吉豚屋吉列豬扒專門店

营业中

休息中

暖暖哋吉列豬排飯到枱時暖暖哋、吃到咁上下⋯⋯開始硬硬哋加埋吉列炸蝦好似暖都唔暖吓、門口有人排隊啊 good luck 我已經好少行街看到想吃就吃，真係運桔我哋坐低慢慢看餐牌吃、我叫吉列豬排飯 、炸雞 、吉列蝦 4 隻，太太叫咗滑牛吉列豬飯，等咗三、四分鐘就來咗，師傅做到咁快有得吃，反而飯有熱感覺，先吃飯加埋吉列豬、趣就好趣原來凍咗嗰種趣、後來炸蝦、炸雞都來咗，可能🤔好啲⋯⋯ 都係咁來吃吉列炸蝦、炸雞、吉列炸豬扒都想要熱

諗住入嚟食個下午茶，一入門口見到一位中年長髮員工，說話態度非常差，呼呼喝喝咁，已經覺得唔對路，不過又唔好意思掉頭走，唯有食埋先，不過真係冇下次，食餐飯姐，唔使受你氣嘅！

食物已經普通，店員態度極差，西到爆炸，仲好意思收加一服務費。嗌咗一杯檸檬可樂，等咗15分鐘都未嚟，個飯都就嚟食完；同個店員講差杯嘢飲，語氣極差地叫人等多陣。唔會有下次。

Came here with my family expecting a nice and simple meal. 3 out of 4 meals came, 10mins afters the last meal was served we notified the waitress that we were missing a dish which she should have noticed as our table was her responsibilty, it should be obvious 1 person was not eating on the entire table. 15mins later the dish was still not served nor being cooked in the kitchen, so we cancelled it. The waitress updated our receipt and handed it to us WITHOUT a single word of apology. She even ha

經過如心廣場吃個輕量下午茶看見這「吉利豬扒專門店」正在做期間優惠，便順道一試。吉列豬柳鮮蝦味噌鍋烏冬$55烏冬果然是手打烏冬，煙韌彈牙湯底不算濃郁， 但也有鮮味， 不是死鹹，蝦也新鮮， 不梅不爛金黃色的吉列豬柳， 不算是巨型份量，但也有約12-13cm 長（根據自己手掌✋長度估計）不是多肉汁，不過肉嫩， 畢竟是豬柳肉。炸漿算薄，得外層酥脆、鬆化不會覺得油膩湯底還有點菜絲和豆腐，感覺不差， 因為覺得健康，又豐富🤭

成日行過如心廣場都見到好多人排隊。於是有一日無乜人排隊就去試吓。吉列豬扒飯，佢嘅吉列豬扒算幾好食。不過性價比就麻麻哋。所以我同屋企人都覺得未必有下次。而且整體感覺都係一般。不是很突出。

吉豚店做優惠，去食炸蝦豬柳套餐，排隊10分鐘才有位，安排座位後沒有人招呼，要主動找店員落餐，只剩一個餐有。等了5分鐘到，2隻炸蝦和2塊豬柳，有伴菜，有湯和飯，份量算大。炸物炸over咗，深棕色，豬柳欠缺肉質口感，相信豬扒較好。

之前都有成日食依間的吉列豬扒，好耐冇食，見到唔洗排隊就諗住入去食，但感覺質素差左，唔可以話難食，但絕對唔會話好食滑蛋吉列三重奏 $75+set A $17 推薦指數🗯️：🌟🌟🌟因為個人比較喜歡吃吉列食物時間會配一個湯，所以加了一個setA ，有一個細湯和飲品；湯的味道就和和之前一樣，不過感覺他們吉列豬炸太耐，食落全部都係油，食咗一兩啖就放棄咗；吉列蝦就還好，不過食落都知係雪咗一段時間的雪藏蝦，不過份量不少，絕對夠食雞扒牛肉壽喜燒鍋定食 $75 推薦指數🗯️：🌟🌟🌟依個個雞扒炸得比較乾身，所以食落冇咁滯，不過就要配其他醬汁一齊食，不然的話會好乾；牛肉壽喜燒味道偏鹹，但配白飯一齊食就剛剛好巨峰玉露 $13 推薦指數🗯️：🌟🌟🌟巨峰提子飲品的味道，額外加了椰果和爆爆珠；其實飲落都唔錯，但椰果和爆爆珠不太配🤫覺得只有其中一樣會比較好以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。

今日老公放半日下午入元朗學車，點知太多野做，搞埋啲手尾都兩點幾，出左公司門口先落大雨，就係公司附近食晏就，食完可以方面塔西鐡入元朗。係門口睇餐牌睇中左個下午茶餐，但入到去侍應話要3點先有，仲差15分鐘就無等啦。滑蛋豬扒飯$65,另加$17轉套餐跟飲品同麵豉湯。滑蛋豬扒飯：豬扒肉質夠淋身，但因為上面係滑蛋既關係，所以食既時侯己經吾脆，豬扒可以另上就最好。豚肉麵豉湯：湯入面有豚肉，一心以為得肉，點知食既時侯有碎骨。

今日因為多嘢做，全日都冇乜點食野，淨係飲杯珍珠奶茶就直落到黃昏時間。咁啱約咗朋友喺荃灣西等，食個晚飯後再去附近商場行街，成日冇食過野嘅小弟諗住食啲香口野，最好當然啖啖肉可以大快朵頤。一出港鐵站行到去如心廣場嗰邊，望一望個商場水牌搵嘢食，見到有間吉豚屋，即刻諗起佢啲吉列豬扒，二話不說拉埋朋友衝過去食。《吉列豬扒定食》話明吉豚屋，梗係食佢嘅招牌吉列豬扒，食落去啖啖肉，一陣前所未有嘅快感直衝腦袋，配埋定食入邊嘅其他配菜，簡直是食肉獸嘅福音，一啖吉列豬扒滿足「肉望」，再加一啖生菜絲沖走油膩嘅感覺，來來回回幾個回合，話咁快就成碟K.O.咗。食完之後回想返成餐飯，都算對得上呢個價錢。唯一美中不足係店員態度比較一般。餐廳名稱：吉豚屋吉列豬扒專門店餐廳地址：荃灣大河道98號如心廣場二期一樓116號舖

上年同另一半（21:00入座）食過一次已經講過唔會再食呢間所謂自稱日式餐廳但今日另一半叫我試下俾比次機會呢間餐廳，食完我寫出呢段我人生3X年既第一次既食評俾各位諗清楚（前傳）上年2022年有一日經過呢間餐廳夜晚門外排哂隊，而本人都鐘意食吉列豬扒，所以就排下隊試下，排隊時已經問左侍應幾點last order以免影響到人地收工，佢地答我21:30last order,當晚21:00入座，點好食物就開始食，但係呢個時候佢地收哂枱上所有醬油及掃地拖地，餐內醬汁已用完要求侍應提供時不禮貌對待，我自己一路食一路同自己講應該係自己阻住人地返工啦，再食快啲走到今日2023年5月28日排完隊入座時間為20:30左右，距離佢地last order時間（營業時間係去到22:00）仲有起碼一小時應該無咩事啦，但該餐廳同樣出現一年前既問題，想食乜餐都無，好似凈返啲廚餘要幫佢清哂咁，食我都無乜所謂….算！！作為餐廳服務係最重要一環，但我睇唔出佢地有！我食到一半時聽到有一枱要求要一隻匙羹，但我同另一半同時聽到侍應講「咁撚麻煩架」，其實我坐係你地隔離，唔係戴住口罩代表聽唔到你講乜架，你地呢班人唔配做日式餐廳，日式餐廳

幾年前食過一次，覺得好抵食。當然價錢反映食物質素，呢個價錢可以食到唔差既吉列豬，已經好好，基本上好過好多日式餐廳。叫左一個吉列豬柳拼吉列蝦定食，唔駛10分鐘就到。先講賣相，炸物望落唔油，只係碟邊有啲油蹟，不過$80都唔駛，就一定唔會介意。定食有一碗湯，一個鹽漬前菜，一碗白飯。吉列蝦炸漿略為厚左啲，不過蝦肉爽口彈牙。豬柳好食，麵包糠唔硬，好怕食一啲麵包糠太厚，最後會整損個口。肉質不過不失，起碼冇雪味先。老公叫左個吉列豬扒拼雞扒定食，份量多到一個男人都食唔晒既定食，哈哈，好誇張。如果豬扒同豬柳比較，我會鍾意食豬柳多啲，可能肉質淋啲。下次可以試下滑蛋丼，見到隔離枱食，好似都幾唔錯。

次次經過都排隊，今次都唔例外，但咁岩有2人位，所以唔洗等好耐叫左吉列豬扒餐、吉列雞扒加壽喜燒牛牛餐，飯加湯可以加$5轉烏冬，雞扒炸皮軟晒，普普通通，無咩特別，建議食吉列好食好多…豬扒好好食，皮好脆，椰菜切得有啲碎，略嫌唔夠新鮮，所以唔太好食，湯係肉碎麵豉湯，有啲咸…

臨過年梗係要食啲肥仔嘢，咁啱係荃灣唔知食咩好，就揀咗依間食。平時行過都見到要排隊，今日當然唔例外啦。大約排咗3個字左右就入得佢新年前後有個新menu限定既，不過見有太多炸物就冇要到。揀返係日本會食既滑蛋吉列丼滑蛋吉列三重奏 有炸蝦 豬柳同炸雞炸雞同豬柳就一般既，最夠味既係炸雞😋😋。不過滑蛋方面就好失望，竟然得勁少既蛋🤷🏻‍♂️🤷🏻‍♂️炸物既份量都好足料，有兩隻蝦兩舊豬柳同3-4舊好大舊既雞球整體來講係唔錯，不過可能滑蛋方面要改善吓。而且因為有滑蛋汁會令到炸物冇咁脆，想食脆既朋友就要揀第樣試吓另外 加咗$10飲烏梅汁，諗住飲啲酸野可以解油膩。點知個烏梅汁唔夠酸☹️（平時預飲酸嘢會好酸）

今日到吉豚屋食下午茶，這間分店地方不大，客人亦不多，大約10多個客人，樓面人數有兩人，一個是中年女子，一個男的年青人。我叫了一個吉列豬扒飯和一杯巨蜂玉露飲品，剛好我坐的位置對着出飲品區，很快看見有兩杯飲品，起初不為意，但因為我杯飲品是紫色的🤔，等了一段時間豬扒飯終於到了，我開餐了食到一半覺得奇怪，望着出飲品區，兩位店員不停經過，又是廚房出入口，又剛好廚房的員工沒有戴口罩，他們就在飲品隔離說話，接着我問男店員我有杯飲品還沒到，他反應很快地回答飲品還在製作中，當我的豬扒飯食到差不多三份二，他便把那杯飲品送過來，我表示杯飲品放咗十幾分鐘，我不要了取消😡到我結脹的時候，那女店員還表示不夠人手，唔講猶自可，一講把幾火，兩個人招呼十多人都說不夠人手？今次擺明係樓面問題，我在座期間只聽見中年女子不停點男青年人做嘢，客人叫女店員做事，她又轉吩咐男青年人做…….到頭來是食客受罪🥵