合群記 (已結業)

咖哩牛腩飯$46，價錢算親民， 但味道方便咖哩一般，唔辣的，牛腩好瘦好韌，一半似柴咁，一半似橡皮糖，咬唔開+$4冷熱飲，點了杯凍朱古力少冰，嚟到依家好多冰，味道很淡

之前在油麻地、佐敦吃過一次，這天在土瓜灣看到這家仍在，原來改了名字，可能是因為想和大埔那間群記牛腩店分別開吧。這間合群記，內裏都相當大，座位不少，看看餐牌亦都有爽腩、坑腩、崩沙腩可供選擇。米線份量都不小，爽腩份量亦都很多，冇10件都有8件，而且爽腩中間的牛筋相當多，而且筋肉相連，不會乾或鞋，口感相當不錯，夠曬骨膠原而又不顯太硬。米線份量多得來都夠Q彈，爽口彈牙；籮白只有兩小粒好像太少了；加點蔥蒜，加點辣椒油相當可口

屯馬線開通~搵食好興奮~ 多左機會搵食唔同小店牛腩麵茶餐 $40 崩沙腩麵  整體上枱吸引牛腩夠正宗 燉煮夠淋身仲要好重牛味蘿蔔夠清甜，伊麵煮的不錯 湯底湯色深色夠濃味牛腩連筋邊,食起黎帶點爽口感,夠肥夠大件 份量放到滿一滿,抵食大碟又好食合群記土瓜灣土瓜灣道267號地下消費$40

#食在土瓜灣是日放假，落街搵野食～ 唔係太肚餓嘅關係就入面去呢間主打牛湯牛肉粉麵嘅「合群記」到食lunch ~呢間粉麵鋪都食過十幾次架啦，真係好抵食！疫情關係，餐廳都提供優惠比各位街坊，同大家一樣共渡時艱！叫滿$31蚊嘅粉麵餐，就已經送凍/熱飲一杯！其實一睇個餐牌就發現，所以牛湯粉麵餐、三餸清湯麵餐都過$31，即係叫咩都係送野飲，對所有街坊或者打工你黎講，都真係恩物！唔好以為間餐廳咁平就實係劣食喎！錯！呢間餐廳我食過不下二十次，質素依然保持水準！今次我叫左碗牛肚麵+冰檸茶！首先佢地嘅牛肚係用金錢肚（我每次食都係金錢肚）比成六七塊，絕對唔欺客！而且食落係爽口彈牙，唔會韌！另外個牛湯亦都係精粹黎，睇個顏色都知唔會淡味！牛肉湯清澈但係非常濃郁，飲完唔會有口渴嘅感覺！幼麵煮出黎又係爽口彈牙，煮嘅時間岩岩好，唔會淋晒！最後，碗麵仲有跟一小塊蘿白，不過質素就時好時壞，都係睇買得靚唔靚～ 我今日食呢舊就好入味無渣！真係OMG, 一碗金錢牛肚麵加杯凍飲都係收你$31 蚊，仲要係好食架喎，仲可以有咩complaint ？！ 所有難怪一到lunch 時間就咁多人～

中午揾食，前，後街走咗轉，疫情中，最好揾D乾淨企理食店。此店在大街，內裝光猛清潔，座位亦有空間，就入店一試。餐牌內選擇多，價錢亦十分親民。叫了一碗牛雜粗麵，爽腩幼麵，油菜及凍檸茶。麵份量足夠，湯底有味，牛什有咬口，唔錯，爽腩肥瘦交集，唯覺得幼面比較快淋。份量相當足夠。最驚喜係凍飲竟然唔駛加錢，既係食面包凍飲。牛雜面$28, 爽腩面$33 加油菜$16. 一共$77， 每人只係$38.5。真係價廉物美。推介。