嗎哪膳工

营业中

休息中

早排去大角咀郵局途中見到嗎娜開左喺街口，於是放假就同屋企人過嚟食早餐。不得不說佢嘅食物擺盤同店員嘅服務態度都極好。本身想食沙嗲牛丁（佢地嘅即食麵都係用出前一丁），但其實係見到有淮生麵又貪新鮮想試吓，幾爽口。仲可以揀湯底定係麻醬撈，不過我朝早諗住食熱嘢所以最後都係揀左豬骨湯底。餐廳環境同衛生都好好，又感受到店員好用心服務，突然將我$40零蚊嘅早餐體驗昇華曬。佢地都有做社區回饋嘅工作，大家嚟開可以嚟試吓👍🏻

嗎哪係一間非牟利機構有幾間分店近期一間分店由深水埗燒味搬到大角咀做小餐廳我地分別叫左：巴東牛腱調味真係驚艷到我燜到入晒味，牛腱軟淋送飯真係一流燒豬頸肉配洋蔥梅子汁燒到香脆有肉汁，油香滿滿配酸酸洋蔥梅子汁更可解膩又開胃照燒汁鯖魚鯖魚燒得皮脆肉香這價位食到一大塊鯖魚真係開心叉燒蛋x栗米肉粒（特價餸飯）$38大碗飯夠熱夠味夠大份整體唔會因定價低而「揸流攤」有擺盆，有份量，有味道，有溫度還有那份有重量嘅心意心思會以「特惠」味道去幫助基層弱勢社群respect 嗎哪#嗎哪膳工📍大角咀櫸樹街88號奧柏．御峯地下G11及G12號舖#dcb食在香港 #dcb吃喝玩樂 #dcb大角咀 #食在香港 #香港美食 #美食 #大角咀 #大角咀美食 #港式 #非牟利機構 #善心 #定食

今日唔使返工，所以九點後就過去食早餐。之前食過一次都覺得幾好食，今日再去食，點知就中伏。一樣叫返沙嗲牛肉麵嗰個餐，點知嚟到嘅時候發現嗰啲出前一丁已經大部份浮晒喺個面度、仲要睇得出係發脹、應該擺咗一段時間。食落口食兩啖已經頂唔住，淨係食咗個包同埋個蛋仲有啲牛肉。個麵基本上冇掂過。連杯熱檸茶都係飲咗半杯，就已經冇心機再坐落去。可能我要求高、喺唔食麵嘅途中，直至到我走出去埋單、當中冇人睇過究竟我張枱剩返啲乜嘢？亦都冇問過。相信一段時間內我都暫時唔會再幫襯啦。