君悅海南雞

营业中

休息中

屋企附近海南雞，總共買咗四次。第一次買，疑似老闆娘，仲話我哋好多熟客返黎買架，試下啦，結果，買咗兩盒雞飯，比少咗盒雞，返到去打開個袋見到兩盒飯，已經覺得好無奈，不過味道係唔錯嘅，所以有幫襯第二次。第二次正常，比齊嘢第三次，買一個海南雞飯，一個豬頸肉飯望住店員將個豬頸肉飯擺入微波爐叮，嗰盒豬頸肉好似食緊牛肉乾咁，難食到食唔到，以為試新嘢伏啦，打開盒海南雞，一食就發現，沙薑雞嚟嘅？？ 今日再比機會佢，買咗一盒海南雞飯，海南雞又比錯沙薑雞，返到屋企打開盒飯，先發現比錯！ 出錯比率極高！！！以後唔會再食！！！

期六係工人放假，屋企冇飯開，唔知食咩好，睇睇下外賣平台就見到依家幾抵，所以試吓君悅海南雞 Kwan Yuet Hainan Chicken，我叫左香茅煎豬扒飯配黃薑飯，芥末墨魚鬚同麻香雞腎，三個人食，香茅煎豬扒煎到好香，飯都粒粒分明好好食，芥辣墨魚就一般，墨魚完全冇鮮美，但係有啲醬料搭救，雞腎我就冇食過，因為本人唔食內臟，但係就剛剛好比屋企人凌晨睇賽車嗰陣餸酒食，送到上屋企唔使落街$100有找就可以為飽三個人晚餐，無投訴

加餸系列！呢間有 無骨海南雞或骨斬桂花雞賣，我食過海南雞都幾好食，今次就買桂花雞(骨斬)半隻($68)返屋企加餸。我覺得桂花雞更好食，有雞味，雞肉都嫩滑又結實，雞皮都好滑🤣，真係走地雞，份量又多，兩個人食半隻都好飽。每次諗唔到食咩都買半隻雞返屋企🤣阿姐個服務態度都幾好，有禮貌，入面既衞生情況好過商場門口個間。佢既海南雞飯都幾抵食，有湯送。有鹽焗雞翼(5隻$20)賣，都幾抵，凍櫃有甜品、海蜇、無骨鳳爪賣👍🏼

好食嘅餐廳係值得支持，自私咁諗又怕太多人知會排長龍，不過而家抗疫期間，餐飲業艱難，梗係要喺度評分支持下。我試過六樣嘢食：海南雞飯餐鹽水鴨餐梅菜扣肉餐滷水墨魚$30泰式醃豬手樣樣調味都適中，唔會太鹹海南雞texture好，鹽水鴨酸咸味道好balance泰式豬手夠彈牙👍🏻同埋個套餐仲要$38，（海南雞係$40）抵食嘅餐廳梗係要話俾人知，第五波殺到，唔想餐餐都要煮，咁就可以去試吓依間，支持下呢間小店啦～