呂仔記 (已結業)

三撈 加 魚肉燒賣 加芋頭西米露 $68鐘意食燒賣的我黎到呂仔記試鮮製燒賣，話用鱔整成$26/8粒，睇落都大大粒，食落偏淋少少冇咩口感但都足料。三撈碗仔翅$20吾太咸幾清多料，魚肉吾好味。最後叫左個細甜品芋頭西米露$20，食落夠凍多芋頭，仲要煮得淋身同好有椰子香，而且仲溶了不少在西米露中，鐘意芋頭的人不容錯過

這間小食店為何那麼出名，我真的好想知道，所以我特意食這裡的燒賣。一般燒賣都稱是魚肉製造的，但多數都是用麵粉溝成，這裡的魚肉燒賣肉質是非一般用粉做，似用魚肉打出來，好有燒賣味道亦非常彈牙，入口嚐到很香的魚味，值得。

工作關係入左筲箕灣一轉，至四點終於走得，未食午餐少少餓，但七點又約左人食晚飯，打電話同住附近的朋友求救，問有咩好食！咁佢都係指我去東大街，因為就快又食飯，佢建議我掃下街就算！本來揀雞蛋仔，點知去到休息，咁最後就去左食呂仔記了～呂仔記主要係賣小食同糖水，即係魚蛋燒賣粉果魚肉生菜碗仔翅o個d，糖水就係中式的，即係芝麻糊o個種！咁我要左 魚肉燒賣 ($26/8粒)等左一陣就見到姐姐拎俾我啦！用紙盛著的燒賣粒粒都有成吋咁大粒，以金黃的燒賣皮包著，淋上醬油～食左第一啖就知同其他的燒賣的分別，質感好實淨，食得出入面係好多好多魚肉，沒有一般的粉感，估計每粒有八成以上是魚肉，有魚鮮味，味道真係唔錯！不過八粒真係有點飽，後來先知可以叫半份（即四粒）！嗚嗚！等待期間，望到牆上殘舊退色的剪報，原來燒賣是老闆用每天買來的大黃鱔起肉製成，難怪口感同味道都同街外的不一樣。平時食開溝左粉的燒賣，雖然係平，但都無咩味，呢度每口都食到真材實料，成件事變得值得一試。 

今日，是有史以來，最嚴冷的一天。一整天，如一隻冬眠中的懶蛇般，懶洋洋躲在暖暖的被窩中。是夜，約了由美國歸來的小雞見面，才不情願地爬起來。一個人，先去東大街的呂仔記，原來吃魚肉燒賣，一客8粒竟索價$26，太貴了吧!退而求其次，要了一客較飽肚的三溝$20。三溝，即碗仔翅，生菜和魚肉，只見滿滿一碗碗仔翅上，有約5-6件魚肉，少量生菜，且撒上了胡椒粉。碗仔翅濃稠度剛好，混入了爽脆黑木耳，軟腍冬菇，以及大量肉絲同煮，再拌入胡椒粉，口感豐富，食味不錯。魚肉生菜數量極少，魚肉也不過是粉團子而矣，有點小家!

回家途中，巧遇媽媽，便一起買糖水作宵夜吃。這碗喳咋算足料，入口不會過分水，真的是熬製一段時間的糖水。加了椰奶，充滿椰香味，但可惜，真的有點過甜，甜到漏。這碗西米露也落重椰奶，椰奶味非常的重，香芋也份量充足，挺大顆。不過也覺得過甜，減少許糖會更好更完美。

記得討論區有人推介呂仔記嘅燒賣，粉果去到夜晚7點左右，店鋪一個客都冇見到燒賣24蚊8粒都打咗個突咦，咖哩魚蛋18蚊有交易（都係8粒）一於試下先...魚蛋大小唔太細又唔算大粒食落去好有以前中學賣嗰啲魚蛋味咖哩汁比較稀，但味道滲入晒魚蛋我畀5/10分因為實在唔值得賣咁貴（成間店賣嘅食物都偏貴，可能真係名過於實）下次都應該唔會再去

叫了一份燒賣， 一份粉果同一個三溝碗仔翅。實在不懂得欣賞燒賣的腥，粉果的厚皮。碗仔翅落醋時發現醋似溝了水！係， 佢出名用好多新鮮魚做， 但係我同朋友都真係覺得唔好食。當我哋匆匆埋單，聽到有幾個人不斷咁話燒賣好作名， 叫咗幾份之際， 我真係想知一開始開邊個『發現』呢間嘢。 。 。

筲箕灣東大街一向美食多籮籮，不過小弟就甚少踏足。上星期到了東大街一趟，呵呵，咁我就唔客氣，順便掃街一番 :-)到了「呂仔記」，吃他們出名的自家製魚肉燒賣。牆壁上還貼上「林峰 chok 住讚：全港最好的食嘅燒賣！」我要了一份八粒，承惠$24，都幾貴，咁味道又如何呢？(食咗四粒先記得影相。。。)首先一吃下去就吃得出它與其他燒賣的分別，吃得出裏面有很多魚肉，是達到非常多的程度那種，我估每粒有八成以上是魚肉，而且蒸得熱辣辣，吃得出有魚鮮，味道係幾正斗。再看一看牆上的資料，原來燒賣是老闆用每天買來的大黃鱔起肉製成，難怪貴得有道理。當日眼見買燒賣的人客非常之多，它應該有不少粉絲！

上次weekend遲左起身，冇同屋企人飲茶，同男朋友出黎搵野食，突然心血來潮想食平時早餐食既粉糰燒賣。佢就提出話過黎呢度食，今次叫左燒賣，碗仔翅同生菜魚肉，當然仲有我最鐘意既椰汁喇！一落單，野食好快就黎喇，燒賣個質感好好，好彈牙，唔乾，味道仲好鬼魚，查實我就唔係特別鐘意呢種味道，但佢質感攞晒分，Very Good！之後既碗仔翅都okay，多料唔馬虎，感覺唔錯，唔會太杰太稀。生茶魚肉係唯一失望既位置，其實係一樣好普通既野，但佢成碗野比超強勁既胡椒粉味蓋過左。失手了嗎？之前食過都唔係咁，傷心。最後我杯鮮椰汁，挽回一切！簡直係呢度既signature，次次黎都一定要飲！後補一句，呢度啲野真係越黎越貴，之前既10蚊燒賣，依家已經要20蚊了。

香港人大多習慣吃完晚飯便來一碗糖水，以代表吃完一頓完整的晚飯。因此香港越來越多糖水店，有主打中式的，亦有中西合壁的，任君選擇，幾乎總有一間在附近。筲箕灣東大街是著名的食街，各種不同的餐廳開設在這條小小的街道，當中有不少是常被電視台美食節目所推介，而呂仔記正是其中之一。除了有中西式糖水外，亦有魚蛋燒賣及麵食，所以平日都是人來人往的。價錢偏向合理，原本以為被電視台推介過後價錢會再升上幾級，但呂仔記並不如此。呂仔記這3個字非常易記，但就從來未試過，所以今天晚飯後與男朋友決定初嘗呂仔記。店內貼滿大大張食品圖片及價錢，沒有刻意的大裝修，令食客吃的輕鬆自在。除繁忙時段，食客都可以自由入座。養顏紫米露（冷）＄19和綠豆沙（冷）＄18可能綠豆沙太好賣，只剩下一碗細綠豆沙，男友說很足料，但偏甜，細碗已很夠食。於是我都要了一碗細紫米露，有加椰奶，果然足料，偏甜，吃了半碗已覺得很膩，幸好沒叫大碗(K.CHT心諗：x5=最好，x5=最差）服務態度 食物       （兩碗糖水都偏甜）環境      價錢      

我曾經住在筲箕灣十年東大街是我的飯堂從小就喜歡到呂仔記十數年就這樣過去，但味道卻沒有變我決定把我十數年到呂仔記吃過的都通通列出來，與大家分享生菜魚肉我一向認為呂仔記的生菜魚肉是我吃過云云之中最好吃的，魚肉是他們新鮮手打出來，非常彈牙，生菜雖談不上新鮮，但他們只少不會給一些「爛頭爛尾」的生菜。整個生菜魚肉的精髓在於那碗湯，湯是用魚骨熬出來的，絕不是味精水，奶白色的魚湯簡直是皇道！呂仔記鹹點之中我最愛生菜魚肉！碗仔翅碗仔翅絕對是真材實料！你能清楚看見林林總總的材料：冬菇、肉絲、「翅」等等…… 其中一項我十分欣賞的是碗仔翅十分稠，並不像便利店般十分稀，可見他們不是加水再煲，而真的是慢慢煲出來的。尤其是冬天吃完後簡直是暖意入心！燒賣呂仔記的招牌，很多人也是為了燒賣而冒名而來。我覺得他們的燒賣有別於我們平常吃的燒賣，十分彈牙，就像吃魚肉般，可是我覺得沒什麼魚味……可能吃慣便利店那種燒賣，所以不太喜歡這個燒賣的質感。咖喱魚蛋咖喱魚蛋又一皇道！喜歡吃咖喱魚蛋的朋友一定要嘗嘗這個！可是，這個咖喱魚蛋對我來說真的十級辣，辣味還會停留在口中很久。試一試，必定令你難忘。我從小也不喜歡吃粉果，所以我也沒有吃過

自小就喜歡的小店。久違了所以相見很歡。傳統的味道家的味道，一連去了幾天。六點人就好多，九點又是另r高峰。任何甜品都是佳品。腐竹煲至水乳交融好和味喳咋好足料，椰汁味香郁 ，不可不試 養顏紫米露。相比稍遜但是阿姐特地弄熱的给我。加分 久違了的凉粉好甘味。夏日的refreshing dessert.揚枝甘露亦超正。

好耐無黎東大街喇,今次就黎左呂仔記食下佢個燒賣,因為細個真係成日食,自從搬左就無咩點食喇,佢依到個魚肉燒賣真係正過出面好多,雖然裹面只係得魚肉而無其他野,但佢個魚肉真係又爽口又彈呀,加埋蒸既時間,真係岩岩好,仲有佢個豉油,好香有好味,加埋個色又靚,最後加埋佢個辣椒油,真係又要辣又要食呀。另外就係佢個碗仔翅,同出面少少唔同,依到個質感會比較稠,料都算足既,起碼有少少咬口,同埋唔似出面個D似水咁既。加埋依個麻油同胡椒粉,真係幾香既,最後就當然要飲埋佢依杯椰汁,依個椰汁椰子味道好濃嫁,仲有少少冰係裹面,係門口食完辣野之後,飲番杯真係一流,加埋佢個口感夠哂滑,椰子味道夠哂,咁樣就已經係依到最佳既享受。 

話說經過東大街...見到舖面大大張剪報寫住林峰CHOK住食過最好味既燒賣..當然決定試一試..一睇價$$...$20/8粒..先嚇你一嚇.. 最後都買左..入口第一個感覺只係一粒包住燒賣皮既大舊鯪魚肉...價錢跟味道完全不合符..另外叫左碗西瓜西米露...一上台.. 見到D芒果汁滿滿撈左係入面..以為係特色野.. 點知..... 根本就係芒果西米露+西瓜..所有野都勁失望. 以後都唔會再幫襯~ 

筲箕灣狂吃之You can't stop me 5/5在掙扎應否吃「南記」，但有友人略感不適，如吾等仍在其面前吃「那回味三週的春卷」，她應會像心如刀割、寂寞凌遲、look but don't taste吧，算了，直接跳至「糖水」一環。另一友人表示這兒的燒賣「很特別唷」吃下，似乎是與街上的有點點不同，燒賣分析如下︰(1) 以後不要吃7-11的燒賣，那粉狀物實在奇怪，又黃又軟，沒丁點魚肉味，用了$12.5／10粒又不想掉丟；(2) 這兒的魚肉味不錯，看起來內裏的質感是有所不同，是否自家手打就不敢莽下定論；(3) 還是媽媽在青衣街市買的至為香濃，光是隔水蒸，經已一室溢香了。紫米露友人表示很美味，但是阿姐說只有冷的那就立即扣分了。而我們點了三碗後，阿姐隨即在雪櫃拿出即上桌，再次扣分。吃紫米露，從來只吃熱的︰(1) 冷的沒那麼甜，大多較淡 (2) 熱的香氣更盛。味道不算特別，又冷、渣又已浸底、紫米不多，以$1x元（好像至少$14）換取阿姐在雪櫃取出的一碗沒感情的紫米露，不划算矣。