合益泰小食

营业中

休息中

慢活完個早餐，到下午就出去買野，經過深水埗就一定想食合益泰，但次次都好多人，排曬隊，入面又坐爆曬，話食話食，食左成年都食唔到皇天不負有心人呀今日經過居然無排隊，仲要有位座，真係開心到飛左入去阿姐仲非常好人，見我拎住好多野就叫我坐2人檯，叫野喇，叫左一碗碎牛粥、一碗及第粥、一碟大腸粉、一碟豬皮蘿蔔+魚強再+2杯凍豆漿腸粉依舊滑到吉唔到好好味、2碗粥超多料、豬皮無毛、蘿蔔夠入味、魚蛋都幾彈牙下既。講地方就坐得無咁舒服架喇，但講美味就真係無得頂，食左咁多野都係$92，真心抵

冷風蕭蕭，走過熙來攘往的街道，遁著一絲的蒸氣來到這在角落的店。店外的人龍一直都在，要吃總得排隊。這𥚃的腸粉只有大中細，以條數相分。走到檔前，要一份細的。女工聞聲，左手伸進旁邊的鐵櫃一把抓起躲藏在內的腸粉，不用數的，右手拿著利剪，先下後上再中間，三聲，腸粉便軟軟的散落在碟上；左手沒有閒著，先把旁邊的櫃蓋上，右手拿起豉油往碟𥚃倒，再放麻醬甜醬芝麻，插上竹籤，一手遞腸粉一手收錢，全程不過十餘秒，清脆利落。眾人接過腸粉即便躲進旁邊的巷子裏，面壁低頭，一條接一條的把腸粉送入口。腸粉每段兩吋長，厚半吋，表層沾上了紅啡黑，內心仍是雪白。直著啜了一條入口，豬油瞬間包裹口腔，膻香明顯，及後麻香鹹甜緊隨；咬下去爽彈軟糯，一不留神便滑進喉嚨𥚃。轉眼間，吃畢，豬膻香夾雜甜醬的味道在口內蕩存，少膩，沒有果腹之感，心靈卻已滿足。走出小巷，店前人龍依然，巷內的人也沒有減少，川流不息。在寒冷的天氣中吃上溫熱的東西總能令人精神為之一振；也許人們來買的不是腸粉，而是心靈上的一點慰藉。

提起好食既"豬腸粉", 一定會諗起合益泰好多年無去lu, 今晚機緣下可以緬懷一下~人氣保持高企, 但價錢都依舊相宜除左有現場即食外, 都可以原條買返屋企自己翻蒸,亦會用個紙杯仔提供埋你需要既醬料負責做腸粉既嬸嬸無停過手,  都已經練成純熟又免燙傷既手腕,見佢唔洗工具下, 帶住手套徒手就響個蒸爐拎腸粉出黎剪剪剪醬料看似好水狀好稀, 但另味道卻意外地濃腸粉感覺無當年咁滑, 但仍舊比其他腸粉鋪出色

這是一家以腸粉出名的小吃店每個時刻都可看到一條排隊的長龍🙃人潮不斷，為什麼這麼受歡迎？🤨無論是價格還是出品質量都是非常吸引人的，腸粉都是自家磨制蒸自而成的，有分小，中，大碟，最低收費是小碟5條腸粉10塊港幣，中碟6條12塊港幣，大碟是8條16塊港幣，每條腸粉都是熱騰騰，口感非常的細膩嫩滑，最後用它們家的甜醬，芝麻醬，辣椒醬，混夾著一起，最後灑上芝麻粒，吃在口中那的那種滿足感，不言而喻🤤除了腸粉還有出售魚蛋，燒賣，豬皮，蘿蔔...還有粥（照片有附菜單）如果覺得吃腸粉不夠過癮，其他小吃也不錯吃題外話：一般早上的時候人流比較少一點，可以外買和鋪內吃的，不過我自己比較喜歡外買來吃，因為店比較小，所以會挨着坐感覺有點壓迫感

呢間腸粉我真係食咗好多年，大概10年前開始認識佢，之後去親深水埗做乜嘢都好都會食幾條。👉🏻佢可以話係全香港最好味嘅腸粉👉🏻唔會霉，又夠滑👉🏻花生醬好味👉🏻芝麻勁香。我通常食親都係落勁多芝麻，食完第一浸再落芝麻。希望呢個咁出色嘅香港民間小食唔好消失，呢個味道亦都要有人承傳落去。

食完公和未夠飽就再食埋尼間。店面座位唔多亦好多人，所以我地係企係門口食。五條腸粉($10)口感比我地平時食開個隻更滑，更腍身。魚蛋辣汁配埋腸粉更惹味。可能太多人幫襯比較忙既關係，腸粉都係剪得比較長，進食時無咁方便。燒賣($12)自家製燒賣有3粒，餡有豬肉同芫茜等等，似牛肉球既燒賣，不過就唔太岩我口味。同埋相比另一間我係元朗食過既自家製燒賣，尼到$4/粒就偏貴。辣魚蛋($6)魚蛋有5粒，唔係陳皮魚蛋，我覺得口感偏實，”友人”就覺得唔錯。牛肉球($12)3粒大大粒既牛肉球，似酒樓點心，口感唔錯，大件夾抵食。(個人口味S: 腸粉>牛肉球>魚蛋>燒賣)(個人口味E: 腸粉>魚蛋>燒賣>牛肉球)

老實講呢間餐廳唔建議食粥品。因為人多，流量快，坐的位置又細，根本好難享受食的樂趣。所以極度建議外賣。的確外賣條隊都係超長。這裡最出名的招牌菜就係腸粉。真係好好食。平民價錢但酒店質感。很多西裝友都前來排隊試食。醬油自由選擇。當然本人極力推薦花生醬。我都好小見人哋走花生醬。這個係佢最值得讚嘅醬。腸粉本身很彈牙，又夠軟身。所以成就佢地獲取米芝連的美譽。我還加了三粒牛肉。因為都唔係太夠飽。牛肉口感都算不錯。不過下次可能要試一試燒賣。因為我見佢哋的燒賣好似幾足料和很受歡迎。不過這裡的姐姐真係太惡了。有些時候無需要說話。但佢哋偏偏好似好大怨氣，全世界都知佢唔高興。人哋點食物又無視人。到佢發現個客時又怪個客坐低都唔點野食。我見佢哋自己伙記都推來推去。但佢哋又唔係懶只係鍾意呻⋯

之前都有聽過呢間 d 腸粉好正，今日咁岩出深水埗，見到好多人排隊，羊群心理試試佢價格都 ok ，$10 就有 5 條腸粉。醬出手唔算多，有甜醬，麻醬，芝麻。阿姐好快，唔洗排好耐就有得食。腸粉好滑溜，口感幾好，唔會糊口。加埋 d 醬，味道的確係出色，值個好評我見都有得堂食坐住食，不過食腸粉咁少野唔洗特登坐，本身都想叫豆漿飲，但係諗諗下都係唔要。腸粉其實同我平日屋企附近粥舖賣既 $6 腸粉差不多。呢度，行開經過買就 ok ，唔會特登黎食，哈哈。食完直接還返個碟，放落去大桶就得。

其實已經食過好幾次 , 質素穩定好食 , 雖然腸粉係名物必點 , 不過我個人覺得蘿蔔仲好過腸粉 , 清甜無渣 . 豬皮都OK既 , 但我比較鐘意食腍D .大蘿蔔豬皮25 , 中腸粉12 , 叫多杯豆漿6 , 食得夠飽加埋都唔洗50 , 對比起茶記餐廳已經算平 , 將來有機會再試下燒賣 牛肉之鱑 , 不過次次去到最後都係叫返蘿蔔豬皮腸粉 唯一係落單就亂d , 你想加單又要叫返當初幫你落單果個阿姐  , 其他阿姐又話怕亂唔肯寫 .

今日落黎深水埗買電腦野 男友又帶我黎食合益泰😍😍😍😍😍今日好多人 入面坐位要等位 我地好彩 啱啱好我地坐到最後兩個位 如果無位建議行個圈先再番黎 因為其實得一條好窄既走廊 啲姐姐又要係甘送食物 所以都幾易倒瀉野 小心啲好😂😂必叫腸粉 大份好似係$18晤食麻醬要早出聲 因為係廚房整埋出黎！但今日姐姐們太忙了 完全take 晤到order腸粉非常滑😍 配合埋醬食我好滿足男友推介食手工燒賣 自家制 啖啖肉仲有芫茜添係少少貴囉😂晤係可以成日食我只食左魚旦 無燒賣甘驚喜 但都合格 彈牙既豆漿麻麻地有渣埋單$70幾 只可以講香港乜都貴

係深水保搵食，絕對唔可以錯過合益泰小食！係深水埗美食之一！平價腸粉好好吃！所以每日一早就超多人大排長龍買腸粉！除左有腸粉食，仲有其他都可以推薦，豬皮蘿蔔超鮮甜，仲有豆菇豬肉燒賣，粉果等。叫左咁多樣野，都只係$81，超抵食！

深水埗传说中的米其莲小吃店。附近虽然人多路窄，也不怕找不到，因为远远便看到人龙在排队。等了半小时，终于有一个在角落的座位。点了他几个招牌菜，肠粉，萝蔔，鱼蛋，炒麵和豆浆。阿姨很快便将菜端上(我要强调，来这种小店，不要要求什么服务，因为阿姨都忙不过来，没可能很细心的招呼你)。当我吃第一口萝蔔，我便明白为什么他是传说中的米其莲小吃店。萝蔔清甜爽口。鱼蛋很弹牙，咖喱汁不会太抢味，混合得非常有条理和层次。但唯一令我失望和诧异的便是他的肠粉。作为第一招牌名菜，一点都不滑，入口時，更有点死死的感觉。应该是今天师傅在磨粉时小做了一个筛选的動作。但这次的失手没有影响到我对这店的好感。不错

呢間真係由細食到大雖然都要排隊，但佢地真係好快手衛生環境算差 都係企係後欄到食，如果撞正落雨就煩，有時多人到連企位都冇其實可以入店食不過要碟腸粉就算啦見前面個個都食燒賣，就要黎試下燒賣足料 唔係粉黎，但比較貴，應該食一次算腸粉當然唔令你失望啦夠滑，加混醬真係好正！ 雖然愈加愈貴，但 米芝蓮級別唔食唔得啦😄

合益泰已經出名到我中學食到大學畢業今日我咁岩去深水埗買完野有d口痕又想食個腸粉.佢呢度既腸粉真係好滑係你面前加醬要加減都得係呢度食齋腸都已經好滿足腸粉好滑好有彈性麻醬好香芝麻好脆一大碟都係10$（以前細個食好似5$)不過咁多年個味道都唔變依然咁好食咁多人排隊買即使去到晚上7/8點都仲有人龍keep住排隊.不過提提大家好多時堂食都係企係門口食因為未必有位所以唔慣既人可能唔太鐘意咁（始終有d熱同埋感覺上果d位置會無咁衛生）

這天要到深水埗買東西，女朋友不舒服想吃清淡點，所以去了合益泰食粥。店舖很小座位很窄，坐下了也沒有人收拾檯面和招待。我們分別點了兩個粥，一個家鄉炒米粉和腸粉。粥份量很大，料都幾足，但粥底普普通通。家鄉炒米粉味道不錯，雖沒有太大特點，但尚算有家鄉的感覺。腸粉份量很多，但並不是很好味，加上本身不是腸粉的愛好者，所以最後沒有吃完剩了很多。整體而言，合益泰無太大特色，勝在份量多，價錢尚可。但環境一般，坐得不舒服，想吃清淡點不妨幫襯，否則深水埗太多美食選擇，無咩事應該不會再幫襯