名苑酒家

营业中

休息中

聽聞啟德開左間唔錯既酒樓，一於同朋友嚟試下先。酒樓裝潢新穎，有提供窗景位，可飽覧啟德景色，座位寬敞舒適，乾淨企理，坐落好舒服。筍尖鮮蝦餃皇：蝦餃皮晶瑩剔透，蝦肉鮮甜爽彈，筍尖爽脆清甜，口感豐富。原隻鮮蝦燒賣皇：熱辣辣上枱，外皮薄身，蝦肉Q彈鮮甜。香茜牛肉滑腸粉：腸粉外層薄透，滑嫩富肉汁，配上甜豉油調味，入口即化。蟲草花濃湯鮮竹卷：腐皮索晒高湯既鮮味，口感軟嫰順滑，入面既餡料鮮味十足。原籠古法馬拉糕：經典傳統點心，鬆軟富彈性，清甜濕潤口感。

長白山人蔘雞湯一端上桌，濃郁醇厚的香氣撲鼻而來。金黃的湯汁包裹著鮮嫩的雞肉，每一口湯都融入了人蔘的滋補精華，暖身更暖心。雞肉燉煮得恰到好處，入口即化，在寒冷的日子裡來上一碗，幸福感瞬間拉滿。 紅燒脆皮乳鴿買一送一，性價比極高。乳鴿外皮烤至金黃酥脆，像是一層薄薄的琉璃，輕輕一咬「嘎吱」作響 。內裡的鴿肉鮮嫩多汁，肉香四溢，搭配特製的蘸料，風味絕佳。 香茅胡椒焗海中蝦，香茅的獨特香氣與胡椒的微辣完美融合，滲透進鮮嫩Q彈的蝦肉中，每一口都充滿了海洋與香料交織的奇妙滋味。 瓦煲生焗薑蔥黃花魚，揭開蓋子，薑蔥的香味瞬間迸發。黃花魚表皮微焦，魚肉卻保持著鮮嫩的口感，薑蔥的味道不僅去腥，更增添了豐富的層次。 富豪瑤柱蛋白炒飯，粒粒分明的米飯被蛋白包裹，瑤柱的鮮美充分融入其中，每一勺都能品嘗到大海的饋贈，口感豐富，鮮香無比。

平日放假走去啟德體育園行下，見到零售館有一間裝修好靚嘅酒家，當時已經係下午兩點，估唔到喺冇下午茶嘅情況下都全場爆滿，等咗一陣終於可以入座。安蝦綠茶鹹水角 $35.8淺綠色啤梨形狀，都幾足料，唔會好油淋淋。手磨紅米銀蘿腸粉 $40.8賣相好靚，紅卜卜嘅腸粉包住薄網脆皮，裡面有蘿蔔，材料豐富，份量亦多。順德煎鮮肉蓮藕餅 $40.8有三大件，蔥花加蓮藕鮮肉，食落唔油膩，幾香口。極品花膠灌湯餃 $45.8賣相好精美，連裝醋嘅碟仔都好靚，花膠好大件，灌湯餃好多餡料，亦有好多菇類，感覺好健康。黑金流沙奶黃包 $40.8筷子掂下都變左金色😂擺好耐都仲熱辣辣，流沙效果強勁，相當唔錯。估唔到依度茶錢只係$8/位，另外門口戴眼鏡接待員同埋樓面初級服務員都好好態度，如果個個職員都係咁就一流😂評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺名苑酒家啟德承啟道38-39號啟德體育園啟德零售館2 3樓M2-310號舖📍啟德港鐵站D出口8分鐘路程#healingbobo #foodie #hkfoodie #foodiehk #香港 #美食 #KaiTak #啟德 #香港好去處 #

同班食肉獸朋友殺入九龍城新開嘅「名苑酒家」，呢度環境夠闊落，坐得舒服，最正係啲餸夠晒鑊氣，今次試咗幾款招牌菜，真係有驚喜！ 🐦 紅燒脆皮乳鴿 一上枱就聞到超香！皮脆到好似玻璃紙咁，咬落「咔嚓」一聲，肉汁多到瀨晒手🤯 醃得入味之餘，鴿肉仲好嫩滑，連骨都吮到有味，熱辣辣食真係無得頂！ 🍗 燒雞半隻 驚喜位係連雞胸都唔嚡口！雞皮燒到金黃脆身，帶蜜糖甜香，肉質嫩滑到似BB肌咁，蘸少少淮鹽仲惹味，半隻真係唔夠喉～ 🍚 蟹籽蛋白炒飯 炒功了得！飯粒分明夠乾身，蛋白滑溜，蟹籽卜卜脆增加口感，簡單得嚟夠鑊氣，唔會太油膩，一個人KO成碟無難度😋 🥔 蜜汁薯仔牛柳粒 今餐MVP！薯仔外層脆口內裡粉糯，吸晒蜜汁超邪惡～牛柳粒啖啖肉又juicy，個汁甜中帶微辣，送飯簡直一流，忍唔住偷食朋友嗰份👀 名苑嘅小菜真係有驚喜，尤其乳鴿同牛柳粒必試！價錢合理，份量足料，服務都幾貼心，絕對會encore～下次想試埋佢哋嘅海鮮，有無人一齊？😝 📍名苑酒家 (九龍城) 九龍城啟德承啟道38-39號啟德體育園啟德零售館2 3樓M2-310號舖

筆者同朋友仔去咗啟德體育園嘅名苑酒家食晚飯！印象最深刻嘅就係半肥瘦厚切叉燒皇～。啱啱坐低，店員就擺低咗一張印住二維碼（QR Code）嘅點餐紙。點餐後大約10分鐘，食物就陸續來到了。。～特價海鮮孖寶 - $198📌窩燒班頭腩煲 啱啱嚟到嘅時候，個煲滋滋作響，幾吸引。班頭腩肉質飽滿新鮮，一啲都唔梅。而且份量大約有六至七大件，男士都夠食。。📌生拆蟹粉海鮮炒飯朋友仔就幾鍾意食呢個海鮮炒飯，炒得幾有鑊氣。配料包括有蝦仁粒、蠔豉粒、蟹粉等，鹹鹹香香幾吸引。。📌厚切叉燒皇 - $98（半肥瘦）呢個係餐廳嘅其中一道王牌，當然要試一試啦。厚切嘅叉燒大約有10件，都夠三至四個人享用。叉燒嘅肉質好鬆化，送飯一流。。📌原隻祝壽桃包 - 每隻 $16事緣當日係朋友仔嘅農曆生日，所以叫咗一個壽桃包去慶祝。壽桃係即叫即蒸嘅，外層包包幾鬆軟，而裏面嘅餡料就係蓮蓉餡。

🐾🐾啟德景觀開揚中菜•新式裝修知道呢邊新開咗商場，今日就抽咗時間過嚟行下，見天氣突然轉涼咗就想飲下茶食下點心，見到呢到有間裝修比較新式小小既酒家就試下💕黐線㗎見到呢個$9.9嘅優惠，真係諗都唔使諗就即刻要叫，加上我本身都超愛食年糕😂不過意外地叫咗三份，真係食死我哋🤐☘️大良鮮奶一口酥呢個都幾好食，炸得夠香脆。💕鮮肉野菜生煎包 呢個就正常發揮，如果再脆身啲就更加正🤩千島汁脆炸椰汁糕呢個好好食，估唔到配千島醬咁正，初時仲喺度諗緊點解咁奇怪要加千島醬，點知佢哋出奇地夾，不過for我而言覺得甜咗少少🙃🤓黑金流沙奶黃包咸蛋黃味好重好香😙👁️香茜牛肉滑腸粉 腸粉真係做得好夠薄身同滑溜，呢個唔錯😙呢到裝修有別一般酒樓，唔似以前嗰啲酒樓格局，裝修會比較新式，而且比較簡約，空間感會比較大啲，所以坐得會比較舒服～🍃名苑酒家 九龍城啟德承啟道38-39號啟德體育園啟德零售館2 3樓M2-310號舖

最近啟德體育園正式開幕，等我都過黎湊下熱鬧先喺IG碌到呢間喺啟德零售館入面嘅酒樓有個靚景可以打卡，仲做緊乳鴿買一送一，乳鴿愛好者仲唔🐶衝？點知weekend點幾左右黎到，等到兩點幾先可以入座，坐低想點嘅時候已經賣哂🥲而且靚景黎講係…見唔到嘅，應該坐入房先會睇到🥢筍尖鮮蝦餃皇 $47.8🥢黑金流沙奶黃包 $42.8🥢原隻鮮蝦燒賣皇 $47.8🥢順德煎鮮肉蓮藕餅 $42.8🥢小嬌白玉棉花雞 $47.8🥢招牌酸菜滑魚片 $128點心黎講偏貴，$4x都係得三粒蝦餃同燒賣，樣子係精緻同大粒但味道有待商榷🙃唔知點解味道總係怪怪的，唔似平時食開果d個人覺得最好食係酸菜魚，雖然酸菜酸咗d同埋湯好油，係魚片比較滑同埋個底用咗大量娃娃菜名苑酒家Ming Garden Restaurant地址：九龍城啟德承啟道38-39號啟德體育園啟德零售館2 3樓M2-310號舖回頭指數：抵食指數：員工友善指數：⭐️⭐️⭐️推薦𖤐：-人均消費：$205

啟德零售館越來越多餐廳嗰日去完namco玩😆😆發現行入少少有間環境幾舒服嘅中菜餐廳第一個感覺係呢度樓底好高好有氣派然後吸引我嘅係超抵嘅全日8蚊茶芥 🤩即刻要去試試佢！🥢金沙牛油脆蝦球 ($98)用鹹蛋黃醬包住大大粒嘅脆炸蝦球金黃得嚟做到外脆內嫩😋蝦球用新鮮蝦肉製成鮮味多汁配上蛋黃醬同牛油口感層次好豐富🥢金牌蒜香骨 ($98)外皮酥脆肉質鮮嫩👍🏻而且蒜香味十足😋每舊肉都入晒味加埋超多炸蒜用嚟餸飯一流🥢頭抽銀魚仔小炒皇 ($98)呢道小炒皇色香味俱全👍🏻有銀魚仔嘅鮮味真係特別好食🤤搭配鮮魷、蟲草花、蝦仁同韭菜口感好好而且炒得好有鑊氣～正👍🏻🥢富豪瑤柱蛋白炒飯 ($88)炒得粒粒分明而且非常足料啖啖都食到瑤柱、蛋白同蝦仁🤩鮮味十足！絕對係一碟💯嘅炒飯無論係餐廳環境定係食物質素都非常唔錯而且價錢又唔係貴過開嚟啟德真係可以嚟試試👍🏻

名苑酒家定期都會有d晚市優惠，今日較想食肉，所以叫左燒味為主。當晚係週末酒樓好熱鬧；侍應都好好招呼經常過來望下食客有咩需要及加水。脆皮黃金雞半隻擺盤幾靚，黃金雞色澤幾「令」身幾好👍！外皮幾脆口，雞肉嫩滑。叉燒王蜜汁🍯甜甜地好正😊，係半肥瘦叉燒有d肥膏唔會太乾身。邊邊位微脆！脆皮燒腩仔皮脆肉嫩，味道唔會過鹹，點埋芥末好好食。燉湯（位上）長白山人參雞湯霸王花豬展湯兩款燉湯都無得頂，滾熱🔥出場。味道👅兩款都好好味😋最重要係有配料，好有住家菜feel。

/自從啟德新開左商場之後，間唔時都會帶呀媽黎行下，睇下，食下😂今次比我發現左一間性價比極既中菜廳😌環境優美，氣氛都好好👍大時大節都岩同屋企人黎食✨.🐣白切文昌雞 （半隻） $158如果唔鍾意食白切雞可以有其他既選擇（手撕/燒雞/胡椒雞）㊙️啲雞唔會話好肥，食落雞好新鮮同埋好有雞既味～係健康既味道🤣.🐮湖南辣椒炒牛肉 $98超好送飯🍚湖南辣椒係青色果種椒，食落一啲都唔辣連埋牛肉一齊炒，更加惹味👍牛肉入口軟滑☺️肉味香濃♨️.🫛生炒高山菜心 $68菜心炒到好爽口，條條都青綠色😇.🍚白飯 $15

隨住啟德體育園同啟德零售館嘅開幕，又多咗個新商場可以行，仲多咗餐廳選擇，呢間茶樓星期日好多人光顧，要預返大半個鐘等位啊🥢蟲草花濃湯鮮竹卷湯汁濃郁，真材實料，味道清甜，較健康，鮮竹卷多料札實🥢名爐叉燒滑腸粉皮薄餡多，腸粉滑溜，幾好食🥢原籠古法馬拉糕呢個好鐘意，超軟熟🥢遠年陳皮牛肉球調味好，有口感，牛肉軟滑有牛味，加埋少少蔥花等，好食

最近啟德體育園零售館真係有好多media attention，搞到我今日都心郁郁約埋屋企人去朝聖下，法國呢度有間中餐廳都真係好出色，餐廳位置都算好大，不論幾個人食飯定一家大細食飯都好適合！今日叫咗幾樣嘢都覺得非常之出色，以後過時過節都多咗一個地方可以同屋企人嚟！肉汁蒸山水豆腐看似簡單，但係有時越簡單嘅嘢就越難整得好食，呢個山水豆腐超級滑，而且加埋肉質好香，完全唔會覺得單調。如意炒上素炒得好好，唔會過油！新疆蕃茄蛋牛肉唔知係咪用咗新疆蕃茄，所以覺得個味道特別好味，酸酸甜甜好開胃！最後就叫埋個脆米海鮮粒泡飯，湯底好鮮甜，加埋脆米喺上邊就會一啖食到多重口感，相信大人同小朋友都會好鍾意食！

第一次黎已經樓面混亂，點餐機壞咗 人手點單 一籠點心等咗一粒鐘先出到，已經唔係好滿意😒野食質素+服務質素都唔值呢個價錢。第二次食book咗位準時到都可以將位俾咗walk-in，等咗成半個鐘，咁你要人book位黎做咩？？？下次唔會再黎！同港島嗰啲同樣價錢要同人競爭嘅酒樓嘅服務同食物質素爭好遠！炸牛奶明顯無上一次黎咁脆，水晶豆苗餃子系凍嘅+黐底 夾起之後直接爛曬，無一樣嘢係特別值得食嘅！無咩嘢都係唔好去呢間！

今晚與老公放工去試下買一送一乳鴿，6點10分入座即刻叫咗乳鴿及叉燒。點知職員己經走來通知己經賣哂，因為每日只有40隻優惠。睇菜單想點例湯，點知apps 找唔到，問職員回覆只有燉湯。 menu 與apps 不符小炒皇唔太難食，不過真心細碟。如果2人份量係剛好。太多人就真心每人1-2 口就無哂。隔離檯叫咗蝦球，上菜時只得6隻🦐，感覺少得過分。職員真心有部分係欠禮貌，但我好欣賞紅色背心既職員，有幾位上菜與對每位客人都好用心，唔係hea 做。呢個係值得表揚。今晚總結係無下次，唔再信廣告買一送一食品唔係差，但可以改善分量

網上見到有人講乳鴿買一送一就去試下！講到個景咁正又抵食，事實親身去完唔會再去第二次，請都唔去！6:45pm坐低，乳鴿已經賣哂，門口張poster 又唔同售罄有氹人入去既感覺。枱枱客入黎都問有咩食，但乜都無。垃圾!!! 叉燒無燒鵝無特價雞又無!!! 個場已經唔爆，上菜又慢成9個字先黎哂5個餸，浪費時間!!!!!結論 無野食，味道一般，無服務，下不為例唔會再去!!!!!!!!!!! 呢個係真實留言，千其唔好去食呀！