午间冲动非髀不爱 ﹗

奥志雷等级4 2016-04-19

232 浏览

今日好热好猛太阳呢，一到 lunch 就烦恼食咩好，行过见有位坐，是但啦。好采君旺冷气够强劲，舒舒服服叹个烧味饭先。依家已经食到唔洗出声师傅都知我非髀不爱喇 ﹗后生仔，今日食咩髀呀？依家连师父都认得我喇，次次唔系食鸡髀就鹅髀呀。唔知点解今日烧肉鸡饭系大热呀，短短坐左三分钟已听到差不多廿个 order 喇，利害 ﹗非常专一地永远切鸡髀做胆，君旺油鸡髀及烧鸡髀供应架，但我始终觉得盐焗切鸡髀最好味 ﹗油鸡太咸、烧鸡太干又太甜呢。我觉得君旺除切鸡、叉烧外，烧肉、熏蹄、烧鹅都同样好味 ﹗帮衬左几年，仲未有机会试佢地既蒸𩠌饭，见到有蒸鱼、肉饼、排骨、等等，早餐仲有粥同炒粉面添。感冒照食鸡，我都唔信街坊师拉话伤风唔食得鸡，食系最紧要 ﹗而且我系鬼佬黎麻。何解君旺突然转晒做发泡胶碟？感觉好差，硬系怪怪的，不太喜欢，cheap 鬼晒，好大陆 feel ﹗例汤，真系古惑的汤呢 ﹗加 HKD5 蚊都几好饮，不过君旺任何一款例汤味道都无分别架，西洋菜、木瓜、青红萝卜、黄瓜，都系差不多，好搞笑 ﹗粟米粉葛汤、佛掌瓜瘦肉汤、冬瓜眉豆汤、眉豆鸡脚汤、西洋菜猪骨汤、节瓜瘦肉汤、眉豆瘦肉汤、排骨红萝卜汤、西洋菜猪肺汤，君旺出什么例汤都好，味道及颜色都系一样架，so funny ﹗绝无味精例汤，清淡得黎够健康，味道清爽而带淡淡香甜，又无颈渴既副作用，无添加非常天然。食完浓味烧腊饭清清味蕾、清清油腻，舒服晒。热腾腾中汤跟烧味非常夹，依个季节居然仲有西洋菜，而且有猪肺咁补添，真系好惊喜㖞，依个汤好好饮，完全无腥味，正呀 ﹗贯彻始终煲咩汤既颜色都系一样淡啡色，而且味道全部一样，唔睇汤渣都唔知自己饮紧咩汤，不过无紧要，最紧要绝无味精，都好饮既 ﹗侍应阿姐明明同后面位大陆食客话系冬瓜汤，点知我饮到底见到汤料先知原来系眉豆鸡脚汤，唔系我味觉有问题，只因佢地所有汤真系同一味道麻 ﹗清清汤水绝对系送烧味饭既首选，无味精无添架，简单又美味。虽然淡口，不过胜在无味精又原汁原味，满意。切鸡髀烧肉饭，闻得到的鸡鲜味、看得见的鸡甜味 ﹗切鸡髀带咸香，肉质嫩滑又有肉汁，好钟意食 ﹗肉质嫩滑无比，肥瘦适中，一咬爆汁，嫩滑无穷鸡髀肉，滑到连舌头都绑不住，系嘴内跣来跣去呢。滑得黎非常弹牙有赵口，每一口都散发著香浓盐焗鸡味道，让葱油鸡肉捞上干爽饱满白饭，美味得无语轮比 ﹗皮光肉滑鸡髀搭上咸香脆皮烧肉，加埋清香烧味汁，捞上葱汁白饭，无得弹、无得输、无得顶 ﹗仲有招牌香喷喷烧肉，脆皮烧肉，外脆内嫩肉味浓，咸香非常，好好味 ﹗皮脆肉嫩，咸香浓厚而不呛，猪肉渗出亮丽肉汁，咬落水润棉棉，啖啖肉，好好食，大满足 ﹗切鸡髀叉烧饭，厚切蜜汁叉烧特别有咬口，肉汁丰富，蜜汁味清甜又不会掩盖猪肉鲜味，肉质松软软棉，不干不硬，十分高质 ﹗蜜汁叉烧肉质软棉，肉汁丰富非凡，香浓中带点蜜味，再配埋烧味豉油，好食 ﹗天下无敌切鸡髀，盐焗鸡 keep 住水准，皮香肉滑，滑不留口，淡淡咸香，肉味浓又不太肥，好味道 ﹗咸香包住整个身体，鸡肉嫩弹滑滑，薄薄鸡皮不油不腻更添香气 ﹗鸡肉叉烧搭上葱油白饭快车直送入口，被牙齿混为一体再坠进肚里去，只能赞的味道 ﹗中国五千年美食博大精深，甜豉油、葱油、鸡肉、叉烧混然天成，捞埋一齐既味道出类拔綷，古人真的聪明绝顶，历史中不能没有的烧味饭呢 ﹗第三次用葱油捞饭，我真系迷上左喇 ﹗自从上次食湾仔再兴第一次用葱油捞饭觉得好好食之后，今次再试试先 ﹗因为我一向都唔食葱架 ﹗第二次葱油捞饭在君旺，捞饭食又真系好香㖞，虽然知道好肥腻又重盐份，间中食食无问题啦。我几十年黎都唔食葱架，就算葱油都唔会 ﹗不过近日恋上了葱油捞烧味饭，最衰都系铜锣湾再兴啦 ﹗那次 order 烧味饭盒要求走葱油，不过再兴照样跟饭捞埋一齐局住我食，食完钟意左添 ﹗香甜豉油加埋葱油黎捞饭真系劲香呀，但会肥死人啰。切鸡髀熏蹄饭，切鸡配葱油、熏蹄配醋。熏蹄好香肉味，咸香刚好又不太呛，猪皮咽韧弹牙、猪肉够软棉，沾上酸醋开胃醒脑，饭都食多几啖呢，如果落几滴麻油就更香啦。鸡味浓而肉嫩，皮香肉滑又不太肥，切鸡髀无得输，盐香味浓厚但都会掩盖鸡鲜味，肉质滑溜宜人，鸡汁锁于每条肉丝之间，水润连连 ﹗鸡皮爽脆不肥不油，连皮带肉加葱油捞白饭，正到停唔到手 ﹗依然每次主打切鸡髀，鸡髀必定做胆 ﹗师傅们已经认得我依个鸡髀大皇喇。切鸡髀乳猪饭，鸡髀带咸香，肉质嫩滑又有肉汁，好钟意食 ﹗闻得到的鸡鲜味、看得见的鸡甜味 ﹗鸡髀依旧嫩滑多汁好 juicy，一咬爆汁，鸡味浓又带咸香，属中上级水平。嫩滑无穷鸡髀肉，滑到连舌头都绑不住，系嘴内跣来跣去呢。滑得黎非常弹牙有赵口，每一口都散发著香浓盐焗鸡味道，让葱油鸡肉捞上干爽饱满白饭，美味得无语轮比 ﹗乳猪皮脆肉嫩，不肥不油，薄薄脆皮盖著层脂肪膜，下面就系咸香嫩肉，沾上乳猪酱加埋白饭，味道刚刚好呢 ﹗食左几次最靓今次。近排乳猪既画面经常出现在脑海之中，今日终于有机会食，睇个价钱似乎食双髀饭更抵食㖞。鹅髀烧肉饭，鹅髀又唔肥，皮又香脆，肉又劲滑，香料味又浓，太过好食喇 ﹗有机会要试下免切，成只咬更加豪气，更加好味。烧肉化皮脆卜卜，肉味浓郁，咸香扑鼻，不乏肉汁，好好食 ﹗鹅跟烧肉沾上清香烧味豉油，捞埋葱油白饭，好味到晕 ﹗近日经常谂起烧肉，点都要食返次，今朝食左鸡，依家转转口味。切鸡髀烧鹅髀饭，烧鹅真系比烧鸭好食好多倍，食过返唔到转头 ﹗地上最强武器鸡鹅双髀，双髀打人脚仔软，打完左边打右边。第一次酸梅酱都悭返，完全唔洗用呢，烧得十分香口又不肥不油。腌得内外入味，一边嘴嚼一边溢著鹅汁，肉汁丰富湿润，皮香肉嫩又干爽，肉质细致嫩滑，唔会似得鸭质鞋烚烚干争争，而且鹅髀比鸭髀巨形成倍，肉多骨幼无得弹。切鸡髀一如以往霸气十足，一食难忘。鸡皮泛著深黄色彩光，闪令令。索一索，鸡味超班醇厚，精神为之一振。狠狠地成旧鸡掉入口跟舌头打滚，一啜骨肉分离滑溜溜，弹弹水嫩，咸味浓郁而清香，美味极致。饭香特浓既米饭盛著鸡肉鹅肉，混埋鸡汁鹅汁连葱油，无械可击的绝配啊 ﹗鹅髀烧得皮脆肉嫩又劲 juicy，好好味 ﹗切鸡髀烧鹅髀饭，迅间已烧灭晒鹅髀鸡髀喇，人间极品 ﹗烧味豉油香甜，白饭无左佢唔得呀，捞饭一流，不过记得唔可以捞太多，会好颈渴架 ﹗合理价钱算抵食，肉多饭少啖啖肉 ﹗今日好火火火，滚到爆 ﹗愤怒了要食双髀饭，一定要食好野减减压先得呀，黎个双髀饭氹下自己开心先 ﹗食能减压，食辣能使您有开心感觉，每次当我情绪跌到谷底时，都会食个靓饭，希望能稳住情绪，代价系 HKD60 大元呀 ﹗ 继续阅读