君日餐廳 (幸福商場)

营业中

休息中

我今日去食lunch, 叫左C餐沙嗲牛肉炒河，得到既係類似豉椒肉片河既物體，於是我問個伙記，佢竟然答我話無錯係沙嗲牛肉河⋯仲叫我食下先，吾食過點知比錯喎⋯⋯有問題先換啦⋯又話自己未食過點知。有無攪錯呀，一睇就知吾係沙嗲啦！洗吾洗食過先知呀？仲要死口吾認！我都係客人，你好聲好氣話無沙嗲牛肉，換其他我可以接受。但點解要侮辱客人既智慧，夾硬話無錯呢？如果吾係朋友叫我算數，我就鬧爆個伙記，未見過咁差既服務態度！本來我食飯都吾多要求，服務差之餘味道一樣咁差。豉椒肉片河，肉片乸到無晒味，河粉黐住晒一舊舊，青椒得4、5片仔，個汁仲有皂水味！總之一個字：非常差！我生今世吾會再幫襯呢間野！

今日下晝同班同事去左君日食晏晝，因為唔係咁肚餓，所以叫左個常餐，香茅雞中翼面，為左對自己好啲，加錢轉出前一丁。點知，碗送到黎既時候見到啲湯係出前一丁既味噌湯，但啲面質一啲都唔似出前一丁，食落就更加肯定係普通公仔面冒充出前一丁。叫個侍應出來理論，又話啲面淋左啲，唔係出前一丁一定唔會有呢個味噌湯。講多兩講仲行左去唔理我。仲要食飽係度催命符，趕客走。以後都唔會再去呢間野食飯。

老老實實，君日餐廳坐落商場樓上最入位置，地利已欠，有時都不想幫襯大集團快餐店，想支持一下小店，行入兩步幫襯，但部分早餐的水準的確令街坊捨棄君日餐廳。一塊雞扒定成敗，君日的雞扒早餐賣29元，隔離大XX個餐賣26.5，但君日塊雞扒冇解凍求祈炸，成塊乾睜睜硬到成塊乾屍咁，油又多，人地大XX塊早餐雞扒肉嫩多汁又大塊。樓下賓X餐廳早餐雞扒都係炸的，但人地炸完皮是脆、入面的肉是嫩的！而且大大塊，唔似得君日塊疆屍雞扒。我已經不止一次同佢地講叫佢地改善下塊雞扒，但無用。講真，就算個人幾咁支持地區小店都好，都無理由一而再再而三虐待自己同作賤自己銀包。如果唔係頭兩間太多人無位，都唔會行到最入幫襯君日。 如果老闆真心想改善的話，朝早叫自已廚房整份雞扒，再比較一下隔離兩間餐廳的雞扒，就明白我這個街坊每次俾機會你地然後都中伏果種感受。

第一次幫趁晚餐呢個2人餐好豐富~有3款肉餅選一，炒菜一碟再加多自選小菜一個（都有1 0幾款選）我地選左西芹腰果炒班腩~~~份量好足...不太油膩....魚好新鮮而可口咸蛋肉餅就吳係好夠熱禁~炒芥蘭好有穫氣~~兩個例湯⋯⋯忌廉湯好味d~~好過中湯,,,👍可選白飯或油飯2碗飲品記要另加好似8蚊2個人食好飽。。份量好足~食剩打包

平時好少黎長沙灣，禁岩編更編左過來長沙灣，人生路不熟，誤打誤撞黎到呢間餐廳，叫左個台式肉燥冬菇配雞排飯，賣相雖一般般，但食落味道唔錯，雞排do肉唔會好乾，亦非常配合肉燥味道，以這個價錢，值得一食

題外話～最近幸福商場2樓開左大家樂 好開心！今日屋企無煮飯 唯有落樓下附近快快脆脆食完繼續睇電視 所以又系例牌去君日。自從睇左食為奴既有趣介紹之後 今日都叫左羅宋湯泥飲。蒜蓉生菜系必叫 因為我同細佬比較中意食生菜 對其他菜都麻麻 所以次次都叫生菜 雖然生菜真系好吾值錢 不過好食就得拉 呢度既生菜都炒得幾爽口 食落吾會有陣澀味。蒸倉魚系我既大愛！呢條魚大級適中 出面買應該都系$20條左右 餐廳大批入貨就會更平 不過豉汁味算吾錯 吾夠濃味 但系吾會淡得制 而且蒸魚時間吾會過哂火 食落吾會好鞋既。西檸雞易做 但系味道真系好普通 好難會特別出色 但系今次加左好多芝麻又好像有少少香味 吾會好厚粉 雞球算幾多肉 略嫌分量少左d 4個人真系吾夠喉呢！醬爆豬頸肉系全餐最好食 醬爆系類似xo醬味道 豬頸肉出奇地軟身 吾會好似平時果d好靭 而且莞茜帶出醬汁味道 香口而不俗 仲因為個石鍋而熱辣辣 非常好！

呢度雖然外表只係典型既領匯街坊式茶餐廳，但原來內有乾坤，一入舖頭已經聞到小炒既鑊氣同埋小菜既香味！是晚叫左$118鹹蛋蒸肉餅二人套餐，除左是日例湯之外，重包埋蒜茸炒時菜或者芝士白汁焗西蘭花，再加一個自選小菜同埋白飯。可能因為即叫即整既關係，都要等左差唔多十五分鐘先至有食物上枱。薑汁黑醋雞煲︰鑊氣十足！試問雞煲如果冇鑊氣點算好！雞肉煮得好淋，撈埋果個甜甜地但卻帶點酸味既黑醋汁之後，酸酸味味咁非常易入口，令到胃口大開，正！芝士白汁焗西蘭花︰芝士同白汁既份量剛剛好，唔會因為要就西蘭花既份量而故意整到坊間茶餐廳「一pat野」咁既情況。火路方面非常適中，故意焗到一層燶燶地既表面，但裏面卻唔會有over左既情況，令到D西蘭花煮到有過老既情況出現，算係比較喜出望外！鹹蛋蒸肉餅︰老實講，賣相俾較「頹」，不過食落口既味道倘算唔錯。肉餅雖然食得出應該落左少少鬆肉粉同埋味精，但刀工十分出色，D豬肉切得十分仔細既同時又唔會有一夾就散既情況，抵讚！至於其他好似鹹蛋、蛋白同埋蔥花呢D都係基本貨式，算係不過不失啦！可能因為location問題，以一間做街坊生意既大眾化餐廳，可以用咁既價錢做到咁既食物質素，絕對係交足

偶爾來到長沙灣工作，都不知道這附近有甚麼食肆。 還好記得地鐵站旁有一個小小的商場，於是就來這裡碰碰運氣。 幸福商場的面積雖小，卻已有數間餐廳可以選擇。 午飯時間，地下的餐廳外都很多人在等位，便到一樓看看會不會比較少人。經過君日餐廳看到選揀很多，在研究餐牌的期間就已經可以入座了。 本來打算吃比較健康的蕃茄湯麵，甫進店內卻見到有食客在享用一塊很大的炸豬扒，並配有幾塊金沙骨，於是就化身為食肉獸，跟隊要了這個雙拼飯。雖然已經從其他食客的碟中窺探過豬扒的外型，但送到面前的時候還是很驚訝。 豪大大雞扒以其A4 size的雞扒聞名，而這裡的吉列豬扒的體積亦不相上下，可以打成平手。 豬扒炸得香脆，炸粉又不會過厚，肉質偏稔，用匙子就可以切成小塊，吃飯時還可保持儀態。 隱藏於豬扒下的金沙骨味道亦不錯，甜而不膩，而且骨多為軟骨，可以滿足牙痕如我的人。 吃完這頓飯滿心都是罪惡感，為甚麼美味的食物都是致胖的殺手呢。

到長沙灣遊樂場看年宵之前，就在年宵市場對面的幸福商場內隨意地在這間「君日餐廳」吃個快飯。這餐廳的下午茶餐選擇是非常多的，而且供應時段由下午2時到晚上6時30分，真是「梗有一款可啱你，當係晚飯食都得」，見這麼吸引，便入內幫襯。難得來到，選了超抵食焗飯精選中的「馬來咖喱焗牛腩飯」和特飲「綠茶啫喱冰」做午餐。「馬來咖喱焗牛腩飯」火速送到，幸好仍然是熱的。咖喱味道辣中帶甜，在甜味中又有一絲絲的辣味漸漸滲溢出來，味道尚可。牛腩大約有四、五件吧，口感還算腍，加上都夠軟腍的薯仔和少許椰菜，都算及格。 冰冰涼涼的「綠茶啫喱冰」綠茶味都足夠，而且不太甜，正合我的心意，滑嘟嘟的啫喱粒入口即溶，都幾得意。匆匆吃過這名為下午茶餐，實質是午餐的一餐後，時候已經差不多，快快結帳，往對面的年宵市場工作去也。

話甘快 我又泥呢間食飯== 因為今日甘岩媽媽有朋友泥食飯 但系屋企又無送 所以諗住近近地搵間餐廳食就算〜如果想食晚飯小菜既話呢 君日其實系有優惠架！就系果日既新鮮魚加1個小菜就$96 加2個小菜就$146 加3個小菜就$196 套餐仲有例湯同白飯同油菜送！而且d魚系日日吾同 d小菜就2星期轉一次 其實甘既價錢又吾收+1真系幾平 就算吾系酒樓水準都抵！我地一行4人就叫左3個小菜加條魚。d送未泥之前就有例湯送既 自己揀中湯定西湯 我地4個都叫左西湯。我覺得個羅宋湯都吾算差 不過飲得出溝畫幾多水同埋面有層小小既油 但系飲落吾錯 入面都有料既。黃腳立呢種魚我好少食 食落都吾錯既 吾可以話好滑 但系無腥味 算系甘拉。最好食就系薯仔牛柳粒 食落d薯仔稔稔地 d牛柳又吾靭 仲有少少黑椒味 加上有少少醬汁甘樣 真系又香又好食！炸海鮮球就系蝦同龍利柳 我覺得味道吾差 d蝦同龍利柳都幾大粒 但系略嫌多左少少粉 食落重左少少粉味 但系d香料都補番數 而且無窿到。其實我覺得幾抵食 有湯有飯有餸仲有油菜 4個人系夠食架 d飯都大過酒樓果d 仲要吾收+1 埋單就系$196 如果泥附近餐廳食晚飯大家都可以試下！

其實住左系長沙灣甘耐 真系好少食附近既餐廳 因為又貴又吾抵食 質素參差 但系聽爸爸講君日既下午茶都ok既 加上好近 可以試下。難得今日又訓到甘晏 不如就去試下喇。因為今日系閒日 加上下午茶時間真系吾多人 可以坐到卡位 算系有個球場景xd 睇左menu一陣就落左單 我地叫左2個下午茶餐。d野食好快就泥左 其實雞扒大大碗飯都幾好食 塊雞扒吾會un 而且都幾香 加上大大碗都好幾飽架。但系個多士真系完全吾掂 圖文不相符已經好嚴重 仲要食落去好似無烘過甘 根本就吾脆 d奶少到無得再少 甘樣叫厚切多士 真系好過分。一上台果下我呆左 完全吾系果回事 大家真系吾好叫呢個餐 如果系肚餓不如食個炒粉麵或飯算。

今天, 是預祝姑婆的生日, 所以來了她介紹的---君日餐廳吃晚飯。哇塞~餐廳很大, 有大大的, 小小的, 圓圓的, 方方的......餐桌表妹跟我叫了----蜜桃中式牛柳。牛柳很juicy, 蜜桃是罐頭水蜜桃, 但不會太甜表姑姐及表姑丈叫了---鐵板黑椒洋蔥豬扒。黑椒汁很好味, 豬扒有soda 粉味道, 有骨。姑姐叫了---薑蔥霸王雞 肉質OK, 皮滑嘟嘟, 有雞味, 但不太覺得薑蔥味道的存在姑婆叫了---豉汁鳳爪腩排 豉汁偏鹹, 鳳爪只有一隻, 腩排肉質很嚡油菜, 食得到少少雞粉味白飯很大碗啊!!

y: >..<1. 魚片頭河 - 又細塊, 顏色又暗, 完全沒有炸過...2. 蕃茄濃湯面 - 改錯名啦, 只是在清湯上面加一點茄汁獻, 完全不是真正煲過的濃湯..3. 侍憑態度麻麻..4.清潔阿組, 常把食過放碗碟的桶, 搬來搬去, 衛生情況差..

試過幾次,都係午餐/下午茶時段因為學校附近,午餐時段人流好多,可能要等下先有位而下午茶基本上都唔係好多人,一入去就有午餐多數都係3X,而下午茶廿尾左右,其實菜式/份量都差唔多最有印象係兩樣食物,咖哩牛肉+牛脷 同 芝士焗肉醬意"咖哩牛肉+牛脷",千奇唔好俾個名水到,完全食唔出係咖哩一般茶餐廳果種螢光綠已經唔多掂啦,呢個仲勁,比果重再開稀然後打芡變濃D,味道欠奉而且怪味"芝士焗肉醬意",上枱時睇落都OK對版,仲睇見有芝士有肉醬,肉醬份量都幾多但係搞勻之後食,芝士味係0,如果唔係上枱時見到都唔知有不過肉醬OK好味,起碼夠重味,如果改名直接叫焗肉醬意會好D,反正都食唔出芝士試呢間睇黎都幾講彩數(所謂食運)

今日同幾個同事到君日食LUNCH,其實長沙灣有好多餐廳,但係近公司就得幾間.....而依間餐廳,我同公司D同事都好少食,因為之前D印象非常非常差...食物同服務都唔得,但係今日太趕等二間又排到出門口,無辦法之下我就建議比多一次機會佢啦今日我食左個A餐"日式咖喱吉列豬扒飯+凍奶茶"...................嘩!!!先唔評論D食品質素.....我地一座落嘩聲4起...我個女同事個pat pat就濕左啦..原來個櫈有水.....okok,意外意外!其實間餐廳裝修ok靓..但係細心d就發現有問題...今次就有水,上次就有污垢,張餐桌抺左等如無抺,條毛巾仲污衊過地布....點攪呀!!!okok! "日式咖喱吉列豬扒飯""日式咖喱" 我食過日本餐廳d咖喱,又食過日式超市d包裝咖喱,仲有d一磚磚用水開的日式咖喱磚,就係未食過依間咁味道的"日式咖喱"......一個字"咸" ,兩個字"咸咸", 三個字就 "咸咸咸"....如果日式咖喱只有咸味,咁一定係佢自創的.....大哥呀又唔香又唔滑......只有一陣陣"黃薑粉"味,"黃薑粉雖然係咖喱必需的其中一種香料,但係就一定唔係唯一一樣....