吉列牛忌廉烏冬專門店 (彌敦道) (已結業)

[ 吉列牛忌廉烏冬專門店Kobekyu ]今次嚟到旺角呢間韓國過江龍餐廳食飯，主打吉列牛定食、咖喱忌廉烏冬、Shabu shabu涮涮鍋、釜飯等日韓fusion菜式。✿ 吉列牛定食 $148定食包括前菜、麵豉湯、吉列牛&白飯（連飯素😋）。吉列牛份量正常，上碟時呈半生熟，可因應個人喜好用熱石爐加熱至理想熟度。吉列牛外皮酥脆，內裡粉嫩牛肉有質感，覺得唔夠味可以落醬油或芥末沙律醬調味。✿ 廣島蠔蝦蟹籽釜飯 $128釜飯係日本傳統鍋飯，將白米、高湯&食材放入鍋中慢煮，外貌有啲似香港嘅煲仔飯。廣島蠔&甜蝦份量正常，味道鮮甜唔會腥，蟹籽鋪係釜飯表面增添口感。溫度方面呢個釜飯唔算好熱，飯焦相比煲仔飯少。✿ 熱韓國蜂蜜紅棗茶 $28冬天飲杯熱野夠哂滋潤，補氣養血。總結🫦 餐廳食物價格親民，上菜速度快。每枱客都有order吉列牛，大家都係為佢而嚟😆✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿吉列牛忌廉烏冬專門店 Kobekyu地址：旺角彌敦道726號17樓電話：3705 9965✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

一直聽講旺角有間食吉列牛嘅專門店，好抵食之餘地點仲要好就腳😆 終於襯weekend去咗試🍴 今次叫咗一個吉列牛定食同埋一個廣島蠔蝦籽釜飯，味道有驚喜，價錢亦都非常親民😋吉列牛定食呢個定食除咗有吉列牛之外，亦都有其他配菜包括白飯、沙律🥗、豆腐同埋麵豉湯，非常豐富😇 吉列牛係美國牛里脊肉🥩，一上枱嘅時候已經係三成熟，客人可以根據自己嘅喜好決定生熟程度，放上餐廳供應嘅小爐烤熟佢😆 吉列牛份量唔少，肉質嫩滑，好食之餘亦都好玩🤣廣島蠔蝦籽釜飯見冇乜人叫，初初以為好伏，呢個釜飯有驚喜🌟 廣島蠔大隻有鮮味，同蝦籽、蛋絲撈埋一齊食勁正 😍 而且啲飯好有咬口唔知係咪咁樣所以叫釜飯 (小編的第一次釜飯初體驗)😆 上枱仲會有一個小小嘅蠟燭去確保佢嘅熱到，加分👍🏻牛舌芯薄薄的一片片，撈埋邪惡嘅蒜瓣夾住咁食好幸福😍 鍾意食牛舌嘅人一定唔可以錯過

黎左一間食吉列牛+忌廉烏冬的店，他們的招牌係呢兩樣啦。叫一個set-吉列牛定食+咖喱忌廉烏冬+ 2杯汽水。-吉列牛定食招牌吉列牛一份有9件，每一件都3成熟，可以自己放係爐仔上面烤，烤到你想咩程度嘅熟，再配埋醬料，真係又腍又滑，入口即化。-咖喱忌廉烏冬大大碗嘅烏冬鋪面濃稠的忌廉，用葱花點綴。忌廉嘅奶味和辣辣地嘅咖喱撈埋一齊好夾，食完之後又唔覺得油膩，忌廉又可以中和咖喱的辣度，不喜歡食辣嘅人可以嘗試一下。

早幾日同朋友去旺角食飯 突然醒起好耐之前就話好想食嘅忌廉烏冬😂😂 早排呢個忌廉烏冬真係勁出名💕💕 果然冇失望👍🏻👍🏻咖喱忌廉牛肉烏冬 $88呢個忌廉烏冬好正 一上枱嘅時候見到成個碗上面都係忌廉 😺😺 跟住下面個咖喱撈埋之後好香 因為上面嘅忌廉令到成碗烏冬超級creamy 亦都令成個湯汁更加濃稠 裏面牛肉嘅數量 我覺得亦都算係充足 👍🏻👍🏻另一方面，就係我鍾意佢個咖喱汁味道唔辣 係屬於甜咖喱 🍛 鍾意食甜咖喱嘅人真係萬物錯過💕💕整體推薦指數： 4.5/5👍🏻餐廳資料：吉列牛忌廉烏冬專門店 (彌敦道) (旺角)旺角彌敦道726號17樓

吉列牛 Pigwest IG.🐷📌 #豬西食旺角.呢一日我哋返完學之後又去左旺角🐷 食咗心心念念一直想試嘅餐廳💕💕 仲有佢嘅定食 又拎🤓相當唔錯🤓.🐷吉列牛定食 👅8/10 $148呢個吉列牛定食好正 啲牛肉係有個韓式嘅爐仔比你燒 好的式 幾可愛🐮 啲牛肉都幾嫰滑 吉列牛睇落有少少似吉列豬扒咁😂😂 跟住啲飯素好好味🤓 仲有個味僧湯都ok 另外佢仲有一塊好滑嘅豆腐👍🏻👍🏻 同埋兩粒蕃茄仔 我就一向唔太中意蕃茄仔 所以就比左朋友食啦😺😂😂整體黎講成個定食都唔錯 幾好食 牛肉份量都算多 不過唔知有冇得叫加飯呢🤣🤣呢日我冇食早餐餓到傻左 感覺可以再食多少少🤣🤣 不過好彩有個小食有雞翼🤓👇🏻👇🏻.🐷牛油蜜糖單骨雞翼 👅9/10 $68個牛油蜜糖汁好香 又唔會有油膩感 個雞翼似係炸過 食落都好嫰滑 而且啲雞翼係單骨雞翼 食起上嚟就更加方便.真心唔錯 無論係定食定小食都好好食🤓🤓.味道👅：8/10賣相👀：8.5/10扺食💰：8/10服務🙆🏻‍♀️：8/10

吉列牛忌廉烏冬專門店 (彌敦道)一間好嘅餐廳除左好食之外，地點同環境都一樣非常之重要。位於旺角彌敦道離地鐵站2分鐘路程嘅吉列牛忌廉烏冬專門店絕對係一個唔錯嘅選擇，窗邊嘅卡位可以欣賞下油尖旺景觀。座位可以舒服咁容納6個人，絕對適合一班朋友黎聚會。招牌菜吉列牛定食定食包括左豆腐，車喱茄，白飯同最重要嘅吉列牛。而醬料方面有豉油，Wasabi 同沙律醬。吉列牛每邊各燒2次40秒就可以達到入口即溶、外脆内軟既效果。加埋個芥末真係幾夾。忌廉牛肉烏冬單係睇賣相已經覺得非常吸引。烏冬除左有大量忌廉之外下面仲有咖喱汁，唔算太辣所以唔食得辣嘅朋友絕對唔需要擔心。烏冬同忌廉嘅配合絕對係一種新嘅體驗，烏冬變得好嫩滑，一大淡吞曬落去絕對係令一種滿足。牛油蜜糖單骨鷄翼單骨嘅好處就一定係冇食得咁麻煩，而牛油加蜜糖呢個配合絕對係冇得輸，滴幾滴檸檬汁加小小酸味就更加調味。蜂蜜紅棗茶呢杯養身茶好適合女士選擇，尤其係牛肉個凍冰冰既天氣，要飲杯熱飲暖身😙

前一排去完韓國旅行，翻到香港好掛住韓國料理。今日經朋友介紹下，我嚟咗位於旺角嘅吉列牛忌廉烏冬專門店品嚐日韓美食！餐廳環境光猛，座位舒服～今次坐卡位仲有陽光曬住，好正！吉列牛定食定食有吉列牛、飯、麵豉湯、豆腐同車厘茄。吉列牛表面炸過，食落好香脆～牛肉只有外層熟，中間嘅熟度可以由自己控制。我用烤板烤咗一陣，牛肉肉質柔軟，充滿肉汁！米飯上蓋滿飯素，食落更香口。另外，定食仲提供左兩款醬汁，有燒汁同埋蜜糖芥茉醬～咖喱忌廉烏冬烏冬面頭有好多忌廉，覆蓋住成個烏冬，而下面就係咖喱。啲忌廉同埋咖喱撈埋一齊之後好夾，creamy得黎之外，仲保留到咖喱嘅香味。咖喱入邊有雞肉、西蘭花、菇等等。雞肉好嫩滑而且吸收到咖喱嘅味道。西蘭花爽口令到口感更加豐富。kobekyu牛油蜜糖單骨雞翼餐廳提供單骨雞翼非常貼心，因為好容易進食！雞翼有先炸過，外皮香脆，雞翼肉質嫩滑！蜜糖醬超級多，雞翼都可以沾滿。另外，醬汁仲有蒜蓉作調味，食落更加香口惹味。綠茶latte面頭有層cream🤩，綠茶latte口感濃醇、香氣馥郁。蜂蜜菊花蜜依杯飲品係熱飲，菊花蜜甜甜地，好潤喉。

吉列牛忌廉烏冬專門店係首爾弘大人氣餐廳，黎到香港呢個吉列牛+忌廉烏冬組合的確係幾有特色。除左招牌菜式，餐牌有其他主食，套餐，釜飯，涮涮鍋，小食同飲品。今日例牌叫左一個套餐，包兩款招牌菜同兩支汽水，即係吉列牛定食 + 咖哩忌廉烏冬（小辣）或者香辣忌廉雞肉炒麵+ 2汽水，價錢$256另加一。吉列牛定食餐廳選用美國牛裡脊肉，一客9件，上枱時已經係3成熟，可以自己喺個爐仔上面烤到自己鍾意嘅熟度先食。牛肉明顯見到中間係生肉嘅深紅色，外圍就係粉紅色。我鍾意燒到熟透咁滯，因為口感最腍，並唔會韌或者太乾。然後點上大量蒜味沙律醬，真係又滑又腍。另外都有甜酸燒肉汁同wasabi。伴碟有少量胡麻醬梛菜絲沙律。定食包兩款前菜，分別係胡麻醬車厘茄同胡麻醬豆腐。仲跟一碗撒滿飯素既熱白飯。跟餐仲有味噌湯，有唔少昆布同豆腐粒。咖哩忌廉烏冬大大碗烏冬上面滿佈白色忌廉同少少蔥花。我最鍾意呢度既讚岐烏冬係非常滑溜兼煙韌，真係少係其他地方食到。個忌廉汁同咖哩好夾，食完唔覺油膩，又香又滑，個辣度係最後係喉嚨度出黎，怕辣人士都可以食。平時多數食牛肉，今日食雞肉烏冬先。連皮雞肉有好多舊，配菜除咗洋蔥片，仲有西蘭花同菇片，好豐富，食

叫左套餐「吉列牛定食 ＋咖哩忌廉烏冬（小辣）或 香辣忌廉雞肉炒麵（辣）＋2汽水」$256+1，今次揀左咖哩忌廉烏冬。今次吉列牛賣相麻麻，肉色較暗，唔知係炸得太熟定肉唔夠新鮮～忌廉烏冬係好creamy嘅咖哩烏冬，幾好食！齊體套餐價錢都合理，服務都唔差，見我地未燒完個火就熄左，都會主動幫我地加返火～

叫左個吉利牛定食同一碗烏冬烏冬淡淡地 咖哩湯又無乜咖喱味定食嗰碗麵豉湯可以改名做麵豉水 以為飲緊熱水啲牛縮哂水咁 唔講質素 份量同價錢真係差得遠成間鋪頭好似浸左水咁乜都淡茂茂black listed

 必試招牌吉列牛套餐吉列牛忌廉烏冬專門店 (彌敦道)～～～～～～～～～～～～～～～～ 今次嚟到旺角吉列牛忌廉烏冬專門店試佢哋嘅招牌吉列牛（$148）， 套餐包括一杯飲品，吉列牛，沙律，豆腐以及麵豉湯～～可以自己控制吉列牛嘅熟度， 同朋友一齊享受下燒肉嘅樂趣， 而且唔會好大油煙，吉列牛鬆脆既外皮非常香口，牛肉亦非常美味～～～ 

$88未計加一見幾靚仔好評又多就試吓。用料無特別，真係普通忌廉+少少辣嘅咖喱+3舊雞肉+2-3舊細西蘭花+1片冬菇+數片洋蔥+烏冬⋯完全唔值個價，建議自己整，仲可以自行加多啲料同自備飲品。

本身對呢間嘢都一直好大期望， 上到去見到一個人都冇...已經知中咗伏😂明明喺openrice book咗枱， 都同佢講咗係book咗，佢都唔幫你按返入座！！！搞到我仲要變咗缺席....我覺得佢個吉列牛麻麻地...就係外表輕輕炸左係吉列feel,入面就未熟，比我地自己另外再放上去石鍋上燒😆 我覺得燒五成左右應該就啱啱好， 仲可以保留啲牛肉味， 又唔會太熟... 試過煎八成熟又喪失咗牛的香味， 煎得太生又咬唔開😂😂😂本人最期待就係忌廉烏冬， 不過反而有啲失望， 除咗打卡之外，都唔覺得有咩特色😆 不過味道都可以接受，都幾香嘅清淡咖哩味， 又唔會太濃烈， 溝埋啲忌廉都算幾creamy😂不過是呢間食一次就算啦， 應該唔會encore😆😆😆

🍜人氣打卡過江龍🍜一直以為呢間由韓國人氣打卡食店只係喺銅鑼灣有開 原來佢哋喺旺角都開咗分店 見朋友一直話想食佢地嘅主打忌廉烏冬 咁就一於去食下啦😋-👯‍♀️二人套餐 $256呢個Testing Menu就可以試晒餐廳兩款招牌菜 👉🏻吉列牛定食同埋咖喱忌廉烏冬-🐮吉列牛定食定食好豐富 有兩個前菜配麵豉湯同飯 主角吉列牛本身已經裹上咗薄嘅一層炸衣 可以根據自己想食幾熟去煎 牛肉本身都幾重肉味 油香味配上少少wasabi或者燒汁同白飯好夾😋-🍜咖哩忌廉烏冬果然係招牌一上枱就有一層好厚嘅忌廉 打卡一流 湯底係日式甜咖哩 加埋忌廉就有啲似行奶油路線嘅咖哩濃湯 小小甜唔會好辣好值得試吓😚-🐣kobekyu牛油蜜糖單骨雞翼 $68小食我哋揀咗佢嘅牛油蜜糖雞翼 牛油味幾香 唔會比蜜糖搶咗味 不過雞翼炸衣有啲厚 同埋本身唔係醃得好入味 有啲相對比較平淡😅-🌊Citrus Ocean $38☀️Passion Punch $381️⃣Citrus Ocean基底用咗柚子蜜同氣泡水 仲加咗青檸 好fresh好解膩 2️⃣Passion Punch就用咗熱情果糖漿加氣泡水 兩杯都唔會太甜 可以一試-📍吉列牛忌廉烏冬專門店

臨近 10月31日萬聖節🎃，當然要慶祝。在旺角走了一會，不知道吃什麼之際，最後在openrice的人氣榜上看了一下，發覺吉烈口忌廉烏冬在前列位置，在以前沒吃過忌廉烏冬的情況下就即管抱著好奇寶寶的心態一試究竟。店員一方面很細心地安排座位，一方面告訴要手機點餐，在疫情之際實屬上策。打開餐牌就不用多選了，就從店名「吉列牛」和「忌廉烏冬」中挑選了一個套餐，並點了一個雞翼小食。1）套餐2 吉列牛定食+咖喱忌廉牛肉烏冬$2562）Kobekyu牛油蜜糖單骨雞翼$683）凍韓國柚子蜜$134）凍蜂蜜菊花密$13這裡的餐牌有3人套餐，十分盞鬼，因為感覺很少見。等了一會兒，食物緩緩地送上，先來了忌廉牛肉烏冬，這個烏冬我給十粒星，看下去十分邪惡，但吃下去好好味，烏冬在忌廉的襯託下變得好滑，shu一聲就可以吞哂落去，十足十好像吃緊拉麵，每一條烏冬也沾上咖喱味，唔太辣，但好惹味，唔鐘意食辣的人也可以很喜歡，湯底而且加了洋蔥和牛肉，這個牛肉是厚切的，材料絕不馬虎，吃下去是大大的滿足。然後來了重頭戲，就是那個吉列牛定食，盤面上有很多料理，包括豆腐，車喱茄，豉油，wasabi醬，沙律菜，白飯和美味的吉列牛。筆者建議