影片
过间老店在香港仔好耐，以前吃粥，煲仔饭好正，今晚吃完感觉好差劲。等出外卖，我在俾钱时，问店员等几耐，他说15分钟，点知等咗45分钟，仲系要自己问个外卖出咗未，佢先包比我，比想像中更差绝对不会再帮衬，冇下次!!!!!!
继续阅读
好想食云吞面，自己住喺香港仔，想揾间云吞面食下，见到同和粥面， 谂住试下25蚊一碗，加杯奶茶共三十元， 面有啲生菜，面爽口 ，云吞有四粒，八成猪肉一只虾仔，汤冇味奶白色，未曾食过咁样嘅云吞面，廾零蚊算吧啦。下次食粥
继续阅读
杂烩炒河并唔系每间茶餐厅都有，每间茶餐厅嘅集会杂烩都各有不同，今次介绍嘅系位于香港仔呢间地道茶餐厅，同和粥面铺嘅杂烩炒河令我充满惊喜。地方环境舒适，座位与座位之间有一定距离，出面粥面企档，入面水吧厨房，伙计热情有礼貌，唔怪得夜晚时间好多街坊都会嚟打趸食饭，每次黎亲都见到有人叫杂烩炒河，今次我就好奇试吓睇吓系咩来历。一上枱，已经闻到河粉炒底嘅镬气，一夹落去河粉条条够粗，碟底少油而够晒镬气已经考功夫。再嚟嘅就系主角，呢度嘅杂烩就系粥面档嘅猪什，猪润、猪肚、肉片同猪腰，食落去好爽，明显啤足水，无苦味，猪润厚切嫩滑，猪肚肉片爽口，配合河粉爆炒，真系有啲惊喜。中式粥面铺茶餐厅其实已经买少见少，𠮶种格局同人情味，的确值得保留，虽然每间中式茶餐厅嘅杂烩炒河各有唔同，喜欢食猪杂嘅朋友，可以来试一试佢嘅杂烩炒河，值得推荐。
继续阅读
这家店在香港仔经营已经很久很久，搬过几次，一直在卖粥和面。她的粥绵密细致；面结实弹牙，两样都做得不错。小店还算干净企理，十来个座位。街坊式的服务，富有邻里感情，生张熟李，闲话家常。我点了客猪润粉肠粥（＄36）和咸肉粽（＄22）。等了约5分钟，餐膳便送到。粥虽然并不大碗，却有满满的料。猪润有8件，很嫰滑、没过老，如果厚切些会更好；粉肠 4条，吃得出很新鲜，没异味，超好味道。米花化成粥底已看不分明，哪种淳厚带点米香，加上肉的鲜味，更是出色。在香港仔，卖粥有比她便宜的；用料却难找到比她更好的。咸肉粽个头大，馅料有蛋黄及猪肉，看来很漂亮，可惜猪肉太瘦了，一点肥膏也没有。也没有多少绿豆茸；整只粽没有油花滋润糯米，很死实实，缺乏味道。不是常客，因怕吃粥太热；但偶尔胃口欠佳，吃厌了煎炸油腻时也会来帮衬。小店有几十年的老脸孔，不是哪些赶时髦、卖潮流的打游击式的短期租户可比。
继续阅读
香港仔有间旧式茶餐厅呢间同和粥面咩都有得食粥、粉、面、饭、小菜、煲仔饭真系包罗万有想食咩都有之前食过呢度啲生滚粥好好味系真系新鲜生滚粥鱼腩猪润粥好新鲜好好味最特别系呢度仲有新鲜嘅爽滑鱼皮食而家已经好少地方有得食不过鱼皮未必日日都有而且好快会买哂撞啱有嘅话真系一定要食不过今次唔系食粥系食煲仔饭呢度系一年四季都有得食煲仔饭而且价钱唔贵如果想外卖仲可以借煲走唔错今次同朋友一人叫咗一个煲仔饭等大约10分钟就有得食啦一上台超香白鳝好肥美仲有啲饭焦脆卜卜正！
继续阅读