名家韓國餐廳

营业中

休息中

星期一至五的午市套餐價錢是$85-153，而且還可欣賞維港景色。打電話來訂座，可惜窗邊海景座位已全滿了，幸好我們的座位也遠看到一些海景。前菜的六小碟全是蔬菜，炆薯仔帶甜味，其餘的沙律菜、芽菜、菠菜、泡菜和辣青瓜味道不過不失。炆牛肋骨套餐 有大約六件巨型牛肋骨，白蘿蔔也是厚切的，底部還有些栗子。牛肋骨濃郁入味，但不是每件也相同水準。吃第一件時覺非常軟腍，牛筋部分很香。但第二件時，肉質偏韌，有點失望。每份套餐也配一碗白飯，而牛肋骨的醬汁送飯一流。

名家是我其中一間常到訪的餐廳，食物雖不算令人眼前一亮，但環境服務價錢俱佳，在iSquare或世貿中心的分店皆能欣賞到維港海景，吃午餐非常划算🏙燒牛肋骨🐮($118平日)瘦肉部份肉質鬆化，坦白說水準不太穩定，有時會有點韌；而帶筋近骨，帶肥脂的位置亦算得上軟稔豐腴。炆牛肋骨($108平日)伴飯一流！牛肉一般炆得入味，通常晚一點(eg 1:30pm後) order會較入味🐥PS 平日和週末的lunch set menu有點不同食物 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️價錢 ⭐️⭐️⭐️⭐️地址: 尖沙咀彌敦道63號iSQUARE國際廣場27樓

喺香港約會朋友，又想舒舒服服，悠悠閒閒咁食個lunch原本就難，臨時轉地方就更難！今日（臨時）揀咗名家食韓國菜，係一個明智之舉！下午12:20便來到尖沙咀，避開了打工仔嘅lunch hour,唔使等位就即刻可以入座仲可以坐近窗卡位，望住個海景食飯零舍爽我地點左三個餐一齊share ，炆牛肋骨套餐+泡菜豚肉湯，滑豆腐豚肉辣湯套餐，烤芝士辣汁雞扒套餐！一坐低就有六小碟泡菜，有甜有辣開胃醒神！蘿蔔炆牛肋骨，蘿蔔夠淋，牛肋骨夠香軟，除咗蘿蔔仲用咗紅棗去炆，帶出甜味，整體非常入味，而且份量十足！唔怪得坐附近的三枱客人都有叫呢個餐啦！滑豆腐臀肉辣湯，一上枱用石碗盛住嘅湯仲滾緊，非常吸引，湯夠辣豆腐夠滑，味道濃郁只係稍嫌䐁肉，份量較少，鍾意食辣嘅一定好鍾意（邊飲湯邊出汗呢)，如果多番啲肉仲正！烤芝士辣汁雞扒，果然名不虛傳，鐵板上枱熱辣辣，好多芝士係面，用筷子一夾拉起，拉出一絲絲香軟嘅芝士（名副其實嘅拉芝）雞加左辣汁，配冬菇丶蘿蔔等蔬菜炒成，夠香夠野味原本餐廳已經採用玄米茶（夠香好味），食到最尾仲有一人一碗冰凍嘅柚子茶，食完辣野飲凍柚子茶,將頭先食物嘅辣完全消除，為呢一個休閒聚餐畫上完美嘅句號！

無情情掛8號波，仲驚今晚泡菜國大餐泡湯添餐廳位於Isquare高層，夜景尚算一流，唯獨半島酒店阻擋了少許景觀。但無阻過節時煙花美景，希望國慶可再來一趟。我們一行7人，叫左2個set(2人前+4人前) 分量其實都唔細，可能烤肉好快有飽肚感，食到個個都捧住個肚走 美國特級霜降牛肉 有圖有真相d雪花幾靚又分怖平均。烤起來好香，可能韓烤所以d牛油迫晒出黎，食落唔會覺得肥膩，肉質仲好嫩 燒大蝦 蝦肉都好厚身，有咬口脆身，好新鮮 精選美國牛肋骨(上)、頂級韓牛肉眼扒(下)黎到食韓燒叫牛肋骨是常識吧！好味到震~~食到停唔到口好冧肉質好嫩，味道比霜降香濃塊肉眼扒估唔到超，可能有專人處理，烤到外脆内嫩，超重牛味推) 夏日限定既涼麵唔好以為紅卜卜係辣(完全唔辣) 麵質仲好彈牙添~ 好味！ 韓式辣炒年糕年糕煙韌，醬汁野味帶少許辣。辣辣哋都幾夾 石鍋雜錦拌飯(牛肉)石鍋飯不過不失，無咩驚喜 人蔘雞湯雞湯有淡淡既人蔘味，雞肉尚算嫩囗。食物算有質數，下次可再黎試埋其他菜式

Easy Sat lunch. This place as usual has very good Korean food with very good open view. Lunch is value for $$$. The staff service is good. The food is tasty and very good quality. The jinseng chicken is very good. The BBQ pork and beef are very tasty. Always come here for quality Korean meal!

慶祝母親節嚟食韓國菜，可以欣賞維港景色又可以邊燒邊食，仲有一番風味呀...今日係比平日旺d,所以侍應都一腳踢，我哋唯有自己燒下喇，叫左兩個牛嚟燒下，d牛好軟身，包菜一齊食，簡直係正呀...之後個炒麵、雜菜、仁蔘雞湯同海鮮湯都好味不過湯略喊，仲有兩碗好貴重嘅白飯，個碗真係好重架，最尾嚟個甜品係柚子蜜嚟，整體嚟講都唔錯，食食下侍應幫你影埋即影即有添，都幾有意思，咁忙都玩下新意思，d泡菜都ok ga....,個人覺得呢間份量唔多同埋價錢都中上，但講氣氛同靚景，算係咁喇

已經有超過10次來這裡食lunch了~ 今次決定要寫食評讚一下!記得第一次來就是被它們的環境所吸引~ 如果坐到窗邊位, 更可以望到整個開揚的維港景色, 實在舒服!此外, 它們無論平日或星期六日都會有lunch set! 以這裡的地點和環境來說, 真的很划算!這天下午2時才到, 過了繁忙的午飯時段, 可以坐到窗邊卡位, 好興奮!安排好坐位後, 很快便會送上每位計有三碟的韓式小食, 很不錯! 今次我再選了我最愛的烤牛肋骨配水冷麵! 冰冰涼涼的水冷麵做得很出色~ 口感Q彈, 配有水梨片, 好清新, 好好味! 至於以鐵板上的烤牛肋骨更是香口juicy~ 底下還配有不少洋蔥, 多吃也不感膩口!朋友選了烤芝士辣汁雞肉套餐~ 套餐包括飯和紫菜湯! 辣汁不算辛辣, 但配以韓式汁的雞肉和芝士簡直是絕配, 好惹味!最後我地每人另加了HK$10飲韓國雪梨汁, 新鮮又清甜, 必叫! 而朋友就選了可樂!總括來說, 很喜歡這裡的環境, 食物和服務~ 加上食物價錢不貴, 很難得! 下次有機會要試下開爐烤肉先得!!!  

悠閒既星期六, 係去睇演唱會之前~ 咁岩又係男人既生日週~ 緊係要自己個胃好d~作為半個韓國人, 要食燒肉, 緊係要食高質既燒肉~ 今次就簡左係isquare既韓燒~因為得2個人, 選擇困難症又發作, 唔知係簡咩肉既情況底下~ 今次就叫左個set~依個set包左2個肉首先講講個牛肋骨先~ 韓國同日本既燒肉有小小唔同, 韓國通常都係會醃左d味落去~ 而日本就通常只係用小小鹽去吊起個牛味~依間佢貴就係貴在, 雖然佢有醃, 但味道唔會太濃~ 唔會係食完好頸渴~ 個肉只要輕輕燒到70-80%到, 當佢仲有小小紅就要夾上黎~ 咬落口個口感未至於入口即溶~ 但係好"淋", 完全冇咩筋~ 你睇佢卷埋左一舊, 其他灘返開佢都可以至少剪到10舊出黎~另外就係普遍既牛~ 食個牛食落緊係冇牛肋骨咁淋, 但同時佢都冇咩點醃到~ 所以味道相對都冇咁濃~食得燒肉就緊係會跟生菜~  但碟菜其實只係得幾條~ 同埋平時食燒肉通常都係豬肉先會包~ 牛肉我都係就咁點小小鹽就就食~ 所以依碟菜都冇咩點食過~係同一個餐~ 佢仲跟左餃子, 依個餃子...umum....真心覺得麻麻地~ 冇咩特別既味道~ 如果散叫既朋友可以唔太需

位於27/F既景色相當迷人，近望有半島酒店及其直升機，遠眺有中環IFC等等，坐到窗邊位好幸福呢💕是日午餐叫左其中一個BBQ set (ard$440)。當中包括7款韓式前菜以及海鮮煎蛋餅。個海鮮煎蛋餅相對出色，黃金可口，除左陣陣既蛋香味之餘，裡面既配料亦都比例得宜，能夠享受到最後一口仍然後有配料。BBQ set不得不提既當然係韓牛同韓豬。兩者都醃得好出色，味道亦有層次鹹得黎又當中帶甜，而且韓牛啲筋位已經割斷啲，食落唔怕哽親啦順帶一提，服務很好，有主動斟水之餘，而且有禮貌笑容十足。

昨天我同家人廣州回到香港食韓燒，原定預定晚上七時，我們乘坐的這班港穗直通車早到一個小時，之後去到尖沙咀國際廣場兼上餐廳剛剛晚上六時十分，餐廳職員可以給早入場。當我們坐下來有五至六本餐牌我，我們選擇了Set Dinner D價錢$1180餐廳職員臨上主菜之前，先給了八碟小菜，由其是韓國人愛吃泡菜及薯仔配菜，這兩碟最好食到了上主菜的時候，我覺得食過好有多間牛肉裡面，第一次食到最頂級的M7韓牛，它的脂肪及紅肉比例平均生菜可以包著燒牛肉，冇好容易太油膩除了M7韓牛之外，其中兩年鮑魚，餐廳職員會親至幫你除去內臟，亦會幫你煮熟，最後不得不提，燒龍蝦肉燒完之後不會話太過硬海鮮薄餅煎得唔會太過油膩最後送上人蔘雞湯，不過人蔘雞湯配料的糯米煮得不夠內熱。總給來說，我整體滿意程度85分

好耐無去過呢間餐廳食野, 對上一次係食夜晚飯, 個開場景觀絶對要加分, 今次再上黎就係同同事一齊食冬節飯, 叫左幾款午市套餐一齊分享!食韓菜就點都唔少得一大堆既前菜, 唔同顏色真係令人賞心悅目, 除左泡菜外, 最喜歡係佢既黑豆, 甜甜地又有咬口!炆牛肋骨, 一份都有唔少牛肋骨, 每件都有唔少肉, 炆得好入味又夠腍, 仲有佢既蘿蔔都好香甜, 一咬D汁爆係口內, 唔錯呀!好辣既同事A要求點呢個韓式辣泡菜湯, 滿個紅色好搶眼, 湯內有豆腐, 金菇菜及泡菜, 味道辣中帶酸, 用黎送飯都岩數最後呢個係意頭野, 話晒都係做"冬節", 點都要有鷄, 就叫人蔘鷄湯啦, 講真人蔘味就唔多夠味, 鷄既份量都唔算多, 但要有既配料例如: 紅棗, 蒜頭等都有!做冬轉食韓國菜, 新鮮感滿分!!!

Lunch 侍應服務都算細心空間感又夠大座位夠闊銀行 RM 請食飯坐得舒服開心食湯飯如果天氣好的話個view係唔錯嘅前菜比起一般嘅小店更加有特色味道調味亦都有水準之上大醬湯不過不失牛肉唔夠鮮嫩味道亦唔係太濃郁但午餐價錢相對優惠值得一試

位於isquare 27樓名家，可以睇到維港靚靚海景環境舒適部分staff應該係韓國人，so要用english落order~sunday有special set lunch，而且選擇種類都幾多，價格唔算太貴由於睇緊中醫要戒口，就點個清淡的人參雞湯~餐牌寫得半隻，不過人參雞唔係應該一隻先可以塞到d飯入雞裡面咩？!

早幾天，去了名家，價錢不算太貴（比起其他真．韓國菜館），一個海鮮鍋都是5××元，但是真是新鮮海鮮料，如果多人去食，計落同平價本地偽．韓國菜館差不多。環境方面，入去都已徑見到很多韓國人光顧，我想應該不太差，店員帶我們到窗邊的枱，可以欣賞維港景包，雖然當天下兩，境色還是不錯呢!講番食物，當日叫左豬肉拼盤(友人不食牛)，芝麻葉盤，辣黑鱈魚湯；點菜後，上左8碟前菜，除左泡菜，仲有韓國魚蛋，薯仔粒，波菜，什菜沙律，青瓜，芽菜同小魚！雖然每碟分量不多，但是可以無限量添加，而且店員都唔會黑面。 （請記住：可以無限量添加前菜，在韓國人傳統，我唔係一定要食好多碟，只是如果你間餐廳咁小家，不如你做返偽．韓國菜館吧，唔好收咁貴啦！）首先來個拼盤，唔好以為得好少，其實食落都幾飽，每一款豬肉真是不同的味道，而且豬肉無臭味，是高質素的豬肉；餐廳抽氣系統做得非常好，他們是用爐邊抽氣方式，燒的時候真是無比煙味。什麼是芝麻菜？睇韓國飲食節目就會聽過，其實即是紫蘇葉，菜盤其實都有好多片，而且很乾淨同新鮮，連蒜頭，豬肉一拼食，芝麻菜的香味唔會蓋過肉味，反而加多了風味，更清爽同冇咁油膩。黑鱈魚來到，至少有兩至三片鱈魚片，每件

這家韓菜早於銅鑼灣世貿已聞名, 當時對韓食未感興趣,主要是論選擇未排到而且未有普遍的夠專業韓國料理除非大型而貴價今天來到名家, 是想在午餐時候也享受到舒適的環境坐著玻璃窗邊望著海景, 更覺是享受的一餐前菜有芽菜, 傳統韓式Kimchi, 甜甜的黑豆,常見的菠菜, 鮮室內菜苗及辣味螺肉粒石鍋牛肉飯友人點的牛肉飯, 雖然牛肉是碎的牛肉, 加人冬菇絲, 脆肉瓜絲, 紅蘿蔔絲, 鮮雞蛋及韓式辣醬拌勻, 趁熱即吃很美味燒鯖魚飯燒鯖魚原條上桌, 加上鮮檸檬汁更開胃配白飯及海帶湯, 與我們中國南方人吃的海帶湯煮很相似中國的飲食文化影甚大呢對這餐韓式料理感覺滿意價錢稍貴有一半付了在美景上, 相信晚上到來會更美