影片
最近比呢间米线洗版，咁多人推介佢好食，当然要试吓！•现熬浓鲜鸡汤米线 $26 + 萝卜 $6 + 酸菜 $6 + 猪软骨 $12 (⭐️4/5)汤底好清甜，食得出真系冇味精，而且唔油腻，系心机之作❤️啲配菜味道都好食，推介一定要叫萝卜🥕，卤得好入味清甜冇渣🥰✨猪软骨入味软腍🐷，米线口感对我嚟讲偏软，如果可以拣软硬度会更加好。整体嚟讲系好食，之后路过都会再去食🫶🏻另外值得一赞，男店员服务态度好好😛📍同汤米线 旺角西洋菜北街159号地舖
继续阅读
今日走去试吓这间新店舖，时常见他们排满人龙，好奇究竟是否？咁好食。去到门口就写住鲜鸡熬制绝无味精。我就试咗个蕃茄鲜菇汤底，叫𩠌紫菜 萝卜，原本只是$38就能够落楼，但我加了钱转了真打乌冬汤底浓郁，仲有蕃茄肉，蕃茄味好出，但唔会假甜，仲要应该没有加味精，加分！转左真打乌冬算挂汤，萝卜煮得够淋又清甜，冇渣！👍 紫菜是干身旁着汤边，不是煮到烂晒，鲜味突出，加分❤️份量绝对食饱，饱得嚟唔滞。环境光猛干净，服务态度也很好。会encore。
继续阅读
早排去酒吧街饮嘢经过有间米线舖新开今日终于有时间嚟食下！今日超肚饿，叫咗个鲜鸡汤+鸡肉+鱼腐+萝卜+猪软骨+响铃米粉😂😂朋友就食蕃茄鲜菇汤+肥牛+金菇+萝卜+响铃米线响铃系即炸！超多层！出面买嘅得几层，口感差好远萝卜系必食，好清甜，无渣食完成碗连汤都饮埋，但一啲都唔口渴，睇嚟无落味精系真嘅🥹另外再加咗个炸云吞，细细粒好香口，啱晒我又要怕肥又想过下口瘾嘅人😆睇隔离枱叫咗黄酒药膳个样都好正咁，下次一定要再试埋其他汤底！
继续阅读
食咗佢哋嘅鸡汤米线，饮得出啲汤唔系味精开嘅同埋食完都真系唔口渴，同埋萝卜同鱼肚都好好食，另外都试过佢哋嘅麻辣同埋药膳汤底，麻辣汤底食落去真系有种好麻嘅感觉，食完条脷真系有啲痹痹哋地嘅feel，药膳汤底食完暖笠笠都系一个好嘅选择，而佢哋个小食炸鲜奶真系值得一试食落去几过瘾推荐大家可以去到食米线之余叫埋嚟食，而间我觉得系一间可以再食嘅米线舖，同埋啲服务真系几好，教埋点样落单，但系都建议喺𩠌上边可以再有多啲嘅选择，同埋米线汤底配料希望都可以多啲，最后喺香港呢个经济不景嘅时候都希望呢啲用心既小店可以继续做落去
继续阅读
太子有间新开嘅米线舖！！觉得不错👍🏽其实本身就并非好钟意食米线，但有朋友见到佢哋新开就建议不如试吓。见佢都好多𩠌拣同埋价钱OK就入去试吓～我拣咗自选生菜底+清鸡汤𩠌就拣左鱼腐、墨鱼头、鸡肉、腐皮Btw落单嘅后生仔好细心会同你confirm自己个碗未到，已经闻到隔篱枱个汤底好香😋等咗大概5-7分钟左右想话我本身食谭仔都系类似嘅配搭但系佢个汤真心几正，仲要标榜无添加👍🏽我系连埋汤清哂，所以系超级饱😅😅我哋两个就冇叫到小食，不过见到隔篱枱有叫到都几吸引。可能下次再试～同埋下次会想试吓蕃茄汤或者药膳汤😆最后我呢碗四个𩠌都系$62，朋友叫咗个「小小同汤」$48！性价比好高😆😋
继续阅读