名都酒樓

营业中

休息中

星期日中午又是一家人聚集吃飯的時間, 大家坐在一起閒話家常, 分享過去一星期的快樂事, 真好 !我們一起駕車到金鐘名都酒樓, 有停車場泊位但午市冇優惠. 星期天訂位無難度, 看這有禮告示, 等位超過15, 30, 45, 60 分鐘, 有免茶芥等優惠.  對客人真討好.餐廳座位闊落, 裝修一般, 午市有精選粉麵飯, 並分迷你版 - 適合小家庭無浪費.也有商務套餐, 精美小食.陳列櫃內, 擺設宴會可供應的鮑參翅肚, 好高尚啊 !設有自助點心區, 客人可自選喜好食品.也有多輛傳統點心車, 方便不願行來行去的客人選擇食品.照顧周到.還有甜品櫃, 內放有七彩精美的食品多款,酒樓座位枱布光鮮, 餐具齊全, 水滾茶靚, 點心很多款. 鮮蝦餃子, 一客三隻, 皮薄餡靚, 品質好調味也及格.  餃皮晶瑩通透, 內餡完全透視於皮外, 口感帶少許嚼勁.豉汁鳳爪 ,  豉汁味道, 色香味俱全, 鳳爪入口稔滑, 蒸的時間剛剛好, 皮剛離骨而且很入味又不太油.金錢肚, 調味好, 份量 OK.麻蓉包, 這點心可能流量少, 所以出了廚房太久, 包身略凍又硬.   我們要求了重換.  店員取回廚房, 換了新麻蓉包給我

以往此店的燒腩仔有很高水準，肥瘦均勻，紅皮清脆，層次分明，堂食要百多元一小碟。外賣飲盒只需30多元，有兩行腩仔，菜心，薑蓉，性價比極高。年餘未到此外賣部，今日驚見面目全非，已取消了燒味可加點心優惠。新加了蒸飯4款，包熱飲。飯盒價錢微升了。燒腩飯（不包熱飲）和蒸飯都是40元。飯市剛開始，腩仔完整未切割，質素明顯差了，顏色轉淡，層次不分明，不厚身。吃一個測試水準，的確大不如前，不算脆，色澤偏暗，菜也淡黃。不會再光顧。

朋友約飲茶，說有飲食優惠券，可到若干指定食肆享用。我們七人經商量後，選擇了金鐘名都酒樓吃懷舊點心。因為早訂位，可臨窗而坐，望人造小園景。酒樓除了安排絡繹不絕的點心車外，更於大堂正中設置點心攤檔，擺放數十款點心，形形色色，任君選擇。由於有千多元作本，我們決定豪飲豪食。點了十多款點心：時菜鯪魚球、黑椒牛仔骨、蝦餃、鳯爪、糯米雞、煎釀三寶、煎腸粉、菠蘿叉燒包、糉、燒賣、棉花雞、排骨、叉燒包等，最後加一個皮蛋瘦肉粥及白灼芥蘭。名都點心確是名不虛傳，非常美味，鯪魚球有果皮香，牛仔骨肥瘦適中，香稔軟滑，連白灼菜也碧綠鮮甜，所以就是貴一點，也是值得的。

「名都酒樓」，同「聘珍樓」屬同一日本飲食集團，喺香港都廿幾年歷史。以前中午成日去飲茶。 呢餐晚飯黎嘅。「脆皮乳豬」，顏值度相當低。好在脆皮度還不錯： 「鴛鴦泡蝦球」， 旁邊的是沙律蝦球。我本人不嬲麻麻哋沙律醬撈海鮮，中間的油泡蝦球就好得多。其實食海鮮萬變不離其宗，只要食材新鮮，最簡單的煮法已經夠好，這個道理簡直要納入做通識科。 「髮菜瑤柱甫」，唔使過年都食到的餸菜，幾時食同邊個食都有得食： 「清蒸海斑」 食魚我比較怕吃巨大條的，會難掌握蒸的時間，火猛d、隻鑊大d、碟厚d 都有影響。誰又會想吃肉如老人臉般乾的 overcooked 魚肉呢？！小弟心得是：一般而言，最好是挑每條12至14両重的魚或斑來蒸，若果多人吃的話寧願蒸兩條，千祈唔好貪魚大，超過一斤的就已經需要很好的時間掌握。大家記住12至14両在大部份情況下都應該穩陣。 「蟲草花猴頭菇燉瘦肉」 蟲草花近年大熱，冬蟲草貴呀嘛，蟲草花個名又好聽。其實蟲草花是一種菌類，營養成分都唔低，可以調節免疫力及養生。強身健體就好喇！ 味道還不錯的「脆皮炸子雞」

猶記得上次在名都飲茶，經已有整整十個年頭的光景，這次是應一位朋友之邀，再來品茗茶樓美點。現在式飲茶都是剔紙仔上點心的；其實飲茶文化始自一些由阿姐捧著托盤叫賣的點心，後來有推車點心的出現，當時已經叫做先進了不少。目下仍保留著有點心車的茶樓實屬罕見，故此小人到場後未食點心前，先行拍了不少現場實景，樂趣無窮。除了點心車為其特色之外，甜品之多亦令人嘆為觀止。三層的凍柜擺放著各類型甜點，琳瑯滿目；當中最令人懷念的乃是七彩啫喱糖，老實說，因為偏甜，是甚麼什果味不太分得出，但總夠色彩繽紛、夠啫喱夠膠口，懷舊的味道。鹹點有燒賣、排骨、鳳爪、蝦腸以及鮮竹卷。不能期望太精緻，些微偏鹹了少許，不過絕對夠熱，呷口熱茶吃件點心，還有別忘了蘸點豆瓣醬，直接提升食味，就是令人享受的一刻。茶樓屹立多載，今回光臨，仍可緬懷普日風光。

我少時是有裹蒸糉推車仔，在晚上沿街叫賣，寒冬時生意最旺。此種糉的外型似方包。其他咸糉都是用竹葉包製，呈三角形，而廣東裹蒸粽呈枕頭狀，四角山包形。另一特色是選用乾的荷葉包裹。先鋪上一層糯米，再舖一層綠豆；然後放入肥瘦豬肉和半邊鹹蛋黃等；最後，又鋪上一層綠豆和一層糯米。市面的糭王糭霸，以鮑魚，瑤柱，蓮子，燒肉，燒鴨等矜貴餡料做賣點，其實用五花腩才是正宗。此店出品重達750克，即1磅半，大如兩個拳頭，比很多食店出品重，售價約100元。煮足時間，火功夠，熱食時米香，豆香撲鼻，入口鬆化，甘香，是在大缸中用猛火蒸煮8小時效果。一股芬香的荷葉味和濃郁五香粉味的五花腩，吃起來特別可口。主要原料糯米、綠豆和肥豬肉比例是10:6:4，十分合標準，夠正宗，霸氣。

香港人多喜歡吃車仔麪，我卻愛車仔點心。有推車仔的酒樓如鳳毛麟角。第一代的賣點心方法是用托盤。起初全是男子，1920年代省港大罷工，漸用女子取代。第二代是用點心車，配合香港人生活好轉，要求供應多品種點心和其他食品。反映當年是酒樓的黃金時代，客家飯店已沒落，西式食店未興起，大衆都以酒樓為外出用餐首選。酒樓地方要闊大，以便舉辦結婚，春茗酒席，故茶市時用車仔搬運食品。此店是時代的見證：入口有手寫紅底白字訂房名單，有迎賓櫃檯，顯示酒席是盈利主源。點心車如戰艦般流動，要有軍港配合。中央有正方形長檯陣 ，擺放各式熟食，供食客自選食品如煎釀三寶，煎雞翼。每份份量偏多，配合以往要求填肚子的主流需要。女工制服十分懷舊，似粵語長片的女傭。牛什性價比高，可點選部位，汁液比街邊清淡，可按需要加辣椒醬。今次食金錢肚。煎檔口會花很長時間為你服務，用心煎熬，今次點選蘿蔔糕，薄餅，腸粉，雞翼四者之中，薄餅最好味香脆。灼菜心檔口很受歡迎，熟客知道是靚甜品種，街市價都再20多元一斤，物有所值，糖心的。有生滾粥。質素一般。須注意檔口只在假日設置，並宜11：30入座，因為到1：30已收檔。早年港人在假日早起飲茶，1時前最有氣氛

以為名都係金鐘開左咁耐應該唔差,點知ㄧ試實在嚇人。冇諗過燒賣咁普通嘅点心都可以整到咁難食正確黎講係冇乜味,牛肉腸,皮厚牛肉又係冇味,义燒歺包,都係冇乜味,唯有水煮芥蘭食到有芥蘭味,真係好恐怖,味道仲差過屋邨酒樓,價錢同味道绝對不成正比。歺具亦不清潔,想換過隻杯,四圍揾侍應都黑面叫我等ㄧ陣唔多理我,最後有ㄧ個侍應叫我自己去櫃到攞,果然呢間係好有懷舊風味嘅酒樓,連侍應嘅服務質素都倒退到以前舊式茶樓冇服務嗰種程度。總结,未試過的唔洗試,試左中左伏就唔好再去!

自從喺日本飛返嚟之後，已經七日入面見咗靚仔六日喇😍 星期一二同靚仔去左人生第一次 wild camping，知我有愛芝病，預備咗super芝味juicy嘅大餐😳 雖然已經見左咁多日，仲係好掛住！ 今日lunch time 去開金鐘拎學牌, 多謝靚仔又陪我！ 真係唔好意思啦原來你推咗你班朋友陪我食飯😳 好好彩！！茶樓安排咗間新娘房畀我哋坐, 好難得咁有個private corner 可以靜靜地咁傾計。 呢道仲有好舊式推車仔sell 野食，又可以自己係出面拎野食😍 我哋食咗叉燒腸，腸粉好滑。 靚仔話lunch time都要食好d, 食乳豬滿足一下~ 啲乳豬好脆烤得幾好，不過唔係幾厚肉同冇起骨。 牛肉球同埋蝦餃幾好食，不過蝦餃蒸得唔係好熟透。 另外仲要咗紅豆沙同芝麻糊 紅豆沙煲得好沙超多豆， 芝麻糊就so-so啦~ 第一次可以返工時間一齊食lunch, 好開心😄

嚟過名都飲茶,都嚟過晚宴, 一直印象幾好。嘢食唔錯的。今晚第一次印象咁負面。負責66席嘅上菜叔叔,。由未開席就一直喺度埋怨。我坐上菜位,1。怨我玩電話令佢收碟慢,(事實上佢每次喺一米範圍我都freeze晒側身俾佢做嘢)2。手指插杯同掉碟收碟唔在講。3。語氣極差咁點對面六十幾歲嘅姨姨俾匙羹/公筷俾佢。到我過去攞俾佢, 攞少個座啫, 佢"唉!"我囉?!?!4。我右面隔兩個位有位幾乎80嘅叔叔, 佢出口怪佢阻住佢做嘢, 叔叔淨係知待應嬲但有啲聽唔明。5。推到個碗喺我個power bank上面, 倒瀉晒啲汁喺我power bank 上面. 由於佢鬧足我半晚, 我大大聲咁問: "今次唔關我事啦?!?" 。佢就怨: 嗱, 終於出事喇。重點: 係無講sorry嘅。6。聞到佢有陣煙味後, 態度好咗。7。同枱嘅姨姨們都有啲唔滿意, 但盡量無俾自己心情受佢影響, 嚟開心㗎嘛。問心嗰句, 佢係我見過最有效率嘅waiter.但反應就算幾慢都好, 佢唔應該咁嘅語氣對啲已經攞緊生果金嘅老人家。我地全張枱12個人, 有一半人俾佢"指示"過如何配合。"你個碟放出啲, 唔係阻住我做嘢"(對住七十幾歲伯伯講。)"攞過嚟"

今天去了名都飲茶。環境不錯。仲保持推車仔點心車，非常懷舊，氣氛唔錯野食方面都幾抵食。牛肚幾入味。燒賣入面既蝦好爽口。。腸粉煎得好香脆。加埋甜醬麻醬好好食。服務態度又夠哂好

Food was delicious, but the atmosphere was not great. Very busy and bustling, fast paced, efficient operation. Might be better if you go with a larger group. I was there with only 2, which is not really enough for dim sum. Meat dishes were notable because they were very soft and nicely done, nothing too chewy, not even the tripe. I would recommend for a big group looking to eat a lot of food. Prices were a bit more than we expected, but not terrible.

今日午餐無乜時間，唯有外出買飯盒！想起名都的义燒好似唔錯，於是趕快去買！回到公司打開飯盒看見义燒件數都唔少，但食第一啖就發覺肉質粗糙，無辦法把肉咬開，試第二舊又係咁，跟本全部肉都咬唔開，而且肉味感覺到唔新鮮，騷騷的！啲白飯又有小小硬，最後無奈地唯有用盒內幾條菜心送飯，而啲肉就食唔到啦！估唔到名都會比大家樂大快活差咁多，下次不會再來！

一出地鐵站就見一到大大個牌好易搵十一點九左右到左唔洗等第一個動作緊係洗野先啦8個位入面有兩份好污穢要要求佢換過先得員工即刻換過 + say sorry 野食唔同平時一般酒樓要自己拎飛出去排隊拎唔算多人拎唔洗排好耐楊枝金露：夠足料 香芒果味 不錯菜：有菜心，介蘭同生菜 （醬油/蠔油要自己拎，腐乳生菜係唔錯）生菜 同 芥蘭 兩樣都有菜味，無咩爛葉😋鳳抓： 好入味 值得試馬拉糕： 實實地 細細個 味道正常蘿蔔糕： 好多粉 無咩蘿蔔味（一碟三件 可配埋馬'提'糕）蝦餃：蝦味夠 ，皮唔太厚燒賣：唔同出面黃色皮，係用白色 味道同蝦餃一樣有蝦味，同埋多左肉味 都可以 雞扎： 腐皮吸收左d汁 好夠味，芋頭吸曬味之餘又夠軟身 好食😋👍🏼茶叫左菊花茶 好香👍🏼整體算可以不過美中不足 搵唔到鮮蝦/叉燒腸得煎腸粉 阿姐話要搵推車仔但我地兩個幾鐘 淨係見到推滷味行過幾次

啲態度勁差 問多兩問就話「我而家咪同你講囉」之後就專登係咁多客面前鬧戈啲推車戈啲姐姐 好明顯發脾氣比我地睇啦 真係見到佢都想嘔 黎食野都要受氣 我地揀張台又話戈到唔得 啲台細 我地4個人 咁你張台細又放4張凳 唔想做我地生意咪出聲