合益泰小食

营业中

休息中

Dining time（12:03pm lunch）follow@wojengyea/@wo!正嘢 for more food info🐒 支持我哋發掘更多美食 😋N年前食過佢啲腸粉，念念不忘，今日再去試。中碟腸粉$15 6條，腸粉真係好滑。（重要溫馨提示🥁🥁）如果要走醬早啲講，如果唔係佢會落豉油同埋麻醬。太耐冇嚟，唔記得同佢講，搞到成碟嘢勁多麻醬，要溝多啲甜醬🍭中和返個味。齋食腸粉都比較寡，所以一係配魚蛋🐟或燒賣，燒賣$10 6粒，正常發揮。佢啲炒麵🍝唔似出面嗰啲咁油膩、冇咁深色同冇咁硬身，麵係屬於腍身嗰隻，晤同粥麵店食嘅果款，好處係唔係好油，幾惹味。炒麵$13 加埋韭黃、芽菜🌱落去炒。凍豆漿🥛$6 豆味好淡，只係得個甜味，唔知咩事面頭勁多泡泡🫧🫧🫧🫧。餐廳氛圍餐廳擠迫到一個點，唔好諗住你個袋🧰可以擺喺張凳度，會俾阿姐鬧。見通常都係一支公快快脆脆食完即走，唔好諗住約朋友可以吹水慢慢坐。

N年前已經開始品嚐呢間合益泰腸粉店, 如果自己想食腸粉一定搭地鐵過去深水埗, 呢間腸粉店做得好成功, 雖然地方唔算大, 但係品質有保證, 最鍾意食嘅就係佢嘅腸粉夠幼滑軟硬適中, 佢嘅醬料真係頂絕全港包括甜醬、豉油、芝麻等等... 任你落落夠滿意為止, 事關本人最重口味所以每次都落好多甜醬, 食腸粉之餘一定要加配 一杯幼滑甜美嘅豆漿, 最可惜就係佢而家冇嗰隻12蚊三粒嘅冬菇燒賣大大粒好好食！除此之外佢仲有好好食嘅艇仔粥、 魚蛋、 豬皮同蘿蔔拼盤！各適其適應有盡有, 大家記得去開深水埗買啲廉價用品之餘一定要過嚟食下佢嘅腸粉！

今日呢，心血來潮去咗間大家耳熟能詳嘅合益泰小食食吓嘢。起頭就嚟咗份滑得滯嘅腸粉，每條都咁細膩，入口即化，順滑得嚟還有一點優雅，攞咗混醬點滴上去，一啖咬落去，順滑得嚟又帶咗點鹹香，真係夠晒香口👍🏻。再叫咗個艇仔粥，熱騰騰嘅一碗，啖啖粥都細滑得嚟，粥底夠喉，稀稀哋正適合呢個涼快天氣，啖啖都係真材實料，食落咪覺得心滿意足。整體黎講，合益泰小食嘅小食都做到平民價格之餘，質素又保持得好好，真係適合我哋呢啲嘴饞又想食得健康嘅朋友。下次再黎，可能會試下啲別嘅嘢，睇吓除咗腸粉同粥之外，佢哋仲有啲咩好嘢可以探索。嘩，諗吓下次試啲咩好嘢，都期待到不得了呀😋✨。

🥢腸粉（大）💰$20🍢魚肉燒賣💰$10/6粒🍡魚蛋💰$6/5粒🥛豆漿💰$6.⚡️呢排沉迷於港式小食，除咗燒賣、魚蛋，最想食嘅就係豬腸粉🤣深水埗呢間🥡合益泰小食係老字號，個個嚟到唔係嗌蘿蔔豬皮，就係腸粉，🥢腸粉有分大、中、小，大份嘅有8條腸粉✨食落超滑溜，不過略嫌麻醬唔夠多，如果可以俾客人自己落就更好🥰.⚡️🍢燒賣🍡魚蛋都不過不失，因為係小店+長期坐滿人，樓面只有1至2位靚姐姐，大家食起上嚟會有些少狼狽，介意嘅最好嗌外賣～.⚡️PS.小店只收現金～💵

聽講呢間鋪頭既腸粉係米芝蓮推介所以買黎試下細份腸粉有4條，腸粉口感細膩，而且質地好滑，入口超級順滑，加埋芝麻、麻醬、甜醬同豉油，食落真係幾好味以佢咁高人氣，價格都算實惠如果經過我都會想再黎食下~

約咗人在深水埗食晚餐又未夠鐘就好自然心思思要過一過鴨寮街幫襯一吓合益泰，一份腸粉再加魚蛋同燒賣，加甜醬麻醬同埋芝麻，就係令人回味無窮。最奇就係佢D腸粉都係出面交貨黎嘅，估計黎黎去去都係嗰幾間工場啦，點解呢間野會整得特別好食呢，呢個真係一個謎。不過無論點都好，呢間嘅味道真係無得輸，如果唔係就唔會次次黎親都要排長龍啦。

多年獲得米芝蓮推薦的這家腸粉一直也是我的心頭好！❤️久不久也會特意回來吸啜一口！至今他的定位也是全港九十八區僅有一人的！推薦大家試試，保證一定不會失望——— ✤ 腸粉｜$𝟏𝟎細份腸粉一份已有𝟒條，以豬油放底的腸粉雪白無比，層次分明，口感細膩無比，滑滑溜溜的可以一吸入口，再加上店家超過的焦香芝麻、麻醬、甜醬同豉油一起，把味道單調的腸粉瞬間提升到另一個層次。（𝐏.𝐒.$𝟏𝟎多點一份燒賣也是好讚的!)

喺附近睇完醫生，唔知食咩好，所以來了合益泰。港式食物的單價親民，隨便叫了幾樣來試，絕對不會傷荷包。招牌當然是腸粉，滑！醬汁配羅白必吃，很清甜！魚旦燒賣還有粥都是正常發揮豆漿又抵大杯又好喝！珍珠雞可以不吃😂樓面得一個亞姨，忙嘛，要求食客點餐快非常local、拼桌是肯定的快快吃完就走的style深水埗外面街邊 都是會有老鼠走過的對環境要求太高就不要來了

幾年前食過一次，當時驚為天人，腸粉3大要素有哂，油香、滑溜、醬汁濃厚但今日咁啱經過，星期日下晝2點，要排10分鐘。一攞上手，顏色其實都幾吸引…可惜一食落口…腸粉已經變為普通質素，油香+滑溜通通無哂，得番醬都仲有水準，以後即使經過都無興趣食….可惜！

叫咗$20腸粉，兩個粉果。腸粉根本好一般 周圍都食到 上到台既食物完全唔熱 勉強只可以話暖 腸粉唔滑 無所講既落左豬油既感覺 粉粿更加係溶溶爛爛 未掂已經散曬d餡。 最緊要係入面夥計態度其差。堂食食客眾多，前一秒叫食客入內企係度等 一兩分鐘就有位 食得好快嫁 後一秒就鬧人唔准再入黎 話逼到佢地無位行。新食客唔清楚付款情況 食畢係座位叫埋單比夥計大鬧。呼籲各位愛腸粉之人去食前三思。如果腸粉好食既話，夥計態度唔好都算，可惜事與願違。

呢度好受深水埗街坊歡迎我自己平時經過深水埗地鐵站都會出嚟食個快餐，腸粉先出去講返就最出名，就係腸粉 ～而且配料都係非常之都可以選擇，可以晒大量既芝麻 加重豉油除咗腸粉之外，都有燒賣魚蛋 粉果同埋粥水我自己平時都叫中腸粉加燒賣～再加返杯豆漿但講明先呢度坐嘅地方係非常之窄的係需要同好多唔同嘅人搭枱但係喺度食個超級快餐 10分鐘就可以忍受的基本上都冇乜嘢可以挑剔 價錢就非常之抵會推薦比任何想食腸粉 又好想快食快走嘅人😁💪🏻💪🏻💪🏻

每一次去深水埗都一定會適合益泰嘅腸粉同三寶，腸粉價錢唔貴，但腸粉細嫩柔滑，配埋芝麻醬甜醬同芝麻粒，食完一啖就好想快啲食下一啖，食咗咁多次都唔會厭，自己都係出邊食過唔少腸粉，但係都無合益泰嘅腸粉咁滑咁好食。除咗腸粉之外，我一定會食蘿蔔、豬皮、魚蛋，仲要加辣，蘿蔔甜而冇渣，點辣汁食非常過癮，豬皮更加將啲汁吸晒，咬落去啲汁就會係個口到湧出嚟，魚蛋雖然唔係太過特別，但係加埋啲辣汁食，又係會令到你好想一粒食完再一粒。

招牌豬腸粉店舖客流量超高，人氣超高得嚟價格又非常實惠腸粉超級新鮮，很香的米味腸粉質地幼滑油潤，超級軟身有豉油麻醬甜醬混三種醬汁一齊食超香又甜又辣表面灑上少少芝麻，更加香

經過見到約有15個人排隊。自己也湊熱鬧買杯豆漿$6，消暑解渴，棉滑無渣無甜更好，現場環境擠迫，而且熱氣迫人，大家都好遵守秩序，一個跟一個，裏面座位逼夾，所以大部份人會外賣。

每次經過深水埗北河街，呢間铺都好多人排隊，阿姐常問客腸粉幾多條？看來腸粉唔得特別，醬料又唔覺得特別。但即場食，腸粉夠熱，醬料不薄不杰,香中甜.好味.冇禁多人,才會排隊去買來吃,每次都要4條,小食多滋味.大家去試試,評一評,是否真的好味？