君滙港會所餐廳

营业中

休息中

剛剛過去星期日，聽隔離鄰居介紹，送到會所三月轉左新承辦商之後，餐廳食物質素有明顯改善，好食咗好多。所以趁着一家幾口落去試吓。試過之後發覺味道唔錯，好食過以前好多，啲點心蒸到出嚟之後熱辣辣又新鮮，叫咗兩碟炒粉麵質素都好好，果然轉左廚師之後好味咗好多。侍應都好有禮貌，同埋我發現管理處似乎翻新嗰個會所餐廳，食嘢環境都幾唔錯。價錢都唔太昂貴人均消費都只係$100左右，如果以私人會所餐廳咁樣燒法嚟講絕對會再次幫襯。

第一次去君滙港, 守衛真係好深嚴, 只係去club house 食飯已經要過幾次保安查問, 而且Harbour Green Club 既大門並唔係咁易大開, 要住戶先可以自由出入....相信對想試下"大廚出馬" 手勢既朋友可能有d 難度!!是晚叫左一支紅酒 + 燉湯雖則唔太似亞媽既老火湯, 不過呢個燉湯火喉十足, 清清地, 而且極之夠味!!麻醬鴨胸沙律前菜 - 好一味中西合壁既fushion前菜, 酸酸地非常醒胃醒神!!出奇地同紅酒好配合!! 正~"大廚出馬" 既 得獎食品 - 椒蒜香煎皇室牛仔肉醬汁極之惹味, 牛肉好有牛味, 無筋, 好淋, 有d 入口溶化既感覺, 真係聞名不如見面!! 部長極力推介 - 無骨口水雞麻辣味道好平均, 麻辣香味大於辣味, 而且唔會蓋過鮮雞味, 而家要食到有雞味既雞肉真係好難, 加上雞肉極之嫩滑, 可以講係啖啖肉, 又唔駛吐骨, 人生一大樂事....海鮮炒豆腐 - 隻隻爽口大蝦, 新鮮大大粒帶子, 加上入味冬菇 同 入口滑溜既布包豆腐整碟餸菜都盡顯食材質數新鮮, 相信無論用咩方法炮製都出色一流!!炸蜜糖松茸菇 - 外面包住蜜糖和脆醬極之鬆脆, 有如脆麻花

雖然差幾分之微輸了決賽,但只是輸在份量不夠,而味道賣相卻是最高分,難得有機會食到,所以要親身領會一吓.野生松茸燉螺片湯 -- 湯底很夠味,濃而不咸,野生松茸味道很特別,很香,螺片不靱,而湯肉之雞腳亦很淋,整體是一個不錯的湯. 翡翠白玉滿地金 -- 嫩口的温泉蛋上有一隻鮮蝦,加上波菜蓉淋上面,配以瑤柱蛋黃碎伴碟,簡直是驚世之作.胡麻海蜇頭 -- 海蜇很爽,麻醬適中,不會蓋過海蜇本身的鮮味.碧波逐浪雙紅會 -- 紅衫魚炸得很脆,沒有多餘的油份,機乎連骨都可以食埋,而襯托紅衫魚的是日本正宗的紫心蕃薯製成的薯蓉,非常香口,另外還有一份魚湯蒸蛋白,非常滑,面頭加上一塊東星斑,非常鮮甜嫩滑,一絶!!!椒蒜香煎皇室牛仔肉 -- 呢個餸就平時都有得食,牛肉很淋很入味.濃雞湯花膠絲浸娃娃菜 -- 娃娃菜比較硬身點,相比這個較遜色.XO醬萬縷銀絲 -- 另一款比賽餸,粉絲炒得很乾身,很可口,可惜XO醬個人覺得偏辣.非常有幸在推廣期的最後一天嘗試到,果然係"大廚出馬"