名朝特色火鍋 (已結業)

莊士倫敦廣場市肆林立，好多人都會揀呢度開餐，今日遇上了垃圾中的極品。首先去櫃台報到是沒有次序，話打尖就打尖，入到去等左20分鐘都沒有湯底黎，黎到個湯底凍的，由頭再煲返熱，又浪費時間！叫左啲野食，黎啲唔黎啲，響鈴寫4，黎2條！我覺得餐廳好照顧我既胃，等我一次過唔好食咁多！一係唔係，一係黎左3碟響鈴！要讚！好有效率！全晚食得好飽，因為食公仔麵食飽，公仔麵外面任拎，最快最齊唔使等，公仔麵先生，多謝你！因為你我終於得到溫飽！外面攞菜個位好似搶購一空的超市，八號風球打到黎！總括呢餐都健康，食下菜食下麵，百幾蚊烚下烚下，滿足！

名朝特色火鍋 款式花多眼亂＠名朝特色火鍋 天氣突然轉涼，心思思又想打邊邊，二個人食火鍋最好還是去食放題式的火煱，既可以食多點款式，價錢又有得預萛 路過莊士倫敦廣場食店林立，大部份都是主打放題為主，6樓的名朝主打火鍋，才＄１４８啤酒任飲，我們早埋單還有減＄２０的折扣 早食早享受，當時人不太多，被安排坐在窗邊位置，但一過了７點，門口就坐滿等入座的人，所以還是訂桌比較安心 位和位間有合適的空間，冷氣強勁 即使坐滿人也不覺得擠迫 下單紙一大叠，魚類，肉類丸類一應俱全 飲料區是自助的，種類多得真夠跨張 甜品區 單是雪糕已經有杯裝和軟雪糕的選擇 小食～ 要一提的是他們也有提供部分熟食， 台灣腸燒得外脆內多汁，等待水滾時最佳良伴 湯底點了蟲草花雞湯底，入面都有點湯渣，誠意十足 服務員為我們送上一盤海鮮，是用一個蒸盤送上的， 入面包括了魷魚，花甲、大蝦，魚片和花膠 看起來很新鮮 煮法就好似食蒸氣海鮮鍋般，待水滾一會後就食得啦 用蒸的方法來煮花甲是最原汁原味的，蒸至打開馬上可以食，食的時候加少少豉油，鮮味立即出來。 自助的菜蔬區，每款都非常嫩綠，就是食放題的好處，

叫好耐啲嘢又唔黎，叫左又黎錯，要加水叫左三個字都無人來，坐低到有火鍋來，要半個鐘，啲夥計個個黑口黑面，望到有客人叫都唔睬，嘢食唔新鮮，下次一定唔會再去，任食火鍋來講呢間都算垃圾，

一間邊爐放題店 係我食甘耐為止性價比最高既放題 每人148 蚊 加38 蚊可以任食刺身 再加10 蚊醬料 其實每人都係200 頭一個出面阿波蘿雪糕 軟雪糕 各式蛋糕甜品， 汽水 成6,7,.種啤酒， 打邊爐既菜 粟米 麵類 仲有醬料可以喺出面任拎而甜品嗰邊既心太軟同疏乎里都制作出色 拍得住出面既西餐廳好味但數量有限 想食早d排隊講番menu紙 各式湯底可以任點 我點左麻辣雞煲 都十分夠味 邊爐料勁多 手切牛 肥牛 各類手打丸 蝦滑 應有盡有， 真係多到食唔哂， 連海鮮類既蝦 凡立貝 脆鯇 都好正唔止係甘 餃類好似九菜餃 鳳城水餃 都好大好入味 而且平時最hea 既丸 內臟 好似雞子 豬肚 全部都above avrage 十分唔錯以性價比黎講絕對值得食同試下

加錢要刺身～怕人哋食剩～問幾轉！！又要專登話食剩要俾＄但人哋叫完，等20分鐘...唔吹唔黎！！火鍋料...叫完又要吹...D員工跟本唔知要處理D乜仲有...有枱可能係熟客....即刻招呼唔同哂～俾唒最好人～乜都拎俾人...

一到冬天，就係放題，邊爐，邊爐，放題～朋友P 話名朝邊爐好食又抵食～所以就去左呢間度食喇～ 我地星期一晚上6點半去食，限時2個半鐘，邊爐+刺身+2隻共20蚊扇貝埋單一日220左右～ 刺身，本人推薦生蝦，同埋希靈魚。三文魚即使厚切，但油花太少，食落好削～唔夠肥美。脆鯇脆口，蜆都鮮甜，呢兩樣係必食～但千祈唔好食花膠，糊狀漿口帶粉，我勁鍾意食花膠，次次邊爐都必食，第一次食到咁既口感～ 我食左一啖吐左出黎。我唔食牛，朋友食，佢話呢隻牛，鮮甜多汁有牛味，我見佢有番單。另一款牛佢就無番單Lu~~~豬潤太厚身， 如果薄切會更好。但都ok. 羊帶少少羊羶味，我個人幾鍾意，一碟三片，我食左2碟， 我唯一番單既肉至於甜品，心太軟、朱古力慕絲、藍莓芝士蛋糕好好食，朱古力慕絲同藍莓芝士蛋糕食2件。但其他全部勁難食， 唔係太淡食魚膠粉，就係有怪味，難食既野我食左1-2啖就無食。 之後個大陸口音阿姐走埋黎罵我浪費，我知呢part 我係有啲浪費～但我好老實細細聲講因爲真係好難食。之後果個口音阿姐死唔斷氣，放大聲線地唔放過我仲要勁大聲話個個客都話好味，我竟然話難食，同埋個阿姐仲要大大聲叫另一個待應埋黎，同個待應大大聲

火鍋而家1年四季都有得食 ,上星期就和朋友去了旺角行街,當行完之後朋友提議吃火鍋，就上網找下旺角有咩火鍋店,見到這間口啤幾好火鍋店,原來這間走放題形式火鍋店,2個人坐下之後開始叫野食,湯底揀番茄湯底，出奇地又不會太酸 ,湯十分清甜,這裡的食品十分新鮮，服務亦都OK,環境十分舒適。食品種類好多選擇特級手打牛肉，牛肉十分新鮮，肉質好嫩滑水餃，皮薄多汁 ，好好味金姑,每次火鍋一定會叫午餐肉我第一次用午餐肉吃火鍋，午餐肉味道又不錯龍蝦丸味道都OK啦芝士丸芝土味好濃郁，十分好味綠茶心太軟綠茶味好濃，朋友一切開流心走晒出來，甜味又不太甜刺身併盤我覺得一般,三文魚十分鮮味可口番茄湯,湯底十分清甜。番茄濃郁得來不會太酸,個湯好好飲服務我覺得都OK,亦冇甩單情況環境地方十分舒適價錢平均200元一個，價錢不是太貴

有朋友去過名朝食完之後覺得唔錯，又抵食，今晚就帶左屋企人一齊去食！火鍋放題（$148）食足兩個半鐘，包唔會蝕！每人加多$38就可以任食刺身，非常抵食❣️❣️❣️重點係刺身質素唔頹，我最愛既三文魚更加係好厚身好香魚油味除左打邊爐同食刺身，仲有好多甜品同飲品揀！單係飲品...已經裝滿五六個雪櫃！果汁、汽水、啤酒、豆奶...就連罐裝茶都有！款式多到好似去左超市咁，真係花多眼亂！揀左蕃茄濃湯湯底，貪佢冇咁熱氣...湯底除左蕃茄仲冇一大舊豬肉，非常足料惹味驚喜之處係店員上左湯底之後會奉上一盤精選新鮮海鮮放上湯底上，好似食蒸氣海鮮鍋咁！等海鮮既精華滴落湯底，湯底更鮮味火鍋既配料應有盡有，海鮮、魚蛋、肉類咩都有齊....基本上，所有火鍋配料質素都唔頹！特別推介鮮蝦雲吞，裡面餡料豐富，有三四隻小蝦，蝦肉爽口，正！最癲既係宜度連甜品都有好多選擇！！極力推薦order梳乎里及心太軟，好味指數爆燈！！平日係甜品店食心太軟+雪糕都要四五十蚊，係度食番兩三轉心太軟都回本喇！仲有童年回憶既阿波羅雪糕，無得輸！食足兩個半鐘超滿足，又平又高質素！真係好值得介紹俾朋友同埋食多次唷！

朋友gathering揀左打邊爐 貪佢任食吾洗煩食咩好原來加＄38就可以刺身飲食咁抵當然我哋加原本諗住火鍋嘅刺身都會有啲頹點知出奇地咁好食 三文魚係腩位啖啖的魚油香特別鍾意白玉豚 平時一般都比較少機會食到佢超鮮甜好好食湯底選擇都有好多款 最後揀咗個番茄濃湯突然感覺健康啲 侍應話所有湯底都係佢哋自己煮添任何唔算太鹹 番茄味夠濃正火鍋配料都好多選擇而且冇漏單嘅情況抵讚好似放題咁多款揀佢個鮮蝦雲吞真係大大粒蝦做饀除咗嘢食飲品都好多選擇足足有幾個櫃禁多 比較特別係竟然有豆奶飲我中意佢相比其他罐裝飲品冇咁多堂健康啲除咗飲品仲有唔同嘅甜品可以喺出面拎比起一般任食火鍋可以食嘅嘢真係多好多而且一啲都唔貴＄200有找下次同朋友gathering一定再去

又係佐敦區開餐，見好耐無打過邊爐，今次去到呢間名朝火鍋，有好多唔同湯底選擇，兼且材料供應都多，整晚都食得幾開心。係火鍋之前，先另加少少錢食左日式刺身。賣相同味道不比外間日式餐廳遜色，三文魚厚切，鮑魚粒爽勁有咬口，泰式辣蝦鮮甜味美！係個胡椒豬肚湯滾緊嘅時候，去左自助蔬菜吧揀下心水靚菜。同呢度嘅飲品，配料，同湯底一樣，都係選擇非常多，而且質素高, 每樣菜都好新鮮爽甜。胡椒豬肚湯底帶著些少微辣，係湯底中滾下海鮮，包括新鮮嘅海蝦，花甲，牛拍葉等等，都完全食得出食材本身嘅鮮味。而自家手打嘅蝦丸，墨魚丸夠晒彈牙，少了一份味精嘅味道，多一份真材實料嘅感覺。愛牛之人一定要點嘅，美國肥牛同霜降手切肥牛，兩者牛香肉味甚香濃，脂肪比例完美，係湯上快滾一陣，質素極高！最後當然係甜品時間，呢度甜品嘅選擇真係貼近酒店嘅級數。焦糖燉蛋，布甸當然供應，最正嘅係有芒果拿破崙，同埋即叫即做嘅綠菜梳乎里，真係極之少有。

第一次俾劣評喊樣，係幾方面都唔合格我先會咁俾其實貴嘅平嘅一餐都好，祖迪知道香港經營餐廳困難，小問題我只會期望餐廳能改善，若然幾方面都有問題，就很難成為滿意的一餐了。呢間火鍋店面幾大，座位相信超過150位呢日同屋企人食早段時間，本身$158一位，7:30前埋單就$138一位，限時2.5小時任食包飲品甜品可見餐牌有唔少湯底揀，而且都幾特別，連肉骨茶都有，我地揀左蟲草花豬踭湯等左一陣有湯底啦！而食物只係上左少量而個重點係，4個人食野，呢度嘅4人枱係一張有爐嘅2人枱加多張無爐嘅二人枱......唔好以為好容易伸隻手過去，其實坐右邊係好難烚野食。如果呢張係臨時枱，無辦法啦，原來連卡位都係咁，叫人點食？六人以上先有圓枱坐成餐飯係我地特登坐逼d靠左邊先食到。相住整到方形二人枱係方便店主入唔同人數嘅客人，不過似乎實際上要旁邊兩位要有專人服侍至得啦....😐本身見到menu有咁多湯底揀好開心，粟米係自己加嘅，蟲草花豬踭湯，係乜料都無嘅清湯.........聽講呢度嘅賣點係任食有海鮮選擇，不過咁早無乜客嘅時間，份量寫3個人3份都咁少，試過加單要多d都唔會加。隔離枱客應該係遊客，職員對佢地態度好差，睇實佢地

夜晚11點鬆見肚餓，同老公本來諗住打邊爐唔使煩，本身幫襯開同大厦8樓，見樓下個位派傳單架職員極力推介下就諗住試下...上到6樓個帶位姐姐講明話12點後冇冷氣，但有吹風機！而且會加冰入機令到出涼風，仲話安排我地坐係吹風機隔黎架枱...咁我地就話事但啦坐低左，坐低後先係問題架開始...職員埋黎落湯底，點知等左半個鐘野食都黎左一半都未見到個湯！直至另一職員放低野食架時候問我地要咩湯底先發現原來湯底未落單.....都算！最嬲係寫紙叫野食第一轉已經黎唔足，諗住再寫多次紙落單啦...仲衰過第一次！直頭一樣都唔送黎！！到我催佢單就係咁2俾幾碟牛我就算！本來以為係夜左可能蝦啊蜆啊鯇魚片呢d冇啦！？點知睇住隔黎枱叫第二第三次都仲有！呢餐人頭118仲要加一，真係發誓唔會再幫襯第二次！

地下好濕，完全無冷氣只有吹風機，太熱頂唔住，幾好食都係假，全身濕透，非常熱⋯～上菜速度同味道都算合格，刺身並不推介，因為環境溫度甚高，刺身好快變壞，海鮮亦要盡快食用！

話說，今日去完尖沙咀拎野，諗唔到食乜好，朋友仔就話不如打邊爐啦。幾個月前食過幾好食既，決定黎食多次。點知咁就出事。黎到眼見full full地，咁就安排我地去個邊邊位。其實ok既，有位坐就得啦。我地一坐低就立即叫野食同湯底啦，好正常呀。半個鐘之後一樣野都未黎過，湯底都係。催一催之後立刻黎左，之後先係重點。寫左兩round, 第一round既野完全無黎過，唔緊要！我地再叫！再叫，都係唔黎，我地見到我地叫既野去左隔離枱，隔離枱話唔係佢地，之後拎走左，都唔緊要！我地再叫！如事者重覆左三四轉，我地放棄。中途有個朋友仲肚痾。野食唔新鮮，湯底無味，豉油無味，無乜冷氣。總結，為我打邊爐既經歷沾上左污點😞

朋友推薦黎呢間火煱放題話好食，今晚專登過海黎會一會佢，價錢係大人＄158，小朋友＄88，人齊先可以入坐，時間係2個半小時，ok喎可以慢慢食坐低左梗係呀野飲先，原來自已去拎架喎，佢地個飲品櫃各式各様既飲品都有，各款果汁，汽水，涼茶。。。一定有款岩你 ！跟著點左個番茄湯底，火煱食材同埋刺身，等待期間就周圍睇下有咩食，先先比個甜品櫃吸引，有好多甜品，一定滿足到鍾意食甜品既人除左甜品，仲有熱盤，甜點等等。。。刺身上枱啦，望落好新鮮，食落都好新鮮，食完仲可以encore正呀！每個人頭計加十蚊，就可以一人點隻大大隻扇貝，係放係個湯上面蒸黎食。之後食材陸續送上就開始打緶爐，食材好新鮮(望落到知），而且每份細細份，唔怕食唔哂浪費同埋可以盡情叫試多d野，不過個湯冇咩番茄味，好似普通清湯咁，呢點有待改進。蔬菜瓜菇都係自己拎既，仲有烏冬，出前一丁，韓國拉面。。。。。。。。。。。咁多野食都慌你唔飽，好貼心呀正當我準備收手之際，居然比發現。。。。。。。。。。。。連百Ｘ豆腐花都有唔食點對得住自己呀～～～～～！食都９點幾仲人山人海，仲大把人等位，真係平靓正架！