影片
以上资料只供参考，请与餐厅确认详情
今日午饭去左柴湾角街熟食市场入面好多人排队既吴章记买3 𩠌饭。日日落到去都好多人排队, 因为都好抵食。一个3 𩠌饭只系$39 包例汤。而且好多𩠌拣, 又不断出新𩠌, 好新鲜。食店最驰名系炸野, 炸猪扒同炸鱿鱼须都系我最爱, 仲推介左俾同事, 同事都觉得好食。不过熟食市场内环境真心差, 地下有好多时都有水。希望食物环境衞生署可以改善下。介绍返今日叫左菜心 (劲甜, 都油油地), 炸猪扒 (半肥瘦, 一如以往的入味) 同排骨 (D 汁捞饭, 正) 店员仲送左2 旧咕噜肉俾我。
继续阅读
第4 波疫情又来势汹汹 冇得WFH, 咁LUNCH 就乖乖外卖返公司食啦! 之前讲过, 柴湾角街熟食市场虽然其貌不扬, 但内里暗藏好多美食。其中呢间吴章记, 主打卖3 𩠌饭, 唔好以为系HEA 嘢先, 首先, 基本上无论系12:30 去定13:15 去到, 都要排队, 起码要排10-15 分钟。另外, 𩠌O既选择起码有20+ 款, 虽然到13:15 时有D 款已经冇咗, 但系都仲有10+ 款可以拣。至于款式, 有菜、蒸蛋、 蒸鱼、炆排骨、酿莲藕、炆冬菇等...... 话埋你知, 如果仲有鸡脾, 一整只鸡脾都系当一个𩠌, 超抵!虽然我未食过晒佢所有𩠌, 但可以话你知, 我食过O既都系好食O既。 另外, 今次重点讲下佢哋出O既炸物, 有炸鸡翼, 椒盐猪扒, 炸鱿鱼须同炸鱼, 有时仲会有炸虾TIM! 而每次拣𩠌, 我都必会拣一款炸物的! 🦑吴章记O既炸物全部都炸得好好食, 炸得好透, 脆而不油!!! 我记得有次食炸鱼, 除咗条主骨, 其余骨都系炸到可以食埋, 但系食到尾, 都冇油标出嚟!! 好赞! 价钱方面真系抵到烂3 𩠌饭连例汤 (例汤数量有限, 送完即止) - $39 加冻饭都系加$3 咋! 多饭少饭随意拣, 唔想食饭咩, 仲可以转粥。今时今日呢个价钱, 加埋呢个质素, 除咗买嘢时环境差D, 其余嘢真系无可挑剔!
继续阅读
香港冬菇亭买少见少，今次黎到荃湾西个西，即系有线大厦再深入啲既偏僻地方，柴湾角街公厕隔离既半露天熟食市场。其实地方真系几那渣，感觉上个场得十几档都人流唔多，唯独系哩间吴章记，每日十二点都系排起码几十人的。吴章记每日都预备有十几种𩠌菜，自选三𩠌一汤，堂食先$38, 外卖仲要平一蚊！其中包括烧味，卤味，蒸肉饼，蒸鱼，煎炸食材，小炒等等。推介会有佢驰名咕噜肉，一见缺货就会再补上，保证新鲜热辣！想食个快捷午餐哩度真系唔错既选择，一啲都唔颓！
继续阅读
来到荃湾西工作,就想起当年在有线附近返工的日子!呢度好几座旧式工厦都已改建成新的工商厦了.连TESLA的大本营都座落呢度.好在柴湾角熟食市场仍在.当年返工去医肚,一定会成班去柴湾角熟食市场,又平又大份又多野食!当年成日食的吴章记仲系度!为什么成日食呢?因为老板哥哥好人啦而且真材实料.难得N年后的今日再遇,老板哥哥仲认得我,今日一定要弄一个饭盒再来一个post和大家分享有几抵食!老板哥哥依旧,一路盛饭,就问要咩𩠌?!我都系两个𩠌啦,首先要我最爱的卤水鸡脾!!佢跟手就问"够唔够"?!我都系话"添D啦",结果就如图所见有埋鸡翼! 再来就水旦,四四方方一大o旧,唔系开玩笑!"够唔够"又来了,今次我说"够了"!老板哥哥都是依旧咁关注健康,顺口就说:"食多D菜!"...咁就不是成了三𩠌! 人多排队,本身想再吹多两句水,但都系唔好阻人叫𩠌了.最后,pack埋个例汤,老板哥哥已经忙著其他客人上前,但仍不忘同我讲声:"多D返来食啦!食多D野!揾多D!" 哈!承你贵言!大家咁话.饭盒的饭够热, 卤水鸡脾/翼入味而不是卤水在表面, 水旦有葱又有厚度, 棷菜花不会太硬, 例汤唔会饮到口渴! 一个午餐饭盒,一个字:
继续阅读