名寶石餐廳

营业中

休息中

雖然價錢比例貴dd咁多但食物水準高hot cake n waffle so good!pineapple曼魚炒飯好好食....都縛好坐,坐得好耐都ok~

今日和家人有事早d出來,所以便來了這裡食午飯.我叫了一個週未特餐.忌廉餐湯- 味道也唔錯,只是忌廉味唔多夠.炸龍(配鮮果) - 剛剛炸好,很好味,但因係雪魚,魚味就唔多覺了.布甸甜品- 麻麻地,沒有什麼味道.檸茶- 一般.海鮮烏冬- 家人說幾好味,但我沒有試過.

我幾年前同grandma,dad & mum & brother　食過佢地既鹿肉steak ，好好食呀．仲有red wine with　松茸既souce，仲有sweet corn and vages伴碟，又有drink & dessert．．好好正ｌｏｒ，好value tim呀．．

淨講價錢其實唔平架, 不過計埋份量, 就真係冇扼秤!朋友話佢十幾年前黎幫襯過一次, 果陣已經好好味, 今暈佢帶路, 已經比左心理準備我, 話呢樹係懷舊西餐廳, 其實即係好似太平館果類啦~~我地諗好耐終於order左: 砵酒牛尾煲(跟飯), 鵝肝伴牛柳(由於以為會唔飽, 於是跟飯)砵酒牛尾煲(跟飯), 牛尾好夠份量! 好腍, 多肉~ 汁亦好好味, 真係好岩送飯食! 有堆青菜放在中間, 哈哈, 感覺好似食羊腩煲時浸菜咁! 味道真係非常滿意! 煎鵝肝伴牛柳, 上桌見到, 嚇死我! 份量係我預期中既倍半多! 鵝肝兩大片, 仲以為得一小片在牛柳上...呀, 係勒! 好心佢啦, 唔好叫果舊野做牛柳啦! 超大件! 大到成舊街市豬肉檔針板咁! (巨型肉眼扒咁形狀, 唔係嚇你, 粗略估計有3寸幾高, 4寸幾闊...)...由於太驚嚇, 我食到最後先分到心, 望到原來有蜜糖豆同粟米粒伴碟.....好驚... 不過都好好味! (早之唔洗跟飯, 好後悔食左串牛什同炸大腸先入黎lor~~~~~)侍應唔知做咩, 係咁整跌野, 好彩冇整污到我地, 成碗黑椒汁從天而降....跌落我地煲牛尾煲度! 但係冇倒瀉果下勁喎!

多數都係中上階層既人去食, 對女仔黎講, 果SET 真係大份左D , 3個人SHARE 2 SET 都OK !樓上未上過. 不過間格好有問題!

分上下兩層，上層個景就靚D，下層就有部自己識彈的鋼琴，音樂好聽D。係旺角黎講，算少有的中價西餐廳，所以通常都係見家庭聚會、有錢老人家嘆茶的地方。我自己因為遷就親戚的緣故，所以早、午、下午茶、晚飯都吃過，炸石斑魚柳拼沙律通常係我早餐或下午茶最鍾意吃的，沙律很好，但魚柳就有時會過左少少火。午餐、晚飯都離不開扒、焗飯，好有港式西餐的味道，因為呢間冇做$48一個餐的關係，份量係大好多，男仔會食得晒但會好飽，女仔通常都食唔晒。轉特式飲品要加$12，都算合理，因為特式飲品係比較大杯，雪糕梳打會幾得小朋友的歡心。主菜轉餐就要加$20，不過呢度的所有餐除左有湯同飲品外，仲有一個小甜品，雲呢拿雪糕、芒果布甸或同提子o者喱。總體黎講，食午、晚飯價錢要一百蚊位左右，早餐、下午茶要四五十蚊一位。但比較起美心餐廳，我覺得美心比較抵食同好食。