吉豚屋吉列豬扒專門店

营业中

休息中

疫情關係大家都冇得堂食，唯有買外賣啦。今日我就去咗荃灣呢間出名賣吉列炸物既吉豚屋啦。講真佢嘅下午茶真係良心價黎，四十幾蚊有一個炸豬扒餐仲包野飲，最正係佢可以$5加一隻吉列蝦，數量仲要不限。先講一講飯一個設計其實非常聰明，首先飯同埋炸物係分開兩格嘅，而下邊啲飯嘅熱力足以令到上層嘅炸物保溫，當然仲有風口位透風，令到啲炸物唔會焗到林晒，隔咗半個鐘都仲係好熱。炸豬扒外層鬆脆肉質夠林，可惜餐廳只係提供左豬扒醬，冇提供鹽，個人認為點鹽會更好食。另外炸蝦亦都好脆口，仲要配埋沙律醬同胡麻醬比你。成個餐我食得好滿足，我認為吉豚屋下午茶十分值得大家去試一次，性價比我比5分。

去荃灣DONKI 購物，順便到如心廣場吃個下午茶，走了一個圈看看，好多食肆都顧客不多，吉豚屋有幾多食客 應該是不錯哦。吉列豬扒烏冬下午茶餐 食括一件吉列豬扒，一個烏冬及一個飲品。吉列豬扒炸得脆但無味，豬扒無味非常！我們索取了一碟沙律醬來自己增加味道！烏冬反而好吃，湯也好味。鐵板滑蛋鰻魚定食 一個字形容 - 差。用鐵板上冇什麼意義，一見個食品已經賣晒不佳，鰻魚浸在湯和蛋之中，和menu 中的相差甚遠，一放入口感覺很腥，真的很腥，太差了。

係因為疫情下，我見冇人排隊我先試，叫左兩份一份係吉列豬扒同雞扒一份係吉列豬扒同蝦套餐配有三種汁，湯同白飯不論飯同肉既份量係算大份，女仔係食唔晒。男士就一定夠食！一上菜見列個肉炸得偏黑，再食埋，覺得肉炸太乾身本來唔明白點解會配有3款汁（好似係他他醬、一個唔知咩醬同埋辣醬）但食完一嚿豬扒就知一定要配汁，好乾，三款汁，我淨係鐘意一款，汁唔夠我食⋯啲飯唔似珍珠米，同肉一樣咁乾身🤦🏻‍♀️我諗我唔會再返去食

今日去左荃灣食呢間出名食炸豬排飯嘅舖頭試一試炸豬排，平時見佢要排長龍，今日見無咩人排又肚餓就早d食晚飯。1800 入餐廳 （枱枱都有口罩袋，唯獨我地無）1805 落單1820 見咁耐都未有，唔對路，去追，先知佢未落單1830 先到野食足足等左25分鐘🙄上菜果時，仲要客人arrange 擺餐🙄食物質素ok, 飯略嫌濕，一間日本餐廳連基本嘅飯都整唔好，加上服務態度唔太好，的確有損名聲。失望。P.s 日本嘅炸豬排店唔會另外收取追加飯/椰菜嘅錢，希望呢間餐廳都可以參考一下。

一心見放工放得早，難得見無人排隊，去呢度食個quick dinner。6:45pm坐埋位後已經即刻落單，期間侍應不停來回望我們張枱，奇奇怪怪，到7pm左右幫我們落單的侍應走過來，叫我們再次點食物，原來冇幫我們落單！離哂大譜！再等10分鐘，食物先到，前後已經等了接近半小時！以為食物到了就算，點知 繼 續 有 錯！侍應送來「吉列雞扒定食」，已經除哂口罩準備食，那個忘記落單嘅侍應又過來，又講唔好意思，原來個碟係「吉列豬扒定食」，真係超級嬲！9秒9拎走枱上的「吉列豬扒定食」，見佢轉頭就將那碟「吉列豬扒定食」交俾其他食客，完全無想過其實我們有無食過/有無講嘢飛沫彈過... 終於「吉列雞扒定食」到枱面。<錯上枱的「吉列豬扒定食」，一錯再錯除咗完全無心機食，成餐所有食物都覺得比其他分店差。特別是「吉列豬柳泡菜鍋定食」的豬柳太乾，碗飯唔夠熱。呢個分店仲有一個好差勁的環境，走廊滿佈紙皮箱，亂咁放，甚到阻塞走火門口。總之只能一個字形容 - 差！

（如心分店）店舖衛生差一直食都有啲蚊飛過我真係嬲到我要打人生第一個食評（劣評）疫情之下過嚟食嘢已經人少間舖頭得7-8張枱樓面有3個人手第一次落單我哋同個經理（就係佢玩野）落漏單，小事算我哋重新落過單我哋叫三個餐兩個餐都好快到以為冇事啦第三個餐係滑蛋吉列蝦飯我見到人哋嗰台吉利蝦上咗我哋都未黎就諗住問一問見着個經理原本企左係度見到我哋舉手先至即刻拎起出餐枱嗰碗野比我地擺明玩野啦！我哋唔催佢都唔拎！我跟手即刻同佢講仲有嘢飲未黎佢即刻9秒9拎俾我哋但其實只不過係一杯冰再加罐裝可樂其他台一落單就上野飲拎到個餐上嚟仲要唔俾筷子我真係嬲咗，我大聲咁講「已經漏單，仲要唔俾筷子點食」可能大家會覺得「可憐之人，必有可恨之處」但係真心我哋係有禮貌已經唔該前唔該後

次次經過門口都有人龍排隊，今次假期去到門口條隊約有10個人等緊。因為好想食所以都決定排隊。等左約15-20分鐘，終於入到去坐。現時疫情下，坐位約有6-8台。所以預左要排隊㗎！但係荃灣可以食到抵食及好味的吉列豬扒飯同日式咖哩豬扒飯，咁就排啦！吉列豬扒餐塊豬扒都大件的、香口酥脆、椰菜絲好味清新，珍珠米飯略嫌軟身左，碗飯都算多既，我自己吃不完。仲有個麵豉湯，湯既味道一般啦。而咖哩豬扒飯好正，有兩大塊吉列豬扒，咖哩汁夠多，都好多飯，日式甜甜地既咖哩，吾會太辣又吾會太咸，老少咸宜！阿仔讚超正！仲叫左兩杯特飲，味道正常，算多爆珠同果肉。相對尖咀或銅鑼灣食既，呢餐算好滿足及經濟底食的一餐。

呢日行完山響荃灣好肚餓搵食 響如心廣場見到有下午茶餐 4-50蚊就有交易 我叫左炸雞扒冷烏冬 男朋友叫左炸雞咖喱湯烏冬 炸雞扒好大塊炸得夠脆 點上跟餐既梅子醬好惹味呀 另外仲有盒麻醬比你撈落椰菜椰度食架 冷烏冬口感勁煙韌 質素完全超出佢個價錢 跟餐特飲仲唔使加錢添！我地叫左提子乳酸同椰果荔枝茶 兩杯都好味唔會太甜 超滿足又抵食既一餐下午茶！值得一讚既係疫情期間隔台距離好足 餐廳又提供左紙袋比客人裝口罩 令人食得好安心！正正正

今日去左如心廣場個邊，老公話想食呢間吉列豬扒專門店，我哋到門口見到呢間店喺抗疫措施方面做得好好，所以毫不猶豫就去左排隊。探熱，俾個小紙袋你存放口罩，最緊要係店仔細細，佢做到每枱之間距離保持喺一定距離。眼見佢哋原本可以招待10-12枱嘅空間，而家減低至只做5枱客，十分有良心。老公話呢個Lunch Set 都幾好味，但都係預料之中嘅味道，無乜驚喜。滑蛋鰻魚飯個滑蛋超正！連帶鰻魚嘅味都入左蛋度！好正呀！價錢屬性中高價啦。都可以接受。下次都會再去。

日式炸豬排飯嚟講呢吉豚屋就應該係數一數二平得嚟又好味既選擇 再加上依家外賣自取有八五折 絕對係性價比之選👍🏻佢個外賣盒亦都非常之有心思 上下格層分開等d豬排唔會俾飯既熱氣整淋 抵讚！👍🏻

荃灣開左個新商場，裡面都有唔少餐廳，其中呢間連鎖日式店價錢十分經濟，每日都有人排隊。聽聞而家外賣有拆扣，門口大部分人都外賣自取，星期六lunch時間堂食唔駛等位就可以入座。吉列三重奏定食($75)轉烏冬 (+$3)我份人貪心d，樣樣都想食下，所以點左個三重奏，內有炸蝦兩隻、豚肉餅同豬柳。今次係我第一次食呢間野，一直都知佢性價比高，但無諗到份量咁多，好彩友人幫我食d，如果唔係就要浪費食物…..豬柳比較薄身，肉質偏實；炸蝦粉漿好厚，但蝦肉爽口；豚肉餅則洋蔥味偏重。所有炸物既炸粉比較厚身，而且有d介口，油膩感亦偏重，食完之後好滯。烏冬唔係粉感好重果d，但又唔夠彈牙，湯底好濃紫菜香，不過鹹左少少，整體加$3都食得過。吉列炸蝦雞扒($65)轉烏冬(+$3)友人都想食炸蝦，所以第二個餐都揀炸蝦set，如果想食多幾隻，都可以優惠價$8加炸蝦，而且不限數量。吉列雞扒肉質幾滑，無雞腥味。唐揚炸雞 (開心價$18)唔知d食油係咪用左好多次呢🤔，所有炸物都幾深色😮。唐揚炸雞一客有4大件，每件都好厚肉，而且仲有雞皮係入面，食落因油份充足而覺得多汁唔鞋，不過調味偏重，個人覺得有點鹹。老實講，雖然食物質素一般，亦

今日路過，卒之唔見有人排隊，好奇之下即本試吓！出事啦，不外如是，未至於劣，但完全不值得排隊去食囉🤷‍♀️叫咗一客鰻魚飯，一客吉列蝦雞定食！魚唔新鮮帶腥味，9x嘅定價高了點吧！吉列蝦雞，個炸粉厚到呢，硬而不鬆化，定價就合理啲🤦‍♀️整體賣相唔靚，所以冇諗過影相！下次唔會選擇呢間食肆luu！

是日到荃灣去接朋友仔收工， 喺經濟低迷嘅情況底下，都係錫住荷包仔好啲，但又唔想求求其其又一餐， 就試下cp值高嘅吉列豚飯喇！兩個人食到撐住肚走都只係一百頭咋！我點嘅係招牌滑蛋吉列豚肉飯（49蚊），賣相就無咩特別， 上台時都仲熱辣辣，豚肉size都有手掌咁大， 表面炸得色澤金黃香脆，唔會油膩，豚肉質感都還可，少少juicy又唔會乾。滑蛋部份有小驚喜，因為佢熟蛋之中保留左生蛋黃， 搞匀拌飯食幾有日本風味， 加埋有燒汁同洋葱， 都算幾惹味，但當然就談不上驚艷喇！至於朋友就點左吉列三重奏便當（65蚊）， 有炸蝦、炸雞、炸豬，配有三種醬料，嘴刁嘅朋友話蝦麻麻，似用梳打粉發過， 其他炸物表現尚可吧！反而啲椰菜幾新鮮清爽，配醋汁食不錯，岩晒用嚟解膩，整體嚟講，三重奏配埋飯及湯嘅份量幾多，女仔好難一個人食晒，所以CP值係高嘅！埋單時仲見好多人排隊等外賣，外賣仲有85折添， 呢啲抗疫優惠真係難得。

望落唔算好大但入面仲有位🪑 出面繼續排長龍😵近期疫情之下外賣自取有85折❗️問一問外賣可以即刻叫唔使排🙈便當🍱外賣盒分兩層擺放👍🏻 相對地就無咁環保♻️👉🏻👈🏻<咖喱豬扒飯便當(竹🎍) >竹🎍=豬扒既重量=120克x1️⃣件吉豚屋炸物既外層夠薄得黎幾香脆💥豬扒🐽夠厚而且鬆軟唔韌唔乾身😳👍🏻咖喱🍛少咸但配飯Ichiba🥰其實份量都唔少～食到後段都會有d膩🙈<吉列三重奏便當🍱>三重奏分別為🦐, 豬柳同黃金豚肉餅🐽跟餐仲有白飯🍚同椰菜絲~感覺健康d🙈豚肉餅既口感幾似可樂餅仲炸得好酥脆🤤另外兩重奏不過不失啦😆 炸蝦個粉厚左ddd點埋燒汁味道更加係畫龍點睛👀整體上三重奏會無咁DRY同多個選擇👍🏻

><雖然外賣嘅人多 堂食都要排隊以前附近有間 後尾執咗就冇咩再食過最鍾意個野菜豚肉湯 足料飲完唔口渴吉列豬扒定食($69)豬扒金黃酥脆 脆漿算緊貼肉身 肉味腍度未算突出但份量幾足夠 以量取勝夾埋椰菜絲一齊食 好似冇咁熱氣第二日即刻爆咗粒暗瘡lol 所以假象來的豚肉湯依舊有誠意 唔太濃味><><><><><><><><><><><><><吉豚屋吉列豬扒專門店 Ca-Tu-Ua荃灣大河道98號如心廣場商場二期1樓116號舖