名家韓國餐廳

营业中

休息中

呢日好想食石鍋拌飯，又咁啱要出尖沙咀做嘢，所以同事話嚟呢度，有景仲要唔貴，happy Friday🥳🍚石鍋雞肉雜錦拌飯雞肉好嫩，配菜都好夠味，拌埋個醬食好惹味，其實個菠菜有D咸，不過撈埋一齊食就平衡返。前菜都好足㗎，泡菜都分咗2款，不過俾我哋換走咗變咗菠菜同荳芽，個荳芽好爽好好食，但菠菜真係好咸。仲有個魚仔辣辣地窗好好送飯，不過我只可以一啖起兩啖止🥲同埋叫咗個炆牛肋骨都好入味，我偷咗佢舊白蘿蔔嚟食，所以我講到😂如果天氣好，個景清會更開心，不過今餐都好滿足啦❤️提提大家佢哋下午3-6點會落場。

部分侍應都選擇「已讀不回」，回避客人眼神。部分更態度惡劣，點了泡菜海鮮湯，很久才上菜，上菜時更放在遠遠，完全不顧客人方便與否。食物水準一般。總括來說，不會再光顧！

第一次寫食評，真的不吐不快，這餐廳幫襯了很多年，一直也是心水之選，但今次極之失望，前菜青瓜只有二片，問侍應，回答：係咁的，算。見坐了很久也沒有茶，叫侍應，他整個茶壺「彭」一聲放在桌上，我都算。最難頂是想點菜，他見到卻無視我，廚房放出二碟肉，10分鐘也沒有人理，要行出去問才有人上枱，其間還要全程黑面，難道這餐不用錢我才要受氣嗎？特級澳洲M7和牛肉眼多筋到較剪也難剪，雪龍湯淡而無味，食物質數大大下降，加上這服務態度，簡直貼錢買難受，不會再有下次😤😤

慶祝朋友生日，然後睇到呢間韓燒既景色唔錯，所以就book左呢間。～燒肉精選美國牛肋骨（醃）醃得好入味，甜甜地既燒肉醬，令我諗反起韓國好岀名既立食牛，都係牛肋骨同甜甜既燒肉醬。店員會幫我地剪食一片片方便我地燒。美國特級霜降牛肉因為韓牛只有扒，冇薄切，所以就點左霜降牛肉。不過不失，油脂唔夠。韓國濟洲特級新鮮黑豚五花腩片（無醃）想點厚切既五花腩，但店員過短期內唔會反貨。店員都好貼心咁幫我地剪細塊d，方便我地燒。另外點左生菜同芝麻葉，如果唔鐘意好勁香料味，就未必鐘意芝麻葉啦。～其他熟食三色煎餅（泡菜，海鮮及雜菜)薄薄既煎餅，內脆外軟。水冷麵最後既水冷麵煙煙韌韌，加入左青瓜同梨絲，非常清爽，解膩。整體黎講，冇太特別既點，但係環境唔錯，慶祝活動都係唔錯之選。特別留意，冇得指定要窗邊位/海景位，係先到先得。

今朝一早去咗做facial, 中午老公book咗呢間我至愛嘅韓國餐廳。唔經唔覺我都幫襯咗間餐廳十年八年，不過大多數都係食佢啲lunch set，貪佢抵食又坐得舒服😌。不過今日即使book咗位都安排唔到窗口位，有少少少少失望……講返食物，呢度啲前菜好豐富仲有得再fill ，呢樣嘢我覺得好正！至於主食，我就叫咗個辣泡菜豚肉湯套餐，味道正宗得黎唔會得個辣字。而我老公就叫咗炆牛肋骨套餐，呢個餐都幾多人叫，特別係男人，不過其實我都中意食，因為牛肋骨炆得啱啱好，好有口感埋單+1 = $261。綜合嚟講，咁嘅地段、餐廳環境加食物質素，我覺得好抵食。推～

疫情下一家人到尖咀名家，同以前相比 服務質素大不如前！ 可能大部分人都係散工 ， 態度同 大排檔沒分別！ 無人serve.! 落錯單 ！ 黎錯野！ 無禮貌！ 同之前 既名家 180 度 轉變！ 食物質素一般！ server 對客黑面 ！ 4 個人、 2500 蚊埋單 ， 雖然唔係話好貴！ 但生日飯對住啲西口西面人。真係唔值得！燒野 連個爐都要自己研究去開火！ server 視而不見，事不關己！ 隨左 將己order 食物掉完上枱後，就無人再埋過黎收野！ 如想食得開心！ 請三思！！！

第五波疫情前經常去尖沙咀上跳舞課所以尖沙咀iSquare的名家韓國餐廳也是經常去的飯堂午餐定食很經濟最喜歡他的地道炆牛肋骨牛肋骨雪濃湯也很好味對於我這種牛魔王來說韓國餐廳的午餐定食是很好的選擇今天介紹燒烤肉應該是去年底聖誕前最後一次去享用晚餐簡單的點了燒烤套餐兩條肥美肉嫩的牛肋骨肉我們稱之為地拖或洗腳布醃製過的肉好入味肉質鬆軟彈牙 濃香又juicy然後是我特別喜歡的五花肉看到就知夠肥美肉質依然很Juicy我們烤得很香焦香味加上油脂 100分兩隻蝦和兩隻帶子就沒有什麼驚喜始終燒烤過的海鮮蝦就會略嫌乾涸而且黐殼帶子又出水 我覺得麻麻地然後最經典時是半份生菜可能菜真的好貴吧真是少得驚人

📍名家韓國餐廳______每當疲倦的時候，腦袋只想放空，便會使用滿滿的牛肉和白飯來療癒自己。我想名家是其中一家我的comfort food 餐廳吧。每次必點炆牛肋骨，份量奇大，配上六式前菜，海帶湯和米飯。名家強調絕不使用味精，出品簡單家常又不失美味，而且水準穩定，省卻中伏危機😂 最喜愛牛肋骨筋膜相連的部份，用略甜的汁煮，絕對是下飯佳品。如果有天你看到同一桌上，數位肉食系女子面前各有一大碟牛肋骨，別懷疑，就是我和同事們了。♥️靠窗位置有海景，正望向維港，景色開揚，宜先訂座______炆牛肋骨 午餐 HKD 1XX

極抵食嘅韓式lunch！食物水準幾好，仲可以睇到海景，超値呀✌🏻之前喺呢間餐廳食過幾次韓燒，味道都幾出色👅✅推薦✅韓式BBQ 2人套餐💰390包咗6個頭盤小菜，有泡菜、沙律等等🥗 最鍾意醃薯仔超好味！⚡️醬醃牛肋骨🥩超級好食！牛肉醃得勁入味，肉質鮮嫩，入口爆多肉汁💦⚡️新鮮五花腩片🥓原條直上，邊燒邊剪黎食，燒到少少燶邊就最正🤩⚡️人蔘雞湯🍲個湯味道幾清甜，不過人蔘味唔夠濃🧐⚡️海鮮香葱餅🌮味道正常發揮，但個餅煎得唔夠脆，偏油咗少少🤏🏻石頭牛肉拌飯💰93個石頭鍋非常夠熱，上枱仲燒緊吱吱聲🥘配菜撈埋食落清爽，我最開心係有飯焦食😆🪄名家韓國餐廳尖沙咀彌敦道63號iSQUARE國際廣場27樓2702號舖🗺地區：#porkbelly_foodie_尖沙咀🍽菜式：#porkbelly_foodie_韓餐#porkbelly_foodie #hkfood #hkfoodie #香港美食 #香港好去處 #尖沙咀美食 #尖沙咀美食推介 #尖沙咀 #韓國餐 #韓餐 #korean #korea #韓燒 #燒烤 #bbq #人蔘雞湯

名家係一間我經常光顧嘅餐廳，佢除左係海景靚之外，另一樣吸引我不停回頭係座位好大好舒服，乎每個座位也能看見海景，係呢個環境食lunch真係心情都好啲。加上佢lunch set都係100蚊之內，當然如炆牛肋骨125蚊，我每次唔必定會叫 ，咁多年質素都可以保持，絕對無變，令人懷念的味道，牛肋骨份量足夠，唯一唔夠係飯，因為啲汁太好味。水冷麵好食，麵底好煙韌，口感十足，冬天都忍唔住叫嚟食。烤芝士辣汁煮雞肉，好多蔬菜，辣汁同芝士配合天衣無鏠。

尖沙咀名家最正係有海景睇晚市分左兩場揀左早個場，可以睇住維港黃昏景色🌆叫左辣海鮮鍋湯，侍應捧住個鍋黎真係嚇左一下，好大份😳有鮑魚，魚，花蟹，蜆，魷魚，青口等材料，真心好足料咁多海鮮料湯底真係好正，好鮮甜侍應會幫手將鮑魚，蜆，青口去殼，剪成適合入口既大細然後等煮滾就食得😋鮑魚已經剪走左內臟，入口彈牙魚好滑身，花蟹好甜，蜆就有d沙，扣左少少分但整體都好好食雖然無加到飯，份量兩個人食都好足夠👍🏻

最愛韓燒😋今晚去到尖沙咀isquare 名家韓國餐廳食燒肉，我哋選擇咗個Set Menu C $850。特級澳洲M7和牛肉眼（無醃）- 油脂分布均勻，食入口唔會太油膩，肉質好嫩好淋。精選美國牛肋骨（無醃）- 肉質比較有彈性，較重肉味，好香。鮮帶子兩隻及大蝦兩隻 - 帶子正常size、蝦肉有彈性唔會「梅」生菜盤 - 生菜好多水，瀝乾水分不足。香煎辣泡菜豚肉餅 - 似微波爐翻熱。人蔘雞湯 - 偏淡味。其實呢個價錢算多嘢食，不過近呢幾次嚟都覺得水準有下降（包括服務）。

黎過名家都唔止一次，今次一行四人黎食😊😊有時黎都坐唔到海景位，今次就安排到啦🙌🏻叫左個set menu B (2人）同埋其他野食☺️☺️🔸Set menu B $720▪️精選美國牛肋骨（醃）▪️五花腩片（無醃）▪️鮮帶子（兩隻）及大蝦（兩隻)▪️生菜盤（半份）▪️炒牛肉粉絲（半份）▪️人蔘雞湯或滑豆腐海鮮辣湯 （我地揀左人蔘雞湯）🔸另外叫左：▪️牛舌 $138▪️豬頸肉 $190 ▪️海鮮煎餅 $140最後埋單 4位$1306總括黎講，d野食都可以，未去到有一款覺得驚喜😂所以今次就唔每樣寫啦😃😃勝在有靚景睇，坐得舒服😊😊抽風好，食完冇油煙味👍🏻值得一提卡幫妮覺得佢最好食係前菜😂😂😂仲可以refill 👍🏻👍🏻👍🏻但今次去人手好唔夠，服務比之前爭左好多🥲🥲🥲

近來因為元朗一間好味嘅韓國菜餐廳，引致去到其他地方都鍾意搵間韓國菜食。今次去到尖沙咀iSquare嘅名家韓國餐廳，呢度最出名唔係食物，而係個view，所以如果大家真係想食呢間餐廳，最好出發前Book定窗邊位。環境☑️☑️☑️☑️☑️餐廳環境乾淨，闊落好坐，再者窗外有維港靚景，一定正㗎！味道☑️☑️☑️☑️晚膳時間，可能呢度出名韓燒，所以每枱都係韓燒，賣相幾好。不過由於連食幾日燒肉，真係放屁都係燒肉味，所以今次唔食燒肉，叫咗3個菜。同女朋友分別點海鮮大醬湯同石鍋辣八爪魚雜錦拌飯，仲有辣泡菜豚肉煎餅。首先講下個煎餅，大size $130有6塊，細size $110得4塊，煎餅味道一般，但問題係煎餅唔脆，又淋又鬆。至於大醬湯，湯夠辣好味，只係啲海鮮肉奇細；石鍋飯夠熱有飯焦，加上辣醬好好味，近乎當日最好。3道菜都講哂何來「近乎最好」？有呀，就係前菜，好好味。性價比☑️☑️☑️☑️雖然味道一般，但有靚景，埋單只係$448，唔貴喎。

己經黎過好幾次都未有時間寫 午餐黎呢度主要係為左個窗口位聽海 午餐想要窗口位置可以落booking時remark 但窗口位是先到先得 所以都要黎早d黎羅位（餐廳開中午12點）又或者可選擇消費滿$600 午餐set lunch （星期一至五） weekend 個set lunch餐牌據我所知係會唔同 -燒牛肋骨餐配牛肉大醬湯$158上菜時牛肋骨不夠熱 感受不到鐵板的“燒” 味道偏甜 湯還可以 足料但好似細份左 -石頭鍋飯 雞肉 $98因為點了牛肋骨所以飯不㨂牛揀雞，後悔石頭鍋飯都係跟牛襯d 鍋也是不夠熱 熱力不足以令有飯焦-海鮮餅 另外主餐牌點的海鮮餅（細） $128賣相己經見到海鮮和葱分佈不平均 右下角一塊是否蛋皮不夠 材料完全外露 哈哈海鮮餅呢家野 銅鑼灣有另一間更好選擇 總括 想約朋友坐得舒服價錢ok會揀呢間