甲留香🤩我唔食生既，不過我d朋友讚到飛起，話唔沾醬油都ok喎，秒殺😆最後加個蕎麥麵澱粉質落肚，完美總結🥳🥳🥳menu仲有好多野，要再約局🙌🏻🙌🏻🙌🏻

經過山林道，搵咗間裝修唔錯嘅日本餐廳食午餐今日想食海膽，所以嗌咗個北海丼，貪佢有海膽之餘，仲有其他刺身但上菜時發生小插曲，因發現海膽變咗魚籽詢問店員後得知海膽買晒但我一心想食海膽，同埋圖片都有海膽，點解下單嗰陣吾同我講最後佢哋都好好人，俾返日本海膽我地，店員話原本餐單係加拿大海膽食落呢款日本海膽比較乾身同飽滿，肉比較結實，味道亦相當濃郁而北海丼入邊亦都有鮮蝦，帶子，三文魚，吞拿魚等，分量足夠，樣樣都好肥美同厚身，味道亦好鮮甜另外我亦追加左大拖羅顏色比較淺白，脂肪分布均勻，有濃濃嘅魚油甘香，入口即溶，值得推介

位於山林道有一間木系裝修得非常日式的餐廳 午餐時段提供午市套餐， 抵食，性價比高。套餐包湯，小食，沙津，蒸蛋，主菜，還有甜品 雪糕米糍。套餐選擇不少，有壽司，刺身外，還有井飯或者熱食鍋。食物質素高，誠意十足。

味一番優質日式午市套餐火炙三色丼，蟹子沙律，麵鼓湯，日本蒸蛋及甜品火炙三色丼，食材新鲜又美味，如果份量再多一點或可加錢升级大份就更好了！而傳聞的綠茶雪糕己由維記糍代替了。

今天跟余總吃餐好的預祝他牛一和父親節也要多謝他這半年裡的教導和支持有選擇困難症的我當然讓余總點餐不過今天也有選擇困難症的他把重任交給了師傅 😆座下先來杯自家制梅酒再加碟漬物盛合磨下牙先然後吃條豆豆 ❤多款的珍味小食完全配合我們酒鬼二人柚子漬蘿蔔 非常醒胃山葵八X魚 螢光魷魚紅酒Q頭 清新爽口鮟康魚肝 新鮮香濃吞拿魚皮 魚香四溢牛蒡仔仔 開胃醒神蘿白苗沙律 清理味蕾金目鯛白子 滑溜鮮美排名不分先後串燒陪份有雞腎 雞心 豬腸燒得剛剛好不會乾外脆內在水份同時鎖起豬腸的味道會比較濃讓人更想以酒相配刺身方面有北寄貝和粒貝貝味濃郁 新鮮 香甜吞拿魚酒盜芝士 跟上梳打餅境然有另一番風味鬆脆香口的無骨手羽先同樣表現出色還有原條燒魷魚 送洒佳品是也然後。。原來我們飲了5支洒 😂師傅還請了我們一杯私貨葇台再吃一條蟹柳滿足自己的慾望 👍

最近個2 寶真係麻麻煩煩嘅成日心思思會想食d 嘢今日去完睇醫生探 2 寶隻衰豬就心思思掛住呢個豬扒飯呢個滑旦豬扒飯真係不得了我由佢哋第一間舖係天文台道對落果時間舖只可以坐5 /6 個人我同d同學仔最鍾意食呢個豬扒飯後面搬上山林道多咗好多菜式樣樣都好好食不過都係最鍾意呢個飯同冷烏冬豬扒飯外脆內軟個蛋汁超滑甜甜哋好正老公就嗌左個煎牛脷飯如果鍾意食淋嘅其實佢煮得好好食好入味不過我就鍾意食爽身d 有少少彈口嘅而家疫情咁好多餐廳都做唔住希望你哋千祈要頂住繼續做落去保留住我嘅童年回憶 😋😋😋

經過尖沙咀山林道，見到有間日式餐廳有提供日式lunch set ，而且餐牌望落幾吸引，就入去試試。Order 了一個辣味牛肉鍋 (HK$98) 及一個牛舌飯 (HK$88) 。所有Lunch set 包括前菜，沙律，蒸蛋及麵豉湯。特別一提是蒸蛋。 雞蛋十分香滑，蒸煮的時間剛剛好。辣味牛肉鍋，牛肉很軟熟，而且味道像麵豉汁，不會太辣，反而甜甜的，配白飯一流。牛舌飯，牛舌是燒過的，很香口，而且牛舌較淋，軟硬程度剛剛好。最後套餐更贈送甜品，大家記得留肚食甜品呀。

今日同同事一起去呢間食 之前都食過 覺得味道唔錯～ 今日再食 發覺到一個餐真係好抵 但每日只有六個優惠quota～ 點呢個餐之前先問下侍應 今日仲有冇優惠餐。因為正餐$128 優惠價係$78 超級抵仲要個份量係正價size 食埋前菜 飲埋湯 真係食唔曬個飯～D魚生好厚身好新鮮 值得一試！同事嘅呢個餐都好吸引餐廳環境比較安靜 係一貫嘅日本餐廳風格 原來仲有幾間唔同嘅包廂 適合傾計～飯後再食埋個甜品 prefect ～ lunch食呢個餐 真係好抵～

今日lunch黎到味一番食lunch仲記得上次黎係公司食飯而黎嘅個menu都已經唔同左啲本身想叫壽喜燒 但今次個menu得返番茄豚肉燒 唯有叫第2樣啦 上次食個壽喜燒質素唔錯呀今次就決定叫牛肉生薑燒 成個set有沙律 湯 溫泉蛋 主菜同埋一球雪糕 好耐冇食溫泉蛋啦 半生熟 岩岩好 唔想食溫泉蛋都可以轉蒸蛋 滿足到唔同人需要 lalala講返個牛肉生薑燒... 其實就係洋蔥牛肉？😂無話超好食 我覺得cp值一般 但就咁講味道係okay嘅 而且個量都ok 米飯粒粒分明 而最後嘅雪糕略嫌有啲過甜 所以我自己唔係話好鐘意個雪糕