呦呦鹿鳴布丁燒

营业中

休息中

呢間布丁燒嘅口味比元朗小確幸更多，伯爵茶同茉莉都幾吸引，不過我最後都係揀咗小山園抺茶🍵。抹茶味好濃，面頭仲有一層抹茶粉，比我想像中濃！而且口感都好滑，芝士蛋糕都幾香，而且整體唔會太甜太膩，係個掃街好選擇～

超好食嘅布甸燒😘每次去葵芳掃街，都要同朋友食番一個做甜品～聽過人講新鮮出爐係最好食，不過我未試過咁啱撞正出爐，但凍食做甜品都唔錯💕💕當日去時，有九款口味可以選擇，我同朋友就揀咗茉莉花味同朱古力味～布甸燒姐係一層布甸，一層輕芝士蛋糕，仲有一層焦糖汁，三者相輔相成， 10分好味😆😆😆朱古力味個款味道濃郁，每一啖都食到好重朱古力味！真材實料，布甸好滑溜，入口即溶，底層嘅芝士蛋糕都好軟綿😋至於茉莉花，味道較為清新，仲散發花既清香，幾夾架，我下次都想試其他味道！🤩🤩

上次我自己食過熱既baileys甜酒布丁燒。今日少爺問我試過葵芳間布丁燒未? 話好多好評。我話食過喇。我食左熱的。他熱布丁甘古怪。呵呵～甘我今次同您試凍喇星期日4點幾都幾多人。拿拿聲買左個凍yeahyeah椰爺(38蚊)外賣回家放左雪櫃3小時。晚飯後先食個輕芝士蛋糕有少少冷縮少爺話甘細舊38蚊都幾貴。我話係架。您一陣試下值吾值呀?因為係他俾錢反轉左變成焦糖響面凍左沒乜芝士味凍食好容易一次畢到底。熱食反而難試哂3層味道我自己覺得凍食布丁燒味道更加好。而且椰爺真係有椰青味同椰碎。味道比baileys甜酒好。問少爺覺得點? 38蚊有冇俾人搵笨他說ok呀。都值的。。呵呵～凍椰爺yeahyeah! 我就覺得更抵喇。因為有人請麻!

今次去葵涌廣場掃小食，行經甜品店，只賣布丁🍮，樣好吸引。雖然38蚊一個，但都想試下。👨‍🍳👩‍🍳食物質素：🥥🍮椰爺布丁燒，椰青味，一聞椰青味已經好強烈，好清新。一食，椰青味立即湧出黎。以為就咁一層布丁，一層蛋糕。點知。。。原來入面仲有椰青肉，驚喜🤩。。。好味。。。🥰☕🍮鐵觀音味，茶味都好出，今次蛋糕比例多少少。做成又滑又鬆軟感覺。由於唔係太甜關係，都買左2件回家食比屋企人食。。。。☕🍮茉莉花味，一樣茶味出，好似飲緊茉莉花茶咁。🛋️🛋️環境：立食😋😋好食指數：4/5💰💰性價比高指數：4/5P. S. 依到仲會做散水餅，宴會等。。。第一次黎食，一定要試左椰爺味。

賣相好精美架，食落仲要好好食，簡直係內外兼修！而且，有好多款口味選擇，我今次食既係椰青味，上層係軟綿綿麵包，中間係滑溜溜既布丁🍮，布丁之間會有少少椰子粒，底層係焦糖汁，幾層加埋既口感好豐富，焦糖汁甜度調得岩岩好，我好鍾意！有機會要試埋其他口味😍

去葵芳行場 見到有好出名的布丁燒又見無人排隊 二話不說同朋友試下都真係第一次食 口感都幾得意焦糖、布丁、輕芝士蛋糕有好多唔同的口味 索價均為38 絕對唔平要了三個試下即買即食 店員係雪櫃拎出黎 再反轉倒出後反轉左之後就無左靚靚的鹿公仔(招牌) 椰爺布丁燒(新鮮椰青)呢個味好清新 又食到淡淡的芝士味 中間仲有D椰肉 係三個之中我最鐘意的味Tiramisu只限堂食 即刻再灑上咖啡粉係面不過味道唔太突出回魂布丁燒(Coffee)☕️可能我地再要左個咖啡味 所以同tiramisu好似無咩分別個人覺得無講到咁好食 而且價錢唔平試個招牌share黎食 再係葵廣掃下其他小食更好 😅

喺葵涌廣場充滿女士獵物嘅地方,行到TOP世界， 有間開放式門面光鮮，牆上大大隻鹿仔Logo， 店舖好多像真度極高手繪畫板，咁花心思嘅嘢吸引我行近睇清楚啲布丁燒。 每日新鮮出爐，喜愛甜食嘅我呢間鋪頓時加插成為我的獵物。味道選擇好多，招牌產品爺椰布丁燒一定必試，揀多一款滿足胃口，我揀新鮮感極高嘅balieys口味。店員見我準備定相機，特意留返一個比我相機食先。布丁燒上面烙印令平平無奇嘅表面立即升lv. 但係上碟後就見唔到鹿仔喇。睇睇幾有心思畫，連鐵觀音都畫到出嚟☺相機食飽，店員以純熟手勢一"鄧"、二搖、三神速反轉。上層焦糖緩緩流落中間層布丁滲透最下層芝士蛋糕。流瀉嘅焦糖一啲都無浪費，被底層蛋糕外圈完全吸收，內圍蛋糕仍然保持干身鬆軟，與中間幼滑嘅布丁口感截然不同。爺椰布丁燒-清新椰青味道恰好夾上焦糖甜味balieys布丁燒-就係貪佢有酒味，最後仲滴多幾滴酒上面，酒味濃郁度提升。經過高溫布丁內酒精已經揮發，口中散發酒嘅香甜。食緊時聽到餅房散出香味並傳來蛋糕烙印喳喳聲，難得遇上新鮮出爐當然要試一個熱食雲呢拿口味。口感有別於凍食，熱食先食鬆軟無比蛋糕層，布丁層夠滑，“不"到布丁層焦糖跑出來，熱食甜

葵涌廣場是我從小到大的蒲點🙃，行街、吃小食⋯⋯一應俱全。近年2樓和3樓各有一條美食小巷，咸食、甜品🍮應有盡有☺️。之前公司有同事派散水餅，派了布丁燒🍮，一試難忘，一直再想吃。沒想到葵涌廣場3樓也有布丁燒🍮。布丁燒有很多不同的口味，包括：伯爵茶、鐵觀音、茉莉花、Baileys、抹茶🍵、雲呢拿、朱古力🍫、椰子🥥、Tiramisu等。1️⃣ 茉莉花味布丁燒 $38 （期間限定）— 放棄了最愛的伯爵茶味而選擇了茉莉花味，沒想到有驚喜🤗。軟滑的布丁中帶有清香的茉莉花茶味😍，茶味和布丁配合得恰到好處。👍2️⃣ 雲呢拿味布丁燒 $38 — 布丁上黑色一點點的是雲呢拿籽。原味的雲呢拿味也很香滑。底部是帶濕潤的蛋糕，與布丁一起吃，味道更佳😋。

難得來到葵涌廣場，作為甜品控的我當然要品嚐布丁燒。雖然小店獨沽一味只賣布丁燒，不過就有口種眾多。今次試試我最愛的tiramisu味。手繪畫色彩繽紛，非常吸睛，打卡一流！新鮮出爐的布丁燒。Tiramisu布丁燒 ($38)布丁燒入口便嚐到濃濃的朱古力味，但絕不會搶去布甸及芝士蛋糕的味道。三種口味在口腔中一起化開，馥郁香氣更在口腔內不停迴繞。口感濕潤綿密，香軟幼滑，吃得滋味，美味到不得了！每一口都有滿滿的幸福滋味，令人回味無窮！

今日同友人去了葵芳廣場行街，比我地發現到一間裝潢精緻的小店，正正就是呦呦鹿鳴布丁燒了。小鹿的壁畫好吸睛，令到都會停下一望。布丁每日手作新鮮出爐有丁燒。而且店內更有不少特別的味道推薦如:伯爵茶布丁燒、茱莉花茶布丁燒、焙茶布丁燒、鐵觀音布丁燒等......行近原來還有三款店舖重點推薦: TIRAMISU、椰爺布丁燒、回魂布丁燒。店舖旁的一幅壁畫真的很美，重點寫著別摸我，我會消失可見繪畫應該是可以被抹走椰爺布丁燒 - $38椰爺布丁燒未入口已經聞到椰青的香味，食落去內有乾坤，布丁燒內加入了椰青肉，口感滑溜，配上焦糖汁，更令人回味無窮!!

行開葵廣，諗起葵廣有間賣布丁燒好出名既舖頭，於是就去試下龍與鳳。我登揀啲冇咁人氣既款式試試，於是揀左忘憂朱古力味同埋香濃既抹茶味，然後拎返屋企慢慢試。返到屋企放入雪櫃雪一陣再拎出黎食，估唔到啲布丁既幼滑口感還在。先食朱古力味布丁，上層既朱古力味布丁唔算濃郁，淡淡的，口感非常幼滑但唔會鬆散，而布丁底既蛋糕都係朱古力味，可能浸喺啲汁度令到口感同味道怪怪的，失色不少。另一件抹茶味布丁就好有驚喜，上層既抹茶味布丁味道濃郁，口感同樣幼滑。雖然底層既蛋糕依然被汁浸到淋淋的，但抹茶味布丁為整體挽回唔少分數。食完兩件都唔會太膩，亦唔會太甜（可能係低糖既關係），手工布丁黎講都算幾高質，下次再試試其他味。

葵芳廣場嘢食嘅種類越來越多，除咗有各式各樣嘅小食同飲品之外，最近喺2樓仲發現咗有間專賣布丁燒。經朋友介紹之下，先知原來呢間布丁燒喺葵芳幾出名，所以決定同朋友叫一日一個試吓。小店有好多人手畫嘅餐牌，全部都好靚好有心思，仲介紹咗各款唔同嘅口味。收銀前嘅凍櫃展示左唔同口味嘅布丁燒，單單係茶味都已經有五款，作為選擇困難症嘅我，真係諗左好耐都決定唔到揀邊款好，因為真係款款都好吸引。最後經老闆娘嘅介紹，揀咗招牌椰青口味，同埋焙茶口味，布丁表面烙印左店舖嘅招牌鹿圖案，仲印有店舖自己個名，好特別凍食嘅布丁燒，落單之後，老闆娘會幫手將布丁搖落墊墊度，成個180度反轉，令到布丁部分向上個人比較鍾意椰青口味多啲，布丁中間仲夾雜咗椰粒，食落椰子味好突出，清甜得黎感覺好足料，而反轉之後，焦糖醬會濕潤左芝士蛋糕，令芝士蛋糕嘅芝士味唔太突出，反而更多嘅係，來自布丁嘅焦糖香估唔到葵芳廣場都有高質布丁燒，雖然價錢相比起其他小食會稍貴，但都值得呢個價錢，值得一試啊！

聽朋友講呢間布丁專賣店好出名，味道亦超正，去到 counter 時見到味道都好多款，但係無寫價錢，一問原來係 $38 一個，本身我其實好鍾意食布丁，但未食過咁貴既布丁，不過基於想試，都係買左個原味黎試，即係雲尼拿味黎既。口感幾得意，摇摇下，偏向實實地既感覺，唔會水水地既，一層焦糖，一層布甸，一層蛋糕。蛋糕果 part 好鬆軟，焦糖同布甸就無想像中咁好食。焦糖係焦到有種微微既苦澀味，或者係我食唔慣，我覺得都係普通果 d 布甸好食 d ...食完無一種想再食既感覺，而基於價錢同味道，性價比低，無下次

叫老闆推介,佢竟然介紹椰青味。佢話有3層, 一層焦糖,一層PUDDING, 一層CAKE, 叫我地一野切下去, 3層一齊依。無糖層帶苦味, 怪怪的。中間椰青PUDDING真係有椰青肉, 好香椰青味, 又5會太甜。下面係一層薄GE CAKE, 就無咩特別。不過買38蚊好貴LAW, 我覺得至多28蚊........

於葵廣3樓Top世界內，門口常常都站滿人，筆者於旁邊的服裝店常常看到人龍成群，這天沒多少人又帶著孩子，於是決定一試。揀選時可以看到各種味道有不同的圖案印在布丁頂部，堂食會將布丁反轉倒出，變成焦糖在面，強糕部分在底。焦糖表面滑溜美觀，令人垂涎。筆者選了最傳統的云呢拿味，感覺有點像芝士布丁，甜而不膩，感覺不錯。見到眾多好評，味道無用置疑，但覺得定價稍稍偏貴，兩三口就吃光了，筆者覺得份量與環境未能配合此價錢，故此評分會稍作調整。