合益泰小食

营业中

休息中

老公成日都話要食腸粉,黎鴨寮街買D電線,甘就陪佢食啦,叫左份大腸粉,一份魚蛋,一份豬肉燒賣,兩杯豆漿,大腸粉好似$12/7條,大概係呢個價啦,呢到D腸粉,比較幼身,老公話幾滑,黎腸粉前會幫你加左麻醬同豉油,其他甜醬就自己加,魚蛋,真係好爛食,煮得耐,又有D腥,豬肉燒賣,一般啦,豆漿唔錯,無渣,因為去到都8點幾,所以無咩人排隊,一D都唔忙,但係D阿姐可以係甘漏單,提左幾次先黎齊

突然掛起合益，就即興lunch走左出去深水埗啦，等左一陣就有位，第一樣當然叫好滑既腸粉啦，一樣係咁滑，厚度剛剛好，唔太薄又唔會過厚，再加上超多既芝麻，甜醬，再加小小芝麻醬，因為本人對芝麻醬麻麻地，完全係更加香口，增加左味道層次感，真的停不了口。再叫左一份合併有魚蛋，蘿白，豬皮，清清地幾好味，魚蛋係咖哩汁，不會太辣，容易入口，蘿白好夠林，內充滿水份，唔會太硬，豬皮好爽口，好夠水份，唔會食到豬腥味 再叫多左一碗脡仔粥，味道就相比下淡啲，不過都好足料，粥夠錦，又平平地又可以食到飽。

深水埗這裡個人口密集的舊區出名多小店,更年來亦開了不少特色餐廳。星期日來到深水埗點可以唔食合益泰?人龍不是很長只有數人在我前面,而且姐姐的速度很快,不消五分鐘就到我了。如果你未食過合益泰,話你知腸粉分小中大三個size, 今次order 中腸$9(6條) 再加燒賣外帶。回家的路程途上,它還是熱哄哄的,終於到家啦,沒有令我失望,腸粉依舊很滑再配上混醬加芝麻更香!燒賣三粒$10, 豬肉香菇燒賣絕無偷工減料!信我,食完合益泰你唔會再想第二間的腸粉同燒賣!

每次與男朋友在深水埗行街，總會喜歡到附近的小食店掃街，但是今次不掃街，到區內出名的腸粉店食腸粉。唔，就是這間合益泰，每次來到都要排隊，今次也不例外。坐下後立即叫了一個，總會右上甜醬芝麻的，可是不會加辣醬，因為小妹吃不到辣，所以腸粉只有甜醬的甜味，和芝麻的香，腸粉亦都好滑，就是這樣的滑腸粉才喜歡。因為人實在太多了，只好食完就走，和男朋友再次行街。

去完西九溜冰好餓又唔想食飯，就走咗去食一間成日見有好多人排隊既腸粉檔到想試下，見冇咩人。諗住叫碟大腸粉點知佢話冇哂😢😢好彩佢話可以整到2碟細，我同第2枱既人好好彩地分到每人一碟😁唔夠飽就叫咗多2碟糯米雞。細腸粉(4條) $7滑到不得了，自己混醬一流，真係超好食，佢啲麻油又好香，食到唔想停口！糯米雞 $5一隻雖然有少少細，不過都足料，有肉有菇，正常味。整體黎講真係覺得佢好抵！2個人食咗27蚊，正！

上文提要, 去深水埗搵食當然要去合益泰食腸粉, 我矇矇吓由細個開始食, 媽咪為咩咁鍾意帶我去食粥同腸粉?!  咪又係街頭一間細鋪成日都要等位!   原來阿媽最好嘢識專登去食滑嘟嘟齋腸~  佢'日後'仲成名米豬連咁巴閉!  嚟合益泰NO. 1 當然是食腸粉, 有時我會加辣魚蛋, 有時會另叫一碟魚蛋蘿蔔, 蘿蔔清甜冇渣好好味, 可惜手機中影影埋咁多相, 又影餐牌又影枱面堆醬, 但寫極又未寫完個存檔亂七八糟的, 本文只找到腸粉張相... 今日無約人飲茶, 一於出發去尋寶食餐好嘅, 我們的慣性是一次去兩間店: 合益泰食腸粉/新香園堅記食蛋牛治無分前後隨興之所至.  今日先去食腸粉, 入到去等了好一會才有位, 一坐低循例叫碟大嘅.細: 4條: 7元中: 6條: 9元大: 8條: 12元腸粉很滑、厚薄適中、入口有彈性、不黏不糊但亦不會削, 12元一份真係算出色之作!    ['周街'都有腸粉賣啦~]   咁出色水準唔易尋到, 大家食過就會自自然番轉頭, 所以呢度本身街坊客已夠多, 仲要加咁多外來客, 假期實爆場, 去到即使見人頭湧湧俾少少耐性等5-10分鐘一定有位因為返枱快.   另一方面就是

去開深水埗鴨寮街，一定必到這裡食番碟腸粉，不論是站著外賣或堂食，都非常滋味。今次由於有點餓，所以堂食吧。叫了一碟中腸粉及細蘿蔔豬皮，呢度啲腸滑滑又彈牙，仲非常香，聽聞其麻醬好似混了豬油所以特別好味。蘿蔔大大舊略甜，不過有啲啲根；豬皮則爽口，不錯。

滑溜溜的腸粉，來到這間小店人人必會叫腸粉佢地腸粉很幼皮很薄，唔似外間的皮很厚要多麻醬，甜醬同芝麻因自己喜好去加!佢地麻醬很香有微微的甜，每次食腸粉都要花好多時間食，因為要張腸粉灘返開，要每一個地方都沾上混醬來食。。。再配上豆漿。。。大滿足

這店的腸粉很有名！慕名而來！的確便宜又熱又滑又好吃，難怪超級多人排隊來吃！店外有一條人龍是等外賣的，亦可以選擇堂食，進店後自己找位置，沒位置就站著等一會，有位便自動入座！堂食的腸粉原本已有豉油及芝麻醬，客人自助任加甜醬及芝麻！原本不喜歡白芝麻也覺得這家的白芝麻很香！另外即使生意好好，D職員姐姐服務一樣禁好！讚

係深水埗吃了很多年，原來不知不覺變左米芝蓮呢度腸粉真的一試難忘 條條腸粉幼幼的，和一般街食的不同，腸粉條條不會痴埋，爽身不糊口，食落好香米味，真材實料，芝麻加麻醬及鼔油混埋，腸粉索曬d汁，勁惹味

🍴🍽🍴米芝蓮推介的平民腸粉店🍽🍴🍽深水埗除了以鴨寮街丶電腦商場丶141聞名國際之外，亦有以「齋腸粉」馳名的「合益泰」！在Openrice深水埗區，長期位列頭三位，一直深受大眾喜愛，店內長期有不少人慕名而來光顧，人山人海，川流不息，更甚至乎有移民外國多年的人，一落機就要到此品嚐一番，藉此一解思鄉之情！該店的「鎮店之寶」一一腸粉，經常令鋪外聚集數十人排隊等候購買，情況可與另一著名滷味小食店「肥姐」媲美！而素來欠缺耐性的我，為了避開人潮，選擇了在晚上八時左右到達目的地，一嚐上次光顧時，吃不到的腸粉；排了五分鐘左右，終於可以吃到了，由於今次只吃腸粉及趕時間，所以決定「立食」，「站立在那污糟邋遢的後巷一面對住啲垃圾屎水一面食！！」自設工房生產的腸粉滑溜帶米香，而當中滑不溜口的秘訣，就是花生醬！它是加入香香的豬油混和其中，令它對比其他店的出品更加囗感香滑，特別好味！如果你想更滑，可以請企檔姐姐落多一點花生醬。而其他食品，上次已經品嚐過，除了豆漿尚算好喝外，我認為並没有任何過人之處，只有價錢便宜，值得一試～～總結一下，在深水埗的食店中，價錢及食物味道確實吸引，只是店內裝修丶衛生方面麻麻，如果大家有機

心血來潮走去看看腸粉人多唔多傍晚時分人潮比下午少很多一進去便有2個位一坐下來便ORDER了中腸粉+魚蛋羅白目標明確！回想起我第一次去一個人點了大腸粉+魚蛋羅白少年真係太天真喇完全浪費食物（食得晒先至好買 食得晒先至好嗌）腸粉味道：混醬才夠好味甜醬麻醬鼓油腸粉皮薄夠滑佢應該係我食過最滑的腸粉魚蛋羅白味道：羅白清甜而冇渣魚蛋大大粒都幾彈牙街坊的老店依舊日日坐無虛席是不無原因的

邊個話平野無好野？今日中午去深水埗，第一樣要做就是拜訪這店，日日大長龍，幸好外賣同樓面分開，而且職員快手，等幾分鐘就得腸粉比一般食的幼，入口好軟熟，米香重，熱辣辣一口接一口。汁醬幼滑，好快與腸粉混合，麻醬味輕不及甜醬，建議要多麻醬或少甜醬。食完已經想encore, 7蚊有4條，9蚊有6條，12蚊有8條，你應該識揀😌😋😋😋

從小就佷喜歡食腸粉，記得當年在家附近有一檔賣腸粉的手推車，每日總要問父親拿錢去幫襯才滿足；記得母親曾說過：找不到你，去車仔檔一定找到。可知我是如何喜歡了。可惜現在的腸粉大部分用機器生產、麻醬又要健康而不用豬油、令味道和從前完全是兩回事，因此現在已沒有幾間能令人還有想吃的衝動了。 這是其中一間例外的，它的腸粉雖然不是即叫即做、但明顯比市面見到的薄身、入口一陣芝麻醬豬油香味、加上甜醬、真是人間美食。燒賣 ～ 味道只是好普通。 豆漿 ～ 也是我必叫的飲品、味道不會太甜、又散發出淡淡的豆漿香。

抵食香滑腸粉！ 門口條人龍已經話到比你知，佢啲腸粉唔係普通腸粉。7 蚊 4 條，比平時啲腸粉幼啲，但好像米香，啲醬聽聞落咗豬油，所以香啲。另外要做串辣魚蛋， 幾蚊 6粒， 堅係魚蛋有魚蛋味，仲好大粒，唔會成口粉，早知要多一串。今時今日，香港已經好難揾到咁平，但有咁有質素嘅街頭小食。 抵佢咁好生意！