呦呦鹿鳴布丁燒

营业中

休息中

It’s coconut flavour! You can taste the coconut cream in it 🤣🤣 the pudding itself is like smooth creamy custard pairing with a slightly bitter caramel sauceThe cake on the top layer is fluffy Silky texture Better than I thought and it costs thirty something Worth it! Not expensive at allNomnom:4/5

呢間布丁燒都幾有名氣，但都唔會排長龍因為係現貨，店員喺雪櫃拎出嚟一反轉個布丁燒就俾你😙/🍮 雲呢拿布丁燒 (原味) $38面層係焦糖醬，中間係布丁而底層係輕芝士蛋糕🧀 布丁就滑溜溜，而蛋糕質地濕潤，再配埋焦糖醬，每一啖都有多重味覺感受😚 舖頭用100%北海道cream cheese，但芝士味又唔會過濃，啱啱好～我估大部分女仔都會好鍾意😌 佢仲有好多唔同口味，伯爵茶等等～ 每款都好想試😻😻😻😻😻

之前去北海道旅行，食過好好味嘅布丁燒，一直好懷念😭 家陣唔知幾時再有得旅行......好彩葵芳原來有間專賣燒布丁嘅黃店！！！一放假就立即去幫襯～！😝​ 布丁燒唔同一般布丁，主要由焦糖、雞蛋布丁，同芝士蛋糕三層組成，令人可一次過食均唔同嘅甜品質感，味蕾大滿足！ 除咗招牌嘅5款燒布丁，店家仲會推期間限定口味～選擇多多～ 呢度嘅布丁燒有好多口味，今次我就order咗招牌嘅椰爺布丁燒、限定嘅焙茶布丁燒～❤️ 我覺得兩隻燒布丁，椰子味會較清香，食時有少少椰絲，爽爽地嘅口感好得意～而焙茶味就較濃郁，茶味好出，微微帶苦，茶控應該會好鍾意～真係各有各正 😋​ 不過，不得不讚，佢哋嘅燒布丁質感超正，拍得住日本食到嘅質素！ 芝士蛋糕好綿密，布丁則好細滑，加埋濃濃嘅焦糖，每一層嘅質感及味道都唔同，但食上口就完美融和～處理得好好！ 😋​ 不過，佢哋嘅燒布丁一個大約40蚊個，第一下睇到個價錢，都會覺得唔平，但原來佢哋會用北海道Cream Cheese整芝士蛋糕，椰子又會採用新鮮嘅泰國椰青，焙茶或抹茶粉又日本直送...等等，加上繁複嘅製作功序，一分錢，一分貨，食物質素絕對對得住價錢。 鍾意燒布丁嘅朋友，一定

每次經過都比佢嘅外觀吸引住，鹿仔🦌真係好ᴄᴜᴛᴇ☺️，店舖唔大，但有好多味道選擇😍，平時唔太好布丁🍮，但非常喜歡cheese cake😆，而今次係我第一次食布丁燒😆·焙茶布丁燒🍵 $38店家使用100%北海道忌廉芝士，布丁🍮口感好香滑😋，輕芝士蛋糕體較紥實，焦糖帶焦香，可惜只帶微微嘅茶味，未夠香濃🙁，呢回有少許失望，整體唔算好甜··推薦指數：★ ★ ★ ☆ ☆

葵涌廣場人氣店，幫襯第三次，店面簡約，充滿設計感，黑板畫有小鹿的圖案，呼應店舖名，清新小店感覺，好適合打卡呃like。布丁燒最上層香濃的焦糖，中間是滑溜的布丁，最底層是輕芝士蛋糕，喜歡一啖食到三個層次。第一次食椰爺布丁燒，清甜的椰青味，裏面更有椰肉喺裏面，食落好清爽，一陣陣焦糖香味，味道唔會太甜，入口又香又滑，令我一試難忘。第二次食伯爵茶布丁燒，使用茶味去製作甜品，中和了甜味，突顯出淡淡的伯爵茶香味，唔會太膩 ，可以食多幾啖。第三次食焙茶布丁燒，今次真係太失望啦。完全食唔到香濃焙茶味，入口好苦，同我上兩次食，感覺差太遠了。

提起北海道布丁燒，質素最高嘅肯定係元朗小確幸，不過而家基本上我係唔黃唔食，所以都有成年冇食過喇😐，直到上星期試過葵廣呢間，估唔到都幾 OK 喎。揀咗個 Earl Grey 味，堂食，睇住店員姐姐將個布丁反轉再慢慢撴出嚟，布丁喺個紙碟仔上面震震下，好自癒😂。同小確幸嘅出品大同小異，都係上面布丁下面蛋糕面頭再淋上焦糖漿，相比之下，我較鍾意食布丁層，因為口感滑溜，仲有清香嘅伯爵茶味；下層嘅蛋糕則口感濕潤，配合淡淡嘅芝士味，好食👍。

嚟到葵廣3樓嘅為食天地 嗌左個椰爺布丁燒🍮食左第一啖已經後悔 個布丁燒一啲奶香味都冇 反而有浸苦苦地嘅焦糖味 食到中間有啲椰肉 整體嚟講可以用3個字形容:唔好食~細細嚿布丁燒竟然收我$38 真心超貴 我當買個教訓算😭💸

點樣可以喺一日之內食最多黃店？答案就係去葵廣喇，一餐十間黃店其實唔難！3樓TOP世界係葵廣最多黃店嘅地方，如果開舖喺TOP世界而又唔係黃店都真係會拍烏蠅。食完一轉熟食再返上三樓食埋甜品先走就fit晒啦～小編喺日本成日都會去便利店買個布丁食，有次仲食過布丁三文治，從此就愛上咗😍 呢個布丁燒用咗北海道Cream Cheese，底層係蛋糕，加埋淋咗焦糖醬，簡直係三重層次嘅口感。呢度招牌嘅味道係椰青味，小編下次仲想試埋豆腐味🤪

大家都見我平時去九龍/港島覓食居多，其實我自己都知，所以我上星期六去左葵廣食野，希望都可以介紹下新界區美食😋！今次呢間舖我本身自己都bookmark jor成3個月想試，終於都試到，就係「呦呦鹿鳴布丁🍮燒］，本身我想訂嚟做散水餅🤣，我班舊同事無得試Lu～舖頭雖小，但味道就非常多，我去果日就多達9種，真係唔知食邊款好😂！款款味都好想試，最後老闆推介Tiramisu味。我覺得你未食過的話就一定要試下，真好好味😋！布丁燒用左100%北海道忌廉芝士，味道非常香、非常滑👍🏻。每個布丁燒都由一層輕芝士蛋糕、布丁同焦糖而組成！香滑得嚟唔太甜。Tiramisu 味道唔錯，中間咖啡布丁，加上可可粉，味道香甜中又帶點咖啡☕甘味，非常有層次👍🏻👍🏻，真心真係非常好食😋非常高質！當然啦！舖頭除左堂食外，亦可以外賣或可預訂，等大家將呢一份好味道帶返屋企。近排疫情嚴重，唔好係街度流連太耐，放左工就快D買定D好西、美食、餸菜，之後就好返屋企啦！

每次行葵廣 經過呦呦鹿鳴布丁燒 都會好想試下 自己食哂成個會太有罪惡感🙈今日一齊行街既同伴都有興趣 所以終於試到喇😀✨我地兩個人share左一個 無等到下一批新鮮出爐既布丁~~揀左雪櫃入面既👉🏼 焙茶布丁燒($38)每個布丁燒都會印上🦌小鹿logo 近期仲多左「香港加油」既字型💛買凍布丁即食既話 店員會倒番轉個布丁咁上 所以要影相留念既話 就要麻煩店員俾你影完先倒!每個布丁燒都有三個元素1️⃣ 焦糖漿 2️⃣ (唔同口味既)布丁🍮3️⃣ 芝士蛋糕講講食後感啦💁🏽‍♀️布丁質地滑溜 而芝士蛋糕係偏慕絲既質地 食落覺得都幾light 焙茶味唔係幾出 被焦糖漿蓋過 所以我食左一兩啖之後 就盡量’不’ 走少少焦糖漿先食! 可能有d人會覺得$38有少少貴不過我覺得呢d咁有心機製作既甜品 一分錢一分貨啦! 睇食評發現大家好似比較推介熱食既布丁燒下次有機會再試下先☺️

第一次吃布丁🍮燒 就愛上了凍的布丁燒只有茉莉花味$38最面是蕉糖 再布丁燒 再芝士蛋糕 再加上有淡淡的茉莉花味店內採用100%北海道cream cheese 實在太好味 再試熱的朱古力布丁燒我還是喜歡凍的布丁燒😍

打算送一個小布丁俾一個生日嘅朋友～擔粗粗打去舖頭問吓有冇少少野可以加上去～ 老闆好好甘寫咗生日小卡！包裝卡仔都十分精美！仲有名添！心思同人情味十足～支持本地黃店！🥰🥰🥰

尋日行過葵芳發現原來呢度好多小店，好日都唔來一次食嘢， 喺呢度買咗一個外賣甜品返去試， 呢個布丁燒都幾得意， 鋪頭幾有心思， 唔單止每個甜品上面都有公仔， 仲好仔細咁教你點樣食， 要好好要搵佢等啲焦糖流出嚟， 咁樣食先最好味道， 今日獨食易肥， 下次買多兩個同屋企人一齊分享

一直想試這家布丁燒今次表妹特意外賣來做晚飯後甜品本身想試抹茶味，但是日沒有這款口味表妹就買了另外的口味，包括：伯爵茶﹑椰子﹑咖啡及朱古力每款口味的結構都是一樣，面層是焦糖﹑中間是布丁﹑底層為輕芝士蛋糕據餐牌顯示，是用上100%北海道cream cheese每款布丁都澆上大量焦糖醬，香甜而不膩布丁口感幼細滑溜，蛋糕軟綿濕潤，芝士味不會過重的喧賓奪主～先試試個人認為味道會較清淡的伯爵茶 Earl Grey嚐一口，滲出淡淡的茶香味，微微的茶甘香中和了布丁的甜度！椰爺布丁燒，椰青味不重，輕淡點綴的味道～布丁的蛋香味及芝士蛋糕味相對突出特別在於中間混入椰青肉，令咬口豐富整體都幾清新！回魂布丁燒，咖啡味濃郁，味道溫和而不苦澀甜度恰好～～～咖啡的餘香在齒頰徘徊～忘憂唂布丁燒，朱古力味濃醇而不甜，帶微微的苦澀味即使配上焦糖醬，整體都不會太過漏～～相比起咖啡味就會甜一點！4款口味各有特色個人偏好伯爵茶的味道，清香之餘，甜度又恰好！有布丁又有蛋糕的口感，盡享3重滋味

今次特登去到葵芳 去到出名多黃店啲葵廣掃黃店 支持下黃色經濟圈💛葵廣既黃店整體黎講好高質 特別係布丁！佢有幾種口味👉🏻焙茶 朱古力 原味...但因為我最常食原味 所以照舊叫左個原味🤤蛋糕同布丁一啖食落去 又香又滑 層次分明！食完想買埋其他味食😂但因為要掃其他黃店 最後都係等下次再去幫襯