吉野家 (得寶商場)

营业中

休息中

呢間野成日留野比多4蚊要隻蛋蛋呢？都唔知係咪特登嘅！一定係睇中人哋返到屋企唔會落返嚟攞隻蛋.每個昆$4每個坤$4、唔發財都難啦！………………………………………………………………………………

性格比高既牛肉洋蔥飯，平又抵食，下午茶只需$26，仲送埋熱飲！就算加凍飲，可樂都係加3蚊，好抵食！牛肉配洋蔥好夾，洋蔥汁軟化左個肉類，洋蔥又吸咗啲牛肉鮮味 ！牛肉薄片肥而不膩，咁我就要多d牛肉汁送飯， 好味！！唯一不足是飯多過餸，好多時食完牛肉仲有飯剩。

成日都會格唔中諗起食吉野家既牛肉飯🤤🤤行過都會聞到好香❤️❤️❤️今日又忍唔住入左去食！識食一定係牛肉飯再加牛汁，香到不得了，牛汁加上珍珠米真係無得輸，牛肉軟軟地既口感，再加上香噴噴既牛味，好正呀❤️❤️

前幾日邊爐癮起，去咗吉仔食全新北海道帆立貝鍋，呢度新裝修，環境唔錯，位置好闊落，坐得好舒服，最啱用嚟打邊爐！嘩！大大粒北海道直送嘅帆立貝，肉質有彈性、鮮甜肉厚、而且夠晒嫩滑！仲有優質穀飼肥牛😍，穀飼肥牛經特別切片，完全唔會韌。食完停唔到口！再加埋極尚鮮味配料，好似芝士竹輪同蟹棒，超級滿足呢～邊食邊飲啖冰凍汽水，好爽！而且堂食都係$49起咋！抵到爆！兩款招牌湯底、極尚鮮味火鍋盛盒！冬天食完暖笠笠，正呀！

今日忽然好想食吉野家和風牛肉飯，即刻落街買咗個😂😂😂價錢算好貼地 而家係香港地食個普通lunch 都講梗$50-$60一個，連工廠區都係吉野家和風牛肉飯🐮🐮識食一定加汁，牛肉汁入面有洋蔥，為個汁加左一個層次既甜味，就咁撈飯食已經好正！牛肉好入味，好淋，唔會咬唔開！佢地簡既牛肉肥瘦適中，唔會肥到油淋淋，又唔會瘦到乾爭爭好柴，真係值得一讚👍🏼👍🏼👍🏼😎最後希望佢地外賣packing可以做好小小，因為返到屋企漏左d汁出黎🥲

同亞女拍拖仔食飯，仲要近排突然凍左🌬就好想打邊爐！又諗起日本北海道美食😫所以帶亞女去吉野家試一人鍋邊爐！我地今次叫左全新「帆立貝吉邊定食」，用上日本北海道直送嘅優質帆立貝，帆立貝肉厚又鮮甜，極尚鮮味火鍋配料，本身鍋裏面有大量菜、大菇同蟹柳，另外仲有芝士竹輪、鮮魚皮蝦餃、芝心丸添，湯底有2款湯底選擇。打邊爐又點少得肥牛，今次嘅邊爐定食配左優質穀飼肥牛，肥牛經特別切片，所以點煮都唔韌，連小公主都自己落手黎煮，佢勁有滿足感🤣 食完成個人暖笠笠🤤

天氣凍凍地最岩就係打邊爐啦依家係吉野家都可以食到北海道美食皆因推出左全新「#帆立貝吉邊定食 」選用日本北海道直送的優質帆立貝仲可配優質穀飼肥牛或嫩滑雞肉添帆立貝吉邊定食套餐包括有:帆立貝、芝士竹輪、鮮魚皮餃、芝心丸、野菜珍珠白飯／讚岐烏冬／韓式粉絲／出前一丁（４選１）湯底可選「日式濃湯」及「鰹魚清湯」今次我就揀左優質穀飼肥牛及嫩滑雞肉各一配日式濃湯及讚岐烏冬，同女女一人一鍋唔洗爭日式濃湯好香甜令入面嘅野菜都好入味而主角帆立貝就大大粒啖啖肉，鮮甜又厚肉穀飼肥牛經特別切片，真係點煮都唔韌肥牛油花分佈平均又細緻，肉質非常柔嫩雞肉大大件又嫩滑，配埋日式麻醬食超正~呢個天氣打返個日式邊爐暖下胃真係岩哂堂食吉邊都只係$49起，超抵又好食另外香港吉野家更聯乘某外賣APP聯乘推出外送「帆立貝火鍋二人前」都只售$198即埸仲可以買走佢地嘅方便包返去翻熱就食得

而家天氣凍左兩個小朋友最鍾意就係打邊爐，可以睇住啲餸慢慢煮熟好有滿足感。每次打邊爐小朋友都鍾意食肥牛同烏冬，我就鍾意食帆立貝，所以我就同小朋友去食吉野家 。而家吉野家新出左北海道帆立貝鍋，有日本北海道直送優質帆立貝。帆立貝鮮甜肉厚。優質穀飼肥牛，經過特別切片所以點煮都唔韌，岩晒小朋友唔夠牙力都食到。極尚火鍋配料有野菜同小朋友最鍾意蟹棒同芝士獅子狗！兩款招牌濃湯有日本濃湯及小朋友都喜歡嘅鰹魚清湯選擇，煮完吉邊定食同野菜後，鮮甜味增加湯底層次感，最適合煮個烏冬令烏冬吸收晒濃湯嘅鮮味。堂食「吉邊」只係$49起，天氣凍凍地出街享受個簡單滿足邊爐暖下身，實在好划算。而家打邊爐其實外賣都好方便，我見到吉野家而家同外賣速遞平台app聯乘，推出外賣送「帆立貝火鍋二人前」只係$198。而家係屋企都可以輕鬆打邊爐。

今日行完山，同朋友嚟咗食吉野家打邊爐。點解會揀吉野家呢，事緣之前佢有個推廣就係只要你打針就打邊爐買一送一今日我哋嗌左兩個邊爐真係抵到爛兩個都係極上吉野家火鍋，裏面有好多嘅海鮮，再附送一份牛肉，我哋除咗呢樣野之外再嗌左兩個白飯同埋一份雞肉，買單都係70幾蚊咋，兩個因為返起都係30幾蚊，呢個價錢邊度搵呀至於火鍋方面我覺得同吉野家嘅水準一樣冇乜點變，依家仲要有蔥提供，好正啊！唯一美中不足嘅就係佢環境有啲污糟，希望可以努力啲執乾淨啲。

我好鍾意食火鍋，今次加入本地麻辣做湯底，睇落好惹味，試下先。以本地自家秘製辣醬而成嘅辣蕃茄濃湯湯底，蕃茄味濃郁，自己加入適量辣醬，調配心水辣度，酸甜帶少辣，好開胃。我最鍾意優質穀飼肥牛，原來以特別切法，煮好耐都唔韌，火鍋點可以唔配牛肉，啖啖肉好滋味，仲有年糕福袋，年糕軟糯，外層腐皮有咬口，湯內有蟹柳、南瓜、 粟米，配料還有雞肉、餃子、獅子狗，還配有飯/烏冬/粉絲，份量多，加多杯汽水，舒服嘆火鍋，好抵食。

雖然香港新開了日本S牛肉飯店 很多人在排隊 但我仍然最愛的是吉野家 那天去到淘大吉野家店發覺結業了 很失落 幸好朋友說原來搬遷了去得寶花園 我即去光顧入口處不在大街上 要進入商場內才見 面積和之前比較 大約細了1/3 統一的裝修風格 分別有自助點餐及正常點餐 店內採用淺色系列 很舒服的感覺因是早餐時段 我要了1客細牛肉飯 加了兩個用積分換的溫泉蛋 飲綠茶和薑片 味道保持一貫的水準 沒有失誤 提提大家 記緊要安裝吉野家手機程式 賺取積分 留意每期換領優惠 最超值是用一分可以換一隻溫泉蛋 使用期限最長是兩個月 我曾經一次過換了20隻呢😍