影片
招牌菜
今日忽然间好想食点心，自己一个去左君临饮茶食晏，一个人嘅好处就系唔洗等位午市都有优惠点心，有几款点心都系小点烧卖皇正正常常，抵食，午市小点就可以食到姜汁拉软糕，第一次食，质感似印尼𠮶啲斑兰椰汁千层糕，好烟韧，姜味又唔会太浓，易入口，唔错另外仲点左碗鱼片肉片粥，鱼片唔太新鲜，好腥，只系食左一块，好彩有肉片，肉片都唔韧，下次唔会再点呢个$76埋单，间中一个人黎叹茶坐下都 ok
继续阅读
今晚同家人去食晚饭，我地点菜，落单果个竟然问返我地点落，真系唔知佢知唔知自己嚟做咩呢？点落单你问客？冇野嘛？食物水平一般，份量算是多的，不过上枱要个传菜三崔四请先有人帮手上枱，而最尾碗红豆沙，上枱就同个待应讲只碗污糟，但得到的回应系「啲碗消咗毒唔污糟」，咁果粒饭点嚟？系咪我痴上去？重点，成晚我张枱系冇人叫饭啰！
继续阅读
饮早茶最抵！朋友拣了点心并盆，我谂着一定麻麻！点知道出人意表地不错！并盘有烧卖啦、虾饺啦、潮州粉果啦、鸡饱仔啦、马拉糕啦、姜汁千层糕啦！我喜爱的就是姜汁千层糕～姜味很重！一层一层烟烟韧韧！味道不太甜！其次就系马拉糕，有咖啡味道，软硬适中！再嚟一笼山竹牛肉～牛肉有弹性，有马蹄混在一起，令人食起来有口感！唔错！
继续阅读
普普通通的屋苑酒楼，没有期望惊人美食，但烧味竟然有惊喜。下午茶时段2-4pm，烧味配面或饭有特价，叉烧赖只是17.8平来没有期待，叉烧却出奇地好食，充满肉质感，不是肥叉，但口感松软，入口温暖又带有香味。赖粉汤底味精不算太浓，尚可接受，配搭青菜一条，17.8算是物有所值。再加一碟蒸排骨(中点)，别的酒楼用芋头放底，他用南瓜放底，排骨有夹杂到南瓜香甜。埋单茶芥8蚊/位，加一，以上49蚊走人。
继续阅读
今既放假，下午两点最好就系去饮下午茶点菜纸同上次唔同左抽起条楼好想食芋角。 外面炸得好松脆好香口！入面层芋头唔太厚，仲有包住d 沙角，瘦肉。 最重要系黎到时仲热，好好味！切鸡濑粉d 鸡好滑！d 姜容略嫌太多油，濑粉都唔知会碎，好味！三皇包系必叫。 有奶皇包，鸡仔包，叉烧包。 两个人一人半，又唔会太饱！虾饺粉果，又系一次满足晒你2个愿望埋单total99，好抵
继续阅读