同信士多

营业中

休息中

近排去咗位於龍尾灘嘅"同信士多"BBQ場，環境大又舒適。而且燒烤場設備齊全，無論係燒烤爐還是工具，應有盡有，完全唔使擔心另外食物種類多到令人眼花撩亂，從新鮮嘅海鮮到各種肉類，新鮮蔬菜類都好多選擇，真係應有盡有！而且食材都好新鮮。特別推薦他們嘅海鮮，肉質鮮嫩，又新鮮~除咗食物，呢到嘅飲品選擇亦相當多樣化，啤酒、汽水飲品，各種款式都有，感覺實在太過癮。另外調味道種類又好多，燒烤時可以調埋味都係一個好嘅選擇燒烤場不單止環境大，食物新鮮，而且平日或假日價錢抵食，非常適合朋友聚會或家庭 outing。快啲約埋好友，一齊去BBQ暑期一直到10月21號仲有雪糕杯送，啱嗮一家大細去玩！

同信燒烤場 | 盛夏燒烤狂歡！炭火直燒+透心涼雪糕獎賞，爽！🔥-呢個夏天想約齊班Friend盡情燒烤兼歎好嘢？即刻Bookmark同信燒烤場啦！我哋一班人尋晚去完，真係由頭滿足到尾，食物質素高、環境夠Chill，重點係依家仲有超抵夏日限定優惠，食完燒嘢即時有冰凍雪糕降溫，正到爆！-🥩 必食推介！食材新鮮種類多🔺豬頸肉真係夠晒厚身！燒到金黃微焦，油脂香而不膩，口感爽彈，點少少燒烤醬已經好惹味。🔺招牌雞中翼預先醃好入味，燒到皮脆肉嫩，蜜糖嘅香甜同焦香完美結合，食到舔舔脷！🔺燒菠蘿燒烤必備！燒熱後菠蘿更香甜多汁，解膩一流。除咗以上，仲有雞軟骨、青口、翠玉瓜、各種海鮮等等，選擇夠晒豐富，全部食材新鮮度滿分！炭火夠旺，自己動手燒都好易掌握火候，玩味十足。飲品櫃選擇都好多，汽水啤酒樣樣齊。🌟 重點嚟喇！夏日限定勁賞 🌟🔥 由即日起至10月21日 (21/7 - 21/10) 🔥凡惠顧同信燒烤場，憑當日嘅消費收據，就可以按人數免費換領「指定雪糕杯」一杯！🔥🔥🔥📅 雪糕優惠期：即日起至 2025年9月30日❗ 溫馨提示：記得Keep好當日收據換雪糕呀！快啲趁10月21號前，約定班Friend去同信燒烤

今日本身約左跑班同學一齊跑入大尾篤BBQ。不過天文台話今日會打風，所以改左齋BBQ🤷🏻‍♂️預早book左6點半，去到冇乜人(可能因為打風)，所以可以俾我地揀坐埋邊，冇咁撇雨。等左一陣齊人開始攞食材燒，選擇都算多。各類食材有好多種，飲品亦都唔少，食物質素都唔差👍🏻至於服務方面都冇傳聞/部分食評講既咁差，雖然講唔上貼心，但係都係合格既。我地帶左4支酒、棉花糖同車厘子入去，佢地都冇收開酒費/附加費，哩個都抵讚👍🏻燒烤方式亦採用左網燒，只需要每個爐有兩個人燒就得，其他人可以傾住計，幫手做其他野(多謝4位同學/朋友充當大廚負責燒烤😘)我地由6點半開始入場，燒到大約9點半左右先因為就黎打風，叫我地埋單離開。總括每人平均消費係$190/位，以哩個價錢任飲任食我覺得係值既👍🏻

呢間燒烤場位於一個寧靜嘅郊區，環境舒適，遠離城市嘅喧囂。份外有種遠離塵囂嘅舒服👍🏻大概傍晚 6 點到場就最啱，燈光映照下環境溫馨，睇落特別有煙火氣。無論係一家大細圍埋燒嘢食，小朋友喺旁邊跑跑跳跳，定係一班朋友傾下計、飲返兩杯，都夠晒自在，完全唔使擔心嘈到其他人😃場入面嘅燒烤設備夠晒齊全，唔使自己帶一堆嘢。食材都幾新鮮~ 除咗靚仔嘅魷魚串同蒜蓉帶子，仲有肥嘟嘟嘅生蠔、蝦🥳唔單止環境唔錯 嘢食都好好味！蒜蓉帶子烤到蒜蓉微微焦香，咬落去帶子肉嫩滑多汁，配搭燒烤嘅煙燻味絕配。魷魚串就更係入味，烤到邊邊微焦，彈牙爽口，越嚼越有海鮮嘅鮮甜 ^_^最近仲有夏季限定優惠！由 7月21號到 10月21號，只要憑當日嘅消費收據，就可以按當日消費人數換領指定雪糕杯 —— 一人一杯，燒完辣辣哋，整返杯凍冰冰嘅雪糕，冰火兩重天！趁住暑假，可以約埋屋企人朋友嚟打卡～

今天本來想book來食， book位時服務員態度已欠佳，求求其其話，都係咁樣坐，因為我哋有帶狗，唔想坐太曬嘅位，但點知到，係唔晒，但係坑渠位，連張凳腳都坐唔穩，規定我哋要張凳靠坑渠那邊！咁點坐呢，左右搖擺根本坐唔穩！最後選擇放棄！

前兩日我同四個朋友約咗一齊BBQ，心情好好，點知一入去就發現店員唔係好friendly，仲有啲食物已經賣晒。最慘係有啲食物味道怪怪的，真係好唔開心。我哋同佢地反映過，但佢地完全冇理會，希望佢哋可以改善下。因為我見到好多好評先過嚟，點知結果咁失望，實在唔符合我哋嘅期望，真係有點失落。希望下次可以改善，唔好再出現咁嘅情況。早兩日原本好開心同四個朋友一齊嚟BBQ，點知一入到嚟已經店員西面，銷售完啲嘢食發現有部份食物味道怪怪的，同電源反映後都冇理我，希望可以有改善。見到咁多好評所以過嚟，結果好令人失望

服務惡劣，衛生差！踩完單車🚴‍♀️，見到出邊招牌咁靚，諗住一定唔會差的，坐低後悔了！衛生環境差不特止，態度走嘅時候，仲要好惡劣，坐得又好逼夾，仲要無位泊車，下次一定唔會再去….真係吃了個傷心

耐唔耐都會鍾意燒嘢食，通常都會嚟大美督嘅燒烤舖，同信士多係最常會幫襯嘅一間，因為佢除咗嘢食係任食之外，連嘢飲都係任飲，非常之抵，如果揸車嘅朋友仲可以泊喺士多隔籬，只係$30就可以拍足全晚，係一個唔錯嘅選擇！入到嚟食物選擇非常之多，有各式各樣嘅丸類同肉類，仲可以原條茄子拎去燒，方包係厚切方包，仲有燒菠蘿，一定多到你食唔晒！個人最推薦係燒豬頸肉同埋燒雞全翼，唔係間間燒烤舖都會有得選擇，同信士多係BBQ嘅好選擇！

天熱熱口癢打算去大美督bbq happy下，因為之前2次都係食大美督第二間嘅bbq，今次同friend子打算試下食同信燒烤，見到ig同其他社交網站都有宣傳都幾吸引就打算試下，去到個場都幾大，大部分有帳篷啱晒落雨都想b一b嘅朋友，但係可能我矮，坐低張凳嗰張臺已經去到我心口位，並唔係一個舒適嘅進餐姿勢，逼住時不時企住食。入到去有人幫我地燒炭開爐幾好，但係由於個火一直好細d嘢燒極都唔熟（連最容易熟嘅腸仔都唔爆），所以我哋搵店員姨姨幫手希望佢幫我哋嘅火燒旺d，雖然佢最後都有幫我哋整下，但係話我哋呢個火已經係最好，燒烤要有耐心，其實我哋打算燒3個鐘真係唔驚唔熟，但係真係火燒得太慢（其他臺遲過我哋嚟都已經開食）食物方面因為見到其他post話係獨立包裝乾淨衛生，其實好多肉串並沒有獨立包裝到，排和丸類就有，肉串每一串量都好少，肉嘅質量都麻麻地。羊肉串唔知係咪肉嘅問題，燒之前同燒之後嘅色一模一樣，真肉定假肉？選擇ok但係食物質量非常一般冇食落去嘅慾望，燒咗一個鐘多d走人overall嚟講環境張臺隔離有風扇唔算太熱，但係食食下都係痴膩膩，亦冇提供免費紙巾，唔值呢個價中伏，以後唔會再嚟

乾淨,枱上设備一应俱全.流程好顺,所以experifnce super good. 姐姐又超nice. 一定会encore bbq 場.雖然不是在海滩旁,只係隔條馬路,個view好舒服 .

禮拜五中午打去，佢話預約full哂可以試下walk-in甘我地諗住平日應該會有位掛就照去好彩仲有位但都滿左大半場，朋友話假日仲要提早個幾月book。收費係$170/3小時黎到我先知係有個網架係炭爐上面燒，岩哂我呢啲唔想揸住叉慢慢燒嘅懶人。個網我地燒到有啲黑炭喺上面，加錢換左次個網。🍻呢到既飲品都有好多選擇，見有檯飲左成打啤酒，好似都係免費如果飲到既話飲酒應該最回本。平時出去燒烤必備既蒜茸，蜜糖，呢到全部任裝🍄 整娃娃菜，菇同茄子都唔洗驚唔夠，正👍🏻🍢食物選擇都好多，基本野：雞中翼，雞軟骨，麵包，雞腎，牛肉……個啲唔洗講仲有蝦同多春魚，🦐蝦竟然唔洗加錢，仲要唔差唔係霉霉爛爛既肉想要食好啲仲有加錢區，🐚見到有$10一隻扇貝肉但免加錢任食都好多選擇所以就無試到最意外既係有啲食物竟然係獨立包裝，🍢同埋有竹籤串住我見到有啲職員係到分裝處理😧太耐無去BBQ場，記憶中係以前都係似街市一袋袋甘賣啲醃肉食咩肉都差唔多，以家質素好左甘多既咩個人最愛：🍗 唔辣的雞中翼(好似係蒜香), 蝦, 雞軟骨同番薯🍠 呢度嘅番薯超大個，燒完之後仲流蜜 真係好好味平日都要book位，不過留部分位置比walk in假日我估

燒烤的季節又黎啦，今次去左大尾篤既「同信燒烤樂園」，而對面就係好靚既龍尾灘，仲可以過埋個邊影相打卡，如果搭巴士直程係燒烤場隔離落車，非常方便呢度係以串燒形式BBQ，放係網上面燒，大部分既食物同飲品都係任飲任食，款式都好多，連啤酒都有幾款可以任飲，各款丸類、串燒、肉類都應有盡有，我最愛係佢既麻辣雞全翼，醃得好好食，咖喱魷魚亦都醃得好好味環境就一般，因為每張枱都好近，加上有簷蓬，好焗促，對眼久唔久都會被燻到係咁流眼水，但食物質素係不錯的

未夠鐘d阿姐就叫人走，明明仲有5分鐘，一夠鐘一分鐘都唔比多，阿姐又惡到爆鬧我地快d走，當時平日時間下午出面都未有人等枱，燒咗成枱食物唯有放低好浪費。食野為開心啫，食完最後一刻受哂氣，大埔咁多間BBQ不如揀其他好過呢度lor

朋友介紹呢間, 無睇任何食評就去食物:款式算多味道夠都唔錯, 又有難得既厚多士(但放雪櫃唔知放咗幾耐)不過唔明點解有D一串串既野要續串入獨立膠袋 (以為外發出面做完交黎, 但又唔係見個呀叔坐响一邊穿完簽自己入袋)沙爹肉串又唔入袋, 咁有D入又有D唔入, 為乜呢? (因為覺得真係好唔環保)服務:入場個時都無乜services比到你, 去邊度攞野都係去過朋友識自己講返比我知但都會問你想要邊個位(因為我地到時仲有兩個選), 幫你搬埋椅同開爐知道係任食任飲三小時, 自己都係搏星期日無咁多人無咁準時趕你走但我覺得最不可以接受既係, 當應該係夠三個鐘時, 有個呀姐直接行埋黎好似話夠鐘喇之類 (因為我地都坐咗响枱食緊野, 又嘈都聽唔到佢講咩)之後就望住佢一野掃曬D响個網上面差不多燒好既食物落垃圾桶, 我個吓呆咗, 心諗咩事?跟住原來話夠鐘好多人等緊, 示意你地好走喇!!我話你都好D早15分鐘講聲丫, 我地可以拿拿臨去吓洗手間, 食埋D食物佢丫嘛, 跟住個呀姐話有D人唔鍾意催架, 寧願直接通知佢夠鐘其實我想講無人會想咁樣被人趕走囉, 我有比錢架!!如果唔係朋友話再去, 要我自己選我一定唔會再去，亦唔會

我家&狗狗前前後後已光顧7年有多(約廿零次)。 同信座位冇左近幾家寬闊, 但食物種 炭火 類全面而且獨立包裝又淹得好入味; 4~6種以上啤酒+飲料十幾種任飲是絶對優勢; 6七種調味料&炭任取(+$5O起爐費) 。 7年前我家比較大美督6家價格下 選中間價偏低 第1次試食就驚喜 直至2023.11.5日再試: 價未如左右大加 保持平日$130+50起爐費 節假$190+50利申: 食物種類味道 飲料任添 座位適合 是我擇選食店之要求。同信.:班中年女店員 中規中矩 勤快而不懂口舌冧客 (佢哋個個錫我大&細狗 大多是善良人並非店大欺客 而是有條件喝止阻路拖慢者