吉豚屋吉列豬扒專門店

营业中

休息中

吃過美味的吉列牛之後，小人一直回味著，念念不忘。是日經過吉豚屋，吉列癮再度發作，決定在此就餐是也。套餐的吉列蝦不算大隻，兼且數量不多，不太夠喉；可幸炸粉未為太厚，不會過份的油淋淋，脆口指數高。蝦肉結實而爽，未去到彈口的程度，尚有幾分蝦味。椰菜絲未到極端鮮爽，而且不夠凍，猶幸沒有水，僅僅合格。湯烏冬的湯有色無味，很淡很淡。兩片薄如蟬翼的魚蛋片形同虛設，可有可無。烏冬則不過爾爾，未會糊成一堆，但亦不特別煙靭，普通湯烏冬一碗。可能之前食的吉列牛太精彩，這餐難免比了下去。

累人的星期一，放工與男友進餐是一種生存動力呀行彌敦道見到哩間要排隊，應該實無死，所以就入左去試下大大隻字話到明日本No.1唔係唔試呀嘛？哩度定價一啲都唔貴，而且上菜好快，不過加一有了，但服務唔錯呀，店員有禮，食得舒服呢度啲食物絕對超值， 鐵板吉列豬扒咖喱定食有湯，有飯，有菜，一黎到就明白點解咁多人嚟食湯係面豉湯，仲要有好多片薄切豬肉。咖喱好惹味，係傳統日式咖喱，唔辣的。滑蛋吉列豬扒飯有分兩種分量，嗌左竹，份量比較大豬扒炸得脆，加埋滑蛋，天作之合！無誇張！不過略嫌個汁可以再多少少加上呢度有得自己另外加豬扒醬，甜甜酸酸，真係食到我停唔到兩人埋單連加一都係＄140，好抵食

今日又黎旺角搵食，行過呢間吉豬想試好耐，而且又唔洗等位，於是同朋友入去試下我地叫左豬扒飯，豬扒炸得好鬆脆，炸醬唔會太厚剛剛好，豬扒都keep住軟，個豬扒汁酸酸地有d似章魚小丸子d醬，酸酸地好好味，豬扒沾依個汁好好味，令炸豬冇咁漏，好正另外仲有滑蛋鰻魚，呢樣真係麻麻地，太淋，個滑蛋好實，好似一隻蒸到熟晒嘅蛋放係上面，完全冇滑嘅口感，可以唔洗試 (咁人地係吉豬做招牌既)呢到定食包湯同飯，個湯係麵豉湯底，有肉，籮白洋蔥等配料，幾好味，如果加5蚊可以轉烏凍，不過就冇左湯同飯我地叫左2個小食，個炸雙丸真係不得了，啫好似係街買果d丸有d炸野係面咁，好普通，可以唔食，而炸雞正正常常咁，但23蚊就真係好抵食

行完街是但搵間野食,估唔到揾到昌正野, 同朋友叫左一個"滑蛋豬扒飯" $55 同"吉列豬扒定食" $45 ,兩個份量都好足少料, 豬扒飯有D 洋蔥同汁,甜甜地好啱怕食飯"乾爭爭"既朋友, 而個豬扒定食就有兩件大豬扒, 之後下面墊住好多菜絲加埋D 汁撈黎食可以減少食左好多肉既油膩,不過D 點豬扒既汁就有D 偏咸, 食完好口乾, 個定食仲會再跟一碗白飯同湯, 個湯好夠味得黎又清清地,very good!!!!!整體黎講夠飽肚又抵食, 一個字, 正!!!

我不知道其它人怎樣，我之所以喜歡去日本，不是因為任何景點和購物，而是一種猶如在動畫或日劇中的夢幻感。所以，每一次我去日本，最喜歡的就是在LAWSON等便利店吃便當，不斷的坐JR，將自己浸沒在日本的人群當中。除此而外，就是吃日本的早餐。雖然香港有二千多間吃日本菜的餐廳，有提供日式早餐的，其實很少，而每次我去日本，都很珍惜吃日本當地早餐的感覺，那口感，那味道，你真的會像日劇中的人一樣大叫：いただきます！，會對食物感恩，所以當我知道吉豚屋有提供朝食早餐時，我差不多每星期都去吃一次。我現在吃的時候，已經是吉豚屋第二代的朝食，生熟蛋、燒三文魚拼沙律、加上日本飯團，完完全全是地道的日本味道，雖然我是在旺角通菜街街店吃的，但感覺卻是在松永町吉豚屋的秋葉原中央改札口店一樣。我最推薦的是他們的飯團，熱熱的飯團給人一個很有推動力的溫暖感，雖然吉豚屋是以吉列豬扒作為主打食材，但很抱歉我最愛還是他們的早餐。超級推薦，特別是給不想再吃港式茶餐廳早餐又不知道吃甚麼好的旺角人。

Open rice Have to say, when it comes to pork, im not the biggest fans. But when the wife say she wants to try it, you don’t have to like it, you just take her where she wants to go. There was a small queue, 15 mins and we are in. So we try the crispy pork which is like there signature dishes. The pork was good but I like the sauce even better all overall it’s not too pricey for that good a dinner.

今日做完野收得工都2點鐘啦, 約左個朋友去旺角行街之前自己都揾D野食醫下肚先,行行下見到依間吉列豬扒專門店,平時夜晚見親都好多人排隊,見佢無咩人就停低睇下啦,點知佢仲要有優惠下午茶餐,Lucky入到去叫左個吉列豬扒定食, 佢仲可以加5蚊轉特飲,正佢個餐有吉列豬扒,飯同埋麵豉湯湯就不過不失啦, 但配料都幾多, 吾似出面哥D只係用麵豉醬開出黎咁,只係得塊紫菜,飯呢就食應該係珍珠米黎,食落口煙煙韌韌,好有咬口最後到吉列豬扒, 新鮮炸出黎, 炸粉吾會太厚,入口鬆軟,,不愧係專做吉列豬扒,有機會一定要再黎試埋佢其他炸物先

之前見食評話呢度嘅豬扒飯都係普普通通，今日午餐唔知食咩好，行經呢一間吉豚屋，就諗住入嚟試吓。但我又覺得幾好味喎。當然就係叫佢最出名嘅滑蛋吉列豬扒飯。豬扒好入味，炸得亦都好香脆。滑蛋都係有調味過，所以送飯一流！我個人認為都幾唔錯，所以下次都會再食。

愛人好鍾意食炸野，只要有炸野食，佢會變得好crazy~ 呢間食過幾次，好多地方都有分店，價錢唔太貴。叫左2個set同加錢要2杯特飲。由於小妹唔愛好米飯，所以叫左烏冬。泡菜湯底套餐唔多，所以叫左雞類炸物。愛人叫左一個套餐有2款炸物，係蝦同豚肉，唔錯～

男朋友話呢間係平價日本料理，而且質素唔差。不過入到去先知原來大部分都係炸物，但我又唔想甘熱氣，所以揀左番茄豬扒烏冬。番茄豬扒同烏冬係分開上，番茄豬扒入面唔係剩係得番茄汁同一兩件番茄，以我估計係有一個半嘅番茄，啲番茄汁唔係用番茄醬剩出黎，係真係用新鮮番茄整出黎同埋塊豬扒都好大件同啲肉嫩嘅。不過個烏冬就有啲遜色，比較"lum",唔夠煙韌。男朋友就嗌左個咖哩豬扒飯，佢話同啲九十幾蚊一個個啲豬扒飯冇分別，cp值高。

係太空館睇完極光......就出了旺角.......突然唔知食乜好.....同友人行下行下.......見到哩間望落乾淨舒適, 緊係入去坐下啦......左想右想.....我最後要了咖哩豬扒飯........貪佢有汁撈飯食日式咖哩汁好啱我哩啲唔係咁食辣既朋友......咖哩汁真的超多. 唔怕唔夠撈.......而豬扒都幾厚身, 仲要唔鞋.......又有點肉汁外面脆卜卜......朋友要了炸蝦豬柳定食.......湯是蔬菜湯....味道不錯, 洋蔥味較突出.....珍珠米......我至愛.....豬柳有點薄身, 冇豬扒咁有口感.....而炸蝦就麻麻地......不彈牙又冇鮮味......食完炸野....緊係要食點椰菜啦......爽脆新鮮......可加$8叫飲品.....前: 巨峰乳酸.....酸酸甜甜....味道不錯後: 椰果荔枝茶.......要了少甜....甜味才剛好.......雖然坐得有點迫.......幸好環境還是舒服的.......

一直都好想食，個人特別鍾意食吉豬排，呢間係日本都食過，係唔錯。下午時段去左食，人唔多，隨便嗌左個套餐，有吉列蝦加豬排，一個湯，同凍飲。食物賣相係滿分。炸蝦，外皮好食同日本差不多。蝦比較長身，但不算厚肉。沙律醬味淡，略為失望，所以自己加了燒汁。燒汁是我喜歡的味道，帶點酸味。炸豬排，皮一樣做得幾好，肉幾厚，但無味同乾身。都係比較失望，唔知係解凍處理得唔好定點。但始終係家吉列豬排專門店，如果主菜唔加醬汁水準唔好時，真是大打折扣。另外湯，蔬菜湯味道好怪，好油，飲左一啖就無了。叫左一杯凍檸檬茶，無得少甜因爲話沖定了。出到來，可能因為一早沖好，預先的冰都溶了，出來前再加冰，所以飲下去沒茶味。埋單六十幾，個人不推薦吃，因為同樣價錢在附近可以找到性價比更高的食物。或者付出多二、三十元去吃更高質的炸豬排。若對價錢沒所謂，又純粹想吃炸物也可以。但食吉列豬排，個人來說不會再光顧。

半個月里面離第二次啦，今次六點半左右到比較易有位，都食炸豬扒蛋飯，豬扒夠厚，珍珠米幾好食，再加埋D芝麻酱7味粉一流，追加左唐揚炸雞，$23蚊得五小舊性價比不及炸虾高，其實仲有海鮮系列都好吸引，碗炸豬扒飯嘎質素完勝吉野家

一直經過依間鋪頭都覺得好大陣油煙味，所以從未試過，但今日經過油麻地，畀佢店外嘅食模吸引咗 PS.依間店係排隊入去無得拎飛首先叫咗個咖哩吉列豬扒飯 同埋一個和風醬吉列豬扒飯嘢食叫咗唔夠五分鐘就嚟到，首先梗係要試下佢哋嘅吉列豬扒，豬扒夠厚亦一點都唔dry，嫩滑又多汁 ，表面鬆粉唔算太厚，外脆內軟到另外一個重點白飯日本珍珠米晶瑩剔透，軟硬適中口感好好， 一粒一粒夠曬分明，仲好圓潤配埋咖哩汁，味道可以，微微辣，唔食得辣嘅我都接受到，平時食得唔多飯既我，就係咁咖哩配飯搞到我食咗好多飯椰果荔枝茶，飯+8蚊，正正常常的味道炸物嘅店唔多唔少都有油煙味，見佢好多抽風系統都已經唔錯， 厠所易乾淨，空間都大。但由於好多人排隊既關係(我都排咗25分鐘)，成個店嘅氣氛會促使你要食得好快咁，雖然張單寫每人限食50分鐘， 我平時食嘢比較慢， 店員不停收走我旁邊嘅無謂嘢，野飲空杯唔收，反而收走我啲紙巾同水， 所以我都盡快食完就走算了。

行過次次都見到呢間日式炸豬店，不過見到好多人排隊又唔想食，難得今日早左收工，行過見到居然唔使等位就有得食，就決定食呢間啦！叫左一個滑蛋豬，成碗滿滿咁上，個蛋唔係100%熟哂，所以食落都幾滑，但又唔會話好生有蛋腥臭個種，個豬排都唔錯，雖然個蛋汁會浸軟左少少個炸皮，不過軟左原來都好好味，加圭個豬排本身又厚又易咬，唔怪得成日都咁多人排隊啦。我果個就係炸豬同泡菜鍋烏冬，入口少少酸辣啦，不過個人就覺得泡菜味可以再濃郁少少，但睇在係成個鍋咁上，食到最後都仲KEEP住熱辣辣，都有加分。個豬排的確外脆內軟，脆到咬落去會聲，呢個豬比頭先果個juicy，好味！